Ka Nupepa Kuokoa, Volume LXIII, Number 10, 6 March 1924 — Page 2
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
@@@@@ @@ o ka ninauinau @@@@ ka he @oho ana i na mea pili i nau @@@@@. i wahihoi@ @e imua o ke kiure kiokie. @o kekahi mau la ae nei i hala, i hoihoi ao ai kela kiure, i kana koike imua o ka Lunakauawai James. J. Banks ma ka Paha aku la i hala, ao ka loaa ana he eono mau kumu hopii hoahewa e ku e ana i ka poe i waihoia aku na kumu hoohalahala e ku e ana ia lakou.
O ka põe i komo iloko o na hoopii hoohewa i loaa i ke kiure kiekie, oie o Feliciano Lorita, he Pilipino, no ka hewa hoeha me ka meaeha ku i ka make, o ia ke oki ana ia Benito Relateres me ka pahi, ma ka la 7 o Ianuari aku nei i hala.
Mariano Redoblado, he Pilipino no, no ka hoeha, me ka meaeha ku i ka make, o ia kona ki ana ia Jack Makiki me ka pu, ma ka la 3 o ka mahina aku nei o Feberuari.
O James Lum, Andres Morand@ @@@ John Mersberg, no ka hewa ai @@@ i ke kaa otomobile o G. Kubo@@@@. me ka lawe ana e holoholo i kela kaa ma ka la @1 aku nei o Ferberuari.
Frank Rosaria, âme Willie Ropez, no ka hewa wawahihale ma ke degero elua o ia ko laua komo ana maloko o ka rumi o Minokichi Matsushime, ma ka la 23 aku nei o Feberuari.
Kiyoshi Iwanaga, no ka hewa aihue ma ke degere ekahi, o ia kona aihue ana he $140.00 mai ia Torano Miyanishi aku, ma ka la 9 o Feberuari.
Florentino Roseo, no ka hewa hoeha me ka meaeha ku i ka make, o ia kona hou ana i ka pahi ia Fermin Velliza. ma ka la 30 o Dekemaha o ka makahiki aku nei i hala.
HALA KUU WAHINE ALOHA, I KE ALA POLIKUA A KANE.
Mr. Lunahooponopono; Anoai nui kaua:-E oluolu mai kou ahonui e hookomo iho ma kahi kaawale o ka kaua @iwahiwa, "Ke Kilohana Pookela o ka Lahui Hawaii," no kela mau hua o kau ae la maluna.
Oiai, ua oluolu i ka Makua Lani, kona kikoo ana mai i ka hanu ola o kuu wahine aloha, ma ka hora 6:00 a. m., o ka la 17, o Feb. 1994, ma ko maua home aloha ma Maliko, Maui.
Ua hanauia kuu wahine aloha, Mrs. Nakiaha Kalawaia, @@@ Nuu, Kaupo, Maui, i ka A. D. 1860; nolaila, ua piha iaia na makahiki he 64 a hala wale aku la no oia ma ka aoao mau o ka honua.
Ua mareia maua ma Kipahulu, Maui, e ka Rev. P. Puhi, i ka A. D. 1872. Nolaila, ua piha ia maua na makahiki he 32 ko maua noho mare ana.
Mailoko mai o ka maua mau kihapai, he 15 a maua mau keiki; ua hala aku no mao he 9 mau keiki, a he 6 e ola nei.
He 15 a maua mau moopuna e noho u aku nei, no ko lakou tutu aloha i hala aku i ke ala polikua a Kane.
He wahine heahea kuu wahine, i ka poe e kipa mai ana i o maua nei. He mea nui na makamaka iaia: e ike ana oia mai ka poe iluna a ika poe haahaa.
Ua nui no na hoaloha me na makamaka i hele mai e ike i ke kino wailua o kuu wahine aloha; ua makaoa pu mai no lakou i na bo-ke pua maluna o kuu wahine.
Ke haawi aku nei no hoi makou i na hoomaikai nui ana no lakou.
Me oe e Mr. Lunahooponopono koʻu welina nui loa, a me na keiki hoopohohua uwila ko makou farewell nui.
O makou iho no me ka luuluu,
L.K KALAWAIA,
SAM L K. KALAWAIA,
JNO. P. KALAWAIA,
LONO KALAWAIA,
KAHUILA KALAWAIA,
HERMAN KALAWAIA,
MRS. SAM SOLOMON,
Maliko Guleh, Maui, Feb 25, 1924
HE HOALOHALOHA NO MRS. HATTIE LEREMIA.
