Ka Nupepa Kuokoa, Volume LXIII, Number 11, 13 March 1924 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MOOLELO NO

KEONI MONOTANA

A I OLE

MAI KA AMANA LIKANAKA MAI A I KA LILO

ANA I KANAKA ONAMILIONA

WAIWAI LOA.

 

            Ua hele ka helehelena o ua o Kinikala a haikea, a ke naka la hoi kona kino me ka haalulu, a iaia hookomo aku ai i ke ki iloko o ka puka-ki, me ka hana nui oia i hookomo aku ai, no ka haalulu o kona mau lima, aka mamua nae o ka hiki ana iaia ke wili ae i ke ki, e hemo aku ai ka puka, ua paa e aku la kona lima i ka hopuia e Monotana, me ka pane pu ana aku:

            "E kakali iki iho oe pela e Mr. Kinikala," wahi ana me ka leo kuoo, ka mea hoi nana i haawi aku i ka ike i na malihini apau, ua pololei ke alahele a keia kanaka i manao ai e hana aku.  "Na kekahi mea iwaena a na malihini e wehe i keia pula aole mau e Mr. Kinikala!"

            Aole nae he hookahi iwaena o kela mau malihini, i hele mai e wehe ae i ka puka, no kela kumu, i lalau okoa aku ai o Monotana i ke ki, me ka pane pu ana pu ana ae: "Naʻu e wehe aku i keia puka, e neenee aku oe e Mr. Kinikala ma kahi e, aole o oe ka mea mua loa e komo iloko o ka rumi, no ka mea in a aia kekahi hana ku i ka manaoano i lawelaweia, alaila o ka makuakane ponoi o ko wahine ke kuleana ma ia wahi."

            Wili ae la ua o Monotana i ke ki, me ka holo ana ae o ka laka, a mamua nae o kona wehe ana aku i ka puka aku.

            Hele aku la nae o Uilama Ganeki a ku iho la ma ka aoao o Monotana, me ka manao oia ka mea mua loa e komo aku iloko o ka rumi o kana kaiamahine, aka nae, papale malie ae la o Monotana iaia ma kekahi aoao, me ka pane ana mai, me kela leo kuoo mau on a @.

            "E hoomanawanui iki iho pela," wahi ana.  "Ua maopopo ia kakou apau, aia kekahi mea ano nui maloko o keia rumi, e halawai mai ana me ka ike a ko kakou mau maka, mamua o ka weheia ana ae o ka puka; nolaila ke kanalua loa nei au i ka ae ana aku e komo mua oe iloko o ka rumi.

            "Ina ke ola nei no kau kaikamahine, a aia oia maloko o keia rumi, ua kii mua ae nei oia e wehe i ka puka, a i ole kamailio ae paha mailoko mai; aka hoi ino no oia ke ola nei, aole nae oia maloko o keia rumi, alaila e kau aku ko kakou mau manaolana, no ka ike hou iaia.  Ina nae aole i hanalele iki kau kikamahine ialoko o keia rumi, mai kona wa i komo mai ai, ahiki i keia manawa, alaila aole i kupono, o oe ka mea mua loa e komo iloko o ka rumi."

            Ua apona mai la ka nui o na malihini, i ka naauao ame ka maikai  kela mau hoakaka a Montana, nolaila kii okoa mai la kekahi poe o lakou a huki ku la ia Mr. Ganeki, me ka kamailio ana mai i na olelo hoomalielie iaia.

            Kii mai la no hoi kekahi poe ia Mr. Kinikala, a huki aku la mai ke ku ana ma kahi o ka puka, ua papale aku la nae oia ia lakou apau, me ka ae ole e nee ae i hookahi iniha mai kana wahi e ku ana ma ka aoao o Monotana, oiai nae aia kona kua i ka puka.

