Ka Nupepa Kuokoa, Volume LXIII, Number 7, 14 February 1924 — HOOPAKELEIA HE KEPANI MAI KA MAKE MAI. [ARTICLE]

HOOPAKELEIA HE KEPANI MAI KA MAKE MAI.

E hoakaka ana kokahi moahou, o ka loaa ana mai i keia kulanakauhale mai Kauai mai, i ka hoopakeleia ana' o kekahi Kepani, i kahuli kona wanpa lawai'a, ma Nawiliwili, e Johri Malama, ma ke kakahiaka o ke Sabati, he elua ao nei pule i hala. E lawal'a ana ka kela Kepani maliina o kona .waapa papa, ma kahi kokoke i ka palekai, a ma kekahi ano i maopopo ole, ua kahuli iho la ka waapa, a lana ana ke Kepani iloko o ke kai. Aole he ike o kela Kepani i ka au, o kana hana walo no, i wahi e pakele ai kona ola, a e piholo ole ai iloko o ke kai, o ia ka puliki i ka aoao o ka waapa i huli ke alo ilalo. Ua ikeia kela poino o ke Kepani e ka poe ouka o ka aina, ia wa i hoomaka aku ai o John Malama, he limahana malalo o na enekinia Amerika, e noho ha-na ana ma ka palekai o Nawiliwili, e au no kahi o ko Kopani poino. Ma kona manawa ka i hoea aku ai no kahi o ka waapa kahuli, ua hele a pau ko aho o ke Kepani, ua hooikaika oia e hoohuli i ka waha o ka waapa iluna, me ka holopono loa 0 kela hana, alaila hookau aku la 1 ke Kepani iluna, me kona ka ana i ka liu, ahiki i ka lana ana o ka waapa, hoihoi mai la oia i ka tnca poino nouka o ka aina.