I ka Lunahooponopono o ka Nupepa Kuoka, Solomon Hanohano; Aloha oe:-E oluolu mai oe i kekahi wahi rumi no ka makou ukana luuluu a kaumaha, o ia iho keia malalo nei:
Ua haalele mai i keia ela ana o Mrs. Hattie Ieremia, ma ka Poaha, la 7 o Feb nolaila ke hoouna aku nei makou na komito i kohoia he hoalohaloha nona.
O makou o na hoahanau o ka ekalesia o Hakalau, ame na haumana o ke Kula Ea@ati ame ka Ahapui Hooikaika Pimipono Kriatiano ma o ko makou komite la, ka minamina nei a kaumaha no ko pauaho ana mai o ko makou hoapaahana i na hana o keia wahi ekalesia uuku.
He hoa hoomanawanui i ka hele pu ana i na hana o na Ahahui Euanelio, o ka Mokupuni o Hawaii ame na Ahahui Euanelio o ko Hawaii Paeaina.
Ua paa no nae ka ke Akua olelo
HE WAIMAKA POINA OLE NO KUU MAU TUTU ALOHA, MR. & MRS. D. M. KUEWA
Mr. Solomon Hauohano; Lunaponopono o ka Nupepa Kuokoa, aloha oe a nui:-E oluolu mai oe in a he wahi kaawale kekahi o kau hiwaluwa, e hookomo iho i kaʻu wahi waimaka o ke aloha, i ka puuwai o kou keana, i ike mai ai na makamaka ame na kupa o ka aina aloha o kuu mau tutu aloha, i haalele mai ai laʻu ka laua moopuna aloha, a punahele i ko laua mau alo, ame ka ohana apau.
Oiai au e noho apa me kuu unele, ame kuu aunty i Waialua no ka huli ana aku i ka naauao, ua hoomaka mua ka maʻi iluna o ko kino o kuu tutu papa, a ua hono hoomanawanui ia no hoi e kuu tutu mama.
Ua hoomanawanui kuu tutu papa i ka ehaeha i kau iho iluna o kona kino, a haalele wale mai la no ia makou i kana mau moopuna lehulehu.
Aloha ka leo o kuu tutu papa i ke kahea mai eha, a ua ala aku la no hoi au me kuu tutu mama, e lomi i ke kino o kuu tutu papa.
Aohe hoi o ka mea maamau ke hoi aku au i na Poalima apau e noho mai ana kuu tutu papa mawaho o ka lanai, a ninau mai la, hei mai nei ka oe, a ua ae aku la no hoi au, me kuu ninau ana aku auhea aku nei hoi o tutu mama, a ua olelo mai la no hoi oia aia aku nei paha o tutu i kahakai, a i ole i kahawai i ka lawaiʻa i wahi ia na maua.
Aloha ia mau la o ka inea, me na kupuna e noho ai, e huli ana ke kupuna mao, a maanei i mea e pono ai ka noho aua. O kahi mea uuku i loaa ae i ke kupuna naʻu ia, aka i kela mau la, ua pau ia mau mea moi oʻu aku.
Oini he ekolu o makou i lawe hauai in e kuu mau tutu, he keikikane ka mua, a he kaikamahine mai, a owau no hoi ka laua hanai hope loa, a ua noho like no makou me ko makou mau tutu ahiki i ke kaawale ana aku o ke kaikamahine a koo iho no hoi maua.
Aloha ka uka o Waimea kahi a makou ame kuu mau tutu e h@le ai.
Ua haalele mai kuu tutu papa ia makou iloko o Nov. 8, 1923, ua kokoke no hoi e loaa mai ka makahiki hou, haalele mua mai la kuu tutu aloha i keia ola ana.
E manao ana e maha mai ana ia kaumaha, eia ka e haalele mai ana no kuu tutu mama ia makou. Ua haalele mai kuu tutu iloko o Dec. 19, 1923.
Auew po oi makou na moopuna lehulehu i hooneleia i ka tutu! Auwe kuu aloha i ke kino o kuu tutu mama i hoomainoinoia.
E manao ana au e hooloihiia ana kou ola ana no ka hoohauoli ana mai ia makou, eia ka aole, he manao kuhihewa loa ia.
Kuu tutu e hooko ana i koʻu mau makemake, kuu tutu aloha moopuna, kuu tutu hoomanawanui, auwe no hoi kuu minamina ia oe! E hookupuna aku ana paha au ia haʻi. Eia ka he mea @ihi iho no ke noonoo ae i kaʻu mau hookiekie ana ia oe e kuu tutu.
Auwe ka mea aloha ke nana ae i keia mau kahawai e moe malie mai nei, ua pau koʻu ike hou ana aku ia oe e lawaiʻa mai ana. Aloha keia mau lae kahakai e waiho mai ne, kahi a kuu tutu e hoomanawanui ai i pono no ka noho ana. Aloha keia mau pali o Waimea, na pali a makou ame kuu tutu e pii ai, ua pau ko oukou ike hou ana i kuu tutu aloha, ma ko oukou mau kualono.
