Ka Nupepa Kuokoa, Volume LXIII, Number 7, 14 February 1924 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

AOAO NO NA MANAO PEPA SOLOMON HANOHANO, LUNAHOOPONOPONO

 

KA MOOLELO HOONANEA, NA NUHOU KALAIAINA ME NA NUHOU O KA MANAWA

 

MALUNA O NA MAKUA KEKAHI MAU AHEWA ANA.

            Nui na kekikane o ka hophopia ana e na makai kula makekahi mau op o ka pule aku la i hala, no ka hele i ka po, a kaa mahope aku o ka hora ewaly, ka manawa a ke kanawai i papa ai i ko lakou hele ana, ke ole e hele pu me ko lakou mau makua.

            Oloko o na hale kiionioni, kahi hele nui o na keiki i ka po, i ka nana i na kiionioni; i kekahi manawa me ko lakou mau makua ponoi, aka i ka hapanui o ka manawa, mamuli o ko lakou manao ponoi iho me ka ae ole mai o na makua.

            I ka hoomaopopo ana, i kahi e kau aku iai na ahewa ana no ka hele o na keiki i ka po, maluna no ia o na makua, aole wale no, no ko lakou lilo i mau kumu alakai ma ka hoomaa ana i ka lakou mau keiki, e hele maloko o na hale kiionioni, aka no ko lakou papa ole i na keiki, i ka hele i ka po.,

            E ili aku ana nae na koikoi maluna o na makua ma keia hope aku, elike me na hoakaka a ka Lunakanawai Desha, o ka aha o na kamalii, ke lilo lakou i poe hoohemahema wale i ka lakou poe keiki, me ka ao ole ia lakou me ka ikaika e noho ma na home.

            Aole o na keikikane wale no ka i manaoia, e hooko aku i ke kanawai maluna o lakou no ka hele i ka po, aka o na kaikamahine opiopio pu kekahi, na kaikamahine, i hoolilo i na hale kuomoni ame na hale hulahula, i wahi no lakou e hoohala ai i ka po, no ko lakou hoohauoli ana ia lakou iho.

            maloko o na home na wahi kupono loa no na keiki e hoohaa ai i na jora o ke ahiahi, ma, ke hoopaa ana i ka lakou mau haawina, i holomua ai ko lakou imi ana i ka naauao, aole o ika lalau wale iho no i ka po, a hui pu aku me ka puulu o na keiki kolohe, nolaila mai na manao hana karaima, e Flo aku ai lakou i poe keiki ino ma keia mua aku.

            O na keki holomua loa ma ka lakou mau haawina e aolia mei maloko o na kula o kakou, o lakou mau haawina e aolia nei maloko o na kula o kakou, o lakou no na keiki punihei ole ahu i ka hele ana ma ke ano lalau i ka po, aka e noho ana lakou ma na home e hoopaa ai i na haawina; a i makemake lakou na makua, e lilo ka kakou poe keiki, i mau makaainana maikai ma keia mua aku, a i poe kanaka naauao, he hana pono ma na makua, ke ao ana me ka ikaika i na keiki, e noho ma na home; aole e auwana wale ma na alanui i ka po.

 

KA HOOPAE MALU I KA WAIONA.

            Mamuli o ka paa ana mai nei i ka hopuia e na makai o Hanalei, Kauai, na pahu wisake he kanaha-kumalima, i loaa mai ai ka ike ia kakou, eia ka waiona ke hoopae malu ia ana o ka opiuma.

            I ka nana aku, aole-keia o ka manawa mua loa, i hoopaeia mai ai ka waiona ma ke ano malu, aka ua lawelawe mau ia keia ano hana, ma na manawa ae nei i hala, ma ke ano maalea me ka holopono loa.

