Ka Nupepa Kuokoa, Volume LXIII, Number 9, 28 February 1924 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NA MEAHOU MA KA EKALESIA O PAIA, MAUI.

Solomen Haaohano, Aloha nui Launa- E oluolu mai kou ahonui e hoohomo iho i na meahou o ke ki@pai o ka Haku aloha e nee nui i kela la pen@i:

 

Paia, Feb. 3, 1924, ua malamaia @ o Rev. Moses M. Kahiapo ke anaina haipule, ma keia Sabati ma kona ekalesia. Ke anaina i hiki mai @ 71. Ke poolelo o keia la aia ma loan@ 5:3. Maikai ka olelo paipai o keia la. Mahope o ka pau ana o ka haiolelo a ke Kahu, i malamaia ae ai ka papa ahaaiua a ka Haku. He @ hoahanau kome hou ame 7 keiki liilii i bapetizoia.

 

Paihiihi Church- Ma keia Sabati hookahi no i malama hou ae ai ke kahu i ka ahaaina a ka Haky ma keia apana i ka auwina la hora 1:00 no ka pono ame ka pomaikai o na hoahanau e noho ana ma keia apana. Ke anaina i hiki mai he 21.

 

Ma ke Sabati o Jan. 27, 1924, i koho hoa ia ae ai ua lunanui o ka Ahahui C. E. Kuwaena o Paia, Mrs. Lum Ho. alakai Mrs. Annie Kahiapo, hope. Violet Kahiapo, peresidena, Abbie Kahaawinui hope, Miriam Kahoe kakauolelo, Mrs. Anie Kahiapo, puuku, Minnie Kaluna alakai himeni, Josiah Kalaaupa, hoakuka. Harry Alu, lunahooia, Ida Kahoe, elele.

 

Na luna nui o ka Paia C.E. Jr., Eddie alu, alakai, Mrs. Lum Ho, hope, Lily Lum Ho, peresidena, Julia Lee, hope, Ann Apiu, kakauolelo, Mrs. Lum HO, puuku, G. Lum Ho, hoakuka, Harry Alu, lunahooia, Alice Akuna, elele.

 

Paia Church- Eia ke malama mau ia nei ke Kula Baibala i kela ame keia Poakolu, a pela pu no hoi me na luna ekalesia. Ka haawina e ao@a nei i na luna, eia no ia ma ke ano nui. (a) ka haiolelo ana, (b) ke poolelo, ©, Kumuhana, (d) Namahele, (e), Manaopaipai, (f) Loina o ka Ahaaina Berena, (g), Keano o ka lawe ana, (h) Ka malama ana i kou kulana, (i) Ke komokauhale, (j) Hookeai, (k) Hooponopono Ekalesia, (l) Hoohulihuli uhane no Iesu. Aole no i pau aku na haawina a'o he nui aku na mahele i koe, na haawina maikai keia e lawelaweia nei e ka kahu.

 

Pauwela Maui, Feb. 8, 1924, Malamaia ka ahamele o Makawao, Akau Chorus ma Pauwela Hall i ke ahiahi Poaono, hora 7:30. Maikai na hana ma keia po. Ke anaina i hiki nai he @0. Ua malama pu ia he mau lemonade, ice cream na meanono, a pela wale aku. Ua piha na mea apau i ka hauoli ma keia po.

 

Ma ka noho ana o ka halawai hana i ke Sabati nei, ua loaa mai la ka hoike mai na komite mai, ua loaa no na hua maikai ua aneane aku i ke $60.00 a oi na loaa; a ke haawi aku nei i na hoomaikai i na hoa paahana ame na hoalaona me na makamaka no na lau oliva o ke aloha mai ia oukou mai.

 

Ua hooholo pu no ma ua halawai la, e wehe ahamele hou ana no ma Pauwela, Poano Maraki 1, 1924. Ua hoohoio na komite he 6 ka nui o na ahamele e weheia aku ma na wahi, like ole, o na pomaikai apau e loaa ana no ka Papa Himeni no ia e hele ai i Hilo i ka Ahahui Paeaina. He 37 nui o na lala o keia papa himeni i keia wa, me ke pani ole ia o ka puka.

 

Ma ka inoa o Maui Chorus, @@ komite o keia hana. Mrs. Annie Mitchell, Joe Mitchell, Rev. Moses M. Kahiapo, Mrs. Lily Kapoo, Moses Panui, Mrs. Lum Ho, Mrs. Rose Milikaa, Mrs. Annie Kahiapo, Mrs. LIzzie Mashado. Eia no kou o keia papa himeni ke ku nei me ka makaukau me ka manaolana e hui ana kakaou apau i Hilo no ka Euanelio Nani o Iesu ka Mesia me ka Alii o na Alii ame ke Haku o na Haku.

