Ka Nupepa Kuokoa, Volume LXIII, Number 7, 14 February 1924 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

50 MAKOU KUPUNAKANE ALOHA. KIONA KAMANAO, UA HALA.

 

            Mr. Solomon Hanohano, Luuahoo@ o ka Nupepa Kuokoa, @ oe a nui:  E oluolu mai oe kauwahi kaawale o ka kaua hiwa@ @ kela poomanao e kau ae @ i ike mai ai na kini le@ na makamaka, na hoalona a me ka nui ohana e noho mai la @ Hawaii moku nui o Keaew, a @ loa aku i ka welona a ka la Lehua.

            Ma ke kakahiaka Sabati, Nov. 4 ma Waikiki nei, hora 10 a. m., @ o maua kana mau luhi i pau@ mai ai oia i keia ola ana o ke @ puahuahu ka maua i noke iho @ i ka hamo, a noke iho la no hoi ka uwe e kahea ana e kuku e, aka, ua pau, ua hala, hu mai la ke aloha ke kupuna, hoomanao nai la no hoi i kahi ana e moe mai ai i kona manawa e waiho ana i ka mai a @ kahi no hoi ana e holoholo ai i kona wa e ikaika ana.

            Hoomanawanui iho la e kakau wahi palapala a kauoha aku la i kau kaikamahine e lawe koke oe keia palapala ia papa, o ia noi o hai aku ana au o kuku ua haalele mai ia makou.

            I kona puka ana aku e hele, e hoi mai ana no ka makuakane, a i ka ike ana mai i ka uwe o ke kaikamahine haupu koke no oia haule kuku.

            Komo no hoi kela e waiho ana @ kino puanuanu o ko makou kupunakane hookahi hana iho la o ia manawa he kumakena ia mao ana ae o na manao kaumaha kuka iho la maua i ka maua hana pono e hana ai, hooholo iho la maua e kelepona koke i na ohana kakaikahi e noho mai nei i ka hui,au o ke kaona a e kahea pu ia Mr. Borthwick no ke kii ana mai i ke kino o ko makou kuku a lawe aku no ka hoomaemae ana mai a ua kii mai la lakou a lawe aku i kona kino.

            Ua hanauia ko makou keke ma Molokai, i ka la 17 o Mei, 1851, mai ka puhaka mai o Kamanao (k) ame Moo (w), nolaila ua piha iaia na makahiki he 72 na mahina 5 ame na la keu he 18.

            Ua haalele iho oia ia makou na moopuna kuakahi, moopuna kualua kana keiki e noho mai la ma Halawa, Molokai, J. Kamanao, oia hoi kou makua kane ame ka nui ohana e u aku nona.

            Ua loihi no na mahina o kona auwe ana i na ehaeha o keia ola honoua ana, a haalele waie mai la no oia ia makou.

            Ma ka la 30 o ka mahina o Au@ i kakau leta mai ai oia iau e holo aku i Molokai no ka ike ana iaia, no ka mea e waiho ana oia i ka mai ia manawa he pehu, nolaila ma ka la 7 o ia mahina no i holo aku ai au no ka ike ana iaia.  I kou hiki ana aku e waiho io ana no oia i ka mai, nolaila ua noho au ilaila no elua pule, ua @ aku no hoi au iaia pehea kou manao e holo paha kaua i Honolulu a hui hou aku ke ola, ae no hoi kela.

            I ka la 23 o ia mahina no i hoi mai ai maua i Honolulu nei.  Ia la no i ko makou hiki ana mai i ka hale nei i kahea aku ai au i kekahi o na lunakahiko o ka Ekalesia o Iesu Kristo o ka poe Hoano o na La Hope nei, oia o Bro. J. W. Iona.

            I kona hoea ana mai hooponopono ia no hoi na wahi hemahema liilii, ua loaa iki no hoi ka maha, pau kaua hooponopono ana, ua kahea@ ke kauka Dr. Homer Hayes no ka mea, oia hoi ka rula, aia me na kauka.

            I kona hele ana mai a nana, eia kana pane Heart Trouble.  Haawi na laau hooikaika puuwai, na huaale na aila inu a pela wale iho la @ makou i hana ai a haalele mai a oia ia makou na moopuna.