Ke hapapa ae nei au mao a maanei, auhea la kuu mau tutu i hele aku nei, aia aku nei paha kuu mau tutu i ka mala uala, auwe no hoi ke aloha e!
Me keia mau wahi waimaka o ka luuluu, ke haawi aku nei au i kaʻu hoomaikai i na makamaka apau loa i hele mai ai e ike i kuu mau tutu, a nou koʻu hoomaikai nui, e Solomon Hanohano, ame kou mau keiki hana.
Owau iho no ka laua moopuna aloha,
MISS MABEL KAUI CHONG,
Waialua, Oahu.
luli ole, he mahu ke ola o ke kanaka i pu a ae a nalo aku, a no ka lepo mai no, a e hoi aku no i ka lepo, e hoomaikaiia Kona inoa.
Nolaila, ia oe e ke makou hoapaahana i aloha nui loa ia, Mr. J. Z. Ieremia, ke komo pu aku nei me oe a aua@o i na ehaeha, no kau mea aloha he wahine i haalele mai, ame ko olua mama, ame ka olua mau keiki i hooneleia i ka mama, ame ka ohana.
Ke pule nei ka makou mau leo pule i ka Makua Lani, e hoomama mai i na luuluu ame na kaumaha i kau iho maluna o oukou.
Komite Ekalesia-
JOHN ALUNA AKANA, REV. DANIEL LONEHU,
Komite Kula Sabati-
MRS. MARAEA KEAKI, MRS. MARY W. HELELA,
Komite C. E.-
MRS. ANNIE A. AKANA, MRS. MAUNALOA NUU.
Hakalau, Feb. 25, 1924.
NO@ NA MAKUA I KE KIAANA E HUIKALA MAI.
No ku pono o ka laua keiki, Robert E. Askew, i ahewaia ai, no ka aihue i na dala he umi kumamalima kaukaei o ka Banako Hawaii, a i kauia mai ai ka hoopaʻi maluna on a e noho iloko o ka halepaahao, mai ka hookahi makahiki aku a i ka umi makahiki, i waiho ae ai o Mr. ame Mrs. Alfred R. Askew, he noi ma o kekahi palapala la, i ke Kiaaina Farrington, e uwalo aku ana imua on a, e huikala mai i ka laua keiki, a e hookuula ae oia mai kona noho paahao ana.
E kakoo ana i kela leka uwalo a na makua, ua hoouna pu ia ae he leka i ke kiaaina mai ia Kauka Rovert B. Faus mai, e hoakaka ana, no ka maikai ole o ka noonoo o Mr. Askew, ma kela manawa ana i lawe ai i na dala o ka banako.
Maloko o ka leka a kela kauka, e hoakaka piha ana oia, i na mea ana i hoomaopopo, no ke kulana oiaio i loaa ia Robert E. Eskew, mahope mai o ka loaa iaia o kekahi ulia kaa otomobile, o ia no ka hoopilikiaia ana o kona noonoo, o ia hoi e maikai ana i kekahi manawa, a e maikai ole ana i kekahi wa.
Ua maopopo i ka lehulehu ka moolelo o ka lawe ana o kela kanaka i na dala o ka banako, o ia ka hoea ana mai he elua mau makaikiu o Kapalakiko, a noho hana maloko o ka Banako Hawaii, a he mau mahina o kela noho hana ana malaila, i ikeia ai, o Askew ka mea nana i lawe maoli i na dala i hoohuoiia ai, me ka ae okoa ana ae o kela kanaka opio i kona hewa, a mamuli no o kana kuhikuhi, i loaa aku ai na bila dala i aihueia, ua kanuia eia iloko o ke one, mawaho ae nei o Waikiki, me ka pau nae he elua haneri o kela huina i ka hooliloia eia.
Me ka hana nui na kiure o ka noonoo ana ahiki i ko lakou lokahi ana e ahewa ana i ka mea i hoopiiia, a ma ka oleloia, he hookahiwale no ka kumu o ka loaa ana o ka olelo hooholo e ahewa ana iaia, malalo no ia o ka aelike ana o na kiure e waiho aku i ke noi imua o ke kahu o ka aha, e kau mai i kekahi hoopaʻi oluolu loa maluna o Askew.
KUU KAIKAINA, UA HALA I KE ALA HOI OLE MAI.
Mr. Solomon Hanohano, Aloha oe:-E oluolu mai kou ahonui i kekahi wahi rumi kaawale o kau lei hiwahiwa, a nana hoi ia e ahaʻi mama aku ma na kihi eha o ka aina, i ike, mai ai na kini makamaka ame na hoaloha mai ka puka ana a ka la ma Kumukahi a ka welona a ka la i ka poli o Lehua.
