Ka Nupepa Kuokoa, Volume LXIII, Number 7, 14 February 1924 — MA NA HOME E HANA MAOLI IA AI NA IPUHAO PUHI RAMA. [ARTICLE]

MA NA HOME E HANA MAOLI IA AI NA IPUHAO PUHI RAMA.

Mainuli o ka ninaninau ana a kekahi o na kanaka kakau meahou o ka Nupepa Advertiser, i ka poe liana kini, iloko o na la ae nei i hala i loaa mai ka ike, aole he hanaia o na ipuhao puhi waiona, maloko o na wahi hana kini, aka maloko ponoi no o na home, o ka poe e waiho aku ana i na kauoha, no ka hanaia mai i ipuhao puhi waiona na lakou. He iwakalua-kumamakahi ka nui o kela poe hana kini, maioko nei o keia kulanakauhale i ninaninauia, o ia hoi he ehiku poe Pake, a lie umi-kumamaha mau Kepani, a ua hoike mai lakou me ka hunahuna ole iho, i ka meahuna pili i ka hana ana i na ipuhao puhi waiona.» He hookahi Kepani hana kini, mauka ae nei o Kapalama, i hoike okoa mai i kona hana ana i kekahi mau ipuhao puhi waiona, mai ke keleawe mai, he mau ipuhao nunui maoli, a ua ao okoa mai oia, no kona lilo he loea ma kela hana; o ke kumukuai o ka ipuhpo uuku loa ana e hana ai, ho kanalima dala, a pii aku ahiki i ka elua hancri me kanalima. dala. Hookahi Pake hana kini, i hoike mai, no kona hana ana i na ipuhao puhi waiona', me ka piula no ka poe o na kuaaina, aka nae, mahope mai, aole ona hana hou i kela ano ipuhao, no ka hoohalahala o na haole, i ka waiona e puhiia ana maloko o na ipuhao piula. Ho Kepani hana kini no ke alanui Kamika, ka i olelo ae, he mea hana oia i na ipuhao puhi waiona me ke keleawe, i kauohaia aku e na haole, a wahi ana, maloko ponoi o na home, o ka poe makemake i na ipuhao puhi waiona, malaila oia e hana ai, aole hoi maloko o kona halehana, mamuli o ka maka'u, o paa auanei i ka hopuia e na makai. {