Ka Nupepa Kuokoa, Volume LXIII, Number 7, 14 February 1924 — HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA. [ARTICLE]

HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA.

He kanaka opio ul o Gcofere o umi-kumamaiwa makahiki i nei manawa me ka ikaika o na lala ame kona noonoo r no ka Geofere ninau aka iho la ka makuakane a i mai la: "Ua manaoino loa oe i ka'u ike aku no ko Gelade komo « aku i ke kula nui a haule hoi oe mahope, o ia paha ea?' "Aohe o'u manaoino po ka maikai e loaa ana iaia mai ia kula mai, o ka mea oiaio ua haaheo a,u nona no kona holomua loa ma kana mau haawina, he hauoli nui ko'u no ia komo aku ?na no ka mea, he kaikamahine oluolu a akamai oia; no'u iho no ka'u e kaumaha nei no ko'u hanle hope a mamao loa inahope ona, a e nana mai ana paha oia ia'u me ka hoowahawaha pu no ko'u naaupo." "Aole o'u manao e loaa ana. ia manao iaia. no ka. mea, ua ikemaka oia i kou pilikia, a ua nui kona aloha ia oe no ia pilikia i loaa ia oe," i pane mai ai ka anakala, me ka oluolu loa, me ka haka pono mai o kana nana ana maluna o na maka o kana keiki hanai, no ka mea ua hiki iaia ke ike mai me ka maopopo loa i ka nui o ka ehaeha i loaa i ke kanaka opio no ke poho wale ana o kekahi mau makahiki iloko o kona ola ana. "e, me ka mahalo nui ia oe, e anakala Demona, no ka hooiaio ana mai ia'u no ke aloha o Gelade ia'u, aka oia pu kekahi e haawiia aku na mahalo ana a nui mamuli o kona mau auo maikai he mii wale." Hakui ae la ko Mr. līunatere umauma 1a manawa, \ kona manawa i lohe mai ai i na olelo a Geofere no ko C»elade aloha iaia. Ia minuke ike koke iho la no ka anakala aia iloko lilo aku o ka mole o ke kanaka opio he aloha kulipo i hookahuaia no Galeda a i hoomakaia hoi mai ka manawa mua lo amai 0 ko laua halawai ana, a ua nu.i a ikaika loa ia aloha iloko o ka opio no ke kaikamahine, e lilo ai ke ola ana o ke kanaka opio i mea hoolalapaia no ka oni aku e lilo i kanaka naaua#. a i ole e lilo ai paha i kanaka hoopoinoia ke lilo ole o Gelade 1 wahine nana. Pehea ana la ko Gelade manao ina e ike iho ana ola ua aloha o Geofere iaia? Eae ana anei oia e lilo na Geofcre? Eae ana anei oia e hoohuiia kona moolelo o ka wa i hala me ka moolelo o keia kanaka opio, he mau moolelo kamahao a pohihihi ko laua a elua? Ua oi aku ko Gelade naauao mamua o ko Geofere ! ne? manawa, ma ka noonoo a ma na haawina kula, eia ke hooikaika nei no nei kanaka opio e lanakiia oia maluna o kona hemahema a naaupo, i mea e oi aku ai oia mamua o Gplade, 110 ka mea, ina elike me ka holomua i loaa ia Geofere i nei manawa ma kana mau hooikaika ana a pela nia ia mua aku, e kaulike aku ana n ooia ma ka papa like me Gclade a i ole e oi l:>a aku ana no paha. "He keu aku a ke kupanaha," i noonoo iho ai ka anakala, "e liiki aleu ana ka hopena o ka moolelo o nei mau opio i ko la\ia ■hoohuiia ana ma ka mare—keia mau keiki i haawiia iloko o ka'u malama ana ma ke ano kamahao maoli, me na mea pohihihi loa e hoopuni ana i ko laua hanau ana, ame ko laua mau makua, ina nei no ko laua hoohuiia ae ma ka mare." lloko wale iho no ona keia noonoo e nalu ai me ka hoopuka ole mai i ke keiki, o kana wale no o ka pane ana mai:: "Ke ike aku nei au ma kou helehelena a ma kau mau olelo aia ka manao ikaika loa iloko ou e loaa ka naauao, a he kuko maikai loa no ia i kuu manao, aka pehea ana la e hiki ai ia oe ke hoopaa loa ia oe iho me ka huli mau ana iloko o k ( kau mehana a komo loa aku iloko o ka haulelau. No'u il aole o'u makemake e hoopoinoia kou ola mamuli o kou il— ika loa i ka huli ana i kau mau haawina, no ka mea, ke i| aku nei au i kou makemake loa e lanakila oe maluna o ki mau haawina a pau, i mea nou e komo koke aku ai i keka' kula kiekie a kula nui paha." "Ke manao nei au aohe au hopohopo ana iho no'u, no ka mea, e ike mai 110 hoi oe ia'u i nei manawa ua like au me ke kahi kanaka pilikua: ua ikaika ko'u kino, ua maikai ko'u ot| kino a ua ikaika pu me ko'u noonoo; e ae ana anei oe e hoat ia'u?" wahi a ka Geofere ninau.