Kuu kaikaina aloha Mrs. Goris, ua hala i ke ala hoi ole mai; aloha wale au i ka ike ole i kou aho hope.
Ua haalele mai oia i keia ola ana i ka la 23 o ka mahina o Dekemaba, makahiki 1923, a waiho iho i ke kino puauuanu na makou e paiauma aku nona ma keia aoao o ka muliwai elele o ka make. Aloha wale au i ka hooneleia i ka pokii, alo hookahi ana ka au i ko aloha!
Ko aloha hoi i ka paia ala, ala ia home au i haahe ai, eia ka, e haalele mai ana oe ia makou.
Kuu kaikaina i ka moe kau, moe hooilo, aole mea nana e hooluliluli i kona moe, ua nanea; auwe kuu pokii hele loa!
Ua haalele iho oia mahope nei he kane wahine make, ame ka laua lei hookahi he kaikamahine ame ka ohana no hoi he nui, e paiauma aku non ma keia aoao o ka muliwai eleele o ka make.
Ua pau, ua nalo no ka wa mau loa, aole oia ʻe maalo hou ana ma koʻu kaha o ka ua Kukalahale ame na hillside o Palolo.
Nani wale ia wahi au i haulani ai i na la i hala. Ua pau nae ia, no ka wa mau loa. Auwe kuu pokii!
Kuu kaikaina i ke kuahiwi nani o Kaala, kuu kaikaina i ka luna o Daimana Hila, aloha ia wahi au e hiolani ai: auwe kuu minamina pau ole ia oe e! Heaha no la hoi kaʻu hala nui i hana aku ai au e paweo nei.
Auwe kuu pokii, kuu noho hookahi hoi, me na lei a kaua. Koe hookahi iho la au me na kaikunane o kaua, a i kolu hoi ia tita Lily ame Mileka, kuu poe pokii hoi e, auhea aku nei o tita, aia aku nei paha me oukou kahi i hiolani ai.
He olua wale iho no maua mai ka puahaka mai o ko maua mau makua, Mrs. Lahela ame Hapakuka ko maua papa aloha. Owau ame kuu pokii i haalele mai la iaʻu e hoomanao mau aku nona.
Ua waiho iho oe mahope nei i ka ukana luuluu na makou e hoomanao mau aku ai nou. Auwe kuu kaikaina e, kau noho hookahi, ke nana ae nei au mao a maanei aole oe.
Aloha wale kuu kaikamahine i ka hooneleia i ka makua; e kaina hoi e, auhea iho nei oe? E hoi mai hoi, ua lawa aku la no hoi ka hele aua auwe kuu pokii, kuu aloha pau ole nou!
Hoi mai i ka aina hanau o kaua me na manaolana no ka pono eia ka hoi aole.
Ua lawe aku no ka mea mana i kana o ka uhane, a hoi aku no ka lepo i k@ lepo; auwe kuu pokii, kuu ike ele ia oe e!
Ke haawi aku nei au i kaʻu hoomaikai he nui i ka poe i hiki mai i na hora o ke kaumaha.
Me Mr. Lunahooponopono koʻu mahalo nui ame na keiki limahei o kou papapuʻi ka welina.
O makou iho no me ka luuluu,
MR. & MRS. HAPAKUKA,
MRS. ANNIE SWIFT,
MISS @RELE KINAU.
Ulupalakua, Ranch, Feb. 26, 1924
LILO IA MAU HOME MA KAPALAMA I PUULEHU
Me ke makani e pa ana me ka ikaika, i kokuaia mai hoi e na galani aila he hookahi haneri, i hookauia aku ka weli, maluna o ka poe e noho ana mauka ae nei o Kapalama, i ka manawa i a ae ai ke ahi, maloko o ka halekaa, o kekahi Kepani o Magoiehi Neaaka ka inoa, ma ke alanui ololi Auld, ma ka po o ka Poalima aku nei i hala.
Ua hoomamaia ae nae ka manao o na ohana lehulehu, mamuli o ka pio koke ana o ke ahi, mahope o ka hala ana he hora a oi, o ke kinaiia ana e na kanaka o ka oihana kinaiahi, eia nae, he eha mau hale loloa hoolimilima, o elua papahele ke kiekie i lilo i puulehu, he hookahi hale uuku, he halekaa ame elima mau kaa otomobile, i lilo pu i mau moepuu ma kela pauahi.
O kela mau hale apau i pau i ke ahi, no Nosaka wale no, he Kepani lawe aelike, ma kahi o elua kuea ka nui, a ma ka hoakaka a kela Kepani ua hiki aku kona poho, ma kahi o ke kanakolu kaukani dala, me ka paa ole nae o kona mau waiwai i ka inisuaia.