 

Paia Church Feb. 9, 1924. Ua malamaia ka halawai haipule ma keia Sabati e David Kalawaianui, maluna o ka Ekalesia o Paia, me ke kumuhana o keia la. Ka uhane ike ame ka uhane pouli. Maikai ka haiolelo; a ia Mrs. Daisy Kalaaaupa ka haiolelo ma ke olelo haole. Kumuhana hanau ana o Iesu Kristo. Maikai ka haa a ka Uhana e nee nei iloko o keia Kihapai.

 

Kalanikahuahoa Church, Feb. 9, 1924. Me makou mai ke Kahu Moses Kahiapo i ke Sabati nei. Ua malamaia ka halawai haipule ekalesia. Ke anaina i hiki mai he 57. Ke poolelo o keia la aia ma Oihana 16:30. E na kauwa, heaha ka'u e hana ai i ola aui. Maikai no manao i luia mai e ke kauwa a ke Akua.

 

Mahope o keia manawa i malama ia ae ai ke Papa Ahaaina a ka Haku, a o na hana hope, o ia na manao paipai mai ke Kahu mai maluna o ke kumuhana o ka la. Pehea oe e hoomalu ai ia oe iho. Nui na mea waiwai i haiia mai e na kauwa a ke Akua me ke ola o ka uhane. Paia, Poakahi, Feb. 10, 1924. Ua loaa mai ka lohe, o ke papahana hoonee a ke Komite HOeueu Nui o ka Paeaina o na C.E., o ke Teritore, e hoomaka ana ia ma ka mahina ae nei o Aperila, ke pau mai ke Ahahui Mokupuni o Maui ma Wa.

 

KA MAKOU MEA ALOHA HE MAKUAKANE, UA HALA.

 

I ka Lunahooponopono o ka Nupepa Kuokoa, Mr. Solomon Hanohano, Aloha oe:- E oluolu mai kou ahonui i kekahi rumi kaawale o kau mau kolamu, no ka makou poomanao e kau ae la maluna, i ike mai ai na hoaloha ame na makamaka o ko makou makuakane hele loa, Ielemia Kuhaupio, ua haalele mai oia i keia ola ana ma ko kakahiaka Poalua, hora 4 a.m., Feb. 5, 1924.

 

Ua hanauia ko makou makuakane aloha mai ka puhaka mai o kona makuahine Miliama ame Ielemia kona makuakane, ma Kealakekua, S. Kona, Hawaii, i ka A.D. 1852, i ka malama o Ianuari la 2, a ua piha hoi iaia na makahiki he 72, hookahi mahina ame ekolu la, o ka hanu ana i na ea huihui o keia ola ana, a moe aku la i ka moe kau a moe hooilo. Aloha no!

 

Ua mare no ko makou makuakane i kana wahine mua, a ua loaa no hoi he ekolu keiki, a ua haalele mua mai lakou apau i keia ola ana. A ua mare hou oia i ka lua o kana wahine, oia ko makou makuahine i ka A.D. 1890, a ua piha ia laua na makahiki he 24 a oi, a ua loaa ia laua he elua keiki, he hookahi kaikamahine oia o Mrs. Helen Francisco, a hookahi keikikane oia o Charles J. Kuhaupio e noho mai la ma Amerika. Olypia, Wakinkona, a elua moopuna kane e ola nei i keia manawa.

 

He kanaka oluolu ko makou makuakane, he kanaka heahea a he kanaka iloko o na hana a ke Akua.  Ua lilo makou na keiki ame na moopuna i mea nui iaia, nolaila ua ko ae la ka olelo o ka Buke Nui, penei: "Alaila e hoi ka lepo i ka honua elike me ia mamua, a o ka uhane e hoiia i ke Akua Nana ia i haawi mai. E hoomaikai mau loa ia ke Akua mana loa.

 

E na makamaka, na hoaloha ame ka ohana o ko makou makuakane, na luna o ka Ekalesia o Kawaihao, pela pu me na hoahanau, ke haawi aku nei makou i ko makou aloha ame ko makou hoomaikai palena ole i ka poe apau i ala pu a noho pu ame na boke pua na lei i makanaia mai no ka hoohiwahiwa ana i ke kino wailua o ko makou makuakane heleloa, no oukou pakahi a no oukou hui ia ko makou aloha pau ole.

 

E oluolu e lawe aku i ka makou mau hoomaikai ia oukou apau loa, a na ke Akua no e kiai mai ia kakou apau.

 

O makou iho no me ka luuluu,

MRS. MALA KUHAUPIO, MRS. HELEN MAHUAHUA, MRS. EDNA KUAHINE, MRS. LIZZIE MEASOR, MRS. HELEN FRANCISCO, MAS. DAVID HAO,

 

NA HUNAHUNA MEAHOU O KA OIHANA MAIKAI.

