Ka Nupepa Kuokoa, Volume LXIII, Number 9, 28 February 1924 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MAKEMAKE I HALE NO NA MEA KUAI HAWAII.
@ @ ka apenoia mai e ka Hope @ Raymond C. Brown a lilo ae @ hale kahiko o ka Hui Kaa @ @ ma ke alanui Moi @ mai nei e Rudolph M. @ ke kakauolelo a ke Komisina Hone Hawaii e hoihoi ae i ke @ @ a ke Komisina o na Home Hawaii iloko o ia hale, ma@ e kona ike he halenui a akea @ @ na @ @ loaa mai ana ka poe @ home @@@kuonoono mai ma Mo@ @ @ @ hoi ia hale i makeke @ waiwai a ia poe e hoouna mai @ @ @ nanaolana e holomua na @@ kanaka ma ke kahua Ka@ a e loaa pu hoi i wahi e @ aku ai ka lakou mau wai wai e hoo@@a mai ai i Honolulu nei.
Ma ke kakahiaka o ka Poakahi nei i lawe ae ai o Mr. Duncan i kekahi paiki i piha me na ohia lomi @ @ imua o ka Hope @ Raymond i mea hoikeike, a @ @ @ la ka i laweia ae @ @ a he ku ka i ka ono ame @ kaha o ka maka ke ike iho.
He mau mea hoikeike ia no na @ i ho@@@uia ai e na Hawaii na o na kanaka Hawaii e noho mai @ a he @ a he leulehu aku ka na @ i koe o ka pilikia nui, wahi a @ @ oia ka pele i ka makeke, kali e hoahua mai ai na mea i hoo@ ma Molokai maanei no ke kuai @ aka i ka lehulehu, no ka mea @ ke ola o kela poe e noho mai @ ma Molokai.
@UKU LOA NA KEENAHANA
@ Ua nui loa ka hana i makemake-@ a ua uuku ke keenahana. O ka @aa o kekahi hale nui a akea ka makou e makemake nei. He makemake au i mau rumi akea no ka ho@hu ana i na meaulu e hoounaia mai ana mai Molokai mai i Honolulu nei ahiki i ko lakou hooliloia ana aku. Ke nana mai la kela poe ma Molokai maluna oʻu no ke kokua ana aku @ lakou i keia hana hono. Ua manao loa lakou mai na makeke aku, a ke kaukai @oai la kela poe i ko lakou maa pomaikai mai na kokua aku a ka lehuiehu maanei, a he mea pono i ka lehulehu e haawi aku i na hana hoohoihoi apau ia poe ma o ke auai ana i ka lakou mau mea i kanu ai.
"E lawe i na huamea, ma ke ano he hoohalike. E kuai ana kela poe i pepa no ka wahi ana. Ma o ke kuai nui ana e loaa ana ia lakou ia ano pepa me ke emi. A eia hou akuia lilo o lakou o ka ukumoku. Ina o uka ana lakou i 10 pakeneka komisina no ke kuai ana i ka lakou man waiwai e loaa aku ana ia lakou i a@ keneka no ke kaiui in a e hiki ana i kekahi mea kehanaia no ko lakou mau pono. He mea oiaio, he pono e ukuia aku ka ukumoku, ina e hoopauia @ ka uku komisina no ka makeke ana i na waiwai hekokua nui ana aku hoi ia i kela poe. Ina he makemake na kanaka o Honolulu nei na huanoa mai ke ka@ua hoopulapula mai e pono ia lakou e hoike mai iaʻu no ia mea."
HOOLIMALIMA NO KA MANAWA POKOLE
Ma ko Da@@@ manaoio ina e hiki ana e loaa mai kela hale o ka Hui a Pon@@ e ku nei makai o ke alanui Moi ma ka hoolimalima no owalu a i oʻe eiwa mahina paha mamua a ka wawahiia ana o ia hale e ke tertore he haawi ana mai ia i kekahi manawa nui no ka hookele ana e hoionana ai ka loaa aku o na pomaikai i ka poe noho home hookuanoona ma ke kahua Hoopulapula ma melekai ma ke auo hoao.
@A PAUAHO MAI KA REV. J. KAMA I KEIA OLA ANA.
He@@@@ mai ka Buro mai o ka @ ma Hilo, o ka loaa ana @ @ @ kaka ana no ka pauaho @ o Rev. John Kama, ke @@@ Ekalesia o Kalapaua, @ i keia ola ana ma ka Poalima ka la 22 o keia mahina, ana @ home ma Kalapana, i ke @ e @ mau makahiki.