Maopopo Ole ke Kumu o ke Ahi
Aole he mea i maopopo i ke kumu o ka a ana ae o ke ahi, nana i hoopoino i kela mau hale. Wahi a Nasaka o ka hoakaka ana ae, e auau ana ka oia ma kela po, a ua hoopuiwaia aku oia, i ka lohe ana mai i kekahi mea pahu no elua manawa, a i kona holo ana aku iwaho, e nana ai i ke kumu o kela pahu, ike aku la oia i ka ula o ke ahi, e pii ana iluna o ka hale kaa otomobile ama ka halelio.
Ua haawi kokeia ae la ka hoailona pauahi iloko o kela manawa, a o na ohana he umikumamalua e noho ana maloko o ko lakou mau home, e laa na Kepani ame na Pake, ua hoomaka aku la lakou e holo no kahi o ka palekana, me ka loaa ole ia lakou he manawa @ hoopakele ai i ko lakou ma ukana, koe wale no kekahi poe kakaikahi, i hiki ke lawe i kekahi mau ukana liilii.
Me ka hakalia ole no hoi i hoea aku ai na kaawai, a hoomaka i ke kinai ana i ke ahi. No ka nui maoli o kela pauahi, ua hiki ke ikeia mai e na wahi like ole o ke kulanakauhele nei, ua hele na wahi e hoopuni ana i kahi o ka pauahi a piha i na kanaka, o ka hoea ana ae maluna o na kaa otomobile, a no ka hora a oi, o kela hooikaika ana, ua pio iho la ke ahi, me ka hoopakeleia o na hale lehulehu, e ku kokoko mai ana, ma kahi e pa ana o ka makani.
Nui ka Aila i Hoahuia.
Ma ka hoakaka a Nosaka he hookahi haneri galani gesoline, ame aila pena i hoahuia maloko o kekahi hale, e pili pu ana me ka halekaa, a oia hookahi wale no ka mea iaia ke ki e hemo ai ka puka o kel ahale.
No na kaa otomobile hoi maloko o ka halekaa, ua hoakaka ae na kanaka na laua e hoohaua ana i kekahi mau kaa otomobile, ua hoopaaia na meahana o ka enekini, ma ka manawa a laua i haalele aku ai i ka halekaa, a hoi no ko laua wahi.
He mau wahine elua kekahi i ninaninauia ma keia po, no ka laua mau mea i ike ai no kela pauahi, o ka laua pane, o ia no ko laua lohe ana i ke pa-hu, a i ka nana ana aku iwaho, i ekaku ai i ka pii o ka ula o ke ahi iluna o ka halekaa
Mamuli o kekahi ike maopopo ole i ko kumu i a ae ai o ke ahi, ua manao ka Ilamuku Kinaiahi Fogarty ua loaa mai kela pilikia, mamuli o ke pa-hu maoli ana o ka aila gesoline.
HE O IA LA MAU NA HANA AIHUE KAA.
No na po he umi ahiki iho la i ka po o ka Poalima aku la i hala, he umi ka nui o na kaa otomobile, i lawe aihueia mai ke alanui Pauahi aku, e kokoke ana i ke alanui Nuuanu, a o ka mea kuapaianaha, ma ka hora umi wale no o kela mau po, e aihueia ai na kaa.
O k@ ka@ hope o ka aihuoia ana ma ka po o ka Poalima nei, he kaa kalaka ia no Paul Hanska o Manoa, ua kukulu oia i kona kaa ma ke alanui Pauahi, i ka hoea hou ana aku nae no kahi o ke kaa i waiho ai, ua lilo aku la i ka poe kolohe.
O na kaa otomobile apau o ka aihueia ana, ua pau wale no i ka loaa i na makai, a ma ka manao o na mkai, ua lawelaweia kela hana aihue kaa, e na kanaka opio, i ike i ka hookele ana i na kaa.
Mamuli nae o kela maumau loa o ka aihueia o na kaa ma ke alanui Pauahi, e lawe ae ana na makai i kekahi mau keehina, no ka makaala ana aku i ka poe aihue, e paa ai lakou i ka hopuia.
HOOLE O DUNCAN NO KA HUI PU ANA ME NA HUI HANAI MOA
Ua noiia ae o Rudolph Duncan ke poo o ke Komisina Home Hawaii e komo pu ae oia me ahahui o ka poe hanai moa kuloke a ua hoole ka oia, o ka makemake o ka ahahui e kaulike ke kumukuai o na huamoa a ua hoole aku ka oia a e hoomau akua na no oia i ke kuai ana i na huamoa a na kanaka o ka aina home hookuonoono ma Molokai ma ke 50 keneka o ke kakini.
