Ka Nupepa Kuokoa, Volume LXIII, Number 4, 24 January 1924 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

HOIKE HOOPUNIPUNI I MEA E PAKELE AI.

            Ma@ ka manawa o ke kauia ana wai @ ka hoopa'i paalao maluna o Masaoka Gima. ke Kepani i hopu@ @@ p@ ka hana a kuai waiona @@ kahi makahiki me ka uku pu ka @oopa'i o $500 @ ka Lunaka

 

OPEN A CHARGE ACCOUNT AT The Model Clothi@rs FORT ST

 

ALPINE MILK

ka waiu maemae a momena au i ike ai, i laweia mai imua o ume ka maemae. Malamaia me ka hau ole ahiki i kou makaukau ana e hoohana ia mea.

 

$1.00 Weheia Ka Moohelu Hoahu

Ina aole au moohelu hoahu, he kumupale oiaio anei kekahi e hiki ole ai ia oe ke hele mai i ka la apopo a wehe i moohelu hoahu ma ko makou Banako?

Wehe koke i moohelu hoahu oiai ka wa kupono!

The Bank of Bishop & Co., Ltd

Ka Banako Kamaaina i na Hawaii.

 

E Hookaawale i Kekahi Hapa o Kou Ukuhana

ma o ka hoahu ana maloko o ka Banako i loaa ai ka hauoli i kou ohana.

O ka hoomakaulii, o ia ka mole o ka nohona ulakolako ana.

Ua makaukau mau makou e lawe mai i kau mau hoahu liilii.

CHINESE - AMERICAN BANK

Kihi o na Alanui Moi âme Nuuanu. Pahu Leka 2000

Honolulu, T. H.

Kelepono 6119

 

KA MAKEKE BIPI

METROPOLITAN MEAT CO.

Ka Home o na Io Bipi Momona no ke Kumukuai Haahaa Loa

Na Io Kamano Momona i Loaa Ole Ma Kekahi Mau Makeke e Ae.

Ka Waiubata Maile He 60c Wale no o ka paona.

E Hele Mai e ike ia makou. Mai Hoohilahila

Metropolitan Meat Market

Ma ka aoao Waikiki o ke kihi o na Alanui Bekela ame Moi

 

nawai John De Bolt ma ka Poaono o ka pule aku la i hala, ua hoakaka pu mai ka lunakanawai ma kona manao ua hanai akekahi hana hoopunipuni ma keia hihia e ka wahine Kepani Tobaru, i mea e hoopakeleia ae ai o Gima mai ka hoopa'i ana aku i mea e paa ole ai i ka halepaahao, "Ua pee o Gima mahope o ka palekoki o ka wahine".

            Na ke Kokua Loio Amerika Eaton H. Magoon i waiho ae i ka hoopii e kue ana ia Gima imua o ka aha federala a ma ka Poaono o ka pule aku la i hala ka pau ana o ka hooloheia ana o ia hihia ma ka manawa i kauia mai ai ka hoopa'i maluna o ka mea i hoopiiia ae. No Tobaru hoi, ka wahine i hihia pu ai iloko o keia hihia o Gima he 30 la kona hoopa'i i kauia mai e ka aha. Ma ka manawa e hooloheia ana o kana mau oleloike i pane mai ai ka lunakanwai ua hoike wahahee kela wahine ma o kona olelo an anana ka ipuhao puhi rama ame na galani okolehao i loaa aku ai i na makai ma ka manawa o ka hopuia ana.

            Ma kekahi manawa aku nei i hala ka paa ana ae o Masatoka Gima i ka hopuia e ka Ilamuku Oscar P. Cox maloko o kekahi hale ma ke alanui Magellan. Ua loaa pono aku maloko o ia hale kekahi ipuhao puhi rama, me na pahu rama i hoawaawaia, me kekahi mau galani lemuhao. Ma ka manawa o ka ninaninauia ana o Gima ua hoole ae oia i ka pili o ka hewa iaia no ke kumuhoopii ona i hoopiiia ae ai, a ua kuhikuhi ae ma ke ano hoopunipuni ua kona kaikuahine ia mau waiwai apau, oia o Mrs. Tobaru. Ua hopuia oia a ma kona manawa o ka ninaninauia ana ua ae ae la oia i ka pili o ka hewa iaia no na kumuhoopii ekolu.