He kamosina oia no ka Paiaaala e Puna he kupa a he oiwi Hawaii @ ka apana a o kena onehanau no ia a no ua makahiki he umi kona @ hahu ana no ia apana. Aole eia i komo i kekahi hula kahunapule @ me na kahu Hawaii e @ e @ mai nei ma kekahi mau ekalesia imua no o ka Rev. S. L. Desha oia i aʻoia ai i ka olelo a ke Akua a makaukau, a hoonohoia aku i kahu ma ka Ekalesia o Kalapana. Ma ke ano he kahu no ia ekalesia e nalohia loa ana kona mau maka mai ka ike hou ana aku a kona mau.
E HANA MAU ANA KEKAHI
MEA I NA MINUKE APAU
MA
KA HOIKEIKE A KA ELK
NANA IA ODIVA AME
KANA MAU UWALO LUU
KE KEAKA $100.000
MAKANA KUIKAWA MA KA PUKA NA PO APAU
E HOOMANAO I KEIA MAU MEA ANO NUI
Eia ka papa ola ke makemake mai nei, e loaa ka papa hoike piha pono a pololei o na hanu maloko nei o keia Teritore, mamuli mai keia o ka hoomaopopo ana, he heluna nui o na makua, i hoike ole ae, i ka hanau ana o ka lakou mau bebe, i na akena o ka papa ola.
Ke kauoha nei ke kanawai, ma ka manawa e hanauia ai na keiki maloko o keia tertore, e hoikeia ae ko lakou hanau ana i ke keena o ka papa ola, a i na akena paha e noho ana maloko o kela ame keia apana.
Aole e ikeia ana ka waiwai o keia hana, aia ahiki i ka wa e nui e hoomaopopoia ai, ka pomaikai, ma ka aoao o na keiki i hoonaaia ka manawa o ko lakou hanauia ana, he mea ia e maopop ai kona kulana makaainana, kona kuleana i ke koho baloka, ke oo ana ma ke kanawai ame kekahi mau ninau ano nui, e ala mai ana ma keia mua aku.
Nui wale na Kepani, i hoomaopopo ole i keia mea ano nui, ma ka manawa e hanau ai ka lakou mau keiki, e lawe ana lakou e hoike i ke Kanikela Kepani maanei nei, oiai nae, o ka pololei, maloko o ke keena o ka papa ola ka mua e hoike ae ai, a mahope ke Kanikela, a wahi okoa aku paha.
He mea maa na kekahi mau makua Hawaii, ke kakau ana i na hanau maloko o na Buke Baibala, pela me na moolelo pili ohana, he mea maikai no ia, aka nae o ka mea pololei maoli, a o ka oi loa aku no hoi ia o ka pono , ma ke keena o na hanau o ka papa ola ka mua e hoopaaia ai, a i ole, e hoike ae i na akena o ka papa ola, e noho ana ma kela ame keia apana apuni ke tertore.
Hoahanau âme na hoaloha i kamaaina iaia(Rev.J. Kama,) a e lilo ana hoi kana mau hana maikai i hooikaika ai no kona Haku aloha i kiahoemanao poina ole nona.
Iaia i moe aku la ua haalele iho oia i kona hoapili he wahine mahope nei e kukia mau aku nona i ke ae ame ka po a pela hoi i kana keikikane Abner, o ka Home hookuenoono o Waiakea, a mawaho ae o laua na makamaka e ae he nui. O ka wahine a ka Hope Puuku Kalana Mrs. Gus D. Supe o Hilo, he kaikamahine hanauna oia na Rev. J. Kama i moe aku la.
Ma la Poaono o ka pule i hala aku la ka malamaia ana o kona anaina baipule a na Rev. S. L. Desha i lawelawe i kon aanaina hoolewa.
HOONOUIA KE KIAKAA UWILA I KA POHAKU
No ka hewa hoeha me ka meaeha ku i ka make i hookomoia ae ai he hoopii e ka Makai Kalauli ma ka po o ke Sabati nei e ku-e ana ia Roel Perkins, ke alakaii o kekahi puulu kamalii kolohe o ke alanui Liliha mahope o kona hopuia ana.
I kulike me ka hoakaka a ka Makaikiu Kellett o ka hoike ana ae, o Perkins kekahi o na ohua i kau ma ke kaa uwila o ke alanui Liliha ma ka hora 7:30 o ia ahiahi me ka on a. Ia Perkins e kau ana iluna o ke kaa uwila oia mau kona puhi ana i ka paka, a no ka paakiki o Perkins ua hoihoi hou aku la ke kanaka ohi tikiki i ka ukukaa o Perkins a kauoha pu aku la iaia e lele ilalo.