No kekahi mau pule aku nei i hala aneane i ka 125 kakini huamoa mai Molokai mai i kuaiia aku e ke komisina ma Honolulu nei ma ke 50 keneka o ke kakini oiai nae ka ahahui o ka poe hanai moa e kuai ana ma ke 60 keneka o ke kakini, nolaila ma ke kuaiia ana he 50 keneka o ke kakini ua hookoeia he 10 keneka a ka poe kuai huamoa ma Honolulu nei.
"Ma ke kuai ana aku i na huamoa ma ke 50 keneka o ke kakini e hiki ana iaʻu ke hoihoi aku i ka poe na lakou ka huamoa e noho mai la ma Molokai i 45 keneka, a o kekahi 5 keneka o hooliloia aku ana no ka ukumoku no ka hoihoi hou ana aku i na pahu i Molokai," wahi a Duncan.
"Ua kipa mai o Walter Bromley e ike iaʻu ma ka Poaono i hala, he hoa no ka ahahui hanai a kuai hua ma Honolulu nei, a ma kona manao o ka hoakaka ana mai e pono @ hoopii ae au i ke kumukuai o ka hua mai Molokai mai i 60 keneka no ke kakini a ua hoole aku au."
Ma ko Mr. Duncan manao aole on a makemake e komo pu a hana hoi i kekahi aelike hoopaa me ka ahahui, aka e kukulu ponoi ana no oia i makeke no ka waiwai a na kanaka ma Molokai e hoouna mai ai ianei no ke kuai ana aku i ka lehulehu.
"O ka makou hana oia no ka hooulu ana i na meaai a kuai aku me na kumukuai makepono, ma ke kuike. Elike me ka loihi o ka loaa ana mai o na meaai mai Molokai mai a loaa ia mau mea kuai ka pomaikai ua hoolawaia aku ka makemake o ka poe e noho mai la ma Molokai," wahi a Duncan.
Ke huli mai nei ke Komisina o na Homo Hawaii i kekahi kahua kupono no kekahi makeke a malaila e hoahuia ae ai na meaulu a pau e loaa mai ana mai kekahi kanaka mai ma Molokai, a he manaolana ko ke komisina o loaa ana no kekahi wahi a hale kupono, maloko o hookahi a elua paha mahina ma Honolulu nei; o na waiwai e hoahuia ae ana malaila o ia na moa, na huamoa, na meaai ulu, a e kuaiia aku ana ia mau meaai me na kumukuai makepono loa no ka pomaikai o na wahine ma na home.
Ma keia manawa ka aia mawaena o 500 ame 600 paona ohia lomi (tomato), i hoounaia mai i na makeke ma Honolulu nei ma ke kuai nui. O keia mau ohia he oi paumi aku ko lakou maikai a momona me ka nunui a ono pu ke ai iho, mamua o na ohia paakiki iloko o ka hau e loaa mai nei i Honolulu nei mai Kaleponi mai. He mau la kakaikahi ka koe a hoounaia mai na puu kapiki, na lettuce, na eke uala, na nioinunui alualu ame na moa no Honolulu nei, a waihoia ae ma ka makeke no ke kuai ana aku i ka poe e makemake mai ana me na kumukuai i emi loa iho malalo o ke kumukuai a na makeke ma Honolulu nei e kuai mai nei i ka lehulehu.
KUPALE KE KANE I KANA WAHINE.
No ka hoopakele ana ae i kana wahine, mai ka paa ana i ka hopuia e ka Ilanmuku Amerika Oscar P. Cox ame ka Luna Hooko Kanawai Hookapu Waiona John Wise, no ka loaa pono ana aku o ka ipuhao puhi waiona, ame na galani okkolehao ma kona home ma Kahuku, ma ka Poaha aku la i hala, i hoike ae ai he Kepani lima muumuu o Rokuehi Nakamura ka inoa, oia ponoi ka on a nona kela mau waiwai ku e kanawai apau, me ke kuleana ole o kana wahine.
Ma kela Poaha, i hoea aku ai na oihana federala, noloko o ka hale o kela Kepani, a hopu aku la i ka ipuhao puhi waiona o hookahi ha@eri galani ka nui, 832 galani o na mea i hoawaawaia no ke puhi ana aku i okolehao, ame ehiku mau galani okolehao.
"Owau ponoi ka on a nona keia mau waiwai apau," wahi a kela Kepani i kamailio mai ai imua o na kanaka o ke aupuni, me ka haawi ana mai i ke ki no ka wehe ana i ka puka o ka hale. "Aohe kuleana o kaʻu wahine ma keia mau mea apau."