            Me na luna oihana federala nae, e hooko mai nei i ke kanawai hookapu waiona lahui, a hui pu hoi me na oihana makai kulolo iho nei  kakou, e hopuhopu mai nei i ka poe puhi rama ame kuai waiona, e lilo ana ka hana hoopae malu mai i na waiona i Hawaii nei, i hana nui o ke dala aka nae e hookauia aku ana ka weli o ka poe e hoomahui ana i keia ano hana, i na e lawelaewia na kulana makaala apau, ma ka aoao o na kanaka o ke aupuni a e hookoia hoi ke kanawai me ke kuio ame ka hoopilimeaai ole.

            O ka loaa ana o kela heluna mahuahua o ka pahu wisake i na makai, i hooleleia aku iuka o ka aina e kekahi waapa Kepani, he mea hookahaha no ia i ka manao, hookahi, nae mea hiki ke koho aku mailuna mai o kekahi mokuahi halihali ukana, i hooleleia mai ai, a na kekahi puulu i komo i ka hana hakihaki kanawai: a i ake nui hoi i na pomaikai, a lakou kela hana hoopae malu i ka waiona.

 

KE ANAINA HOOMANAO I KA OHANA KALAKAUA

            No ka manawa mua loa, e malama ae ana na ahahui Hawaii, he anaina hoomanao no ka ohana o ka Moi Kalakaua, ma loko o ka luakini o Kawaiahao, ma keia Sabti iho, malalo o na hooponopono ana a ka Ahahui Hale o na Alii o Hawaii, i noho poo ia e ke Kamaliiwahine Kawananakoa.

            Malia paha, iloko o ka noonoo o kekahi poe o kakou, e lilo ana keia hoomanao ana i ka ohana Kalakaua, i mea maikai ole i ko lakou manao, no ka hoomanao pu ole ia o na la o kekahi mau hoi e ae o Hawaii nei; in a nae he noonoo kekahi o kela ano; e hoopau loa ia ano noonoo.

            Iloko o ke au o ka nohoalii ana o ka Moi Kalakaua no keia aupuni, ua nanaia aku oia ma ke ano oia kekahi o na moi naauao, me ka maliu i na ao ana aku a kekahi poe koikoi iwaena o kona mau makaainana; o kekahi o na hoike maopopo loa no ia naauao, o ia no kona hana ana i ke kaikahi panailike me na aupuni e.

            Mamuli o kela kuikahi panailike, i waeleia ae ai ke alahele a malaelae no ka oihana kanu ko ma Hawaii nei; ua moe aku nae ka Moi Kalakaua, aka ke ku mai nei kekahi o kana mau hana kilakila, i kiahoomanao nano mahope nei, ka hana nana i hoowaiwai mai i ka aina, a i hoowaiwai pu aku i kekahi mahele nui o na makaainana.

 

KE IKE MAOLI IA NEI KA HANA.

            Akahi no a ike maoli ia ka hana o ka oihana makai iloko o keia mau pule, o ka lawe ana ae o ka Makai Nui Trask, i ka noho poo ana no kela oihana.  Nui na halekuai waimomona i komoia e na makaikiu, a paa mai ka poe no lakou kela mau hele kuai i ka hopuia no ke kuai i ka waiona.  Lehulehu na punana o na hana piliwaiwai i komoia, a paa mai he heluna nui o ka poe piliwaiwai i ka hopuia; akahi no a ikeia aku na makaikiu, e hoao ana e hopuhopu, i ka poe e piliwaiwai ana ma na wahi akea.

            No keaha mai nae keia kumu puhiphuiahi o na makai? No ka mea ua kaokoa ae ke kulana hooko oihana o keia poo o ka oihana kmakai, i ke kulana o kona mua iho nei ma kela oihana, ua kaokoa loa ka hooko ana i ke kanawai ia manawa, i ko keia wa.

            On a makaikiu kahiko no keia, pela me na makai nana kaa ame na makai ku huina, he hookahi hana a ke kanawai i kauoha ai ia lakou, o ia no ka hopuhopu  ana i ka poe hakihaki kanawai apau, me ke kaukai ole a loa'a mua ke kauoha mai na poo mai; o keia iho la ka mea i konoia ai na makai i keia wa e hooko pono i ka lakou mau hana, ka mea a lakou i hana ole ai mamua no ka lilo o na kauoha a na poo ma ka oihana i mea ano nui, a hapa iho ke koikoi o ke kanawai.