 

He kanaka hana no ka hui mokuahi I.I. S. N., nona ka inoa Salisa, ka i halawai me ka poino mauwale ma ke kakahiaka Poalima i hala i ka manawa i poha ae ai ke ta wela e paila ana a lele mai la kekahi hunahuna a pa i kona maka ma ka Uwapo 26, he poino i manaoia aole e ike hou ana kona maka.

 

O T. Motohiro i hopuia ai ma kekahi hale ma ke alanui Ala Moana ma ke kakahiaka Poaha o ka pule aku la i hala, ua ae oia i kona hewa hana a kuai waiona a ua hookuuia ae oia mahope o kona bela ana $750. Ma ka la 1 o Maraki e kauia aku ai ka hoopa'i maluna on a.

 

O ke kaa otomobile ame ehiku galani okolehao e kau ana iluna ka i paa pu ae i na makaikiu i ka hopuia ma ka auwina la Sabati nei ma ke alanui Kawaihao. O ka poe i hopu pu ia o M. Haneda Kashiwamura, t. Miyamoto ame Henry.

 

nanalua, Hana Maui; a o ka mahina holookoa i manoia ma ka Mokupuni no ia o Kauai, no na pule elua' a o ka pule elua o Mei, a komo i Iune ma ka Mokupuni o Hawaii, kahi nui loa o ka hana a ke komite hoeeu i manao ai, mamua o ka noho ana mai o ka Paeaina. Alaila hoi hou i ka Mokupuni o Maui ma na apana o Maui Hikina.

 

Paia, Poalua, Feb. 17, 1924. Ua loaa mai la ka pane i ke Kahu o ka Ekalesia o Paia, Rev. Moses M. Kahiapo i keia la, aia he mau hoahanau e makemake ana e komo mai i ka ekalesia i keia manawa koko iho, a ua manao ke kahu kahea koke ia aku ana ka Ahaaina Berena kuikawa i ka wa pokole. Maikai no na hana a ka Uhane i kana kauwa.

 

E na haipule no keaha la kakaou e ku hana ole nei a po ka la. Hana no kekahi i ke kakahiaka, hana no kekahi i ke awakea, hana no kekahi i ke ahiahi. Haawi mai la ka Haku i kana olelo hooholo hookahi no uku no na mea apau. Nui ke kihapai ai, uuku ka poe na lakou e hana. E pule aku kakou i ke Akua i mea e holomua ai Kona kihapai. Me keia mau manao pokole na ke aloha o ke Akua e kokua mai ia kakou apau. NO KRISTO AME KONA AUPUNI.

 

HE PAINA HOOMANAO PIHA 70 MAKAHIKI.

 

Mr. Sol. Hanohano, Aloha oe:- E oluolu mai oe no'u hoi kekahi keena o ke kino lahilahi o ke Kilohana a ka lahui, no kela poomanao e kau ae la maluna.

 

Ma ka la 3 o Feb. 1924, ua haawi ae la au he paina hoomanao piha 70 makahiki no ko makou makuahine aloha, oia hoi o Mrs. Abigail Kanamu Puhalahua, ma ko maua home Puaroselani, Honokohau Maui nei.

 

E mahalo ana au i ke Akua no ka nui o Kona aloha ame Kona lokomaikai i Kona malama ana a hooloihi i na la o ko makou makuahine a loaa iaia keia mau makahiki he 70, a eia no oia ke ola nei me ke ola kino maikai, me la ikaika o kona kino, e hana ana hoi i kana mau hana apau i maa iaia mai kona mau la opio mai me he la aia no i kona mau la opio.

 

Ua luahine no oia i ka nana aku, aka ma kona kulana ke hele mai, a ke hana mai i na hana apau i maa iaia, me he la, ua oi aku kona ikaika me ka makaala i ka hana mamua o kekahi poe opiopio.

 

Ua pomaikai a hauoli no hoi makou kana poe kaikamahine ekolu e ola nei, ame na moopuna no ka ike ana aku i ko makou makuahine e ola ana a loaa keia mau makahiki he nui i loaa iaia, pela au kekahi o kana mau kaikamahine i haawi ae ai he paina aloha no ko makou makuahine. He paina ohana no, ua nui no na meaai a'u i hoomakaukau ai o ia no ka poi, puaa kalua kele, opihi, i'a hou, soda water, meaono, uala, etc.

 

Ua kono au i ka ohana o Honokohau nei apau, e noho ana ma Kahauiki ame Honokohua, aka he kakaikahi ka poe i hiki mai, no ko'u ike no hoi o lakou ka ohana ma ka aoao o ka'u aliikane e noho nei ma keia aina, a he ohana no hoi no'u, aka he kakaikahi i hooko mai i ke kono.