            Ma kahi o ka hookuu aku ia Gima ma ka manawa a Mrs. Tobaru i ae ai i kona hewa, ua hookolokolo like ia laua mamuli o ka hookomoia ana ae o ka hoopii no laua e ke Kokua Loio Amerika, Magoon, a ma ka noii ana a ke kiure maluna o na oleloike ua hoahewaia keia mau Kepani e ke kiure, a o keia ae la ko laua mau hoopa'i.

            "He hihia moakaka loa keia oia hoi ma kela papa o na hihia e hoao ai ka poe kue kanawai hookapu waiona e hoopakele ia lakou iho mai ke kauia ana aku o ka hoopa'i a hooili aku i ke ahewa ana maluna o na wahine. Ma keia hihia o Gima ua hoole oia, ma kona manawa i hopuia ai, aole nana ka ipuhao puhi rama ame na waiona ame kekahi mau mea e ae i hopuia, a ua hoike ae oia i ka ilamuku. ka mea nana i hopu iaia, o kona kaikuahine ka ona nona ia mau waiwai apau, a ua noi ae oia e kiiia aku oia. I ka manawa i hoea mai ai o Tobaru, ua ae mai oia nona ia mai waiwai apau i hopuia ai a nona pu ka hale kahi o ia mai mea i loaa aku ai, a ua makaukau oia e ae mai i kona hewa.

            "O na makai na lakou i hopu ame ka loio nana i hookomo mai i ka hoopii e kue ana ia Gima ame Mrs. Tobaru, no lakou na hoomaikai, mamuli o ka lawe ana mai ia Gima imua o keia aha no kona hookolokolia. Ina e hoomauia aku ana ka hopu ame ka hookolokolo ana ma na hihia o keia ano aole o lehulehu loa ana na hihia e onouia mai ai o na wahine ke hookolokoloia a ahewaia, ua lilo na wahine i palekaua no na kane no ka hoopakele ana ia lakou.

            "Ma ko'u manao ua hanaia he hoike wahahee ma keia hihia, aka malia paha he hana paakiki ka hookahua ana e lilo ai i hana kue kanawai."

            O ke Kepani wahine o Kama Oyadomori ka inoa, i hopuia ai ma ka Poalima o ka pule aku la i hala, no ke kue kanawai waiona he $250 kona bela i kauia aku. O David Mahi i hopuia ai no ka loaa ana aku o kekahi waiona malalo o kona malu, ua ae ae oia i kona hewa imua o ka aha hoomalu ma ka Poaono i hala, a he $50 kona hoopa'i i kauia mai me na koina o ka aha. No ka hoea ole ana ae imua o ka aha no ka pane ana ae i ke kumuhoopii e kue ana iaia, no ka loaa ana ae o ka waiona malalo o kona malu ua lilo wale ka Kimotoro Mori $100 bela i ke aupuni, a pela hoi ka K. C. Park $50, ke Korea i hopuia ai no ia hewa like.

 

HE MAU RULA HOU NO NA KULA AUPUNI.

            He hookahi haneri me kanalimakumamakolu, mau rula i hoopukaia ae e ke keena hoonaauao, a i hoounaia aku i na kumukula o na kula aupuni o keia Teritore, no ka hookamaaina pono ana ia lakou me kela mau rula.

            Mailoko mai o kela mau rula he haneri a oi, he kanakolu kumamaha mau rula hou loa, a ma ka oleloia, aole ka he apono o kekahi mau kumukula i keia mau rula, eia nae aole i maopopo ka lakou mau rula i kue ai.

            O kekahi o keia mau rula, e kauoha ana ia i na kumukula apau, e hele mau aku e ike i na kumupoo, mamua ae o ka la e weheia ai ke kula, no na hana i makemakeia mai ai lakou; a e kaa hoi lakou malalo o ka mana o na kumupoo, no ke kaheaia mai no kekahi hana kuikawa, mahope aku o ka la 1 o Sepatemaba.

            Ua makemakeia na kumukula apau e kokua ma ka malama ame ka hoomalu ana i na haumana, mamua ae o ka hoomaka ana o ke kula, ma na manawa hoomaha, a ma ka manawa e pau ai ke kula.