Ua elle io aku ua o Perkins ilalo no ka hooko ana i ke kauoha, a mahope o kona hele ana aku a mamao mai ke kaa aku, ma kahi he 20 paha kapuai, lalau iho la oia i kekahi pohaku nui a hoonou mai la i ke kiakaa a nahaha ke aniani pale makani omua a loaa pono ka lae o ke kiakaa David Mitchell a pouli kona ike. Ua laweia mai o Mitchell i ka halemaʻi o na poino ulia no ka lapaauia ana aku o kona lae i waawaa. I ka hoikeia ana mai o keia karima i ka halewai o ka Makai Kalauli ka ihoounaia aku e hele e hopu ia Perkins, a maloko o na minuke he 20 ma ia hope iho i kai huluhuluia ae ai o Perkins i ka halewai. I ka hoea ana ae o Perkins i ka halemaʻi o na poino ulia a i ka ike ana aku o Mitchell iaia, ua hooia koke ae oia o Perkins no i laweia ae ai ke kanaka nana oia i hoonou mai a eha ai oia.
I kuiike me ia a ke Kapena o na
HAMUIA KA HOME O KA OHANA HAMMANS E KE AHI
Ua lilo ka home o ka ohana Hammans ma ke kapakai o Waimanalo i puulehu ma ka hora 7 o ke kakahiaka Sabti nei, elike me ka lono i hoikeia mai i keia kulanakauhale, a pau pu me na lakohala, mamuli o ke pa-hu ana o ke kapuahi aila ma ka manawa e hoomakaukauia ana i mau meaai no ka aina kakahiaka, o ke kaa otomobile hookahi wale no ka ihoopakeleia, a ma ka manawa a Mr Hammans i hoi mai ai no keia kulanakauhale ma ia Sabati aneane loa o kona mau aahu moepo wale no koe maluna o kona kino.
No ka ikaika loa ka o ka pa ana a ka makani ua hikiwae loa ka holapu ana ae a na ulaahi a o ke kumu hoi i hiki ole ai e lele kekahi mau lako hale iwaho, laki nae ka pakele ana o na ola o kela ohana. Ua inisua hapa wale ia no ka ia hale. O ke pho i kohoia aia ma kahi o ka $4000.
O kela hale ka o ka ohana Hammans aia kona kahua i ku ai ma kahi kokoke aku i ka hale o Mr. C. Crane, ka Lunahooponopono Nui o ka Advertiser Publishing Co., e ku mai la ma Waimanalo. He halelaau ia nona ka nui he 32 ma ke 46 kapuai. Ua wela iki o Hammans ma kona poo ma kona manawa o ka hooikaika ana e lele kekahi mau lakohale iwaho, a he kanaka okoa iho ka kekahi i wela kona kino i ke ahi o ka hele ana mai e kokua no ka hoolele ana i na lako hale. o ka pilikia ma kela wahi aohe mea kinai ahi.
Ma ke ahiahi Poalima o ka pule aku la ka hoi ana o ka ohana Hamans mai ke kaona nei aku no Waimanalo, no ka hoohala ana i na la hope o ka pule malaila, eia ka he hoi ana aku kela a lakou e hooneleia ai i ka home ma kela kaha. He lunahoohana o M.S. Hammans no ka Hui o D.O. Hammans & Son, ka hui nona ka halehana e ku nei ma ke alanui Beritania Hema. O ka home o ka ohana Hammans ma ke kaona nei aia ma ke alanui Kuhia, ma Waikiki.
NA HIHIA O KA OIHANA HOOMALU.
No ka aihue ana i kekahi kaa otoi onaia e G. Kobatani i hopuia ae ai o John Merseberg, Andres Mirando ame Jame Lum, e ka Makaikiu Kellett, a hoopiiia ae no ia hewa. No kekahi mau hora lehulehu ka ka holo lealea ana o nei mau kanaka maluna o na alanui o ke kulanakauhale ma ka po o ka Poaha o ka pule i bala.
No ke kalaiwa ana i ke kaa otomobile me ka on a i paa ae ai o T. W. Allen i ka hopuia e ka Makai Waiolama, ma ke kihi o na alanui Kalakaua ame Lewis. I kulike me ka hoike a ka Makai Waiolama, o ka hoike ana ae, ua hookuʻi mai ke kaa oto o Allen e kalaiwa ana me ke kaa o Caesar Lopez e ku ana mahai o ke alanui a nohaha. Ua hookuuia aku o Allen mahope o kona bela ana ae he $100.
Ma ka po Poakahi nei i hookomoia ae-ai he hoopii e ke Kapena Makaikiu Kellett, e ku-e ana ia Mariana Albanza no ka hewa hoeha me ka mea eha ku i ka make. Ma ka hoopii i hookomoia ae nona, ua hoao ka keia Pilipino e oki i ke poo o Annie Adrano me ka pahi ma ka po o ke Sabati iho nei.
No ka hoolilo ana o Joseph Kawaiaea i kekahi bila $15 i ka haleaina Columbia, a i ikeia ai he bila waiwai ole mahope iho, i paa ae ai oia i ka hopuia e ka Makaikiu Kellett a hookomoia ae he hoopii nona no ia hewa.
