Ka Nupepa Kuokoa, Volume LXIII, Number 10, 6 March 1924 — HOOMANAO NA KUPUNA I KA LA O KA LAUA MOOPUNA. [ARTICLE]

HOOMANAO NA KUPUNA I KA LA O KA LAUA MOOPUNA.

Kuu So!omon Hanohano:-—E oluolu mai ina he rumi kaawale kekahi o ka oneki o ko Kilohana, i kela wahi poomaaao e kau ae la maluna. Ma ke ahiaM hu'ihu'i o ka Poaono, hora 7:30, i mai ai o F. J. Keliimahiai Titcomb, a o ka piha ana hoi i ke kamaiki opio ka hanu ; ana i na ea hu'ihu'i o kona onehanau i ka hookahi makohiki, & na hoaloha i hiki aku ai i ka homo o na kupuna ma ko alanui Kula ame ka launa ana mo na makua o ka opio. Ua nui ka piha hauoli o m makamaka, oiai kou kiu nei i hiki aku ai, i hui aku ai au me na kupuna oia o Mr. ame Mrs. Goo Wan Hoy, me ko laua piha i ka hauoli i kou kiu nei, a hui aku la me na makua 0 ka opio Mr. ame Mrs. William Titcomb 7 i hui aku ai me na hoaloha 1 konoia ai, a launa no hoi ra« ke kamaiki e pii ae ana a lilo aku i kanaka makua, 110 -ka hoohauoli ana aku imua o na a e hoopulapula hoi i ka lahui Hawaii. . Aia hoi na leo o «a ke honehone mau la, aia no hoi ka poe e haa ana, a paneeia mai ai kekahi ! papaaina i piha i na ono o ke kulana Hawaii, a kou kiu nei i konoia j mai ai e haawi ae i mau leo pule | a ma ka'u kalokalo ana ae i ka Makua lani, e hooloihi i ke ola ana o ke kamaiki ame ka hoolaupa'i £na mai i ka homo o na kupuna i na mea maikai o keia ao, a noho iho la na mea apau e hoopiha mai i oa mea i hoomakaukauia, oiai o Hanale e hana ana i kana hana, a Keoni Bulu i haawi ae ai i kona mahalo piha i na mea maikai ana i ike ai. He maluhia na mea apau iloko o ka hauoli maikai ana, a o ka'u leo pule, e hoomaikaiia ke ola o ka opio, a pela hoi me na makua e hoolaupa'i hou aku, a pela hoi me na kupuna e loaa mau ia-laua ka hauoli. i ka ike mai i ka laua mau keiki ame na moopuna. Me oe e kuu kapena opio ko'u welina pau ole, ame na keiki kikoleiko o kou keena pa'i ka'u welina hope. Kou a inau, J. K. MOKUMAIA,