            E hoomakaukau e na makai i ka oukou mau hana makai, o keia wale no ke alahele e kau aku ai, ka weli ame ka makau, maluna o ka poe hakihaki kanawai apau, a e kaawale aku ai na hana, nana i hookomo mai i na manao hoowahawaha iloko o ka lehulehu, no ke kulana o ko kakou oihana makai, o ka wa ae nei i hala.

 

Nuhou Kuloko

            Ma ka hora 8:15 o ka po o keia Poakolu ae, Feb. 20, e wehe ae ana ke Kula Sabati o Makua, ha ahamele nui maloko o ka Hale Misiona Memoriala ma ke Alanui Moi, mauka ae o ka luakini o Kawaiahao.

 

            E hoomaka ana ma keia poaono iho mai ka hora 9 a. m., a i ka hora 12 m., e noho paa ana ka Peresidena S. P. Correa o ka Ahahui Kukulu Hale Pioneer ame Hoaie Dala ma ke keena o ka Ahahui, ma ka Hale Campbell, alanui Kalepa, no ka hooponopono ana i na hana apau o ka ahahui.

 

            Ma ka hapalua o ka hora ekahi o keia auwina la, e noho ae ai ke kiure kiekie, no ka noonoo ana i kekahi mau hihia i komo aku iloko olaila no ka huli pono ana mai i na mea oiaio elike me na kumu hoopii hoohalahala i loaa i ke aupuni no kekahi poe lehulehu.

 

            Ua hoea mai he kanaka momona loa; pela me ke kanaka loihi loa, no keia kulana kauhale, he mau mea hoikeike, na ka Hui Malu Elks, e malama ae ana ma Aala Paka ma ka la 21 ae nei o keia mahina.

 

            Mamuli o ke kuekaa hou ia o ka mokuahi Haleakala, no ka nana ana i kona mau wahi i hemahema, i pani ae ai ka mokuahi Mauna Kea, ma kona makalua, no na pule ekolu, e hoomaka ana ma ka Poakahi iho nei, me ka haalele iho i keia awa, ma ka hora ekolu o ka auwina la, a ma ka hora eha hoi e haalele ai ia Hilo.

 

            He hookahi degere wale no ke kapeke ae o ka haina nane a J. W. K. Kakelamaluikaleo, mai ka haina pololei ae, o ka nane a ke keiki o ka pali kapu o Keoua, i hookomo mai nei, aohe no he wa, a aimanu hou ua eueu nei o na keena pouli o Kulina Eleele.

 

            Maloko o ka luakini o Kawaiahao ma ke kakahiaka o keia Sabati ihok, e malamaia ae ana he anaina hoomanao no ka ohana o ka Moi Kalakaua, malalo o na hooponopono ana a ka Ahahui Hale o na Alii o Hawaii; e komo pu ae ana na ahahui Hawaii apau, ma kela anaina hoomanao.

 

            No ka pono o na kanaka o Lanai, a no ka pono pu no hoi kekahi o ka hui kanu halakahiki malaila, e wehe aku ana ka Banako o Bihopa ma he banako lolo ma kela mokupuni, no ke lawe ana mai i na dala a na limahana e makemake ana e hoahu maloko o ka banako.

 

            OLELO KAUOHA HELU I.

 

            Ma keia ke kauohaia aku nei na Mamo apau o ka Halau o Kapiolani, Helu 2, o ka Hale o na Alii o Hawaii e akoakoa ae me ko lakou mau Aahu o ka Halau ma ka luakini o ka Ekalesia Euanelio Hawaii ma Waimea, Kauai nei, ma ke Sabati Feberuari 17, 1924, hora 9:30 kakahiaka, no ke kaihuakai ana no ke Anaina Hoomanao e malamaia ana ma ia luakini ia kakahiaka, no ka Moi Kalakaua ame ka lalahi Alii pili iaia.  Ehele mai na Mamo apau i komo i keia Halau.