No ka powa aua a lilo he $16 mai ia Young Kum Moy aku, ma ka po o ka Poakahi nei ma Kanamuwai ae nei i paa ae ai i ka hopuia e ka Makaikiu Kam Kwai, he kanaka Hawaii o Damien Kaumiumi ka inoa. I kulike me ka hoakaka a ka Makaikiu Kellett maloko o ka halepaahao i hoohala ai o kaumiumi i ka hapanui o na la o kona ola ana no na karaima lehulehu like ole ana i hana ai.
He Kepani kuke na Howard W. Laws ka i hoea ae imua o ka makai ma ka po o ka Poakahi nei, a hoike ae la no kona powaia ana e kekahi mau kanaka ekolu a lilo aku he $20 mai iaia aku me kekahi uwaik, ma ke kihi o na lanaui Ward ame Kawaiahao. ma kana hoakaka imua o ka makai ua paaia ka oia e na kanaka ekolu a pepehiia ma kona poo, me ka pauku laau a huliia oloko o kona pakeke a lilo aku kana mau dala.
Makaikiu Kellett o ka hoike ana ae ma ia po, o Perkins i paa ae ai i ka hopuia oia ke alakai o kekahi puulu o na kamalii kolohe inoino o ke alanui Liliha, a o ka puulu kamalii kolohe hoi nana i hoopilikia aku i ka noho ana o kekahi o na kanaka ma ke alanui Liliha iloko o ka mahina i hala aku.
HOOMANAO PIHA MAKAHIKI NO KUU MAKUAHINE.
Mr. Lunahooponopono o ka Nupepa Kuokoa, Solomon Hanhano; Anoai kaua:-Ke nonoi aku nei au i kou oluolu ame kou lokomaikai, e hookomo aku hoi oe i koʻu mau manao, maloko o kekahi o na kolmu o ka milimili a ka lahui, no ka hoomanao piha makahiki, o kuu makuahine heleloa Mrs. Sarah Kawehiwehi Kailihwa.
Ua pauaho mai oia i keia ola ana a haalele iho iaʻu, kana leialoha hekaikamahine, na moopuna ame ka ohana lehulehu e paiauma aku nona mahope nei, i ka la 6 o ka mahina o Maraki, o ka 1923, aka nei i hala,, a ma keia Poaha ae, ka la 6 o Maraki, 1924, e piha ai ka makahiki hookahi, o ka nalohia ana aku o kona mau maka aloha mai ia makou aku; me ka poina ole no nae o na hoomanao aloha ana no kuu mama.
No ka nui no o koʻu aloha me ka minamina i kuu mama, e malama ana au he wahi paina hoomanao nona, ma koʻu home, ma ke alanui Kawaiahao, Helu 1017, no ka piha ana o ka makahiki hookahi, o kona make ana; a ke kono aku nei au i ka lehulehu apau o ka poe i komo pu mai me aʻu, iloko o koʻu mau hora o ke kaumaha ame ka ehaeha no kuu mama heleloa, oiai ke kino wailua, o kuu makuahine e waiho ana; a i ukali pu aku hoi ma kana huakai heleloa; e hele mai ma keia paina hoomanao, me ka noho ole aku o kekahi.
I na lala o ke Kalapu Demokarata o ka Mahele Eiwa, Apana Eha, ke kalapu i noho puuku ai kuu mana aloha, ke kono aloha aku nei au ia oukou e hele mai, pela hoi ka Hui Poi Imiola o Kewalo, ka hui ana i noho peresidena ai, pela pu i ka Hui Lanakila, na hoaloha, na makamaka ame na ohana, no oukou apau keia leo kono. Hele mai me ka hilahila ole!
Owau iho no kana kaikamahine i hooneleia i ka mama, MRS> HELELANI K. K. KIKAUA; Honolulu, Feb.27, 1924.
UA HOOPAUIA AKU KEKAHI MAU HIHIA KARAIMA.
Ma ka noho ana o ka aha kaapuni o ka mahele kuikawa i noho kahu ia e ka Lunakanawai J. Wesley Thompson ma ka Poakahi nei i hoopauia aku ai kekahi mau hihia karaima liilii.
O ka hihia o Antonio Silva i hoopiiia ae ai no ka olelo hailiili, a i ae ai oia i kona hewa, ua hoopaʻi ia mai he $15, a hoihoi hou ia mai na dala koina o ka aha. O ka hihia o J.S. Hickey i hoopiiia ae ai no ke kalaiwa ana i ke kaa me koua on a, he $25 ka hoopaʻi i kauia mai, a o na dala koina ka i hoihoi hou is mai, o ka laikini nae on a ka i hoopaneeia no hookahi makahiki, aole e kalaiwa hou a hala ia manawa.
O ka hihia o Kanikiehi Sagkuehi i hoopiiia ae ai no ka lawelawe i ka oihana hana a huki niho me ka laikini ole, ua huki niho me ka laikini ole, ua huki hou oia i kana hopii hoohalahala i ka aha kaapuni a hookomo ae la he koi na ke kiure oia e hookolokolo mai.