"Ke ae aku nei au ia manao ou me ka oiaio loa, mc ka hauoli pu o ko'u noonoo. He mea hauoli nui no'u ka haawi ana aku ia oe i na pomaikai a pau i kou manawa e hooikaika ai me ka iini nui no kou holomua ma kau mau haawina. E lilo an* keia i kumu hana na'u e hoike aku ai ia Mr. Riva, ko kumukula, e hoomau mai oia i ke a'o ana ia oe iloko o ka manawa hoomaha, alaila mahope aku kaua e hooholo ai no kau ku!a e hele hou aku ai i ka manawa kula o ka haulelau." "O, me ka mahalo a nui ia oe, e anakala! E Anakala Demona, ua like loa oe me kekahi makuakane ponoi la no'u, m ke manao nei no au ina no o ko'u makuakane ponoi a eia maanei aole no e oi aku ana ko'u aloha iaia mamua ou. Ke lana nei kuu manao e hooiaio aku i kekahi la, ma kekahi ano hana maopopo, i ka nui o ko'u mahalo no kou lokomaikai ia'u," wahi a Geofere me ka noonoo nui iloko ona. "O, e kuu keiki, mai hookaumaha nui oe i kou noonoo me he la he aie kou ia'u. Kc loaa nei ia'u ko'u uku elike me ka loihi a kaua e noho pu ai ma o ka hauoli Ia i loaa ia'u no ka ike aku i ka maikai mai o kou ola kino, a o ka oi aku oia ka ikaika o kou noonoo e loaa ia oe ka naauao., me ka ike pu aku i kou mau noonoo kanaka makua, me kou mau ano maikai a pau e lilo aku ai oe i keonimana ma nei mua aku, a ua lilo pu no hoi i mea hoohauoli mai i ko'u noonoo i ka noho pu mai ou maloko o keia home. "Ma ko'u manao iho ina paha a he keikikane ponol ka'u aole no paha elike ana kona hoohauoli mai i kuu noonoo elike me kau e hana mau mai nei i kela ame keia la, a i ko kakou hui pu ana ae ka ohana a pau loa ke manao nei aole he ohana oi' aku o ka hauoli o ka noho ana maloko o ke kulanakauhale «> Purukeline nei elike me ia ma ke alanui Kalinelona nei. Pehea la kou manao, e Geor" MOKUNA VII.—Ko Geofere Komo Ana i ke Kula NuL Ua ike ae nei kaua, e ka makamaka heluheiu. \ na ano « o nei keiki ma na mokuna i hala he wahi keiki i manaoia he hupo, he aa, he 1010 a pela wale aku, aka, i ka manawa i pau ai kona pilikia ahiki hol iaia ke hoomaopopo, ke ike nei kaua ma keia wahi eia oia ma ke alanuipii ke pii nei no ke ake e loaa iaia ka naauao, a e loaa aku ana, no ka mea, o ia ka lia ame ka iini nui iloko o nei keiki. Ua pono no ka hauoli ana o Mr. Hunatere ame Alika kana wahine, no ka mea, ua haawi laua i ko laua mau noonoo maikai ame ko laua mau manawa ma ka noonoo nui ana no kapono o ka laua mau keiki hanai, ma o ko laua hoonaauao ana na keiki ame ka malatna*naikai<ina ia laua ma na ano apau, hc|

mau keiki hoi i haawiia mai na laua ma ke ano kamahao loa. He mea oiaio, ma ke ano he haawina i maa mauia ua oi aku ko laua aloha me ka hoopunahele pu ia Gelade mamua o Goefere, no ka mea ua lawe maoli laua iaia ma ke ano he kaikamahine ponoi na laua mai kona manawa mai he wahi bebe uuku wale no, a ua aneane hoi e moa ka pulehu i nei manawa, a. oiai hoi aole a laua keiki ponoi i haawiia mai na lana no ke kaana pu ana i ko laua aloha, ua hoihoi laua i ke kikowaena o ko laua aloha apau maluna o Gelade wale no. Aka nae, aia no he aloha iloko o laua no ke keiki poino i lilo raai na laua e malama, no na haawina poino i leau iho maluna o Geofere ua ae ko laua aloha menemene nona, a i ka noho pu ana iho me laua no kekahi manawa loihi ua nana aku laua i ke keiki poino me he mea la oia kekahi lalā o ko laua ohana, a ua haawi aku hoi i ko laua aloha me ka hilinai piha maluna ona no na ano maikai he nui iloko o Geofere a laua i ike aku ai, mahope o ko laua hakilo loa ana ia mau ana ona no ka manawa loihi.