 

Aole no i hiki mai ko'u mau kaikuaana no keia paina o ko makou mama, oia no o Mrs. Mary K. Hea'; e noho mai la i Keei, S. Kona, Hawaii, ame Mrs. Emily K. Kaahanui e noho mai la i Kainalu, Molokai, malalo o na kuia i loaa ia laua, e noi mai ana e kala aku au ia laua.

 

Ua ulu ae no ia'u ka noonoo e hoihoi i keia paina ma ka home ponoi o ko maua makua ma Keei-uka S. Kona Hawaii, o ko'u noonoo hoi ua paa ka'u aliikane i ka hana, a oia no hoi ko'u lima akau ma keia hana, a ma na mea no hoi apau a'u e makemake ae ai; nolaila pela no au i hoomanao ai i kuu mama imua ponoi o kuualo, me kona oluolu ma na mea maikai apau a'u e hana aku ai nona.

 

Ua nui no hoi kuu aloha i kuu mama i ka nana ae aole kuu mau hanaumua ma keia la, owau hookahi wale no ame kekahi o kana poe moopuna i akoakoa ae maluna o keia papaaina ame no ohana kakaikahi i hiki mai.

 

Mamua o ka makaukau ana o ka papaaina, aia hoi ua hoomakaukau mua au i lei rose no kuu mama e noho mua oia ka papaina, a mahope ka poe hoa ai e ae apau. Ua lawe aku la au i kuu lei rose i haku ai a hoomakaukau a hoolei ma ka ai o kuu mamam, he hoike no kuu aloha nui iaia, piai oia e ola ana, i honi mua no oia i ke ala o ka pua rose, a lei hoi i ka lei i kona wa e ola ana, a ua hoohauoliia mai au no ko'u makuahine i ko'u ike aku iaia iloko o keia kulana. Aole keia he pai, aka e hoike ana i na mea oiaio apau.

 

Ua hanauia kuu mama aloha Mrs. Abigail K. Puhalahua, ma ka la 2 o Feb. 1854, ma Napoopoo, S. Kona, Hawaii, mai ia Palaualelo (k) ame Maihui (w) kona mau makua, a ma ka la 2 o Feb. o keia makahiki i piha ai iaia he 70 makahiki o kona ola ana, aka ua hoopanee au i ka paina o kuu mama a ka auwing la Sabati, o ia ka la 3 o Feb. 1924.

 

He 8 ko lakou nui i hanauia mai ai e ko lakou mau makua, a ua lawe aku ka make i ka nui, a koe elua laua e ola nei. O ko'u makuahine ka mea nona keia paina hoomanao, ame kona pokii e ola mai nei a e noho nei ma Waiakea Homestead Hilo, Hwaii, oia no o Mrs. Sarah K. Laa.

 

Ua mare oia i ko makou makuakane Mr. Samuel K. Puhalahua ma Napoopoo, S. Kona, Hawaii i ka la 5, o Nov. 1867, a ua loaa no hoi ia laua ka mare gula, a make aku la kana kano i ka makahiki 1917, a mai ko laua puahaka mai i hoohua mai ia makou he 5 ka nui, 4 kaikamahine 1 keikikane. Lawe aku ka make he 2 keiki, a koe 3 kaikamahine e ola nei.

 

Mailoko mai o keia poe keiki i loaa mai ai he 19 moopuna, a mailoko mai o keia huina, ua lawe ka make he 11, a koe he 8 moopuna e ola nei; a mailoko mai o keia 8 e ola nei, he hookahi no i mare, oia no kana moopuna makahiapo Mrs. Julia Kawehionapua Haili, i Loaa mai ai he 5 moopuna kuakahi, ua lawe aku ka make 2, a koe ekolu e ola nei, a eia no ke hapai nei kana.

 

NA MAKAHIKI O KA POE KOHO BALOKA I KAU IA MA KA PAPA

 

Mahope o ka houluulu a hoonohonoho ana ma na papa i na inoa ame na makahiki o ka poe kupono i ke koho baloka maloko o ke Kulanakauhale a Kalana o Honolulu, no lakou na inoa i hoopaaia maloko o na buke a ke Kakauolelo David Kalauokalani, no kekahi mau mahina elua i hala aku, no k ahooikaika ana pela iho la e hoomaalahiia ai ka hana o ka imi ana i na makahiki o kela ame keia, ua pau ia hana nui i ka hoomakaukauia ma kekahi mau la aku nei i hala.