            Aia ka nana ana a ana mea apau maluna o na maka o Monotana, a i ka nana aku, ua kau ka weli ia lakou no kela kanaka; o kana mau olelo apau e kamailio mai ai, a o na kauoha i puka ae mai kona waha mai, aole e hiki i kekahi mea ke pale ae, ua noho mana maoli no oia maloko o kela hale holookoa.

            Oiai nae kela puulu e nana mai ana maluna o na maka o Montana, aole e hiki ia lakou ke hoohewahewa i kekahi hiona kamahao, o ia ka a o na onohimaka, me he hulali la no kekahi malamalama kamahao loa, a iloko o na makahiki mahope mai, ia lakou i hoomanao ae ai nona no na mea a lakou i ike ai, aole e hiki ia lakou ke koho iho, he hulili paha ia no ke kaumaha, a i ole no ka hauoli paha; he hulili paha no ka ehaeha, a i ole no ka inaina.

            Iaia no e ku ana, a e haka pono ana kana nana ana maluna o kela puulu kanaka, ua wehe malie ae la oia i ke pani puka a hamama, me ka nana ana aku o na mea apau ialoko o ka rumi, aka i kinohi, aohe mea hiki ke ikeia aku, oiai he pouliuli wale no oloko o kela rumi, mamuli o ka hukiia ana o na pa-ku puka aniani ilalo.

            No keel manna hopohopo mau iloko o na malihini, e ike aku ana lakou i kekahi hiona ku i ka manaonao, aole he hookahi o lakou i a@ e komo aku iloko o ka rumi, a o Mr. Kinikala ka mea i komo aku iloko, a i ka halawai ana aku o ka ike a kona mau maka me kekahi hiona, kuwo ae la oia me ka leo nui, a hina aku la iluna o ka papahele.

            Ua momoku mai la ka nui o na malihini, me ka manao e komo aku iloko, ua alai e ae la nae o Monotana mamua o lakou, a mai ka puka aku, i nana aku ai lakou, i ka waiho mai o kekahi kino puanuanu iluna o ka papahele, me kela kahiko no apau o ka wahine mare, i na minuke helu wale aku no i hala.

            Aohe hoohewahewa hou ana iho i koe, aia o Mira, me kela lole mare no on a i ku aku ai imua o ke kuahu laahia o ka mare a haawai iaia iho i wahine na Rolana Kinikala, ke moe mai la iwaenakonu o ka rumi.

            Aia no kela pine omou daimana ke anapa la maluna o ka umauma, nolaila o ka noonoo mua i oili ae iloko o ka lehulehu, o ka mea nana i lawelawe i ke karaima pepehikanaka maluna o Mira, aole ia no ke ake e auhue i kela pine omou a i kekahi mau lako hoonani e ae oaha, aka no kekahi kumu i maopopo ole ia lakou iloko o kela manawa.

            Mamuli o kela hiona ku i ka menemene, i huli hoi okou aku ai kekahi mau malihini noloko o ke keena hookipa, a ua noho iho no hoi kekahi poe maloko o ka rumi, eia nae iloko o na mea apau, o Monotana hookahi wale no ka mea i loaa ole na manao pohoihoi iloko on a.  Ke ku la ua kanaka kamahao nei, me ka pupuu o kona mau lima mamua o ka umauma, me ke kaulono pono o kana nana ana maluna o ke kino wailua e waiho oni ole ae ana, a i ka poe maloko o kela rumi i nana mai ai iaia, aole e hiki ia lakou ke hoomaopopo iho, i na ano maoli o keia kanaka.

            Ua aneane maoli o Uilama Ganeki e maule, iaia i nana aku ai a ike i ka waiho mai o ke kino puanuanu o kana kaimahine iluna o ka papahele, a me ka hikaka ola i hoomanawanui aku ai i ke komo ana iloko, ahiki i ke ku ana iho ma ka aoao o Monotana, a hoopili mai la ma kona aoao, me ke kuhikuhi ana aku, i kahi o ke kino make e waho mai ana:

            "E nana aku i kona helehelena!" wahi a Monotana, a no ka manawa mua loa, akahi no a hoomaopopo i'o aku ka lehulehua i ka helehelena.  Ma kahi o ko lakou ike aku i kela helehelena u'i nohenohea o Mira, kela helehelena @@ o ka wahine opio, ua auhee aku ia mai iaia ae, ua loli ano e loa kela helehelena, mamuli o ka nininiia ana i kekahi laau hoololiholi.