            Ke hoomanao pu ia aku nei ka Ahahui Kaumualii Hel u3, ka Hui Kamehameha, ka Ahahui Kaahumanu, ame ka Ahahui Aloha a Kokua  Manawalea o na Wahine o Kauai nei, ua kono pu ia oukou apau e hui pu mai me ka Hale o na Alii o Hawaii ma keia Anaina Hoomanao ae la, e aahu ana hoi i na Aahu o ko oukou mau Ahahui iho.  O na palapala kono no na Ahahui i haiia ae la ua hoounaia aku no ia ke Kaukakualii o ka Ahahui Kaumualii, a i na Peresidena Nui o na Ahahui Kaahuman ame ka Ahahui Aloha.  Ke aloha alii la, hoikeia ae!

Me ke kauoka a ka Iku Hai,

Halau o Kapiolani,

MRS. ELAINE, KAIU,

Iku Kau          

6595--Feb. 14.

HOOLAHA LULU MANAWALEA HELU 6

 

            Ma keia ke kauohala aku nei na lala apau o ka Ahahui Kalama, e uku koke mai i ka auhau manawalea o Hookahi Dala ($1.00) no ko kakou Hoahanau Mrs. Hooulu Kapukini i haalele mai keia ola ana, E hoomaka ana, ka ohi ana mai Feberuari 14, 1924, a pau i Maraki 14, 1924, o ia hoi he 30 la,

            Ma ke kauoha,

            MRS. AGNES P. CHUNG HOON,

            Kakauolele Ohi Dala, Ahahui Kalama,

6595--Feb. 14.

HOOPAA HOU LA NO KA LOKAHI OLE O NA KIURE

            No ka hiki ole e loaa ka olelo hooholo a ka papa kiure nana i hoolohe i ka hihia a ke aupuni e kue ana ia Robert E. Askew, ka haole i hoopiiia ae ai no ka aihua i ka waiwai i haawiia nana e malama, o ia hoi kona mio ana he $15,000 mai ka Banako Hawaii mai, i hoihoiia ae ai ia papa kiure e hoopaa ma ka hora 10:15 o ka po Poalima aku nei maloko o ka Hokele Blasidell mamuli o ke kauoha a ka Lunakanawai James J. Banks.  Ua hoohikiia ae ke kakauolelo o ka aha David K. Sherwood ame ka makai o ka aha, William Ayau e ka Lunakanawai Banks no ko laua malama makaala loa i na hoa o ka papa kiure i ole ai e hui a kamailio me ka poe mawaho mai, a o laua pu kekahi i haahala ia po maloko o ia hokele.

            Ma hope iho o ka pau ana o na hoakaka a na lilo ma na aoao elua, ame ke ao ana a ka lunakanawai i ka papa kiure, ua komo aku la ka hihia i ka papa kiure no kana noonoo a hooholo ana i kana olelo hooholo maluna o ka hihia mamuli o ke kanawai a maluna hoi o na oleloike i hoakakaia ae mamua o ka aha ma ka manawa o ka hookolokoloia ana.

            Ma ka hora 6 o ia ahiahi i laweia ae ai ka papa kiure e hanai , a ma ka hora 7:30 p. m., i hoihoi hou ia ae ai i ka rumi.  Aohe mau noi mai na kiure ae no kekahi mau oleloa a mai ke kahu ae o ka aha, a i ole no ka heluhelu ana hoi i kekahi hapa o na oleloike.    Ma ka hora 10:15 o ia po o W. W. Buckle ka mea kamailio ma ka aoao o ka papa kiure, ma ka manawa a ka lunakanawai Banks i niau aku ai in a ua loaa ka ka kiure olelo hooholo.