            O kekahi rula i kauia o ka papa, o ia no ka waiho ana aku o na kumukula, i na hana e ae, mawaho o ka hana kumukula; o ko lakou paa ana i na hana elua i ka manawa hookahi, ma ka manao o na poo o ka oihana hoonaauao aole he pololei.

 

WAIHO NA IWI I KA AINA MALIHINI.

            I ka Nupepa Kuokoa, Aloha oe: - E oluolu hoi oe e hookomo aku maloko o kou mau kolamu ohohia nui ia i ka puolo kaumaha e kau ae la maluna, nau ia e hoike ae i ke akea, i ike mai ai na hoaloha ame na ohana lehulehu, o Emily Thomas, ua haalele mai oia i keia ola ana, ma ka aina malihini nei, o ia hoi

 

MISS EMILY THOMAS

 

ke kulanakauhale o Los Angeles, Kaleponi.

            Ua pauaho mai oia i keia ola ana ma ka po o ka la Sabati, Ianuari 6, 1924, mawaena o ka hora ekahi ame elua o ka wanaao, a waiho iho la i kona makuahine ame kona pokii, ma kona ainahanau ma Honolulu.

            No na mahina ewalu ae nei i hala, i waiho ai oia i ka ma'i, a hoihoiia noloko o ka halema'i o ke kalana o Los Angeles nei, ilaila i okiia ai kona opu, ma ia okiia ana, i hoonawaliwali loa ia mai ai kona ola kino. He elua ona mahina i noho ai maloko o ka halema'i, ahiki wale no i ke kikoo ana mai la o na lima o ka make maluna ona.

            Ua noho hoaloha au me ia ma keia aina malihini, a ke noho nei au me ke kaumaha nui nona. E hoopuka pu aku oe i kona  kii me keia wahi moolelo pokole, i ike mai ai kona mau hoaloha ame kona mau ehana.

            Ua lohe au i kona olelo ia'u, o ka inoa o kona mama o Kepola ma ke alanui Kula, a ua kakau no i lela na kona mama, aole nae he pana i loaa mai no kana leka, a hala wale aku la oia.

            Ua hui pu iho la au me ia wahine Hawaii. oia o Mrs. Black, he loaa mau mai kana Nupepa Kuokoa, nolaila e hoouna mai oe i nupepa na'u.

            Ua lawa au maanei, owau iho no me ke kaumaha,

MRS. HANNAH HOLLOWAY,

771 Maple, Los Angeles, Calf.

 

PAA HOU AE KEKAHI POE HAKIHAKI KANAWAI.

            I ka lehulehu o na makaainana e hiamoe lealea ana ma ka po o ka Poalua nei he po hana nui hoi ia no na makaikiu. Ma na hora kuliu o ke aumoe o ia po i hapukuia ae ai i ka halewai kekahi poe haihai kanawai, a e ole ka bela ana hookuuia ae ai.

            Maloko o kekahi hale ma ke alanui Pauahi, kokoke i ke alanui Muliwai, he 15 mau Pake piliwaiwai i paa ae i ka hopuia, a e ole ko lakou bela ana ae he $15 pakahi i hookuuia ae ai lakou.

            Ma kahi kokoke aku i na alanui Kula amo Liliha, a mauka iho o ka hale puhi palaoa Model, he wahine Kepani nona ka inoa o Mrs. Misu Yamamoto ka i paa ae i ka hopuia malaila, a hookomoia ae ho hoopii nona no ka loaa pono ana aku he umi mau galani okolehao maloko o kona hale.

            Ma kahi kokoke mai i na alanui Kukui ame Liliha he wahine Kepani nona ka inoa o Mrs. Kama Kaneshiro ka i paa ae i ka hopuia a hookomoia ae he hoopii nona no ka loaa ana aku he elua galani okolehao malalo o kona malu.

            Ma ia po no he kanaka Hawaii o John Keawe ka inoa, ka i paa ae i ka hopuia a hookomoia ae he hoopii e kue ana iala no ka hewa aihue i kekahi kaa baikikala.

            Ma ke kakahiaka o nehinei i hookomoia ae ai he hoopii no kekahi kanaka Denemaka, he haole i hoopaaia maloko o ka halepaahao ma ka halewai no kekahi manawa ae nei i hala no ka loaa ana o ke dala iaia malalo o na hana epa. Mahope iho o ka hooloheia ana o kona hihia mahope iho o ka hora 10 kakahiaka o nehinei ua hookauia aku oia maluna o ka mokuahi Maui a hoihoiia aku no kona aupuni.