            Auwe no hoi oe e kuku e, auwe kou aloha ia oe a, pehea hoi oe i haalele mai la iau, e kumakena hoohaki aku ai, aole ka nui ohana i lehulehu hoi i na hoaloha.

            Aloha wale ko pane mai iau e Kamehoinea e, e hele aku hoi oe i ka makeke e kuai i wahi ake pipi nau, o kau mea ono loa ia, ua pau kou lohe hou ana i kou leo aloha wale ko pane mai i ko moopunakane, e Keoni e o oe mai la ia a pau ka hana, ea e hele aku hoi oe e hoomakaukau i ai na ke kamaka hana.

            Eia au e Akeahi la ua eha i ka eha lima ole a ke aloha nou au e @ helu ae nei no kou ike ole ana i ka hanu hope loa o ko kaua kuku a pela no hoi ia oe e kuku Kalua@ nou kekahi kulu waimaka ou. @ no ko pane mai ia kuku, nani ia ke malama la no na moopuna ia @ mai hoi aku oe i ka haukapila.

            E kuku Huluolii e, aole oe e ike hou ana ia kuku Kiona, alona no na kupa o ka aina, ua hala akula oia a koe hookahi iho la oe.

            E ka uka iu o Wawaeolepe e, kahi a maua i noho kokoolua ai me kuu kuku i kou wahi wa uuke, i laukamaka hoi i ka nui o na manu, @ aku ia uka he mahiai ka hana.  @ oukou e ike hou ana i kona helehelena pela no hoi me na pali o na Koolau, aloha ia mau kaha i @ ai a kamaaina, ua nalo no ka wa mau loa.

            E Halawa aina kaulana i na palo e kahi hoi o ka nui ohana e noho mai la aloha kakou a nui loa.  E Moaula i ka wailelehuna i na pali e ua pau ka lehei kawa hou ana o kuku ma kou kiowai.

            E ka ulu kukui o Lanikaula e, ua pau ka maalo hou ana o kuku ma kou mau olae.  E Pohakupili e. kahi a kuku i noho ai mai kona mau la opio mai, he lawaia kaili ka hana, eia la ia pulakaumaka a oukou ua hala aku la pehea hoio oukou i hoohomahema ai!  E Hoonouli Maloo e, kahi au e noho iho ai a manao ae e hele aku ilaila, e noho mai ana ke kupunakane, alona no, ua pau ka lohe hou ana i kona leo i ke kahea mai mai e ai e!

            E Pukaiki e, eia aku nei paha o kuku ilaila, i ka lawaia opae, a i ole, ua kipa ae nei paha oe i Honouliwai e ike ai ia mau keiki au ia Aunty Keohana ame Uncle Hoopu.

            E Hakoa e, kahi a kuku e mahiai loi ai, aole e holoholo hou ana oia ma kou mau pae loi.

            Aloha na ale hanupanupa o Kaiiwi ame Pailolo, ia mau ale a maua i aloalo mai ai, no ka huli ana i ke ola, eia ka e waiho ana na iwi i ka aina malihini.

            E Waikiki i ke ala lipoa e, ka home hoi nana i pulama aku i ko makou kupunakane a haalele mai la oia ia makou, hou kou aloha pau ole.

            Ma ke kakahiaka Poakahi, Nov. 5, hora 8 a.m., i weheia mai ai kona kino no ko makou ike hope ana aku i kona helehlena; ua malamaia he anaina haipula malaila i alakaiia e Elder Clissold ame Elder Hubbert me kekahi mau olelo hoolana.

            O keia mau inoa malalo iho nei ka nui o ka poe i komo pu mai e kumakena me makou ma ka hale kupapau o Borthwick:

            Mrs. Y. Alama Sr., Mrs. Y. Alama Jr., Mrs. Bernice Kauahi me na keki, Mr. ame Mrs. Chas. K. Kealoha, Mrs. Rebecca Bridges, Mrs. Hannah Jackson,  Mrs. Julia Dedrick, Mrs. Mary Pa, Mrs. Mabel Kauila, Mrs. Lucy Spencer, Mrs. Lei Leleiwi, Miss Pakele Kaalouahi, Miss Wahilani Kaalouwahi, Miss Ella Mikasobe, Elder Clissold ame Elder Hubbert.