            Ua hoole mai la ka Luna hoomalu o na hoa o ke kiure aole i loaa ka olelo hooholo no ka lokahi ole o na manao o na hoa.

Laweia ka Papa Kiure i ka Hokele

            "E na keonimana o ke kiure, ua hele au a maluhiluhi loa, a ke manaoia nei au o oukou pu no kekahi ma ia haawina," i pane mai ai ka Lunawai Banks.

            "Ua pau i ka hoomakaukauia i nei manawa no ko oukou hoi aku i ka Hokele Blaisdell e hiamoe ai i nei po, nolaila ilaila oukou e hoi aku ai no ke koena o keia po."

            "Makemake au i cela âme keia kanaka maluna o keia kiure ma keia po e imi iho i kona noonoo ponoi a e huli in a he manaoino, hoomauhala, a ao hewa mai paha kekahi iaia.  Ina he mea kekahi o ia ano e kiola aku.  O ka olelo hooholo i hookahuaia maluna o ia manao hewa aole waiwai.  E pono e hookahuaia ka oukou olelo hooholo maluna o ke kanawai a ma na olelo ike oiaio."

            Ua ao pu mai ka lunakanawai i na kiure aole e hui pu me ka poe hookomokomo olelo mawaho mai, a i ole ae aku paha i kekahi poe e hui a kamailio pu me na hoa o ke kiure.  Ua kauoha pu ia mai ka papa kiure e hoike aku i kana mea i loaa ma ka hora 8:30 o ke kakahiaka Poaono mai.

            Ma ka hora 11 o ke kakahiaka o ka Poalima i pau ai ka ninaninauia ana o na hoike a ma ka hora 2 o ia auwina la i hoomaka ai na loio ma na aoao elua e hoakaka i ko laua mau manao a ma ka hora 5 ahiahi i komo aku ai ka hihia i ka papa kiure.  O ka hope loio kulanakauhale John C. Kelley ma ka aoao o ke aupuni, a o Charles S. Davis ma ka aoao o ka mea i hoopiiia.

            O na hoike ma ka aoao o ke aupuni e kue ana ia Askew oia ke Dr. R. B. Faus Robert Horner, Center Fred C. Bailey ame Harry Armitage.

            Ua hopuia o Askew ma kekahi manawa o ka makahiki i hala no ka aihue ana he $15,000 mai ka Banako Hawaii mai, kahi ana o ka hana ana ma ke ano he kupakako haawi dala, a mamuli o kana hoike ponoi no ma kona manawa i ninaninauia ai e ka Makaikiu Harris, i hoaa ai na dala i aihueia iloko o kekahi kini aila puaa ua kanuia iloko o ke one ma kahi kokoke i ka hale o ka Outrigger Canoe Club ma Waikiki.

NA MAKE

            Henry K. Sniffen, ma ke alanui Kapahulu, Feb. 6.

            Gilbert Kipi, ma Puowaina, Feb. 8.

            Eia Ohia Kaaihue, ma ke alanui Keawe, Feb 9.

            Mary Ann Mathias, ma ke alahui Ward, Feb. 9.

            Edward Kahele, ma Honolulu, nei, Feb. 10.

            Boniface Lue, ma ke alanui Hustace. Feb. 10.

            Mary Leialoha, ma ke alanui Papu, Feb. 12.

            Abbie Kahinu, makleke e ka Halemai Moiwahine, Feb. 11.

Nuhou Kuwaho

            LADANA, Feb. 8.--Mamuli o ka haule ana mailuna mai o kona lio, ua hoehaia ke Keikialii o Wale mamuli o ka haki ana o kona iwihoehoe.

 

            NU IOKA, Feb. 8.--Ma keia la i hoike ae ai o Kauka James O. Greene, ua hoopalau kana kaikamahine Eleanor Margaret, me ke Keikialii Viggo o Denemaka.