 

NA LEKA I KII OLE IA MAI AHIKI I JAN. 19. 1924.

Aikala, Mr.

Ayala, John

Hopeau, Willie

Kaina, George

@hanu, Mas, Joseph

Kahele, Mrs. Kalaauhina

Kamakahi, Miss Dalsy

Kanakaokai, Miss Hattie

Kanakaokai Mr.

Kanakeawe, Sol.

Kapua, Mas. Moses

Kawaiiaahia, Mas. Ben

Kawelo, Mrs. Goo

Komoha, Sam K.

Samuel, Mr. Kaoao

 

            E ninau mai ma na le@a i hoolahala ke kii mai.

D. H. MacADAM, Lunaleta.

 

HAINA NANE.

            Mr. Solomon Hanohano, Aloha oe: - Ina hoi e loaa ia'u, i wahi keena o kou moku no'u, e hele malihini aku ai i ke keiki kukulu nane aiwaiwa o Kona; nana hoi i hooniniu i ka puniu o na olohe huli nane.

            Nolaila, eia mai ka popoahi Helena, nana e hookapalili aku i ka welelau o ka pali kapu o Keoua. Me he mea e kaa ana i ka ua mea o ka nui o ka hauoli.

            Kukulu iho la ua hookolohe nei, o ka mahele mua o ka nane ana, e i ana, e loaa no au iloko o na meaulu, a ke Akua i hana ai, maluna iho o ka honua. Haina Laau.

            Noloko mai o na meaulu, i hanaia mai ai, i loaa ai na laau e inuia nei, i keia wa.

            Nolaila, kukulu hou iho la ua hookolohe nei, i ka lua o ka mahele, e i ana loaa i ka moku waapa waa, holoholona, manu, holoholona kolo, ame ke kanaka, aole au e haalele ia lakou ahiki i ka hopena.

            Haina. Huhu. Aole keia o ka huhu e piia ka wela o ka ipo manuahi, i ka moku, waapa, me ka waa, aka o ka huhu mu keia iloko o ka laau; a i ka holoholona, manu, holoholona kolo, ame ke kanaka, a ia lakou nei ka huhu pii o ka wela

            Nolaila, aohe lakou e haalele i na mea i heluia ae la maluna, ahiki i ko lakou hopena.

            Ina e hui ana ka mahele mua, ame ka mahele elua, e loaa ana kona inoa piha. Laau Huhu.

            Me oe e Mr. Lunahooponopono ko'u anoai, ame na keiki hoonohohua, ko'u adiue.

G. M. K. KAKELA I KA EHUKAI,

            Nele mai la oe e ke hoa, he hoomaneoneo, haoia mai ke pa'i a mahanahana ma ke kumu pepeiao. Huli hou ia mai. - L. H.

 

HAINA NANE.

            Ka'u haina no ka nane a Kawaikaumaiikamakaokaopua.

            Mahele ekahi, loaa no au i na meaulu apau a ke Akua i hana ai.

            Haina, Aa, o ke aa ka mea e ulu ai na laau ame na meaulu, e kolo ana a e hihi ana maluna o ka honua nei.

            Mahele elua, loaa no au, i na kanaka ame na mokulele, na mokuluu, @@ m@ku@@i na otomobile, ame na waa. Haina. Ki O ke ki keia e hoopaa ai ka holo ame ka lele ana o na mokulele i ka lwea, a e hoonioni ai hoi i na mokuahi, na mokuluu, na otomobile, ma kahi i makemakeia e ka mea nana e hookela ana.

            O ke ki keia e paa ia nei na lahui kanaka o ke ao nei, mai na ili ulaula, ili eleele, ame ili keokeo he hoapili mau no ke kanaka i kona wa e ola ana.

            Ina e hoohui keia mau mahele elua, e loaa no ka inoa pololei o ke kama, Aaki.

            Eia ka mea kupanaha, i ka hoohuiia ana o keia mau mahele, a loaa ka inoa o ua kama nei, e nalowale ana, mai ka ike a ka maka.

            Penei i nalowale ai, he aa keia no ke ki ua hoi no i ka lepo, o kona kino kau e ike, a o ke aa o ke ki ua hunaia e ka lepo aia a kii aku oe e eli i ke kumu e ulu ana me ka lau o ia ka lau i a uhuki mai oe a hemo pu me ke ki, alaila oe ike i ua kama nei a ke keiki o ka pali kapu o Keoua.