            Ke pahola aku nei makou i ka makou hoomaikai palena ole i na ohana kakaikahi na hoaloha ame ka poe apau i haawi makana mai i na boke pua, no ka hoohiwahiwa ana i ke kino wailua o ko makou kupunakane hele loa, ame ka poe i komo mai e kumakena mo makou ahiki i kona laweia ana aku no kona home kaupaku ole.

            Pela no hoi ia olua e ka maua mau aikane Mr. ame Mrs. W. Ederich Mama Pono, na ohana keiki a kakou, no oukou ko maua aloha pumehana i ko oukou hoi ana mai a noho pu me makou i na la o ko makou luuluu.

            Ma ka hora 3 o ia auwina la i kai aku ai makou no Ocean View a malaila na hoomaikai hope ana a uhi iho la ka lep no ka wa mau loa, e kali ana no ke kani ana mai ana mai o ka pu a ka anela.

            Kehaawi pu aku nei makou i ka makou hoomaikai i ka Lunahooponopono ame na keiki oniu hua metala o ka pu a ka anela.

            O makou iho no na moopuna i hooneleia i ke kupuna:

JOHN N. MIKASOBE, SR.,

MRS. L. K. MIKASOBE,

MISS M. K. MIKASOBE,

MAS. T. L. MIKASOBE.

MAS. J. NAKOOKOO, JR.

            23565 Hamohamo Rd.

 

MOOLELO HALAWAI HANA O KA AHAHUI KULA SABATI MOKUPUNI O KAUAI, KAU O OKATOBA, 20-22, 1923.

 

La Hana 1 Oct. 20, 1923.

            Hora 1:30 p.m., noho ma ka luakini o Waioli, Hanalei, Lunahoomalu Mrs. Lovell a me ke kakauolelo ma ka noho, himeni 111 o ka H. A. N., ame ka pule a Rev. Kaauwai.

            Homaopopoia na lala o ka Aha, J. K. Lota, hope peresidena nui; S. W. Meheula, K. K. S. N., o Kauai, Hikina: Mrs. L. Wright me Mrs. Blake, na K. K. S. N., o Kauai Komohana.

            Na Kahu Kula Sabati me na Elele, Hanalei-- Mrs. Sarah Aalona me W. K. Samuela; Koolau--James Werner me John Hano; Kapaa--Samuel Keliinai me Henry K. Kamanuwai; Lihue--Mrs. Kaiawe, elele; Koloa--Mrs. Blake me Mrs. Kaupiko; Hanapepe--Mrs. F. Sabo, elele; Waimea-Hawaii--Mrs. Meeawa, K. K. S. Waimea Pake--Miss Ching, elele, a me na hala o ka Aha Makua, me na C. E.

            Koho ka noho i na komite--1. Hoike Papahelu a na K. K. S. N., J. Hano, C. Keahi, Mrs. Sabo.  2.--Hoike papahelu a na K. K. S., me na Elele, I. K. Kaauwai no J. M. Kaneakua, ke kakauleta, S. K. Kaulili D. Kapahee.  3.--No na Hoalohaloha, o ia no na komite o ka aha mokua.  4.--Na hana jou, S. W. Meheula, S. Keliinoi, Mrs. Wright.  5.--Komite Pai, ke kakauolelo o keia Aha.

            Hapaiia ka hoike a na K. K. S. N.  Na Meheula i ko Kauai, Hikina, a na Mrs. Wright i ko Kauai, Komohana.

            Noi mai o Mrs. Sabo e kapaeia na rula; aeia e ka noho.  Olelo hooholo--E heluheluia na hoike papahelu a na Kahu Kula Sabati me na hoike elele ma ke poo, me ka waiho pu ae o na elele i ke dala i ke kakauolelo o keia aha, hoeholoia.

            Hoike a J. M. Kanewkua ma o I. K. Kaauwai. no na hoike papahelu a na K. K. S. me elele, Huina haumana, no eono malana mai Aperila a i Sepatemaba i hala, he 656; koe ke Kula Sabati o Lihue aole i hoaa nai, no na hoike elele, ke holomua nei kekahi kula, a ma kekahi mau kula, ua emi mai ka huina haumana.  Apono a hooholoia keia mau hoike a elua.