 

            NU IOKA, Feb. 8.--Ua hoopaiia ae o William H. Anderson, ka lunanui o ka Ahahui Hoole Waiona, no elua makahiki hoopaahao no ka hewa apuka.

 

            WAKINEKONA, Feb. 8.--Mamuli o ke noi a na Amerika e noho ana i ka pono o na kanaka Amerika una aku la ke Aupuni i ka Maokukaua Rochester no ia wahi no ke kiai ana i k apono o na kanaka Amerika malaila.

 

            OTTAWA, Feb. 11,--Ua hoohuiia ae o Miss Lois France Booth o Ottawa ame ke Keikialii Erik o Denemaka ma ka berita maemae o ka mare maanei i keia la.

 

            PITTSBURG, Feb. 11.--He elua mau lunapaahao i kiia i ka pu a make loa e kokahi mau paahao, mamuli o kekahi haunaele i ala ae mawaena o na lunapaahao ame na paahao ma keia la.

 

            VERA CRUZ, Feb. 8.--Ua kaa hou ae o Vera Cruz malalo o ka malu o ka pualikoa o ka poe kipi mahope iho o ka hooukaia ana o kekahi kaua hahana mawaena o na aoao a elua.

 

            NU IOKA, Feb. 8.--Ma na mea i hoikeia ae, ua makaukau loa na Banako o Amerika, e haawi nai i ka hnina o $150,000,000.00 ia Iapana, a o ka hapalua hoi o ka huina a Iapana i makemake ai e aie mai.

 

            WAKINEKONA, Feb. 7.--Ma keia la i hoouna aku ai o Peresidena Coolidge i ka inoa o Milton Purdy i ka Aha Senate no ke aponoia ana mai i Lunakanawai no ka Aha Hookolokolo Amerika ma Kina.

 

            UA AA KA HUI HUKIHUKI LAIE.

            E Mr. Lunahooponopono, Aloha oe:--E ahonui mai, ua hoopuiwaia mai na keiki huki kaula o Laie, e Mr. Kalani, a ua puiwa like no paha me ko Honolulu no kela ino moho.

            Ua hui kuka like ae la na keiki a hooholo like penei:

            $5000.00 ia Laie $5000.00 ia Honolulu, a hoohuiia $10,000.00.  O ka hui e lanakila ana, nana kela puu pohaku nui.

            Aole ae o Laie i kela uku puka pohihihi ame $5000.00 ia Laie wale no, a ke olelo mai nei lakou, no Waolani ka ia poe, keae aku, o ka pololei maoli no ka, like a like alaila, huki.

            Nolaila malaila iho la no kaua pau in a e holo like, koho na lunakanawai ka rula huki, he mau aelike paha, o oe ame kou mau keiki aku malaila pau mai la au malaila, e ka hoahanau; o H. Kalili ke kuleana me kona mau keki.

JOEL K. APUAKEHAU,

                        Kahuku Oahu.

NA MARE.

            Ino. D. Benson, Jr., ia Mary Lehua Martin, Feb. 4.

            Peter Garcia ia Caroline Hiram, Feb. 6.

            David B. Shidaki ia Ema Mokulewa. Feb. 7.

            Robert ia Elsie Ulii, Feb. 7.

            Antone R. Gasper ia Mrs. Rosiena H. Lake, Feb. 9.

            Tom Naka ia Mary Kaai, Feb. 9.

            F. de los Angeles ia Mrs. Rose F. Kalani, Feb. 8.

NA HANAU.

            Na Mr. ame Mrs. Jonah Kamalani he kaikamahine, Jan. 10.

            Na Mr. ame Mrs. Kaaoao Hema, he keikikane, Jan. 27.

            Na Mr. ame Mrs. Levi C. Maka, he kaikamahine, Feb. 1.

            Na Mr. ame Mrs. Jonah K. Anderson, he kaikamahine, Feb. 1.

            Na Mr. ame Mrs. Joseph Paekukui, he kaikamahine, Feb. 1.

            Na Mr. ame Mrs. George Muller, he kaikamahine, Feb. 2.