 

Ma ka hoonohonoho papaia ana ua ikeia he 6505 poe koho baloka maloko o ke Kalana o Oahu mawaena o ka 21 ame 30 makahiki; 5534 mawaena o ke 31 ame ke 40; 3825 mawaena o ke 41 ame ke 50; 1881 mawaena o ke 51 ame ke 60, a he 1512 he 61 a oi aku mau makahiki. Ma keia hana ana e hiki ole ai i ka poe kolohe ke hoopunipuni i ke aupuni he kanaono on a mau makhiki, i mea e hoookuu kokeia ae ai mai ka auhau kino ae.

 

O ka poe no lakou na makahiki mawaena o ka 21 ame 30 ua maheleia ma na lahui elike me ia malalo nei: Na Hawaii piha, 142; na hapa Hawaii, 1107; na Amerika, 1472; na Pukiki, 989; na Kepani 323; na Pake 926; na Pelekane, 28; Kelemania, 8; Poko Riko, 42,; na lahui e ae he 68.

 

moopuna a e ike aku ana no oia he mau kuakahi hou no koe mai kana moopuna mai, a no ka mea he o ia mau no kona ikaika.

 

O ko makou makuahine, aole on a noho paa me makou kana poe kaikamahine, he kakaikahi loa kona noho mai me makou, aia no kona wahi noho paa me kana moopuna wahine Mrs. Julia K. Haili, a o kana mea oi loa no hoi keia o ke aloha.

 

No ka hoi ana mai o kana moopuna wahine me kana aliikane a noho paa ma Honokohua i ka hana o ka Honolua Ranch, pela i hoi pu mai ai ko makou makuahine a noho me kana mau moopuna haalele aku oia i ka noho ana o ka aina ame ka home.

 

O ka 3 makahiki keia a oi o kona noho paa ana ma keia aina me a'u kana kaikamahine ame kana mau moopuna, ame na kuakahi; ua loaa no hoi iaia iaia he mau moopuna kuakahi iloko o keia mau makahiki o kona ola ana me ka hauoli. He mea nui no hoi oia i kana moopuna, oiai oia e noho ana me keia moopuna.

 

Iloko o ke ola ana o ko makou makuahine, ua nui na ano maikai a'u e poina ole nei nona, ua a'o oia ia makou me ka ikaika e hoopa'i ana ia makou me ka ikaika e hoopa'i ana ia makou no ka pono, nolaiia no keia mau mea apau a kuu makuahine i a'o ai a i hoopa'i ai no ka pono, ua nui kuu aloha i kuu mama, a ke ike nei a ke ola nei makou me na haawina a'o maikai a ko makou makuahine.

 

Ua a'o oia ia makou me ka ikaika aole on a makemake ia akou e molowa a palaualelo.  Ua a'o pu ia makou ma ke kulana i makuahine no ka home, a me na mahele apau e pili ana i ka noho home ana, a koe ka oihana mahiai me Iawai'a, olelo ko makou mau makua na na keikikane ia, a ke ike nei makou ia mau pomaikai a ko makou makuahine i a'o ai ia makou. Nolaila nui kuu hauoli i na elike na makuahine apau me kuu mama.

 

Me keia mau manao, ke hoopau nei au i keia episetole, a ke haawi aku nei au i kuu hoomaikai nui mailoko mai o kuu puuwai i na ohana kakaikahi, no ko oukou hooko ana mai i ka'u leo kono, no ka hele ana mai e paina pu me kuu mama, a e hauoli pu me ia, ame a'u kana kaikamahine ame kana poe moopuna, a pela pu me ko makou missona Elder Elvin, ame Bro. Ahnee Ah Sing, a pela pu me oe e Mrs. Mary H. AMaral, nou kekahi o ka'u hoomaikai nui, aole au e poina ia oe, oiai he malihini oe no keia aina, aka ua hooko mai oe i ka'u leo kono ame ko'u makuahine me ke aloha kuio mailoko mai o kou puuwai, a ua hoea mai no hoi oe iloko o ka wa kupono loa elike me ka manawa i hoikeia. Wahi au ia'u, he mea nui ke kono i ka poe naauao, a i ka poe naaaupo he mea ole ia.

 

Nolaila ke lawe mai nei au ia oe ame kou aloha o oe pu kekahi o ko maua oahana i helu pu ia iwaena o na ohana kakaikahi i akoakoa mai no keia paina hoomanao o kuu mama.

 

Me keia hoomaikai he nui no oukou, e oluolu e lawe aku i ka'u hoomaikai a kaana pu me oukou, me ke aloha oiaio mailoko mai o kuu puuwai. a ke pule nei au na ke Akua ko kakou Makua hookahi wale no iloko o ka lani, e kau mai i na hoomaikai maluna o kakaou apau.

 

Me oe e Mr. Solomon Hanohano ame kou mau keiki o kou keena pa'i kekahi o ka'u mau hoomaikai no ko oukou hooluhi ia.