I ka manawa J hoikeia aku al ia Mr. Riva, ke kumukula a < Geofere, e noho mau mai no oia e ao ia Geofere i ka mana- < \va hoomaha o na kula, ua piha loa oia i ka hauoli, no ka mea < 0 kana mea no ia e noonoo ana ia manawa, a aneane no oia e i nonoi mai ia Mr. Hunatere no ia manao, hoike e ia aku ana ; nae iaia. He mea hauoli nui nana, wahi a Mr .Riva o ka pane ana mai, ka ike ana i ka hooikaika maoli o keia keiki i kana ' mau haawina ame kona holomua hoi iloko o na mahina poko- 1 le wale no o kona a'o ana iaia, a oiai hoi, he nui no na pilikia ma ke dala o Mr. Riva, ua, lilo kona noho mau mai e a'o ia Geofere i mea kokua nui aku iaia, e hoopauia ae ai kekahi mau pilikia nui ona, oiai he nui kana mau bila e uku aku ai. No ka holopono ana o keia manao hoihoiia aku la o Geofere me Mr. Riva i kekahi home ma kuaaina, kahi e loaa mau mai ai na ea huihui, a e lilo ole ai hoi ka noonoo o ke kanaka opio ma na mea hoohihia e ae aole oia wale, aka i loaa pu ka ikaika i ko laua mau kino, oiai e hoopaa mauia ana ko laua manawa ma ke kula ana. Ua hooko pono o Mr. Riva i kana hana i kauohaia aku ai ma kona ano he kumukula, ma ke a'o ana ia Geofere ma na ike apau a ua hoike ae no hoi o Geofere i kona hoomaapau i loaa iaia, a ua hoike ae 110 hoi o Geofere i kona hoomanawanui me ka pauaho ole, me ka iini nui iloko ona e lilo oia 1 kanaka naau&o ma ia mua aku. No ia manao ua hoomaka oia Mr. Riva i kana a'o ana ma ke kakahiaka nui aia no ka pau o kana a'o ana i ke ahiahi, o na ninau paakiki apau e pili ana i ke ola ana, i ka noho ana, a i ke aupuni ua weheweheia aku imua o Geofere, mamuii o kona manao e oi aku ka makaukau o kana haumana mamua o na haumana e ae apau, i hoea mai no ia o ia mau ninau imua o Geofere ua lawa mua ka makaukau iaia e pane aku ai. Iloko o ka mahina 6 Sepatemaba ua hoikeia ae la e Mr. Riva ko Geofere kupono loa no ke komo ana aku i kekahi kula nui kuokoa no na kanaka opio, a i ka manawa i hoikeia aku ai i ke kumupoo o ia kula ko Geofere moolelo, na kumu hoi o kona poino ana i kona manawa opiopio loa, ua aeia mai la oia e komo aku i ua kula la, he pono kuikawa i haawiia mai ia Geofere i loaa ole i kekahi mau haumana e ae i noi aku ai mamua. Maloko o keia kula o Geofere i noho ai no hookahi makahiki. a i ka pau ana o ia manawa, me kona lanakila ana maluna o na haawina apau i a'oia mai ai iaia mamuli o kona hoōikaika me ka hoomanawanui, ua hookahahaia aku na noonoo o kekahi poe no kona holomua loa, oiai nae, he mau makahiki kona haule hope maliope o na haumana e ae. Aole o kona holomua ma na haawina kula wale no, aka ma ka ikaika pu kekahi o kona kino; ma keia manawa ua pii ae la kona kino i ka nui a i ka ikaika, me ka pii pu ae o kona kanaka ui, lamalama mai la kona helehelena, a he kulana liiehie a kilakila hoi kona me ka piha pu { ka noonoo, a he kulana keonimana oiaio hoi ke nana aku iaia, eia nae, ia manaywa hookahi ua malama mau oia i kona kulana haahaa a oluīa; lu, me na ano maikai o ka hoolauna ana e lilo ai i hoaloha maila