O ka hihia i hooloheia e ka papa kiure a ka Lunakanawai Thompson ma ka Poalua mei oia ka hihia e ku-e ana ia Ernest Perry, elua mau kumuhoopii e ku-e ana iaia no ka hoolilo ana i kekahi mau bila apuka.
Ma ka po o ka Poakahi mei i hookomoia ae ai he hoopii e ka Makaikiu Kellett e ku-e ana ia Henry Pfeiffer, he kanaka i hoopiiia no ka aihue ana ma na wahi lehulehu like ole maloko o ke kulanakauhale iloko o ka mahina i hala, no ka hew@ aihue ma ke degere elua.
MAKE ELUA MAU LUINA MA KA MOANA.
Oiai e hooponopono ana i na laina, no ke kolo ana mai i kekahi mokuahi Morewai i halawai me ka poino ma ka moana, i lilo ai ia hana, i kumu no ka malamamoku ame kekahi luina, o ka mokuahi hoopakele, e make ai i ka moana, me ka pakele mahunehune ana mai o ke ola o kekahi luina, i kulike ai me kekahi moolelo o ke kamilioia ana ae, ma ka manawa i ku mai ai ka mokuahi Norewai Balto, ame ka mokuahi Elkridge no Honolulu nei, ma ka Poaha aku la i hala.
He mau allele like ole ko kela mau mokuahi ma ka moana, aka mamuli o kekahi poino, o ia ka haki ana o ka hoe o ka mokuahi Balto, ua hoouna aku la kela moku, i ka hoike ma ke kelekalapa uwea ole, no na kokua a oiai o ka mokuahi Elkridge, ka mokuahi kokoke mai, ua holo mai la kela moku, e kokua, he umi hora okoa a kela moku i holo mai ai, ahiki i ka halawai ana me ka mokuahi poino.
Me ka liana nui na kapena o na moku a elua, i hooponopono ai, ahiki i ka paa ana o kekahi kaulahao kila, ma ka ihu o ka Balto, alaila hoomaka mai la ke kolo ana no Honolulu nei.
Ma kahi nae he 380 mile, o kela holo ana mai, ua moku ae la ke kaulahao kila, me ka hookuuia ana o kekahi waapa iloko o ke kai. no ke kii ana i ka piko o ke kaulahao i moku. ua holopono kela hooikaika ana, meka huki hou ia ana o ka waapa iluna o ka Eldridge, eia nae, mamuli o ka nui o ka ino, ua loaa mai la ka waapa i kekahi ale, a kahuli ka waha o ka waapa ilalo, me ka au ana o ka malamamoku, me elua luina iloko o ke kai.
Oiai nae he mau kamaa buiki loloa kaumaha ko ka malamamoku e komo ana, pela no hoi me ka elua on a luina, a hui pu iho me ko laua mau kuka pumehana kaumaha, ua hiki ole ia laua ke hoopakele i ko laua mau ola; ua hoi aku laua iloko o ka opu o ka moana. aka no kekahi luina iho o lakou, he mama kona mau lole, ua hooikaika no oia ma ka lana ana iluna o ke kai, ahiki i ka paa ana i kekahi mea hoopakele o ke kiolaia ana aku iaia.
No ka hoopakele ana nae i na moku a elua, mai ka anai ana aku o kekahi i kekahi, oiai ua pili loa i kahi hookahi, ua hiki ole ke lawelaweia na hana hoopakele i na luina poino, ahiki i ka hala ana he elua hora mahope mai; a ma ka manawa i hookauia ae ai ka luina hookahi i koe mai kona ola iluna o ka moku, ua kupouli kona noonoo, eia nae ua pohala oia mahope mai, i ka manawa i hanaia aku ai kekahi mau mea e pakele ai oia mai ka make ae.
Ma ka la 8 iho nei o keia mahina, ka hoomakaia ana mai o ka moku poino e kolo, a ma ka la 21 i ku mai ai no Honolulu nei; aia a pau kona mau pilikia i ka hooponoponoia maanei, alaila hoomau aku ia i kona alahele moana.
O ka mokuahi Elkridge hoi, e holo ana ia no na kapakai o ka Pakipika, mai Iapana ame Kina mai, aka no ke kokua ana aku ane i kamoku poino, i kolo mai ai ia no kahi o ka palekana, e loaaaaku ai i kela mokuahi kekahi huina dala mahuahua, mai na on a aku no lakou ka Balto, ma ke ano he uku, no ka hana kokua i lawelaweia.
EIA HOU NO UA HANA POWA.
Ma ka hapalua o ka po o ka Poaono aku la i hala, i powaia ae ai he Keapani Kiakaa otomobile, e kekahi poe kanaka ekolu, mauka ae nei o ka Makanani Track, me ka aihueia ana o na dala he umi-kumamakahi mai iaia aku.