Ma ka hoakaka a kela Kepani imua o ka Ilamuku Amerika Cox, aole e hiki iaia ke hele i ka hana, e huli i na mea e pono ai kona ola ana ame kana wahine, no ka muumuu o kona lima, malalo o kela kumu iho la, i lawelawe ai oia i ka hana puhi okolehao, a kuai hoolilo aku, i ka poe makemake mai.
KILA HE PAKE A KU I KA POKA PU.
No ka loaa pono ana aku o kekahi Pake o Sun Kau ka inoa e hoopiha ana i kana ie, me na kaʻuka@a, o ka aina mahiai o Young Kai, mauka ao nei o ke alanui Hapakela, ma ka hapalua o ka hora umi kumamakahi o ka po o ka Poaha aku nei i hala, a ao ae ka Poalima, i kiia aku ai oia i ka pu a ku ka poka ma ka wawae akau.
Ua laweia mai kela Pake no ka halemaʻi o na poino ulia, a mahope o ka lawelaweia ana aku o kekahi mau lapaau ana maluna on a, i hoihoi loa ia aku ai noloko o ka Halemaʻi Moiwahine,, ma kela po no.
Ma ka hoakaka a Young Kai, ka on a nona ka aina i kanuia i na meaai, i ke Kapena Makai Moses Needham, he mau manawa lehulehu ka iloko o na pule elua i hala aku, ke komo aihueia ana o kona aina, me ka maopopo ole iaia a ka mea nana kela hana.
I wahi nae e loaa pono ai ka mea kolohe, ua hoolako oia iaia iho me ka pu panapana, me ka hoomakakiu ana, ahiki i kona ike ana ia Sun Kau, e hoopiha ana i kana ie, me na kaʻukama, o kona wa ia i ki aku ai i kana pu.
APONOIA KE KOI UKUHANA A CHARLES H. ROSE.
No kona lawelawe ana i na hana o ka oihana makai o Honolulu nei, ma ka la ekahi o ka mahina o Ianuari, ame ka la elua, i waiho ae ai o Charles H. Rose, ka makai nui mua o ke Kulanakauhale a Kalana o Honolulu nei, i kana koi i ka lunahooia, no kona ukuhana, me ke aponoia ana o kana koi, elike me ka manao kanawai o ka Hope Loio Kalana Ashford, no ia kumu, i ukuia aku ai oia, i ka huina o umi kumamawalu dala.
Malalo no o kela manao kanawai hookahi, i ukuia aku ai na hoa kahiko o ka papa lunakiai, i pau, a i koho hou ole ia i mau hoa no ka papa lunakiai, i ka uku kau lele, no ko lakou hoomau ana aku i ka noho lunakiai ana ma ka la 1 ame ka la 2 o Ianuari.
Ma keia uku ana aku la nae i ka makai nui mua i pau kona manawa ma ka la hope o ka mahina o Dekemaba, a pela hoi i na hoa o ka papa o na lunakiai, i pau ko lakou noho ana i hoa no ka papa, aole i hoolaweia ae kekahi hapa o ka uku o ka Makai Nui Trask, a aole hoi i uku ka ʻulele ia aku na hoa kahiko o ka papa, i hoko hou ia no ka papa lunakiai hou.
Ua apono pu ka Hope Loia Kalana Ashford, i ka palapala noi a Joseph Luahiwa, ka hope makai nui o Koolauloa, no ka haawiia aku o ka ukuhoomau iaia, malalo o kela manao kanawai, i haawiia ae ai ke kauoha, e haawiia ia Joseph Luahiwa ka huina o $93. 75 o ka mahina, ma ke ano he ukuhoomau.
HE IWAKALUA KAUKANI DALA KA POKOLE
Mahope iho o ke kapaeia ana aku o Daniel S. K. Pahu, mailoko aku o ke keena o ka oihana wai o Honolulu nei, malalo o ke kumu hoopii e ku e ana iaia, no ka lawe i na dala o ke aupuni ma ke ano kolohe, ua hoikeia ae nei i ke akea, aia ma kahi o ka iwakalua kaukani ame eono haneri ka huina o na dala, i pokole o kela keena, no ka makahiki holookoa aku nei i hala.
Ma ka hoakaka a ka Hope Lunahooia George C. Ross, ka mea nana i huli a i kuekaa i na buke oloko o ke keena wai, no na mahina aku nei i hala, e loli iki ae ana paha na huahelu i ikeia i keia manawa o na dala i pokole, ke loaa mai na likiki hookaa i koiia aku ai i kekahi heluna nui o ka poe hookaa wai.
Nui wale na leka i hoounaia aku i kekahi poe e paa nei i na pono wai, me ka loaa ole mai o na pan@ mai ia lakou @@ai, no ke kumu, ua nalowale ka lakou mau tikiki, a aole no i hoopukaia aku na likiki hookaa a kekahi poe, i hoouna mai i ka lakou mau kikoo dala banako.