            Na Mr. ame Mrs. Joseph Naone, he keikikane, Feb. 3.

            Na Mr. ame Mrs. Clement Kamaka, he kaikikane, Feb. 7.

            Na Mr. ame Mrs. Manuel Mathia, he kaikamahine, Feb. 7.

            Na Mr. ame Mrs. Henry Luke, he keikikani, Feb. 8.

            Na Mr. ame Mrs. George Malie, he keikikane, Feb. 9.

            Na Mr. ame Mrs. George Hubbell, he kekikane, Feb. 10.

            Na Mr. ame Mrs. William Kapo, he kaikamahine, Feb. 10.

KA AHA KULA SABATI ME C. E. O MAUI KOMOHANA.

            E noho ana ka aha apana o na Kula Sabati ame C. E., o Maui Komohana, ma Honokohua i ka la 23 o Feb. 1924, e hoomaka ana i ka hora 6 a. m., halawai puka ana o ka la, e alakaiia ana e Rev. J. P. Inaina ahiki i ka hora 7.

            7, a 8; aina kakahiaka; 8 a 8:30, halawai haipule; alakaiia e Rev. M. M. Kahiapo.

            8:30 a 12 m., hoike a na Kahu Kula Sabati, ame elele.  Hoike a na Peresidena C. E., ame elele.

            12 a 1, aina awakea; 1 a 2, hoike a na komite like ole. 2 a 3, Kula Baibala, na Rev. M. M. Kahiapo.

            3 a 3:30, haiolelo, Miss Annie Ah Sham.  3:30 a 4 p. m., mau olelo paipai, mai na Kahu Haiolelo ame kekahi mau lunanui e ae.

            7:30 p.m., himeni hookuku mawaena o na Kula Sabait o keia apana e hui pu ana me Kahakuloa ma ka Hall o Honokohua, Maui.

            Ma ke Sabati ae, he hoike Kula Sabati kekahi e malamaia ana.

J. M. KUKAHIKO,

Peresidena o ka Aha, Homokohua.

Mai, Feb. 9, 1924.

 

KA LA O NA MOOPUNA MA HAUULA.

            Mr. Solomon Hanohano, Lunahoo ponopono, Aloha nui:--E ae ahonui mai oe, i ka la a na tutu e hapai kailike nei i ka la paina piha makahiki o na moopuna ma Laie elua, a elua no hoi ma Hauula nei.

            Ua hui pu ae na makua o na kama e hapai pu i la no na moopuna, ua hoohui aku o Mose Hairana, Jr., me kona papa makua honowai ma Hauula, Joseph Keaunui e hapai pu i ka la o ka laua kama oiai, he mau opio loa na makua he hooikaika i kahi e pono ai.  Ua nui na mee i hoomakuakauia, na ono Hawaii no apau, ame na ono okomokomo pu no hoi kekahi.

            Ma ke Sabati mai o Feb. nei, ka paina la hanau a piha makahiki o ke tutu Malolo ame kana Mrs. Moopuna, a he opiopio loa no na makua o ka laua kama leiai o na la opio.

            Ilaila pu aku ka mea kakau, hui na ohana ame na makamaka, na hoaloha i hiki mai, no Honolulu mai kekahi hapa nuil.

            Ua kipa pu ae kekahi poe holopuni malaila, ke hoomanao ae ka mea kakau, o ia kekahi la Sabati nui o na kaa otomobile holopuni, ua nui hewahewa no na ono like ole; no ka ehukai mai na amaama nahupu o Ukoa, ame alholehole pii lau uki pu mai.

            O kau i hoomaopopo nui aku ai, ua uhiia ka la o ka Haku me ka maluhia anoano, aole na hoonakeke, ka walaau ana, aole pu ke kai pii o Waipuhi; malaila pu ae no ka hope makai me kona puali oiai he nui ka ono o ka puna kalua paa i o ianei na ono au e Hawii, a poina pu.