            Me ka Lunahooponopono ka welina, o ke aloha, me na keiki limahei o ka papapa'i.

            Kou me ka haahaa.

JOE H. KAUAUKIU,

Maui Jan. 12, 1924.

 

            Aole iloko o ka lepo ka meahuna a ke keiki o Kona e loaa ai, aka aia i na keiki o Alika, ke loaa ole ilaila, alaila aia i ka huluhulu moe kehau o Milolii. - L. H.

 

HAINA NANE.

            Mr. Lunahooponopono: - Eia mai ka'u haina o ka nani hoonanea, a S. K. K.. Ke olelo nei ka nane:

            Lalama i kela kapa lamama i keia kapa, aia i ka pu ka alaala o ka hee, hoole ka pu aohe ilaila ka alaala, aia ka alaala i ka aweawe.

            Eia ka ninau. Heaha ka haina? Eia ka'u haina, he ipu.

            Wehewehe ana. Lalama i kela kapa ame keia kapa, o ia no ke ka e hihi ana mao a maanei.

            Aia i ka pu ka alaala o ka hee, aia i ke kumu ka anoano nialaila mai ke ka e ulu ai. Hoole ka pu aohe ilaila ke alaala, hoole ke kumu aohe ilaila ka hua, aia ka alaala i ka aweawe, aia ka hua i ke ka.

            Eia ka haina he ipu o na ano ipu like ole, Ipu Haole, Ipuala, Ipu pu, Ipu Umeke paha, ame na mea kolo e hihi ana a e hua ana ma ke ka.

            Me ka mahalo nui,

KAUALIKOHINANO,

            Huelo i ka Iuiu.

 

            Loaa pololei mai la ka haina ia oe, a ua kulike hoi me na haina a Hula Blues ame G. M. K. o Kalaupapa, Molokai, aka nae, ua nele oukou i ka makana, no ka mea, ua hala aku o Mr. S. K. Kekoowai, ka mea nana ka nane ma kela ao me ka waiho ole mai i ka makana ma keia keena. Me ka mahalo no a nui ia oukou, no ko oukou huli pauaho ole ana i ka haina o ka nane. - K. H.

 

            LADANA, Jan. 20. - O na koi ukuhana kiekie i manaolanaia ui e na wiiiki o na kaaahi ame na kanaka paoahi ua hoomakala ma ke aumoe o ka po nei.

 

HE HOALOHALOHA NO REV. S. K. KAULILI,

            Ma ke kakahiaka nui o ke Sabati hope o ka makahiki 1923, i pahola ae ai ka lono hoolelehauli apuni ka mokupuni kaili la, o Solomon K. Kaulili, ua haalele mai la i keia ola ana; mahope o ke kaama'i ana no hookahi mahina.

            Ua hoihoiia aku la oia no ka haukapila o Koloa, a ma ka hora ekahi o ka wanaao o ua Sabati, la i pauaho loa mai ai oia i keia ola ana, a haalele mai la i kana mau mea aloha he wahine ame na keiki, e uwe paiauma aku nona ma keia aoao o ka muliwai o ka make.

            Ko ae la ka olelo a ke Akua i palapalaia ma ka Buke Nui; "O na

 

            NU IOKA, Jan. 20. - Ekolu kaukani mau pahu waiona no lakou ka waiwaiio o $200,000, he mokukolo me eono mau kanaka i paa ae i ka hop@ia e na makai maluna o ka waapa mahope o ka hoopukaia ana o kekahi kaua maloko o ke awa. Aohe poe i make a hoehaia.

 

NA MAKE.

            Richard Awana, ma ka halema'i Moiwahine, Jan. 15.

            Walliam Keaweiwi, ma ke alanui Lincoln, Kaimuki, Jan 15.

            S. Laanui Namoku, ma ke alanui Auld, Jan. 16.

            Mary Keamaluna Apuna, ma ke alanui Kanakanui, Jan. 17.

            K. Kaheaiki, ma ke alanui Alani, Jan. 18.

            R. Kuhekila Kahalewai, ma ke alanui Kula, Jan. 19.

            Wilson Ulukou, ma ke alanui Ololi Jack, Jan. 19.

