Ka Nupepa Kuokoa, Volume LXIII, Number 8, 21 February 1924 — MAKE MA KA ULIA KAA OTOMOBILE. [ARTICLE]

MAKE MA KA ULIA KAA OTOMOBILE.

Maloko o ka Halenia'i Moiwahine, ma ka liapalua o ka hora umi, 0 ka po o ka Poaono aku la i hala, 1 make loa ai kekahi Kepani nona ka inoa o S. Inouve, mamuli o na palapu i loaa iaia ma o kekahi ulia la, oia ka hooku'i ana o kona kaa otomobile, me ke kaa uwila, ma ka hapalua o ka hora ewalu o kela po no, ma ke alanui McCullv. I kulike ai me ka moolelo e pili ana i kela nlia, e holo mai ana o S. Inouye ma ke alanui Moi no ke taona nei, maluna o kona kaa oto; a e holo mai ana no hoi ke kaa uwila ma kela alanui hookahi, me ka puahia nui. I ke kokoke ana ka ma ke alanui ololi Hoawa, ua hoaui ae Ia o īnoyve i ka holo ana o kona kaa kalaka, i ole ai e hooku'i aku me kekahi kaa otomobile e ku ana ma kela alanui ololi, o ka manawa ia i hooku'iia ai e ke kaa uwila a no loa o kela hooku'i ana, ua kiolaia aku la o Inouye mai kona wahi e noho ana, a hooku'i me ke aniani pale makani omua o ke kaa. Ua kukonukonu maoli ka poino i kau aku maluna o ke]a Kepani, mo ha haki ana o kona a-i, a ua hoihoiia aku oia me ka awiwi no ka halema'i o na poino ulia, a mailaila loa aku no ka Halema'i Moiwahine, maloko olaila i lele loa ae ai kona hanu»