 

Owau iho no me ka haahaa, MRS. ANNIE M. KALAMA, Puaroselani Home Honokohau, Maui.

 

MAHALO NUI KO'U IA OE E DAVID TRASK.

 

I ko'u pailaka, Mr. Solomon Hanohano, ke kapena nana e pailaka nei i ka Nupepa Kuokoa, Aloha kaua a hui:- E oluolu mai ia'u kau kauwa nei i kekahi rumi kaawale o ka milimili a ka lehulehu, ka punahele hoi a kaua i na kau a kau, a nau hoi ia e hiipoi iho me kou mau sela o kou keena pa'i, me ka mahalo a nui.

 

Mahalo i ka Makai Nui o ke Kalana a Kulanakauhale o Honolulu, i ka nani o kana mau hooponopono aupuni ana.

 

Ka hoomaemae ana i ke Kulanakauhale o Honolul, ka poe hookuli hakihaki kanawai, uilani ka manao e hana i na hana kue i na kanawai o ke Akua, ame ke kanawai o ka aina, aole i pono kela mau hana.

 

I Kaukaohu i hiki mai ai i Lunaalualei nei, iloko o ka mahina o Okatoba, la 7, 1924, he la Sabati ia, ua haiolelo oia imua o makou, oiai ua hookuu ka makou halawai ia awakea a ku mai oia imua o makou e haiolelo, a hoike mai la e holo ana oia no ke kulana Makai Nui o ke Kalana o Oahu nei, in a e waeia ana au e ka lehulehu, in a au e puka ana, alaiala e hopu ana au i ka poe hakihaki kanawa.

 

O ka lua, o ka poe e malama ana i ka oihana o ke aupuni, i ka on a, me ka lawe i ka waiwai kipe, e hoopau au ia lakou mai kela kulana mai.

 

He oiaio, he oiaio ka olelo a ka opio aole i hiki i ke kulana o ke kanaka makua, aka, ua lawe mai au a hoomanao no kana mea i wanana hele ai, apuni ke kalana o Oahu nei, o oukou no ko'u mau hoike, e na mana koho i ike i kona manao kuahaua imua o ko oukou alo.

 

Nolaila, ua hooko oia i kana mea i haiolelo ai.  Pololei ka opio, maluna o ka hoopono, i kana oihana.

 

Hanai'o ka uwahi ia Kohala, i ka pule mua o Ianuari, la 4, la 6, la 7, i hooko ai ka opio e hoopaa ae i ka  poe hakiahki kanawai, ka huina 60, ma ka Nupepa Kuokoa i puka mai ai malaila au i ike iho ai i ka hana a ke kanaka makua, he opio ke kulana, aohe i oo ka niu o Pokai, he haohao no, eia mae he kanono ua hele wale a kanikoo, a palalauhala, kau a mea he naauao, me ka manao kui'o, a kalele maluna o ka hoopono i kana hana i ha'i ai imua o ka lehulehu.

 

E malama i ka oihana he oiaio, ua pulumiia ke kulanakauhale o ka hoole kauoha ua pau lakou, o ka i'o me ka hoolohe, ua ola, o ka hoolohe ole, make, wahi a ka buke nui.

 

Nolaila e kuu i'o kuu koko, e ku a maloeloe, a malama i ka manu a ke alii, paa a paa o lele o ia hoi ka oihana e hoolohe i ka leo, o ka opio, e kau ae la iluna o na kuahiwi elua o Kaala me Kaukonahuanui, i nohoia e ka ohu.

 

Kupono io no kona ino, Kaukaohu, hooheno ia e ke kiu o ia keia: Pulupulu ahi o ka la makani, He aloalo au no ka la makani, He oiaio no Kauai no ka opio i hanau ai, a malaila i hoonaauaoia ai i na kula apana a komo i Kamehameha, a puka mai, komo i na hana like ole, a noho i Puuloa, ahiki i ka holo ana i ke kulana makai nui, a i ka waeia ana e ka lehulehu a puka, nolaila, ua nui ka mahaloia o Kaukaohu, nui ka hauoli o ka poe halekuai, na mikanele, ka poe waiwai o ka aina, i huiia me ka poe hoopono, na wahine i loaa ka mana koho. Nolaila hauoli loa au ia oe , e ka opio hoopono, o ko'u aoao, he Repubalika, o oe e ka opio he Demokarata, nolaila, ke hoomaikai nei au i ko kakou Makua Lani, e hoomauia oe ma ia kulana, a hoohanini mai ke Akua i na pomaikai he nui a hu, a lawa.

