Ka Nupepa Kuokoa, Volume LXIII, Number 9, 28 February 1924 — HOPUIA HE HAOLE OHUA MAANEI NO KE APUKA Hoounaia Mai ke Kauoha Mai Amerika Mai no ka Hopu Ana Iaia-Na Kekahi Makaikiu e Kii Mai Ana Iaia [ARTICLE]

HOPUIA HE HAOLE OHUA MAANEI NO KE APUKA

Hoounaia Mai ke Kauoha Mai Amerika Mai no ka Hopu Ana Iaia-Na Kekahi Makaikiu e Kii Mai Ana Iaia

Ma ke ku ana mai o ka mokuahi Calawaii no Honolulu nei, ma ka Poaono aku la i hala, i paa ae ai ho haole ohua, nona ka inoa o Hcrbcrt Loek i ka hopuia, mamuli o ke kauoha pili oihana o ka hoounaia ana mai i ka Makai Nui Trask mai Los Angeles mai, malalo o ke kumu hoopii, o ia ko apuka. No ka hooko ana aleu i kela kauoha pili oihana, i holo kino aku ai ka Makai Nui Trask, noluna o ka mokuahi Calawaii, ma ka manawa a kela moku, i hoea mai ai no ka nuku ae nei o ke awa, i ukaliia aku e ke Kapena Makai Fieldgrove, a pela hoi me ke Kakiana Makaikiu Ross. 0 ke Kakiana Makaikiu Ross, ka i hoea mwa aku noluna o ka mokuahi, a mahope iho o leona hoike ana aku i na aliimoku, i ke ano o kana hana i hoea aku ai ua hopuia o Mr. Loeke, me ka hoopaaia ana o kona mau lima i ka hao. Ma ke kumu hoopii hoohalahala e ku-e ana i kela haole ohua, o ke kikoo dala ana i hoopuka ai, no ka uku ana i kona tikiki ame kana wahine, he kikoo waiwai 010 ia, pela i hoounaia mai ai ke kauoha i ka Makai Nui Trask, e hopu iaia ke hoea mai no keia kulanakauhale. Ma ka moolelo hoi, no na hana a keia haole maluna o ka mokuahi, he manawa pokole wale no mahope 0 ka haalele ana aku o ka mokuahi 1 ka aina, ua hoomaka ae la oia e kamilio e pili ana no ke kaua, me kona kamailio okoa ana aku i ua ohua, he akena oia no ka Ahahui Ligiona Amerika, a e kaahele ana oia ma na wahi liko ole, no ka pono o kela ahahui. Elike no ka me ka wahawal o ko kane, pola no kana waliine, mamuli iho la. o kela ano o laua, ua nui na hoaloha i loaa ia laua iwaena o na ohua oluna o ka moku.

v Ma ke ano o na olelo a kela haole i kamailio aku ai i na ohua, me he mea la, oia kekahi 6 na kanaka nui o ko dala, a he kulana ulakolako maoli kona ame kana wahine. Ma ka po o ka Poalima, ka po hope loa a na ohua e lioohala ai maluna o ka mokuahi ma ka moana, ua malamaia ae la kekahi aha hulahula, elike me ka mea maa i ka liana mau ia maluna o na mokuahi. Ma kela aha hulahula, i kahikoia ai'kekahi wahine opio, me lea hae Amerika, no kela hana ka i lawelaweia, ua nui ka liuhu o keia haole, me ka hoopuka ana i na olelo kupono ole, e manaoia aku ai, oia kekahi mea makee loa i ka hae Amerika, a ua ku-o loa oia, no ka hoohaahaaia o ka hae, ma ka hooliloia ana i lole hulahula. No ka nui loa o kona huhu, ūa koi okoa aku la oia i ke kapena o ka mokuahi, e kauohaia ka wahine opio, e wehe i ka hae mailuna aku o kona kino, aole nae he hoolohe mai o ko kapena iaia, no kela hoolohe ole, i unuhi okoa ao ai oia i kekahi pu panapana, me ka manao e ki aku i ke kapena o ka moku, ua kaili e ia aku la nae ka pu, e kekahi o na aliimoku, a hoopaaia oia i ka hao, mamuli o ke kauoha a ke kapena. Ma ka huliia ana o na ukana o kela haole ame kana wahine, i loaa aku ai he pu panapana hou aku, pela me kekahi bul<e kikoo d?ila banako, ame na dala pepa lie elua haneri me kanalima, malalo o ka malu o ke kane, a he hookahi hoi haneri me iwakalua-kumamalima dala malalo o ka malu o ka wahine. Ua lawe loa ia aku o Loeke, 110 kahi hoopaa o na lawehala, no ko kakali ana, ahiki i kona manawa e hoihoi hou ia aku ai no Los Angeles, no ka hookolokoloia mai, malalo o ke kumu hoopii e ku-e ana iaia.