            Kawelo Kauhaahaa, ma ka Robinson Nursery Home, Jan. 20.

            Lucy Mokuilima Aki, ma ke alanui Martin, Jan. 20.

 

F feeds those OIL STARVED FORDS

STANDARD OIL COMPANYS new oil for FORDS

 

"KUMUKUAI LIILII OLUOLU"

            O kekahi mea e hoolilo ana i ke Zerolene F, Helu 3, a i ole Helu 5, malalo iho o ka 20 keneka no ke kuaka, a i ole Helu 7, a i ole Helu 9 malalo iho o ka 25 kehe puka kupono. Pineka, aolo i loaa iaia nepine ka ukali aku o na kumukuai oluolu i panihakahaka no na aila inoino ma kahi o ke Zerolene maikai.

            Ma kekahi mau apana mawaho o Hawaii nei, ua hoopiiia ae ke kumukuai liilii i kekahi manawa a kiekie no ke Zerolene.

100% FORD lubrication

            He mea oiaio ke olelo ae he 50 pakeneka o na Ford e hooholoia nei ua nele i ka aila.

            Aole no ka malama ole o ka averika o na ona Ford i ka aila maloko o ka pahu hooholo kaa ma ke ana iliwai. He malama no oia. Aka o ka pahu hooholo kaa i piha i ka aila aole ia he mea kokua mai ke ole e holo kela aila i na meahana - o ka oi loa aku ma na wahi moeke'a hoopaheeia o ka Ford: ka nieapaahana wrist - pin ame ka hapa maluna o na paia o ke ku'e.

            O ke ano o ka hoohana ana i ka Ford, he ano maikai loa, aka o kona holomua nae ua kauka'i aku maluna o ka hoohana ana o kekahi aila e kaulike ai ka holo ana ma na meapaahana.

            Ua hoao mau ko makou mau hale imi i ka hooma @@ ana i ka Ford no na makahiki. Ua hookomo lakou i na hopena o ka lakou mau hana hoao iloko o ke Zerolene "F" no na Ford - he aila ano hou e hoike ana i ke anuu neemua ma ka hoomau ana i ka Ford.

            Ke waiho aku nei makou i na koi kuikawa mahope ae nei no ke Zerolene "F" no na Ford - na koi i hoao pinepine ia maloko o ka halehana a maluna o ke alanui, e hiki loa ai ia oe ke hoikeike nou iho:

            He hoea ke Zerolene "F" no na Ford ma na meapaahana, me ka hoomau pono ana, ka mea i hiki ole i na aila e ae no ka mea aole i kupono i ke kulana kaokoa i hanai no ke kaa Ford.

            He uuku loa ka pa'u a ke Zerolene "F" no na Ford e hoahu ai, no ia kumu e hiki ana i kou Ford ke holo me ka mamao loa, mamua o ka holoi ana i ka pa'u a nana paha i ka pilikia.

            O ke Zerolene "F" no na Ford, mamuli o ke kiekie o ka hoomau ana ana i haawi mai ai, pela i hiki ai i kou Ford ke loaa na mile gasoline oi ae, mamua o ka mea i loaa mua ia oe.

            No ka maikai o ka hoomau ana e hoemi mai ana ke Zerolene "F" no na Ford i ka anai ame ka poino, hoemi mai i ka lilo o ka malama ana a hooloihi i ka maikai o kou Ford.

            O ke Zerolene "F" he aila aliali, lelo o kona ano maikai maoli. Eia nae aole i oi aku kona kumukuai ma na wahi hoopiha aila, na halekaa ame na wahi kuai aila e ae, aka ua emi iho mamua o kekahi mau aila kuikawa e ae no na Ford i waihoia aku imua o ka lehulehu.

            O ka Ford i hana kupono ia, he hoopukapuka halihali A-1 ia. Hoopakele i KAU hoopukapuka me ka aila hoomau kupono.

 

STANDARD OIL COMPANY,

(California.)

Ask for ZEROLENE "F" for Fords

 

kino ola apau, ua like me ka mauu, a o kona nani, me ka pua o ke kula; e maloo ana ka mauu, a e mae ana ka pua." Isaia 40:6-8

            Ua maloo, ua helelei, a ua nalo loa aku la o Solomon K. Kaulili no ka wa mau loa. Ua kii mai la kona Haku, ka mea ana i haawi aku ai i kona ola, kona ikaika, ame kona mau mea apau, a lawe aku la iaia no kahi ana i hoomakaukau ai no ka poe apau i manaoio aku i ka Haku Iesu Kristo.