            Hoike a ke komite no na Hana Hou.  !.--E ike mua na K. K. S. N., i na hoike Papahelu a na K. K. S. A., mamua o ka hoouna ana i ke kakauleta, a i ole i ka Aha Paeaina paha. 2.--Na hana Kula Sabati iwaena o na Kepani, Fake, Pilipinoo ame na lahui e ae.  3.--Hoohuihui ana i na Kula Sabati ma na manawa hoike hapaha.  4.--Hoomauia na hana hoike hui o na Kula Sabati ma kahi e noho ai o ka Aha Mokupuni, a o na loaa apau e holo aku no ia i ke Kula Sabati o kahi e hoike ai, 5--Himeni hookuku i Hilo e malamaia i ahamele. 6.--Hoomaopopo ana i na alahele o na K.K. S. N., i na aha mokupuni ame aha Paeaina.  7.--Hoomaopopo ana i na haawina kailike no na kamalii.  8.--E hui na lunanui o na Kula Sabati ame na kumu papa i kela me keia manawa no ke noonoo ana i na mea e holomua ai na hana Kula Sabati. 9.--E noonooia ke kukulu ana i papa ao i mau kumu Kula Sabati hou maiwaena mai o na haumana ano holomua.  10.---E hoopau loa ia na papahelu a na K. K. S. N., i keia Aha.  mamuli o ke noi, ua waihoia ka hoike a ke komite no ka noonoo ana a noho hou mai ka aha aponoia.  Hoopanee ka ala me ka pule a Rev. S. K. Kaulili

La Hana 2 Oct. 22, 1923.

            Hora 1:30 p.m., Lumaloohalu me ke kakauolelo ma ka noho, himeni L. H., 132 me ka pule a Rev. Kaaeamoku.  Ma ke noi e hilinaiia ka moolelo o ka halawai hana i hala, aponoia.  Hapaiia ka noonoo ana no na Hana Hou.  Noi mai o Meheula e hapaiia ka Hana Hou 2. Na Elsie Wilcox i hoike mai i na hana misiona Kula Sabati ma na home iwaena o na Kepani, Pake, Pilipino me na lahui e ae, elike me ia i hoike ia aku i ka Uapa Hawaii mai ia Rev. Wakai, Okamoto, Watada ame Miss Wong ame na Pilipino, a pela i ko Hanalei ma o Miss Cook ame Miss Wong ame na Pilipino a pela i ko Hanalei ma o Miss Cook ame Miss Hansen, a noi mai la e kokua aku keia Ahahui Kula Sabati i dala no na hoolilo buke i mea e pono ai ke ao ana a na kumu no na lahui i haiia malulna, ma ke noi a Rev. Poepoe i kokuaia, a ua aponoia, noi o Lota e waeia i Ssabati e lulu dala ai na Kula Sabati no keia noi dala, a na Meheula ke noi, emalamaia ke Sabati ekolu o Novemaba i Sabati lulu dala no keia nhana, hooholoia, a ua koho pu ia o Elsie Wilcox i puuku no keia dala ae la.

            Hana Hou 1.--Ua hoomauia e hoouna aku i na hoike papahelu a na K. K. S. me na elele i ke kakauleta o keia aha.

            Hana Hou 3.--Ua hooholoia me ka lokahi.  Hana Hou 4.--Ma ke noi a Lota i kokuaia a hooholoia pela, Hana Hou 5.--Ma ke noi no a Lota, aole himeni hookuku a keia Aha i HIlo.  Hooholoia.  Hana Hou 6.--Paipai ka Lunahoomalu i na Kula Sabati, e hoomanao i ke alahele o na K. K. S. N., i ka Aha Mokupuni me Aha Paeaina.  Hana HOu 7.--Ma ke noi a Rev. Erdman, nana e hoouna mai i haawina Kula Sabati no na kamalii ma o na K. K. S. N. la, a na laua e noonoo a hooholo.  Hana Hou 8, me 9.--Ua hooholoia elike me ia maka, manao o na hana jou.  Hana Hou.--10.--Mamuli o na hoakaka manao pili i na Papahelu a na K. K. S. N., no ka like ole a pela aku, ua noi mai oia e hoopau  loa ia u ahoike papahelu a na K. K. S., imua o keia Aha, kokuaia e Baylee a hooholoia.

