Ka Nupepa Kuokoa, Volume LXIII, Number 7, 14 February 1924 — OLELO HOOHOLO HOALOHALOHA. [ARTICLE]

OLELO HOOHOLO HOALOHALOHA.

OIAI, ua oluolu loa i ka Mea Mana Loa ka lawe ana aku i ka uhane 0 Mr. J. L. Kikoo, kekahi o na hoa paahana kupaa a hoomanawanui me la, a waiho iho la i ke kino lepo 1 ka lepo, a OIAI hoi, he lala kahiko loa o Mr. Kikoo i haalele mai la i keia .ola honua ana no keia Ahahui Hookuonoono o na Oiwi Hawaii, a he kulana maikai hoi kona iloko o ka ahahui a moe aku la, a OIAI, ua ili iho maluna o makou kona mau hoahanau ka haawe kaumaha ame ke aloha paumako nona, NOLAILA, ke komo pu aku nei makou o ka ahahui i oleloia iloko o na u pu ana me ka wahine kanemake ame ka ohana apau, a ke nonoi pu ae nei i ka lokomaikai o na mana lani o hoomama mai i na u ana a e holoi ae hoi i na waimaka, a Nana no me Kona. mana palena ole e kiai a e hoomalu mai ia kakou apau, a E HOOHOLO hou ia, © hoounaia aku i hookahi kope o keia hoalohaloha i ka wahine kane-make, Mrs. Kikoo ame ka ohana, a i hookahi kope i ka Nupepa Kuokoa. Na makou no na na lala o ka Ahahui Oiwi o na Kane, ma o ko makou komite la. Na Komite: — B. N. KAHALEPUNA, M. K. lANA,