 

Ua hiki iho la au i ka pau ana o ko'u manao, ua kau ae la maua me ka makai nui o ke kalana, i ke kaupoku hale o Hanalei, he mea oiaio hoi kela, nona ka hooheno ana.

 

Maikai Kauai i ka malie, Kupu kelakela ke poo la i Wailua, Elua io no maua me ka opio, Ua nani hoi keia ke oni nei ka uwila, O wau iho no me ka oiaio, W.K. APUAKEHAU, Ke kiu lauhunhune o ke Kiawe. LUalualei Homestead.

 

HOOMANAO O MR. AME MRS. WILE KAU, I KO LAUA MARE DALA.

 

Kuu Solomon Hanohano:- E oluolu mai oe in a he runi kaawale kekahi o kuu kilohana i kela mau hua inamona e kau ae la maluna i ke ola na o keia mau opio a loaa mai la keia la ano nui o ke ola ana o ke kanaka, a ke Akua i hoopomaikai mai ai i ko laua kihapai.

 

Ma ka la elua iho nei o keia mahina, o ia ka Poaono, i paneeia mai ai kekahi papaaina i hoopihaia i na ono o Hawaii nei, a o ka makamua loa hoi o ka hanaia ana o keia hana ma keia apana ma Moanalua nei, dala i kupono no ia la, a kou meakakau nei i i hiki aku ai ame ko'u ike maka ana i na mea i hoomakaukauia ai, a kou lunaikehala i haawi akau ai i ka'u mau hoomaikai i no mea no laua ka la ame kau mau kaukau i ka Makua Lani, e hooloihiia ko laua ola ana a loaa ka mare dala.

 

Ke nana aku i na opio o ia mau no ke koneknoea o ko laua mau ola kino.

 

Mai ko laua mau kihapai mai, ehiku keiki, eono e ole nei, hookahi i haalele mai, i kona la opiopio no; eha keikikane elua kaikamahine, e ulu ae nei a lilo aku ana i makaukane no keia kaha, a e puka mai hoi mailoko mai o keia mau keiki, a e hoohauoli aku imua o laua.

 

O Wile Kau keiki, oia kekahi o na kanaka kaulana i ka hookani i kela pahu nui o ka Bana Hawaii, i kaulana imua o na alii oia o Mr. Dan Kau o Auwaiolimu, Pauoa, a eia no kekahi o kana mau hoahanau e ole nei oiai ua wiliia na kaui a i o ua au keiki nei, ka mea hookani pahu nui, e na iiwi manu leo le'a o ka uluniu o Lapakea, o ia ka ulu ana mai o ko laua kihapai ma keia kaha, a o na makua hoi o ka wahine oia kekahi o na ohana kahiko ma keia kaha, oia, o Mr. Halemano ame Luka kana wahine.

 

Ua nui no ko laua hoohua ana mai i ko laua kihapai, a kou meakakau nei e poina ole ai.

 

Nolaila i ka hoomanao ana o na mea na laua ka la, i ha'i mua ia ae la, he kumu alakai keia no keia mua aku, oiai, aole loa i loaa keia mua aku, oiai, aole loa i loaa keia haawina maikai, in a aole i loaa na mea maikai, a heaha hoi ka waiwai in a i hoohua mai ka Makua Lani i na mea maikai ame ka hana ole akui Kona makemake, alaila aole i kupono ka hoomanao ana, aka i keia la, eia o Moanalua ke pii nei iluna me ka malie loa, a ke lawelawe nei i na hana maikai, o ia ke kumu i ala mai ai keia hoomanao ana a o ka mea i ikeia, ua hapai ae na mea no laua ka la, i ka inoa o ko laua ohana am ekahi a ko laua mau wawae e ku nei, a e lilo ana laua i mea alakai i na hana maikai i haawiia aku ia laua.

 

Ua piha ko laua alo i ko laua mau hoalaoha e haawi ana i na hoomaikai nui, no ka loaa ana ia laua o ia la ano nui.

 

Aia no hoi na meakani e hosana ana imua o laua, oiai ua hoea mai kela keiki kaulana o kela loea kaulana o Kalaepohaku, a i kaulana i keia mau la e nee nei, a i hooni ae in a pauku kino o kela ame keia lede a pela hoi me na keonimana e haa ana i ka haa a Daniela kela kakaolelo, kaulana ia mau la, e hiki ele ai ia oe ke noho malie i ka olu o ko laua leo, e houhou ana i kou kikala, i ke mele mai i ka i'a makaonaona he kole ame ka maii ame kamaikoiko, i ka nahu pu me ka unahi i ka aihue i ka ha'i, kela ai o keia ai, mama i ka holo, aole na ke kino ponoi, ai iho no pau pu me ka piko.