            Hoike a ke Komite no na hoike papahelu a na Kahu Kula Sabati Nui, Kauai, Komohana, haumana761, huni dala $104.10.

            Kauai Hikina--Haumana 490, huina dala $486.65.  Ma ka nana ana a kou Komite, ua loaa aku la ka like ole, no Kauai Komohana, nui kona mau haumana, liilii na hua opihi i ohiia.  No kauai Hikina, kokoke hoa elike a like na haumana me na hua opihi, e hoopiha pono mai e Kaukai Komohana.

            He mau manao hoakaka mai ia Rev. Erman no ka Religion Education in Hawaii, a me kekahi mau manao waiwai e ae.

            Ma ke noi, e @ keia Aha a ma kahi e noho @ ka Aha makua, hooholoia.  Hoopanee ka Aha me ka himeni a me ka pule a Rev. S. K. Kaulilii.

ABBIE K. KAAUWAI,

Kakauolelo Kula Sabati, Mokupuni o Kauai, Kapaa, Feb. 8, 1924.

 

MAKEMAKE E KAWE AE I KONA OLA PONOI IHO.

            He wahine ui opio no na ka inoa o Helen Wright, a nona hoi na makahiki he 23, a ma kekahi hale ma ke kihi o na alanui Moi ame Keeaumoku. kona wahi nolo, ka i manaka i ke ola loihi ana a hoao e hoopokole ae i kona mau la o ke ola ana ma kekahi manawa mawaena o ka hora 9 ame 11 o ke kakahiaka Poaha aku nei i hala.

            I kulike me ka moolelo i hoikeia ae i ka halemai o na poino ulia ua ino oia i kekahi mau kulu o ka laau creolin, a o ke kumu o kona hana naaupo ana ua hunakele loa oia aole i hoike ae i ke kauka o ka halemai ma kona manawa i ninaninauia ai.  Mahope iho o kona ike ia ana ua inu i ke creolin ua hoike koke ia ae la ka lohe i ka oihana makai a kiiia ae a laweia i ka halemai o na poino ulia, a mahope o kona lapaauia ana ua hoihoi hou ia aku i kona home.

            Ma ia la no i paa ae ai he wahine Kepani nona ka inoa o Shige Iha i ka hopula e ke Kapena o na Makaikiu Kellett a hoopiiia ae no ka malama i kekahi hale kuai waiona ma ke alanui Muliwai.  He $100 kona bela i kauia mai, a mahope o kona hoolako ana ae i ke aha mo ia mau dala i hookuuia ae ai oia.

HAAWI MAKANAIA HE $500E KEKAHI HAOLE MALIHINI.

            He mahalo aku a he mahalo mai ha huaolelo i panaiia mawaena o Carl Dare, he haole malihini i noho ka Hokele Iana, no ka loau hou ana o kona komolina kumukuai nui i nalowale ai nona ka waiwaiio $5000 ma kekahi manawa aku nei i hala, ame A. S. Bell, he koa no ka oihana koa i hoonohoia aku e hana maloko o ka Halemai o na koa ma ka Papu o Kahauiki, ua mahalo ka on a nona ke komolima i nalowale ai no ka hoihoi pololei ana aku o ke koa i ke komo iaia, a ua mahalo no hoi kekoa no ka hoaa ana iaia $500 makana i ka manawa pokole a ma ka manawa i haawiia mai ai kekahi mau bila kikoo dala o $500 ka waiwaiio ua hoole aku ke koa opio i kona ike i kekahi mea o ia ano a ua hoike aku i kona makemake ma ke dala maoli no e haawiia mai ai, a he manawa ole ua loaa mai la ia huina iaiai ma na bila dala alualu.  Ua hoohauoli like ia keia mau kanaka clua, ua hauole ka on a nona ke komolima i nalowale ai no ka loaa hou ana o kona komolima, a ua hauoli no hoi ke koa opio no ka loaa ana o kekahi huina dala iaia iloke o ka manawa pokole, he huina dala nui ana i moeuhane mua ole ai e loaa ana, aka o kona haawina laki no ka mea i loaa ai ia pomaikai.

