Ka Nupepa Kuokoa, Volume LXIII, Number 6, 7 February 1924 — Nuhou Kuloko [ARTICLE]

Nuhou Kuloko

I Molokai aku nei o Mr. John Pau, kekahi o na luna hana o na poola nu ka uwapo. no ka makaikai ana i na aina hoopulapula, a ua huli hoi mai nei oia me na manao hauoli, no ka hoi ana aku i Molokoi, ke ae ia n;ai kana palapala noi, no kona lawe i mau eka aina kanu halakahiki nona, a ua paa kona manao, e lawe pn aku 1 kekahi mau keiki poola me i&. ManuiH o ka paa loa o na keiki hoonoho hua o keia halepa'i i ka hana, i ulolohi ai ka alemanaka makana a ke Kuokoa., 1 kona poe heluhelu no keia makahiki, ua makaukau na« i keia manawa, a ke paneeia aku nei, i malamalama no ko na kuaalna poe. No ke komo pu ana iloko o na hana hoomanao no ka hoolewa o ka Peresidena Wilson i pauaho mai i keia ola ana, i paniia ae ai na keena. oihana anpuni apau, pela Imi me na hale oihana, ma ka auwina la o nehinei. Ma na mea i hoikeia mai i keia keena, ua nui na ike i loaa aku i ka Makaikiu Harrig, e pili ana i ka pepehiia ana o ( E. E. Conant o Molokai, a e waihoia aku ana kela mau ike apau imua o ke kiure kiekie o Maui. Maiwaena ae o na elele Eepuhalika, e hoounaia aku ana e na Eepuhalika o Hawaii nei, i ka ahaelele lahui, e noho mai ana ma Cleveland, Ohio, no ka 'wae ana ae i moho Peresidena ma keia kau, ua manaoia o Mrs. Elizabeth K. WoodB, a i kamaaina hoi ke Kamaliiwahine Kalanianaolo, kekahi e kohoia aku ana. No ka lawe ana ae i kona kulana oihana hou, ke ano he lunakana\vai federala, ma ka ha 16 o keia mahina, e lawe ae ai o W. T. Eawlins i kana hoohiki, alaila hooko I aku i na hana apau i pili i kona | kulana lunakanawai federala. | Mamuli oke oehuehu oka Madame Pele iloko o keia mau la, ke lioolala mai nei ka hui mokuahi holo pili aina, no kekahi huakai makaikai kuikawa, a ka mokuahi Haleakala e haalele iho ai la Honolulu nei, ma ka hora elima o ke ahiahi o keia Poalima, a ku hou mai ma Ve awakea o keia Sa.bati ae. Maloko o ka Luakini o Kawaiahao, ma ke sabati, ka la 17 o keia mahina, e malama ae ana na ahahui Hawaii, he %naina hoomanao no ka Moi Kalakaua ame kona ohana, malalo o na hooponopono ana a ka Ahahui Hale o na Alii o Hawaii i noho poo ia e ke Kamaliiwahine Kawananakoa. Mahope iho o ka noho hana ana me ka hui mokuahi holo pili aina no na makahiki he iwakalua-kuma-malima ae nei i hala., mai ke kulana kupakako mai noluna o na mokuahi, ahiki i ka lilo ana i poo kupakako nui no ka hui, i waiho aku o J. Friel ka noho hana ana malalo o kelahui mokuahi, a e lawelawe aku ana oia i kekahi oihana okoa. Ma ka la .15 o keia mahina, e kaawale mai ai oia mai ka hui mokuahi holo pili aina mai.