            Ua noho Kahu o S. K. Kaulili no ka ekalesia, ua hoi aku oia no Koloa, a malaila oia i noho ai ma ke ano komite haiolelo no ka ekalesia makua o Koloa ame Waimea, i ka wa kahu ole o ia ekalesia, pela oia i noho hoomanawanui ai no kekahi mau manawa loihi, ahiki i ka makahiki 1922, ma ka mahina o Novemaba, i hoonohoia ai oia i kahu no ka ekalesia makua o Koloa, me ia ekalesia oia i pili ai ahiki i kona pauaho ana mai la i ka hana a kona Haku aloha.

            He makua oia i aloha nui ia, he oluolu ma na mea apau, he ikaika ma na hana apau a kona Haku, a he hoakuka maikai ma ka hooponopono ana i na mea apau e pono a e holomua ai ke aupuni a kona Haku aloha ma ka honua nei.

            He lala maikai no ka Ahahui Euanelio o ka Mokupuni o Kauai, ame ka Ahahui Euanelio o ko Hawaii Paeaina.

            Nolaila ia oo e ka makuahine i hooneleia i kau mea aloha he kane, ame na keiki i hooneleia i ka oukou mea aloha he makua, ke komo pu aku nei ka Ahahui Euanelio o ka Mokupuni, ma kona mau komite la, e auamo pu i na ehaeha ame na luuluu i kau iho maluua o oukou, ame ka ohana apau.

            No ka Makua Lani e hoomaha mai i na luuluu ame na kaumaha, a na Kona aloha i kaupalena ole ia, e hoomalu ia kakou apau.

            O makou iho no na komite.

REV. R. W. BALYESS,

REV. C. K. HOLOKAHIKI

J. M. KANEAKUA,

 

AIIKAU

MAE MEA I

MAKEMAKE AI

 

Pono i ka Opu Maikai o 100 Pakeneka ke Hoowali i Kekahi Mea Kupono

            O ka mea hailiili a ka poe Amerika o ka la Wali Ole o ka Ai. Hikiwawe loa ko kakou ola ana. ai awiwi, uuku ka hoomaha a noonoo nui loa no ke Dala Nui. Aole hiki ia oe ke lawe pu i ke dala i ka wa e make ai. He oi aku ka pono maanei no oe e hauoli ai i keia ola ana, malalo nei. Aole oe i ike i ka mea e hoea mai ana mahope o kou make ana. Aohe pilikia o ka ai. aka nui nae na kanaka e make nei i ka pololi o ka ai. Ua ike oe ia lakou. O kela poe nawaliwali, wiwi e maule ai ke ike aku i ka i'o pipi palai momona. Aohe pilikia o ka waiu, aia iloko olaila na mea apau e pono ai ke kino, aka aole nae i lilo ka waiu he ai kupono no ka poe oo elike me ia a kekahi poe lehulehu e hoike mai ai ia oe. Aia ahiki pono ia oe ke ai, a o hiki i ka opu ke hoowali i kekahi mea kupono au e hookomo ai iloko olaila. O kona kumu ia i waihoia ai malaila. O ka mea e hana ai o ia ka hiki i ka opu ke hana he 100 pakeneka o ke kupono a e loaa ka olioli. E loaa no i ka B. B. C., ka laau hou he kokua nui ma ka hoopau ana aku i kela puha ame ke opihapiha iloko o ka opu. ka eha mahope o ka ai ana, ka opu mulea, ka ono ole o ka ai, ame ke kapalili o ka puuwai. Pela pu me kela nalulu ka mauleule, ka haalulu ame ka hu'i ma ke kua mamuli o ka maikai ole o ke akepaa ame ka puupaa. O ka B. B. C., ka mea nana e hoomaemae i ka Hao iloko olaila hoomaikai i ke Koko a kokua aku ma ka hookomo ana i ka ikaika ame ka hookoe ana i ka mana iloko o ke kino. Ma na Halekuai Laau a ma na Halekuai o na Mahiko. Kumukuai $1.00. Wai a huaale. Benson, Smith & Co., Honolulu.