Ka Nupepa Kuokoa, Volume LXIII, Number 3, 17 January 1924 — UWOKI KA PAANI ANA I KE KALAIAINA! [ARTICLE]

UWOKI KA PAANI ANA I KE KALAIAINA!

Ma ka nana aku i ke kulana o ka papa lunakiai o ke Kulahakauhale a Kalana o ,Honolulu nei. me he mea la, o ke kalaiEĪna ka hikimua o ke kukuluia mai imua o na hoa o kela papa, uole hoi o ka lokahi like ma na hana apau e pono ai ka lehu]ehu, a e holomua ai ke aupuni kulanakauhale. No ka manao maikai nei, he hana kupono loa i ka meia ame fca hoa Demokarata o ka papa lunakiai kahiko, ka waiho ana mai i na hookohu oihana o ka enekinia kalana ame ka lunanana kukulu hale, na ka papa lunakiai hou, e noonoo aku; aole nae pela ka mea i ikeia, ua hanaia kela mau hookohu oihana iloko o na minuke hope loa o ka noho ana o ka pappa lunakiai kahiko. aole no kekahi kumu e ae, aka i hiki ai i na hoa Demokarata o ka papa, a o ka hapanui hoi o na Lunakiai, ke apono aku i kela mau hookohu oihana. Aole anei he paani politika kela? Ina o na hoa Demokarata o ka papa lunakiai hou, ka hapanui, manao anei kakou e hanaia ana na hookohu oihana o ka enekinia kalana ame ka lunanana kukulu hale ma ke ano pupOahulu? Ke manao nei keia pepa, aole « hanaia pela.