pi ahiki hoi ke hilinaiia aku. 1 I ka pau ana o ka makahiki ua kupono oia me ka lawa i ka ° iakaukau no ke komo ana aku i kekahi kula nui. Ma kekahi la kamailio aku la ka anakala i ua o Geofere e >orc no oia e noho iho ma ke kula kuokoa ana i komo ai no kekahi makahiki hou aku ina ua loaa kekahi manao kanalua iaia no ke komo ana aku i ke kula nuī; aka nae, oiai ko Geoiirere noonoo ua ikaika loa no ke komo ana aku ia kula, hoike »aku la oia i kona makemake nui e komo aku i ke kula nui a na kanaka opio e noho ana i like ko lakou mau makahiki me kona e noho ana. Aohe ona makemake e noho hou iho ma kekahi kula haahaa, o kona makemake nui e komo aku oia i ke kula nui o lale, a no ia paakiki loa o Geofere, ua ae r mai la ka anakala a ua hookoia aku ia manao ona. Ma kona manawa o ka ninaninauia ana no kona kupono ole paha e komo aku i ke kula nui o lale, ua aponoia mai la oia, nolaila ua komo aku la oia ia kula me ke kanalua ole ia, a ma kona manawa i aponoia ai oia kekahi o na kanaka opio hauoli loa no kona lanakila ana, a no ka hoea ana ak;u hoi i ke kulana kahi e hiki ai iaia ke nee aku imua a e huli ai hoi i kona mau pomaikai, ka mea nui ana i iini nui ai no kekahi mau makahiki lehulehu i hala a i moe ole ai hoi o kona po. I nei manawa hookahi wale no ona makahiki mahope o Ge!ade, a aia mau iloko o Geofere ka manaolana e hoemi ia mai ke kowa mawaena ona ame Gelade mamua o ka pau ana o kona manawa e hele ai i ke kula. O keia no kekahi manao ikaika iloko ona nana i hoaa loa ae i ka ikaika huli naauao iloko ona, oia hoi, e lilo o Geofere i "koolua no Kalahikiola" i ka manawa kupono e ikeia ana ma ia mua aku. Wahi ana iaia iho, ina no ka hoomauia aku o kona ola e hemo aku ana oia mailoko aku o ke kula a pau no hoi kona huli naauao ana. a ia manawa o ia e ike iho ai aole no oia i emi loa iho malalo o Gelade ma ka naauao, a iaia e hemo maikai ai mai ke kula aku o ka hana ka mea mua loa iloko o kona noonoo, a o ke kahua hoi e hiki ai iaia ke oni ae no kekahi kulana kiekie iloko o ke ola ana. I kona hoike ana aku i keia mea ia Gelade i kekahi la he mea e ko Gelade hauoli, ua haaheo loa oia i kona lohe ana aku i nei manao o kona kaikunane hookama, a ia manawa oia i pane I mai ai: "He keu aku keia a ka mea hookahaha noonoo ke noonoo ! iho. eono makahiki, i hala aku nei na'u ponoi no oe i a'o aku ! i ka piapa. a eia nae, i neimanawa a'u e ike aku nei aneane S loa oe e kau ma ke poo o ke alanuipii. Ea, e Geofere, he keu | akn a kou holomua loa ma kau mau haawina, o ko'u loaa no | ka keia ia oe, oiai nae he mau makahikī ko'u o ka hele mua ana i ke kula mamua ou a eia ka, e oi ae ana oe maluna o'u." "Alaila, maka'u iho la anei oe, e Gelade, o Miss Hunatere ka pololei." "Pela ka'u ike iho la, e oluolu oe mai kalaiwa no hoi paha oe i kau kaa kaua a oi loa aku ka mamaholo i ko ka'u kaa," i akaaka mai ai o Gelade. "He kupanaha, ina aole oe i halawai me kela poino i loohia ai oe, i nei manawa ua mamao loa oe i, mai a'u aku, e hiki ole ai ke hahai aku mahope ou, ina no nae aole au e aa ana e leha ae i ko'u mau maka a nana ae iluna ia oe," wahi a Gelade me na maka imolmo kolohe, Kulou mai la o~Gcofcrc imua a nana pono iho h i na maka

