Ka Nupepa Kuokoa, Volume LXIII, Number 6, 7 February 1924 — VITO KA MUIA I KEKAHI MAU ITAMU. [ARTICLE]

VITO KA MUIA I KEKAHI MAU ITAMU.

Ma ka noho ana ae o k® Lalawai a ka papa o na lunakiai, ma ka auwina la o ka Poaha aku nei i liala, i lioouna mai ai ka Meia Wiiaon, i kana palapala, e apono ana i ka hapanui o na itamu maloko o ka bila haawina no na ukuhana o na limahana o k« kulanakauhala, pela hoi kona hoakaka ana mai, no kona vito ana i kekahi mau itamu, malalo o na kumu ana i ike ai, i ke kupono ole e aeia aku na itamu i hookomo* ia m&loko o ka bila haawina. O na itamu a ka meia i hoole mai ai, i kona apono ana, o ia no ka itamu o hoomahualiua ae ana, 1 ka haawina no ka oihana kinaiahi, ame kekahi mau itamu liilii e pili ana i na haawina dala, no ka hale auau 0 ka lehulehu mawaho ae nei o Waikiki. No na mea e piii ana i ka haawina o ka oihana kinaiahi, ma ka manao nui maoli'o ka Lunakiai Hollinger, o ka hoomahuahua ana ae i ka haawina o kela keena, o ia no ka hoohana ana i elua puulu o na kanaka kinaiahi, i hiki ai i kekahi puulu o hoi e hoomaha, a e ku hoi kekahi puulu, no ka makaala «na 1 na kahea pauahi. X7a ku-e na hoa Demokarata o ka papa i kela itamu hoomahuahua i ka haawina o ka oihana kinaiahi mai kinohi loa mai o ka halawai ana o ka papa lunakiai hou, aka nae aole i maliuia aku ia ku-e ana mai, ahiki i ka hookomo okoa ia ana o kela itamu iloko o ka bila haawina. Ma lea palapala a ka meia i hoouna mai ai i ka papa, e hoakaka ana | ia, no kona apono ole, e hoohanaia i elua puulu o na kanaka kinaiahi, no ko kumu, aole he nui o na pauahi, j i ikeia ma keia kulanakauhale, a ! o ka ae ana aku e hoohanaia na puulu o kela ano, ua like no ia me ka hoomaunauna wale ana i na dala o ka lehulehu, oini noe, he nui na han3 o ae, e hooliloia aku ai na dala ma ke ano e pomaikai ai ka lehulehu. Ua hoakaka pu mai i kona kaumaha loa, no ke komo ole ana iloko o ka bila liaawina, na ukuhana no ka enekinia kalana amo ka lunanana kukulu hale, no ka mea wahi ana, ina nei no ke apono mai o ka aha hookolokolo, i ka mana o ka hookohu i hanaia no kela mau kanaka, alaila e loaa koke ana no ko laua ukuhana, mamua o ke kakali ana, a he wa okoa aku, e hooholoia ai ko laua mau ukuhana, ma kekahi olelo hooholo kaokoa. No na itamu hoi no ka hale auau o Waikiki ua hoakaka pu ae ka meia, nō ka lawa 010 o ka huina dala maloko o kekahi itamu, a aole hoi he waiwai ma kekahi itamu, oiai ua kaa aku na mea e pono ai kela itamu malalo o kekahi haawina okoa. Ua waihoia ka itamu, e pili ana i ka hoomahuahua hou ana ee i ka liaawina o ka oihana kinaiahi, ma ka papa, a ua waihoia aku hoi na itamu pili i ka hale auau iloko o ka linia, o ke komite waiwai.