Ka Nupepa Kuokoa, Volume LXIII, Number 10, 6 March 1924 — HOOKUUIA NO KA POLOLEI OLE O KA PALAPALA HULI. [ARTICLE]

HOOKUUIA NO KA POLOLEI OLE O KA PALAPALA HULI.

No ka pololei ole o ke ano i hanaia ai o ka palapala huli, a «a makai fcdcrala hooko i ke hookapu waiona, i hooko aku ai, i kauoha ae ai ka Lunakanawai Federa\a Rawlins, i na kiure ma ka Poakahi iho nei, e hoopuka mai i ka olelo hooholo no ka pili 010 o ka hewa ia Elizabeth Kahele, o ka hopuia ana no ka hewa ku-e i ke kanawai hookapu waiona federala. 0 Charles S. Davis ka loio o Elizabeth Kahele, o leana kumu pale no ka pono o ka mea hoopiiia, o ia no ka pololei ole o ka palapala huli i hanaia ai, ma ka hookomo ole ia ana o ka inoa pololei o ka mea i hoopiiia, pela pu hoi ka pololei ole, 0 na mea i hoakakaia e pili 1 ke ano?;o ka hale e noho ana o ka mea hoopiiia, a oki loa aku hoi, ka hoihoi ana mfti o na'luna oihana federala" he hoike, no na waiwai i hopuia. - 1 ka hoakaka ana mai nae o ka Lunakanawai Federala Rawlins i kona manao, no ka hookuu ana i ka mea i hoopiiia, wahi ana, ua hiki n'o ko kauia ka inoa kapakapa Jane Doe a i ole John Doe maloko o ka palapala huli, ke pololei nae na hoakaka no ke ano o ka hale i noho ai ka mea i hoopiiia; a o ka hoihoi ole ana mai o na luna oihana i kekahi hoike, no na mea i hopuia, aole ia lie kumu e lilo ai ka palapala huli, i mea mana ole. No ka piha pono ole o na hoakaka maloko o ka palapala huli, i ke ano o ka hale i huliia ai e na luna oihana federala, ma ka manao o ka aha, ua lawa ole. ka mana i loaa maloko o kela palapala, a o ke kahua nui hoi i hnawiia ae ai o ke kauoha i na kiure, no ka hookuu ana i ka mea i hoopiiia.