I kulike ai me ka hoakaka a ka Makaikiu Kellett, ma ka hora eiwa o kela po i hoea aku ai he ekolu poe kanaka no kahi hoolimilima o na kaa otomobile, ma ka Aloha Auto Stand, a koi aku la ia S. Kato, kekahi mea he kaa otomobile hoolimalima kona malaila, e lawe ia lakou no Kalihi.
Me ka manao ole ae o kela Kepani he poino kekahi e kau mai ana maluna on a, ua lawe iʻo aku la oiaʻi na kanaka ekolu maluna o kona kaa no Kalihi; i ka hoea ana no Kalihi ua kauoha aku la ua poe kanaka nei, e holo loa no ka halemaʻi o Kalihi, a mailaila mai i holo hou ai no ka Makananai Tract.
Ma kela alahele o ke kaa otomobile no ka Makanani Tract, ua hahau mai la kekahi o kela mau kanaka ia Kato, me kekahi meaeha ku i ka make, a iloko o kona kulana kunewnewa i lele mai ai na kanaka elua aku i koe e huli ialoko o na pakeke o kona lole, a lilo aku la na dala he umi-kumamakahi mai iaia aku.
I ka holopono ana o kela hana powa a na kanaka ekolu, maluna o ke Kepani kiakaa, ua hoomaka aku la lakou e holo me ka waiho malie no o ke Kepani iloko o ke kulana kupouli o ka noonoo, a i kona pohala ana ae, he manawa mahope mai, ike iho la oia, aia oia ma kahi he umi kapuai ka mamao mai kahi mai aku ai o kona kaa otomobile.
PANIIA KA LUAWAI O NA KOA E WISE.
Maloko o ka hale o Kong Yuen e ku nei ma ke alanui Webb, mauka ae nei o Leleo i loaa aku ai ia John H. Wise ame kona mau kauaka he 50 galani bia iloko o kekahi ipuhao keleawe, he 37 mau omole bia he kuaka okolehao ame 100 mau omole wai ole, ma ka manawa o ke komoia ana o ia hale e hopu ma ka Poalua nei mamuli o ka hoopii a na aliikoa o ka oihana koa no ka lilo o ia hale i wahi kikiolo mau na na koa o ka Papu Kahauiki, o kahi ia o ka luawai e hookenaia ai ko lakou makewai.
Ua paa ae o Kong Yuen i ka hopuia a pela pu me Proctor, ke kanaka nana e kuai i ka waiona i na koa.
He elua mau kanaka e ae ka i paa pu i ka hopuia, elike me ia a Wise o ka hoike ana ae a ua hoopaaia aku laua iloko o ka halepaahao no laua na inoa aole i hoike ia ae. Ma ka oleloia, e hono mau ana ka o Kong i ka alo mai kona paa ana aku i na lima o ke kanawai, o keia iho la ka kona manawa i paa ai.
Ma ka manawa o ka hopuia ana o Kong ma ka Poalua ni a i ka ninaninauia ana aku ka o ka mea nana ka bia ua hoole oia aole nana, a o ka hale kahi o na galani bia i hopula ai aole ka nona. Ma ka hoakaka a ke kakauolelo a ka haku hale he kanaka o Kong i noho hoolimalima aku maloko o ia hale.
HOOPOLOLEI.
I Ka Nupepa Kuokoa; Aloha nui. I mea e maopopo ai ka oiaio i ka lehulehu; owau o Mekia Kealakai, ka mea nana i haku ka himeni kanikau o ka Moi Kalakaua, e o e Kalani Kaulilua, o ka hui himeni Kawaihau, e ku ana ia manawa. O ka poe na lakou e mele ana i keia kanikau, oia iho keia:
Jack Ailau, (ke alakai) Solomon Hiram, Dan Kaleikoa, Mekia Kealakai, Chas. P. Kaleikoa, komalia Kuhia, Silvester Kalaman, Kaina Wiliokai, David L. Kalawaia, Geo. Nawaakoa, R. W. Aylett, Z. Kapule, William mulaka, Joseph Aea ame S. K. Kaiwi lunakanawai o Kauai.
O ka laina Alii o Kalakaua, o lakou wale no ke kuleana i keia himeni, pela i ku ai keia himeni no 33 makahiki me ka himeni ole ia, ahiki iho la i ka manawa i malamaia ai na hana hoomanao ma ka la Sabati iho nei, Feb.17, 1924, e ka Ahahui Ka Hale o na Alii.
Owau iho no me ka oiaio,
MEKIA KEALAKAI,
HE HOOMAIKAI.
E Mr. Lunahooponopono o ka Nupepa Kuokoa; Aloha a nui:-Ke haawi aku nei au i kuu hoomaikai ame kuu aloha pau ole, i ka poe huli nane no apau loa: aole mea hookahi i koe aku i kuu hoomaikai, ame kuu aloha.