            I ka manawa o ka haawi ana mai o Carl Dare i kekahi bila dala 500 ua opea ae la o Bell i kona lina mahope o ke kua a i aku la:

            "Aohe maopopo iau o ka hana ana aku i kena mea.  Ina aole ou hoopilikia ia aku ma ka noonoo ke makemake nui au e haawi mai oe ma ke dala maoli," wahi a ke koa opio.

            O ka hele aku la no ka ia o Dare a ma kahi o ka ume a lawe mai la i kekahi mau bila dala alualu a haawi mai la i ke koa.  Owili ae la ke koa a hookomo iho la iloko o kona pakiki, a moe make aku la ka holo ana no kahi o ka banako kokoke loao mai, a hoahu aku la malai, la, a he buke banako pakeke ka i haawiia mai iaia no ia huina.

 

Ka Loaa Ana o ke Komo

            Ma ka la 30 o Ianuari ka loaa ana o keia komo ia Bell, ka la no mahope iho o ka haule ana mai ka lima iho o Dare.  I kekoa opio e maauhele ana maloko ke kinapai o Moanalua ua ike iho la oia i ka anapa ae o kek@ mea ma kahi kokoke i ke kumu @ aia a ia lalau ana iho ana eia @ he komo, a no kona piha loa i k@auoli hookomo ae ia oia ma k@hi o kona mau manamanalima.

            Ma kekahi po mai, mamua o ka la hookaa dala, ua ne@oa oia i ke dala, no ia nele, o kan@ea mua loa i haupu ae ai e kuai oia i ke komo a ua lehulehu kana poe i haawi aku ai i ua komo la no ke kuaiia mai aohe nae he mea makemake mai ia komo no ka $2, mamuli o kona ikeia mai he malihini.

            I hiki ai oia i ka Papu Kahauiki ua aie aku la oia i kekahi mea i kloaa ai kaaa dala no ka hoi ana aku i ka papu.  Maloko o ka Nupepa Advertiser o ka Poalua o ka pule i hala aku la i ike iho ai oia i kekahi hoolaha no ka nalowale ana o ke kono o Dare ame ka uku makana a Dare e haawi ana i ka mea e loaa ai ke komolima on a.  ua hoikeike aku la eia i ua komolima ia i kekahi o na aliikoa a hookuuia mai la oia e holo mai i ke kaona nei.

            He komo keia i hanaia me ka platinum, a maluna iho o kona onohi he puupuu daimana me umi-ku mamalua mau puupuu pohaku momi kumukuai kiekie, i ka hiki ana mai o Bell i ke kaona nei o keia ae la ka mea i hanaia a i ikeia nona.

            Mai ke kulanakauhale mai o Los Angeles o Mr. Dare ame kana wahine o ka holo ana mai maluna o ka mokuahi Calawaii, a aole hoi i hoike i ko laua wahi i noho ai ma ka manawa o ka hoopaa ana i ko laua mau inoa maloko o ka buke o ka hokele Iana.  Ua hoomanao oia i kona oki ana i kekahi maia maloko o ke kihapai a Demona ma Moanalua i ka la i nalowale ai ke komo mai kona lima aku, a mea no hoi kau a haoaho iho ia manawa a huli aku ma kana wahi o ka hele ana.

HOOLAHA KUAI O KA AINA AUPUNI.

            Ma keia, ke haawiia aku nei ka hoolaha akea ma ka hora 10:00 a.m., Poaono.  Feberuari 16, 1924, ma ke Keena o ka Hope-akena, Mr. F. K. Kalua, Wailuku, Maui, malaila e kuai hooliloia aku ai ma ke kudala akea i ka mea koho kiekie loa malalo o na manao o ka Pauku 73 o ke Kanawai Kumu o Hawaii, na Pauku 348 ame 358 o na Kanawai HOoponopono Hou ia o Hawaii o 1915, ame ke Kanawai 143 o na Kanawai Ahaolelo o 1917, ka aina pahale Aupuni malalo iho nei:

            Hapa o ka Aina Aupuni o Ualapue, e pili ana me ka L. C. A. 7392-D apana 1 ia Kawelo ma ka Hikina, Ualapue, Kona,                       Molokai, nona ka iliaina o 55 eka, oi aku a emi mai paha.