o Gelade a pane iho la: "E Miss. Hunatere, eia iloko o'u i nei manawa kekahi manao hauoli loa no ko'u hookuuia ana mai e kaahele maluna o ka ili honua, elike me ka ikaheleia ana o kekahi apana papa maluna o ka ilikai; ke hoomaikai ae nei au i na lani me ka hauoli no ka haawi ana mai ia'u i keia pomaikai nui, no ka mea mamuli o ia auwana hele ana o'u i loaa ai ko'u mau makua maikai na laua e malama mai ia'u, a i lilo ai hoi kaua i mau hoaloha oiaio loa i keia lau"

"He mea hauoli iho la ka ia nau?" wahi a Gelade o ka ninau ana ae, me kona nalu nui iho iloko ona no ka manao kumu ilo--9 * ko o ke kanaka opio ana no e hoohuoi ana ia manawa. "He mau olelo kamahao loa paha keia a'u i hoike aku nei ia oe, pela ko'u ma nao, aka nae, he mau olelo oiaio loa ia, noj ka mea ina i halawai ole ko'u ola ana me kekahi haawina ku-i panaha elike me ia au i ike maopopo ai, o ke ola wale nei no ma ke ano laumania maloko o ko'u home ponoi, elike me kei ola ana o kekahi poe keiki e ae i halawai ole me na popilikia elike me ko'u, aole kaua e halawai iki ana, pela kuu manao ; a eia hou, aole paha e loaa ana ia'u kekahi mau makua maikai o ka malama ana elike me Mr. ame Mrs. Hunatere, a aole no hoi e loaa ana ia'u ka manawa kupono e huli a e hooikaika ai i mea e loaa ai ka ike, elike me ia au e ike nei i keia la mamuli o kau a'o ana ia'u, a o ke kumu hoi i loaa ai ka ikaika nana e hoolalelale ae ialoko o'u e hooikaika i ka huli ana i ka naauao. "O oe, ka mea nana i hoolalelale ikaika loa 1 kuu noonoo e huli ika naauao; ia'u i nana iho ai ia'u iho, ua nui ko'u kino, eia nae, o kou naauao ua kela loa aku mamua o ko'u, nana aku hoi i na keikikane i like ko lakou nui ame na maleahiki me ko'u, ua ike iho .au i ko'u hupo haalele loa ke hoohalikeia aku me ko lakou, no ia kumu i hooholo ai au i kuu noonoo e hooileaika pauaho ole au ma ka huli ana i ka'u mau haawina kula i mea e hanihani a i ole e kaulike aku ai paha me lakou." "O kekahi mea nui a'u e hauoli nei i keia la oia no ka loaa ana ia'u he home kupono a maikai, me ka loaa pu o kekahi mau makua a'u e aie nui nei i ko laua lokomaikai, no ka mea, no ia lokomaikai o laua e loaa nei ia'u keia mau hoonaauaoia ana, he hoonaauaoia ana a'u no e manaoio nei ina o ko'u mau makua ponoi a,ole no paha ana laua e hooikaika mai ana ia'u e huli ikaika i ka naauao. Aohe a Gclade pane aku iaia no keia mau olelo ana, nana pono wale ae la no iaia me ka piha i na manao kahaha oiai ko ke kanaka opio mau maka e haka pono mai ana i kona, a no ko Geofere nana pono loa mai iaia, kulou iho la kona mau maka ilalo a pii ae Ia ka ula ma kona lae, a no ka mea aohe manawa hookahi Geofere i kamailio a.ku ai iaia mamua elike me keia,'aohe no hoi he hiohiona ma ko Gelade mau maka, a ma kana mau olelo e hiki ai iaia ke ike aku aia he meahuna iloko o kona puuwai nona.