No ka loaa ana o ka haina o ka nane ia Mr. K. K. G. Aekai o Ke Auau; nolaila e paa mau loa aku no kela makana hookahi makahiki ame ka hapa; lawe wale i ka Nupepa Kuokoa.
Ke haawi aku nei au i kuu hoomaikai, ame kuu aloha ia oe e Mr. K. K. G. Aekai o Ke Auau; ame oe no hoi e Mr. J. W. K. Kakelamaluikaleo; he hookahi degere wale no i koe aʻu i nana iho ai ma ke kolamu nuhou kuloko; alaila pololei kau haina.
Aloha a nui e ka poe huli nane; me na keiki o ka papapaʻi kuu welina, a o ke aloha pau ole me ka Lunahooponopono.
Z. P. K. KWAWAIKAUMAIIKAMAKAOKAOPUA,
Keiki o ka makakila niho Elepani. Napoopoo, Kona, Hema, Hawaii.
He 14 mau hihia okimare i paio ole ia mai e ka poe hoopiiia i hooloheia e ka Lunakanawai Desha ma ka hora 2 o ka auwina la Poalua nei.
E NANA PONO IA AKU ANA NA OHUA E NA KAUKA.
Mamuli o ka pahola ana ae o ka maʻi puupuu liilii (Small-Pox) ma kekahi mau mokuaina o Amerika, a malia o laweia mai ia ano maʻi i Hawaii nei, e hoomaka hou ia aku anaa ka nana ia ana o na ohua apau e hoea mai ana i Honolulu nei, mai Kapalakiko a mai Los Angeles a mai Seattle mai, maluna o na moku ahi Matson ame na mokuahi mai Los Angeles mai e na kauka o ke aupuni federala, i kulike me ia a ke Kauka E. A. Sweet o ka hoike ana ae ma ke kakahiaka o ka Poaha o ka pule i hala aku la. O na ohua e hoea mai ana maluna o na mokuahi Wilhelmina, ke Calawaii ka Maui, Lurline ame ka Enterprise e nanaia ana lakou apau elike me ia i nanaia ai i na ohua i hoea mai ai lanei mamua aku nei, he mau pule kakaikahi wale no i hala aku nei, a ma ia manawa i nanaia ai ua hoike ae na kauka o na ohua e hoea mai ana mahope mai e nanaia ana lakou, a in a ano ka ikeia o kekahi hiohiona maʻi maluna o kekahi o na ohua e hoomaluia ana, me ka oia o na ohua apau i o oleia a i ole i ikeia ka maikai ole o ko lakou mau o.
Ma kela nana ia ana o na ohua mua i hoea mai ai ianei e na kauka federala, he lehulehu loa ka poe i loohia i kela ano maʻi i hoikeia ae aia maloko o na kahua hana aila o Kaleponi, he maʻi i hoolahaia ae mawaena o na kanaka ma ia mau wahi mai na kanaka Mekiko mai i hoea mai ma ia mau kahua hana aila a laha ae la ma na wahi e loaa ana o ka hana ia poe.
Ua hoike ae ko Kauka Sweet e kiaiia ana me ka makaala loa keia awa e na kauka, i ole ai e komo mai ia ano maʻi i Hawaii nei. O na ohua apau e hoea mai ana o ka papa elua ame na ohua e pakeke
HOOLAHA I KA POE PAA AIE.
Ma keia ke haawi aku nei ka mea nona ka inoa malalo iho nei, i hookohuia i Kahu no ka poe paa aie ame ka poe paa mahele o ka HONOLULU BREWING AND MALTING COMPNAY, LIMITED, he hui Hawaii i hoohuiia, i hoopauia ma ke kauoha a ka Puuku o ke Teritore o Hawaii, i hanaia ma ka la 21 o Feberuari, 1924., i ka hoolaha i ka poe paa aie apau o ka hui i oleloia, e waiho mai i ka lakou mau koi iaia, ke Kahu i oleloia, ma kona wahi lawelawe oihana, 916-26 Alanui Papu, Honolulu, iloko o 90 la mai ka la aku o ka hoopuka mua ia ana o keia o hoole mau loa ia aku no ia mau koi.
Honolulu. Feberuari 22, 1924.
TRENT TRUST COMPANY LIMITED, Kahu no ka Poe Paa Aie ame ka Poe Paa Mahele o ka HONOLULU BREWING AND MALTING COMPANY LIMITED.
WANTON & LYMER na Loio no ke Kahu i oleloia, 517 Hale Kauikeolani, Honolulu.