 

Ke nana aku oe ie ua mau olohe nei, o na leo le'a he olu mai hoi kau, a kou kiu nei i oni pu aku ai i hoopa aku ai ia laua; e Mr. ame Mrs. J. Waipa, ua kupono no olua e kapaia na makeneki hoonioni kino, a hu ae la ko makou aka.

 

E hooloihiia ke ola o na mea no laua ka la me oe e kuu kapena ko'u welina pau ole.

 

Ko mau, J. K. MOKUMAIA,

 

E Hana Mau Ana Kekahi Mea i Na Minuke Apau

ma

Ka Hoikeike a Ka ELK

Nana ia ODIVA âme kana mau Uwalo luu

Ke Keaka $100.000 Makana Kuikawa ma ka Puka na Po Apau

 

CITY MILL CO.

KEKAHI O NA HUI KAHIKO LOA MA HONOLULU NEI.

Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na ema no apau no ka home ma ke kumukuai oluolu loa.

 

Kukulu makou i na hale ma ke uku liilii ana, me na hookaa liilii.

 

O KA OI LOA AKU NO KA POE HOOKUONOONO.

 

Mai Poina---Hele Mai Ia Makou

Kihi o na Alanui Moiwahine me Kekaulike. Honolulu, T.H.

 

A LOT MEANS A HOME

 

$600- Lot 50x100, Kalihi, $20 down, $10 per month.

$1075- Lot 7015 sg. ft. on 7th Ave. Kaimuki. $20 down. $10 per month.

$1500- Lot 8317 sq. ft. 7th Ave. near Kilauea. $40 down, $15 per month.

$750- Lot one-third acre 9th Ave. Palalo. $20 down. $10 per month.

Easiest terms in town. Prices the lowest consistent with market values

Ask C. W. Carpenter with PAULO KALAUKA (P. E. R. STRAUTCH)

Alanui Moi, Helu 74, Mawaena o na Alanui Papu ame Betela.

 

Keena Hawaii

NO NA

Lako Hana Mahiko

Hapuku Kila Oliver

Chilled âme na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

HAA I NA KINO O NA KAA UKANA ME KALAKA ME KA HANA HOU ANA

Schuman Carriage Co., Ltd.

Na Paionia o na Hana Halihali o Hawaii nei

 

KA VICTROLA

-Ka Meakani Mele Kilakila-he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NA PILA AHA

âme na mea apau pili i na mele.

Bergstrom Music Co. 1020 lanui Papu Honolulu

 

HALE UWI WAIU o MAPULEHU

PUKOO, MOLOKAI

E Hooholo Ana i ka MOKUKUNA GESOLINA LELEIONA

Mawaena o na Awa Honolulu me Molokai

Geo. P. Cooke, ONA.

Poe Lawe Hau me Waiu

 

E KUAI I KOU MAU

Pono Hale ma ka Hawaii Furniture Co.

Helu 469 Alanui Moi

kokoke i ke kihi o ke Alanui Liliha

He oluolu na kukai olelo ana.

 

T. O MURATA FURNITURE STORE

(Na noho hool@ma@@@ me lako pa maanei.)

Na Lako Hale Hou me Kahiko,

Hoolimalima me Kuai Hoolilo.

715 Alanui Hema, Uonoluiu, T.U.

Kelepona 1695.

 

KA PILA GRAFONOLA COLUMBIA

MAOPOPO KA WA E PAU AI

NA KA MOA HOOPAA NONA IAO E

MAKAALA IA @@ NOU. UA HIKI IA OE KE HULAHULA AHIKI I KA HULAOLELO PE LOA.

Uku Liilii ke Makemakeia

Thayer Piano Co.,

Limited.

148-150 Alanui Hokelo

 

KAKELA & KUKE

(KAUPALENAIA)

POE KALEPA MA KE KOMISINA

A KE

POE AGENA NO NA

MAHIKO LEHULEHU

 

PAPA

NA LAKO

KUKULU

HALE

 

No ka hoahu ana

i kou wai ma na

Pahu Wai Papa

Ulaula o 5000 a

10000 Galani.

E hoolakoia aku

no na kumukuai

âme na hoakaka

ia oe ke noi mai.

ALLEN &

ROBINSON,

LTD.

HONOLULU, T. H.

 

NUPEPA KUOKOA

No ka makahikia (one year)  . . . $2.5

O na Dala âme na Hoolaha apae

hoouna pololei mai i ka ADVETISER

 PUBLISHING CO. LTD  wale no, P. O. Box 3110, Honolulu

 T. H.

217 Alanui Moi, ma Waikiki

ke Alanui Alakea; ka Nupepa

Advertiser.

Entered at the Post Office at Honolulu,

T. H. as Second Class Master.

SOLOMON HANOHANO, Lunahooponopono.

CHARLES S. CRANE, LUNA NUI