Ka Nupepa Kuokoa, Volume LXIII, Number 10, 6 March 1924 — KUHIHEWA KA MAKAI HE MAU MEA HOOPAE OPIUMA. [ARTICLE]

KUHIHEWA KA MAKAI HE MAU MEA HOOPAE OPIUMA.

Mamuli o ka hoopae malu ia ana 0 ka waion.i ma Kauai maniua aku nei, a no ka hooliuoiia no ka haua lioopae malu i ka opiuma, kekahi hana a ka poe hakihaki kanawai, 1 lilo ai ka hele ana o kekahi mau kanaka elua i ka lawai'a, i kumu e kuhihewaia ai laua, he mau mea hoopae waiona, a i ole Hoopae opiuma paha e ka makai o ka mahiko o Lihue, ina keleahi mau la aku nei i liala, elike me ka meahou o ka puka ana ae maloko o na nupepa haole, a ua lilo -hoi kela hana, i kumu e kamailio nui ia &i kela.makai. Ma ke ahiahi o ka Poalua, o ka pule aku nei i hala, ua loaa aku Ia he hoike ia David Luke, he makai no ka mahiko o Lihue, no ka ikeia ana o kekalii waapa e holoholo ana/» ma kahi kokoke i ke awa o'Ahukini, me he mea la e kakali ana ahiki i ka poeleele ana, alaila komo mai iloko o ke awa. Mamuli o" kela hoike ua noho hamau loa o David Luke, me kona kamailio ole aku i na makai o Lihue, aka koi aku la oia i kekahi o kona mau hoaloha e hele pu laua no Ahukini. I ka hoea ana aku no Ahukini, ike i'o iho la oia i ka pololei o ka mea i hoike mua ia aku ai iaia, no ka mea e a mai ana ke kukui o ka waapa Kepani, ma kahi e kokoke anā i ke awa o Ahukini. Ua kakali kela makai ame kona hoaloha no kekahi manawa, o ka hookomo mai o ka waapa Kepani iloko o ke awa, ua hoohauoliia mai la ko laua manao, i ke komo ana mai o ua waapa nei, eia nae ma kahi o ka holo mai a pili i ka uwapo, ua holo loa aku Ia no iloko, ma ka aoao o ke awa e huli la i Kapaa, a mauao iho la laua, e hoopili aku aDa paha leela waapa i ka uwapo kahiko, nolaila kau hou aku la kela mau mea maluna o ko laua kaa, a holo aku la ma ke alahele e hoea aku ai i ka uwapo kameki. I ko laua hoea ana nae no kela wahi, ua hoomau loa aku la no ka waapa i ka holo ana no ka nuku o ka muliwai o Hanamaulu, nolaila holo aku la ka makai me kona kokoolua, no kahi a laua i manao ai, malaila e pae ai ka waapa, no ka hoopae malu ana i na waiwai ku-e kanawai. I wahi ka e hoopuiwa ole ia aku ai ka poe hoopae malu, hoopioia iho la na kukui o ka otomobile, me ka hele ana aku o kela mau kanaka pee iloko o ka nahelehel, no ke kakali ana, ahiki i ka wa eMele aku ai ka poe hoopae malu, iuka o ka aina. I ka pili ana aku ka o ka waapa

iuka o ka aina, ua lele aku la elua mau kanaka, a ia laua i kaawale aku ai, mai ka waapa mai, ia wa i kauohaia aku ai laua e ku, me ka hoanapuia ana mai o ke kukui imua o ko laua mau alo/ a iloko o ko kahaha nui o kela makai, aohe he mau kanaka hoopae opiuma, a hoopae waiona paha kana mea i ike ,aku af, aka o Teddy Blackstad, ka luna o na holoholona o ka mahiko o Lihue ame William Adolpho o Hanamaulu. I ka lawai'a kela mau kanaka ma ia po, a e huli hoi ana laua no ko laua mau home, o kahi nae o ka apiki, aole he laki o' ka laua huakai lawai'a; a no kelk hana kuhihewa a David Luke, i lilo al i ku,mu e hoouna mau ia mai ai na hoike no na hana hoopae malu, iaia mahope maL