            E kaa no ka apana e kuai hoolilo ia aku ana maluna ae malalo o na kumu aelike e hookomoia ana ma ke amo he mau aelike pakui ame na kulana maloko o ka Aelike Kuaikawa e hoopukaia ana e pili ana i ka apana i oleloia penei:

1.  E kukuluia kekahi hale noho nona ka lilo aole e emi iho malalo o ka $1000.00, maluna o ka aina i oleloia iloko o hookahi makahiki mai ka la aku o ke kuai.

2.  E uku no ka mea iaia e lilo ai i kela ame keia makahiki mahope aku i na auhau apau maluna o ka waiwaiio o ke koina o ka aina i oleloia ame kekahi mau auhau e ae e kauia mai ana a i ole e auhauia mai ana maluna a i ole e pili ana i ka aina i oleloia a i ole i kekahi kuleana paha maloko olaila.

3.  E hoopukaia no ka Palapala Sila he hookahi makahiki mahope iho o ka la o ke kuai a i ole i kekahi manawa e ae paha mahope iho o ke kukuluia ana o ka hale, ka uku piha ia ana mai o ke kumukuai i lilo ai ame na  auhau e ukuia ana i ke Teritore.

4.  E uku hapa ia ke kumukuai ma ka wa e haule ai o ka hamare ma ke kuike a o ke koena he hookahi makahiki mahope mai o ka la o ke kuai me ka ukupanee o 6% o ka makahiki.

E Kaa keia kuai malalo o na lana ma hope ae nei:

a.  Kumukuai haahaa, $70.00.

b.  O na makaainana America wale no a i ole o ka mea i kukala ae ma ke ano ku i ke kanawai no kona manoao e lilo i makawainana ke lilo i mea kuai mai.

c.  E uku ka mea e lilo ai ma ka haule ana o ka hamare i na hoolilo apau o ka hoolaha ana ame kekahi mau kaki e ae e pili ana me ka hoomakaukau ana i ka Aelike Kuai Kuikawa e hoopukaia ana mamuli o keia kuai.

            O ke kii palapala aina e hoikeike ana i ka aina e kuai hoolilo ia aku ana eia ke waiho nei ma kahi o na palapala a o ikeia no ma ke Keena o ka Hopeakena, Wailuku, Maui, a i olo make keena o ke Komisina o na Aina Aupuni, Hale Kapitala, Honolulu.

            No na hoakaka i koe e ninau ma ke Keena o ka Hope Akena, Mr. F. K. Kalua, Wailuku, Maui, a i ole ma ke Keena o ke Komisina o na Aina Aupuni, Hale, Kapitala Honolulu T. H.

            Hanaia ma Honolulu, T. H., maloko o ke Keena o ke Komisina o na Aina Aupuni i keia la 9 o Ianuari, A. D. 1924.

C. T. BAILEY,          

Komiaina o na Aina Aupuni

6591--Jan. 17, 24, 31.

WAWAHI OKOA IA KA PUKA O KA HALE.

            No ke kono ana aku e hopu i kekahi puulu o ka poe piliwaiwai ma ka auwina la o ka Poalua iho nei, maloko o kekahi hale make Alanui Pauahi, mawaena o na alanui Maunakea ame Muliwai, i kono okoaia ai na makaikiu, e wawahi aku i ka puka o kela hale, me ka paa ana mai he kanaha poe i ka hopuia mai na Pake, na Korea ame na Kepani.

            Ua loaa aku i na makaklu na makaukau piliwaiwia apau, me ka hookuuia ana nae o kela poe, malalo o ka bela o umikumamalima dala pakahi, a he kanalima dala ka bela o ka ona nona kela hale.

HALE O NA ALII O HAWAII.

(Ahahui Poo)

            E malamaia ana ka halawai kumau o ka (Ahahui Poo) o ka Hale o na Alii o Hawai, ma ka Phoenix Hall, i keia Sabati iho, Feberuari 17, 1924, ma ka hora 2 p. m.

Ma ke kauoha a ka Iku Hai,

W. J. COELHO,        

Iku Kau,

6595--Feb. 14.

HE HOOMAIKAI.