Mamuli o na aʻo ana mai ka Loio Kalana Heen mai, i kapaeia aku ai o Mr. D. S. K. Pahu, e W. A.Wall, ka lunanui o ka oihana wai, me kona hopuia ana malalo o ke kumu hoopii, o ia kona lawe ana ma ke ano kolohe, i ka huina o $43. 95. Ma ka la 14 o keia mahina o noho mai ai ka aha a ka Lunakanawai Kaapuni Jame J. Banks o hooloho i kona hihia.
No ke koto pu o kekahi mau limahana e ae maloko o ke keena o ka oihana wai, iloko o kela lawe i na dala o ke aupuni, aohe mea i maopopoo i keia manawa, ahiki i ka pau pono ana o na hana noii ma ka aoao o ke keena o ka lunahooia.
CITY MILL CO.
KEKAHI O NA HUI KAHIKO LOA MA HONOLULU NEI
Poe kuai Papa, Pilihale na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii ana, me na hookaa liilii.
O KA OI LOA AKU NO KA POE HOOKUONOONO.
Mai Poina---Hele Mai la Makou
Kihi o na Alanui Moiwahine me Kekaulike. Honolulu T.H.
PALOLO
The Kaimuki of Tomorrow
For investment consider Palolo. Values here are closely following those of Kaimuki ana Ocean View of two years ago.
Watch Palolo Grow
$750-Lot 12, 721 sq. ft. $20 down, $10 per month.
$1500-Lot 26, 702 sq. ft. 9th Ave., $50 down, $20 per month.
$750-Lot 25, 439 sq. ft. 10th Ave., $20 down, $10 per month.
$5500-Twenty-seven acres-27- with house. $1000 down, $100 per month.
Easiest terms in town. Prices the lowest consistent with market values.
Ask C. W. Carpenter with
PAULO KALAUKA
(P. E. R. STRAUCH)
Alanui Moi, Helu 74, Mawaena o na Alanui Pupu ame Betela
Keena Hawaii
NO NA
Lako Hana Mahiko
Hapuku Kila Oliver Chilled ame na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA UKANA ME KALAKA ME KA HANA HOU ANA
Schuman Carriage Co., Ltd.
Na Paionia o na Hana Halihali @ Hawaii nei
KA VICTROLA
-Ka Meakani Mele Kilakila-he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELE HOU
NA PILA AHA
âme na mea apau pili i na mele.
Bergstrom Music Co.
1020 Alanui Papu Honolulu
HALE UWI WAIU
MAPULEHU
PUKOO, MOLOKAI
E Hooholo Ana i ka
MOKUNA GESOLINA
LELEIONA
Mawaena o na Awa o Honolulu me Molokai
Geo. P. Cooke,
ONA.
Poe Lawe Hau me Waiu
E KUAI I KOU MAU
Pono Hale
ma ka
Hawaii Furniture Co.
Helu 469 Alanui Moi
kokoke i ke kihi o ke Alanui Liliha
He oluolu na kukai olelo ana.
T. O . MURATA FURNITURE STORE
(Na noho hoolamak@@@ m@ @@@@ @@ maanei.) Na Lako Hale iloa me Kahiko.
Hoolimalima me Kuai Hoolilo
@15 Alanui Hema, Honolulu, T @
Kelepona 1@9@
Ka Pila GRAFONOLA COLUMBIA
Maopopo ka Wa e Pau Ai
Na ka mea hoopaa noho iho e @@kaala @@ @@ @@@. Ua @@@ ia oe ke hulahula ahiki i ka huaolelo @@ loa.
Uku Liilii ke Makemakeia
Thayer Piano Co.,
Limited
148-150 Alanui Hokele
Kakela & Kuku
(KAUPALENAIA)
Poe Kalepa ma ke Komisina
-A HE-
Poe Agena no na Mahiko Lehulehu
PAPA NA LAKO KUKULU HALE
No ka hoahu ana i kou wai ma na Pahu Wai Papa Ulaula o 5000 a 10000 Galani.
E hoolakoia aku âme na hoakaka ia oe ke @o@ mai.
ALLEN & ROBINSON, LTD.
HONOLULU, T. H.
Nupepa Kuokoa
No ka makahiki (one year)….$@@
O na Dala âme na Hoolaha a@a e hoouna pololei mai i ka ADVEE TISER PUBLISHING (CO. LTD. wale no, P. O. Box 3110, Honolulu T. H.
217 Alanui Moi, ma Waikiki @ ke Alanui Alakea; ka Nupepa Advertiser.
Entered at the Post Office at Honolulu, T. H., as Second Class Matter.
SOLOMON HANOHANO, Luna hooponopono.
CHARLES S. CRANE, Luna nui.