Ka Nupepa Kuokoa, Volume LXIII, Number 9, 28 February 1924 — MAI HOOHEMAHEMA E NA MAKUA! [ARTICLE]

MAI HOOHEMAHEMA E NA MAKUA!

O kekahi mea ano nui loa, i makemakeia ai na makua niea kr:ki e hana. ma ka manawa e hanau mai ai ka lakou mau keiki, o :a no ka hele ana ae e hoike i ka papa ola, a i ole i na akena p;.ha o ka papa ola e noho ana ma kela ame keia wahi like ole «puni keia Teritore. Me he mea la, iwaena o na kanaka Hawaii, he kakaikahi loa ka poe i maopopo ole i ke kauoha a ke kanawai, no ka hoike ana ae o na makua i ka wa e hanau ai ka lakou poe keiki no ka hoopaaia aku maloko o ke keena o ka papa ola; o ka hapanui o na Hawaii. ua ike lakou i keia mea. Iwaena o kekahi mau makua yiea keiki, ua hoohemahemaia tk« ka hoike ana ae i ka manawa i hanauia ai o ka lakou poe keikī. i na luna oihana, i kuleana no ka hoopaa ana i na hanau; aka ua hoopaa aku lakou i ka !a i hanauia ai. ka mahina ame ka makahiki maloko o na buke Baibala; aole no he pilikia o ka hana ana pela. o ka oi loa aku nae o ka pono, o ia no ka paa nr>a o kela hanau, iloko o ria buke o ke keena o ka papa ola, kahi e hiki ai ke huliia aku, i ka manawa e makemake ai. Aole paha e ikeia ana ka waiwai o ka hoike ana aku i ka wa 5 hanauia ai o na keiki i ka papa ola. e liilii loa ana no kela mau keiki. aka aia lakou a kanaka makua, e lilo auanei kela hoopaaia ana o ko lakou mau la hanau. i kumu e hoopauia ai kekahi mau ninau pohihihi e ala mai ana i piii loa ia lakou ; elike me ko lakou kulana makaainana, ko lakou kuleana e koho halnka ka hooiaiō ana i ko lakou mau makahiki, no ka hiki ke rnare : ka hooiaio ana i na makahiki, no ke komo ana ma kekahi mau hana ; ka hoopau ana i na pohihi, ma na mea pili hoopii kanawai: kar hooiaio ana no ka hiki ke paa i na waiwai hooilina ame kekahi mau ninau lehulehu, e ala mai ana ma ka nee ana aku o ke ola ana o na keiki. O na Kepani ka lahui oi loa aku o ka noho pouliuli, ma na mea pili i ka hoike aha ae i ka papa ola, no ka hanauia ana o ka lakou poe keiki, mamuli mai no o ka naaupo; ma na naea i ikeia iwaena o ka hapanui o kela lahui, o ia no ka hele ana imua 0 kr Kanikela Kepani maanei, a hoike aku la imua ona, no ka manawa i hanauia ai ka lakou mau keiki, me ka manao, ua la•wa iho la no kela hana ana pela. e pilikia ole ai ka lakou poe keiki. ke nui ae lakou. a lilo i p'oe kanaka makua. Aole he pololei o kela ano hana. Imua o ka papa ola ka 4>o]olei e hele mua ae ai e hoike 110 kela mau hanau, no ka mea ne mau makaainana na keiki Kepani apau i hanauia ma Hawaii nei, no Amerika; a pela no me na Pake ame na,lahui e ae, 1 loaa ole ke kuleana Vnakaainana Amerika ia lakou, ke hanauia ka lakou poe keiki ma Hawaii nei. Aia ma ke keena o ka papa ola kahi i hoopaaia ai na hanau. r.a tnare ame na make. o ka poe apau e noho ana ma keia Teritore i kela ame keia makahiki. ī ka wa e makemakeia ai e *.»aa ka manawa pololei loa i hanauia ai o kekahi poe keiki. a i n]e. ka manawa paha i mareia ai o kekahi poe, a niake palia. v.a hiki loa ke loaa maloko o ka papa ola; a e lilo ana no hoi i mea kokua nui mai. ma ka hooholo ana i kekahi mau ninau pohihihi e ala mai ana ma keia mua aku. ma na ano apau. O na makua mea keiki i maopopo mua ole ia lakoai keia mea nui loa. e hoonaauaoia lakou ma keia mua aku, ma ka lawe ana i na a'n ana ame na hoonaauo ana a ke Kuokoa no ko lakou pono. V