            Ka la o na moopuna, e uhaiia e na hoopomaikai o ke kino, ame ka uhane. Amene.

JOEL K. APUAKEHAU.

 

HE NANE.

 

            Mr. Lunahooponopono o ka Nupepa Kuokoa; Aloha kaua a nui loa:--Eoluolu mai hoi oe iau, in a he rumi kaawale kekahi o ka kaua hiwahiwa, nou hoi ia rumi no kela mau hua maluna ae.

            He kama kau ua kaulana apuni ke ao, ua hanauia mai e ka makuahine hookahi, a ua maheleia ka inoa o ua kama nei, elua mahele penei:

            Ka mua, e loaa no au ma na aekai o ka hema o Oahu nei.

            Ka lua o ka mahele, e loaa no au i ke kikowaena o ke kulanakauhale alii o Honolulu.

            Ina o huiioa ka mahele mua, me ka mahele hope, alaila e loaa ana ka inoa pololei o kuu aina hanau.

            Owai ka mahele mua o kuu Kama!

            Owai hoi ka mahele hope o kuu Kama!

            O ka mea hikimua i ka Lunahooponopono, me na wehewehe ana, me ka haina pololei, e loaa no ka uku makana ekolu mahina lawe wale i ka Nupepa Kuokoa.

            Me ka Lunahooponopono kou aloha nui, ame na keiki o kou keena pai kou mahalo nui.

            Owau iho no me ka oiaio,

J.H. KAWELOWAI, 

            Waialua, Oahu, Feb. 4, 1924.

 

LAWE PONOI NO I KONA OLA IHO.

 

            Malalo ae nei o Aiea, ma ke Sabati aku la i hala, i lawe ponoi ae ai kekahi kaikamahine Kepani, nona ka inoa o Miss Kuni Kiriu, i kona ola iho, ma ka inu ana i ka laaumake.

            Ua hoihoi awiwi ia mai oia noloko o ka halemai Kepani ma Honolulu nei, eia nae, aohe mea hiki ke hana aku no ka hoopakele ana ae i kona ole, no ka mea ua lanakila ka hana a ka laaumake, mamua o ke akamai o na kauka, a ua make oia he manawa pokole wale no, mahope iho o ka hoea ana mai noloko o ka halemai.

            Ma ka oleloia, no ke aloha kane mai ke kumu o ka lawelaweia ana o kela hana naaupo, o ia ka hooko ole ia ana o ka makemake o ka wahine opio, e mare me ke kane ana i aloha ai.

            Ua puhiia kona kino make i ke ahi, ma kela Sabati no.

 

NA LEKA I KII OLE IA MAI AHIKI I FEB. 9, 1924.

 

Akau, Mrs. F.

Hoopii. Miss Julian

Kaimana, Abraham

Kahanamoku, Henry

Kahele, Mrs. Mileka

Kahiapo, Mrs. J. W.

Kahoolapa, David

Kalama, Mrs. Hannah

Kaleialii, Daniel

Kalimapehu, John K.

Kanakeawe, Mrs. S.

Kapepa, Miss Amoy

Kawelo, Mrs. Lily

Keawe, Mr. Lui

Keiki, Mrs. Lele

Kemohe, Herman

Kepoo, Mrs @

Kewalo, Mrs. Kaula

Mahaiula, Joseph

Makuakane, M@ William

Mokuohai, Miss Violet

Paalani, Mas. H. K.

Paioa, Charles

Pahee, Miss Elizabeth H.

Pahula, Joe Kali

Puaku, Mrs. Kamala

Timokee, Alabati

            E ninau mai ma na lela i hooiahaia ke kii mai.

D. H. MacADAM.     

Lunaleta.        

            I ke taona iho nei ka Rev. Isaac D. Iaea o Molokai, ma kekahi huakai awiwi, ma ka po o ka Poakahi aku la i hala, a ma ka Poalua no oia i huli hoi aku ai no ka Moku o Hina.