            Ma keia, ke haawi aku nei ka ohana o Charles B. Cockett, i ka lakou mau hoomaikai palena ole i na makamaka ame na hoaloha i komo mai e u pu me lakou iloko o ko lakou mau hora o ke kaumaha, a no na bake pua lehulehu i makanaia mai e lakou.

HOOLAHA KUAI O KA HOOLIMALIMA AUPUNI.

            Ma keia ke haawiia aku nei ka hoolaha akea ma ka hora 10:00 a. m., Poalina, Maraki 14, 1924 ma ka puka mamua o ka Hale Aupuni Kalana, Lihue, Kauai, malaila e kuai hoolilo ia aku ai ma ke kudala akea i ka mea koho kiokio loa malalo o na manao o ka Pauku 73 o ke Kanawai Kumu o Hawaii, na Pauku 358 ame 380 et sec. o na Kanawai Hooponopono Hou ia o Hawaii o 1915 ame ke Kanawai 143 o na Kanawai Ahaolelo o 1917, ka Hoolimalima Laula o ka aina Aupuni malalo iho nei:

            Apana 46, na Aopana Taopa o Hanapepe, Hanapepe, Waimea Kauai, nona ka iliaina o 34.460 kapuai kuea, oi aku a emi mai paha. e hookoa ana i ka auwai e moe kea ana maluna olaila.

            E kaa no ka hoolimalima e hooliloia aku ana malalo o na kumu aaelike ame na kulana apau o na hoolimalima laula Aupuni i hoopukaia e ke Keena o ke Komiaina o na Aina Aupuni.

            E kaa keia kuai malalo o na kulana mahope ae nei:

1.  Manawa o ka hoolimalima. 15 makahiki mai Maraki 14, 1924 aku.

2.  Uku hoolimalima haahaa, $15.00 o ka makahiki, e uku makahiki mua ia.

3.E uku mua ka mea e lilo ai ma ka haule ana o ka hamare i ka uku hoolimalima o ka makahiki mua, hui pu me na hoolilo o ka hoolaha ana ame na kaki e ae apau e pili ana me ka hoomakaukau ana i ka hoolimalima i oleloia.

            O ke kii palapala aina e hoikeike ana i na aina e hoolimalimaia aku ana ame ke ano o ka Hoolimalima Aupuni Laula, eia ke waiho nei ma kahi o na palapala a e ikeia no ma ke keena o ka Hope akena.  Hale Aupuni KAlana, Lihue, Kauai, a i ole ma ke Keena o ke Komisina o na Aina Aupuni, Hale Kapitala, Honolulu. T. H.

            No na hoakaka i koe e ninau ae ma ke Keena o ka Hope akena, Mr. J. M. Lydgate, Hale Aupuni Kalana, Lihue, Kauai, a i ole ma ke Keena o ke Komisina o na Aina Aupuni, Hale Kapitala.  Honolulu. T. H., maloko o ke Keena o ke Komisina o na Aina Aupuni, i keia la 6 o Feberuari. A. D. 1924

C. T. BAILEY,

Komisina o na Aina Aupuni

6595--Feb. 14, 21.

HOOKAHA

Uku Ana i na Auhau Wai.

            I kulike ai me ke Kauoha Kanawai Helu 65 elike me ia i hoololi ia ai e ke Kauoha Kanawai Helu 91 ame 102 o ke Kulanakauhale a Kalana o Honolulu, ma keia ke hoi keia aku nei ka lohe i ka poe apau o paa ana i na ponowai malalo l ke ana auhau mita, o na auhau wai no ka manawa e pau ana i FEberuari 29, 1924, ua hiki mai i ka wa o uku ai, a e ukuia ma ka la MUA o maraki, 1924.

            O ka uku ole ana i na mau auhau wai lailoko o KANAKOLU la mahope aku e kauia no i kaki pakui o UMI pakeneka.

            O na ponowai apau no lakou ma auhau e koe ana i uku ole ia ma hope aku o Maraki 31, 1924, e pani koke ia no.

            E ukuia ao na auhau wai ma ke keena o ka OIHANA WAI O HONOLULU HALE KAPIOLANI HONOLULU HAWAII

W. A. WALL.

            Lunanui Laula, Oihana, Wai & Sua o Honolulu

6595--Feb. 14, 21.