6597--FEB. 28: Mar.6, 13, 20, 27.
i o oleia he mea pono e o ia lakou apau, he hana nae ia e pono ehana mua ia ma Kaleponoi mamua o ka hiki ana mai o na ohua ianei. O na ohua o ka papa ekahi apau i ikeia ka aai a maikai ole o ko lakou mau o e koiia aku ana lakou e o hou ia.
HOOLAHA KUAI O KA HOOLIMALIMA AUPUNI.
Ma keia ke haawiia aku nei ka hoolaha akea ma ka hora 10:00 a.m., Poalima Maraki 28, 1924, ma ke Keena o ka Hopeakena Mr. F. K. Kalua. Wailuku, Maui, malaila e kuni hoolilo ia aku ai ma ke kudala akea i ka mea koho kiekie loa malalo o na manao o ka Iʻauku 73 o ke Kanawai Kumu o Hawaii, na Pauku 358 ame 380 et seq. o na Kanawai Hooponopono Hou ia o Hawaii o 1915 ame ke Kanawai 143 o ua Kanwai Ahaolelo o 1917, ka Hoolimalima Laula e apo ana i ka pono hoomoe alahao e aʻe ana i ka aina Aupuni o Napili 4 ame 5, Kaanapali, Maui, nona ka iliaina o 1.86 eka. oi aku a emi mai paha.
E kaa no ka hoolimalima e hooliloia aku ana malalo o na kumu aelike ame na kulana apau o na kumu ame na kulana apau o na Hoolimalima Laula Aupuni i hoopukaia e ke Keena o ke Komisina o na Aiua Aupuni a malalo no hoi o kekahi hookoe ana e hookomoia ana maloko o ka hoolimalima e hoopukaia aku ana mamuli o keia kuai, e hoakaka ana elike me keia iho:
1. E hookoe ana i ke Teritore o Hawaii i ke kuleana e lawe me ka uku ole, i kekahi mahele o ka pono alahele i hoolimalima me a no na hawai na laina paipu na laina uwila na alanui na auwai ame na pono alahele e ae ame na hana e ikeia pono e aʻe ma ka aina i oleloia e hoohanaia ma ke ano e hoopilikia ole aku ai i ka mea e lilo ai ma ka hoehana ana i ka aina i oleloia no na hana pono hoomoe alahao
E kaa keia kuai malalo o na kulana mahope ae nei:
a. Manawa o ka hoolimalima 21 makahiki mai Maraki 28. 1924 aku.
b. Uku hoolimalima haahaa, $10.00 o ka makahiki, e uku makahiki mua ia.
c. E uku mua ka mea e li o ai ma ka haule ana o ka hamare, i ka uku hoolimalima o ka makahiki mua, hui pu me ua hoolilo o ka hoolaha ana ame na kaki e ae apau e piliana me ka hoomakaukau ana i ka hoolimalima i oleloia.
O ke kii palapala aina e hoikeika ana i ka aina e hoolimalimaia aku ana ame ke ano o ka Hoolimalima Aupuni Laula eia ke waiho nei ma kahi o na palapala a e ikeia no ma ke Keena o ka Hope akena, Wailuku, Maui, a i ole ma ke Keena o ke Komisina o na Aina Aupuni, Hale Kapitala, Honolulu T.H.
No na hoakaka i koe e ninau ae ma ke Keena o ka Hope-akena, Mr. F. K. kalua, Wailuku, Maui. a i ole ma ke Keena o ke Komisina o na Aina Aupuni, Hale Kapitala, Honolulu, T. H.
Hanaia ma Honolulu T. H. maloko o ke Keena o ke Komisina o na Aina Aupuni i keia la 23 o Feberuari, A. D. 1924.
C. T. Bailey
Komisina o na Aina Aupuni 6597-Fe. 28: Mar. 6.
E HOOKAAWALE I KEKAHI HAPA O KOU UKUHANA
MA O KA HOAHU ANA MALOKO O KA BANAKO I LOAA AI KA HAUOLI I KOU OHANA.
O KA HOOMAKAULII, O IA KA MOLE O KA NOHONA ULAKOLAKO ANA.
UA MAKAUKAU MAU MAKOU E LAWE MAI I KAU MAU HOAHU LIILII.
CHINESE-AMERICAN BANK
KIHI O NA ALANUI MOI AME NUUANU. HONOLULU T. H.
PAHU LEKA 2000 KELEPONA 6119
KA MAKEKE BIPI METROPOLITAN MEAT CO.
KA HOME O NA LO BIPI MOMONA
NO KE KUMUKUAI HAAHAA LOA
NA IO KAMANO MOMONA I LOAA OLE MA KEKAHI
MAU MAKEKE E AE.
KA WAIUBATA MAILE HE 60C WALE
NO O KA PAONA.
E HELE MAI E IKE IA MAKOU. MAI HOOHILAHILA
METROPOLITAN MEAT MARKET
MA KA AOAO WAIKIKI O KE KIHI O NA LANUI BEKELA AME MOI