He mea oiaio, ua aloha oia ia Geofere ma ke ano he mau opio like laua i malamaia e na makua hookahi, a ua noho pu no hoi maloko o ka home hookahi, me ka ike aku a ike mai ma kekahi mau manawa, a he aloha kona i ke opio ma ke ano he kaikunane a kaikuahine, aole ma ke ano he ipo, a ua hooi loa ia ae nei hoi kona aloha ia G«eofere mamuli o kona ike aku i ka holomua loa o Geofere ma kana mau haawina, a me ka oluolu a maikai pu o ko ke kanaka opio mau ano oia ka maikai o kana mau olelo, kona ano akahai, ame kona lilo i mea aloha a i mea punahele pu hoi i ko laua mau makua hanai. Afa ka la mua o ka mahina o Sepatemaba i komo aku ai o Geofere i ke kula nui o lak, a hoomaka kona noho ana aku j maloko o ia kula no na makahiki eha me kela manao ikaika aj ulumahiehie mau iloko ona e holomua oia ma kana mau haawi-j na kula apau, a i ka pau ana o ia mau makahiki e puka maij ai oia, me ka loaa iaia o ka palapala hoomaikai mai kana mau kumukula mai, a mahope aku o ia manawa e huli aku ai oia i hana nana no ka imi ana i kona pono o ke ola ana, me ka paa 0 kona manao ina no ka loaa o ka pomaikai iaia, e hooikaika' ana oia e hookaa i kona aie i kona mau makua hanai. No hookahi pule kela noho ana aku o Geofere maloko o ke kula, a i kekahi ahiahi, oiai oia e hooikaika ana i ka huli i kana mau haawina no ka hoomakaukau ana iaia iho no kekahi la kula ae, kikeke mai ana kekahi mea mawaho mai o ka puka o kona rumi me ka ikaika. Aohe oia i kono aku i ka mea nana i kikeke mai e komo mai, iaia i aea ae ai iluna ike aku la oja i ka weheia ana mai o ka puka, a ua hookahaha koke ia ae la kona noonoo ia manawa m? ka haohao pu no kona ike_ana aku he hapa kakini mau haumana o ka papa ekolu e komo pakahi mai ana, a kuku ae la ma na wahi like ole oloko o ka rumi, a hookahi o lakou, me he mea la o ke alakai paha ia o ua mau keiki la, hele mai la a kokoke loa iaia. Iloko o ka manawa pokole loa ulu ae la keia manao iloko o Geofere i hele mai kela mau keiki e ninau hoopahenehene iaia a e hana mai hoi i kekahi mau hana hoonaukiuki lehulehu e nele ole ai ka ulu ae o ka inaina iloko ona, a hoomaka ka hoopaapaa a hakaka ana. He hana maamau no l«eia i kekahi mau haumana o na kula 1 kiekie, i ka manawa o na haumana o ka papa eha e hoomaka aku ai e komo, e hooinaka mai ana na haumana o ka papa ekolu.a elua paha e hooneanea ninau i kumu hoala hoopaapaa, o ia maoli no ka manao o keia mau keiki i komo mai ai. No kekahi manawa ka ulupuni ana ae ona i ka inaina no keia komo ana mai la o nei mau keiki e hokai a e hoopau manawa wale i kona huli haawina, a i wale iho la no iaia iho: "Ina he mau keiki keia i hele mai nei me na manao hoohaunaele e hooikaika ana au ma na ano apau e hoohoka aku ia lakou. a na lakou ia e ike iho i ka hopena o ka lakou hana, he hana lealea paha ia i ko lakou manao a aole paha, aka no'u nei, he hana hoomokuahana ia e loaa ole ai ka noho aloha ana. O kona ku ae la no ia iluna mai kahi ae o ke pakaukau, a huli mai la no ka halawai ana me ke keiki i hele aku ai a kokoke iaia, me ka helehelena minoaka ma kona mau papalina. No na keiki apau e kuku mai ana, me he mea i hoanapuia mai lakou e kekahi mea mana a lakou i ike ole aku ai; ua ku malie loa lakou me ka oni ole, a nana ae la kekahi i kekahi me na helehelena pihoihoi, a he hiki wale no hoi ia Geofere ke ike aku ia mau ano o lakou apau, a ke ike pu aku la o Gfeofere i ka owaka malie ae o ko lakou mau lehelehe, me he mea la e hawanawana v ae ana kekahi i kekahi, aohe nae o Geofere lohe aku. O na keikikane elua e ku ana iwaenakonu o ka rumi ma ka Geofere koho aku, mamuli oka like loa o ko laua mau helehelena, he mau mahoe laua. He ui ko laua mau helehelena, he nani ko laua mau oiwi, he ano ehuehu like ko laua mau oho, he uliuli na onohimaka, a he mau helehelena ko laua e hoike mai ana na kekahi ohana kiekie mai laua, aka nae, ina he mea okoa ae malaila a e kilo mai ana, e ike iho ana no oia he 01 ae ko Geofere puipui a ikaika oke kino ame na lala mamua o laua pakahi; nolaila, e ike iho ana no ka mea e kilo mai ana he oi ae ko Geofere ikaika mamua o kekahi oia mau keiki, , (Aole i paa.)