            He oiaio, ma ka aoao o kela kino make, e waiho mai ana he omole laau uuka a ma ka hauka'e o ka lole i ke koko, i maopopo aku ai, ua pepehi maoli ia o Mira, mamuli o kona houia ana i ka pahi.

            Aia o Uilama Ganeki ke pupe wale la no, ma ka puliki ana ia Monotana, ke hiolo la hoi kona mau waimaka o ke aloha keiki ma na papalina, a ke kukuli la hoi o Mr. Kinikala ma ka aoao o ke kino make o Mira, oiai hoi na malihini i hiki ke hoomanawanui e noho maloko o kela rumi, e ku mai la na manao piha kaumaha iloko o lakou.

            O Monotana hookahi wale no iwaena o na mea apau, ke kanaka i nele ia mea he pihohoi, a he kaumaha paha, me he mea la, ua nele oia i ka puuwai, a in a paha he puuwai kona, ua loli ae ia paakiki me he hau la, me ka nele ia mea he aloha a he kaumaha paha no ha'i.

            Oiai nae kela hiona e halii ana maloko o ka rumi moe o Mira, me he hiona la no kekahi hoikeike tabalo, aia hou, ku ino ae la o Mr. Kinikala iluna, me ke kuhikuhi ana aku i ke kumu o kekahi pahi, e oioi ae ana malalo o ka lole o Mira, a pane ae la me ka leo o ka mea i hooi loa ia aku ka weliweli maluna on a:

            "Owai la ka mea nana kela pahi?"

            "O oe ponoi no ka mea nana kela pahi!" wahi a Monotana me ke kuoo; alaila hapai ae la oia i kona lima akau iluna, a kuhikuhi aku la i kekahi manamanalima imua o Mr. Kinikala, me kela mau maka hoi i hele a piha i ka inaina, me he mea la he pahi oilua e hoihoi okoa aku ana iloko o kona puuwai, alaila hoomau hou aku la i kana kamailo ana:

            "o oe ponoi no ka mea nana kela pahi, aole e hiki ia oe ke hoole mai.  Me kuu mau maka ponoi, i ike ai au i kela pahi e paa ana iloko o kou lima akau, ,maloko o kou rumi moe.  He hapalua hora wale ae nei no i hala, o oe hookahi wale no me kau wahine maloko nei o keia rumi.  O ka loaa ana aku o ke ki o ka puka o keia rumi maloko o ka pakeke o kou kuka, i ka manawa a makou e hoea ana i kahi e hemo ai ka puka; ua lawa loa na hooia ana, aole he kumu e ae i make ai o kau wahine, i pepehi maoli ia no e oe a make.

            "Ke olelo aku nei au imua ou e Mr. Rolana Kinikala, a imua hoi o keia mau malihini hanohano, o oe ponoi no ka mea pepehikanaka, a mai pepehi pu ia o Uilama Ganeki e oe, in a aole au i hoea' aku i ka wa pono, no ka hoopakele ana ae iaia."

            Aohe mea hiki ia Rolana Kinikala ke hana mai, no ka hoopakele ana iaia, mai na ahewa e hookauia aku nei maluna ona.  No na manawa elua, oia i hooikaika ai e kamailio mai, aohe nae he hiki o na huaolelo ke puka ae no ka mea oia mau no ka manamanalima o Monotana, ke kuhikuhi polilei aku la ma kona puuwai, a ke haka pono aku la hoi kona mau maka hooweliweli maluna on a, a i na mea apau e noho hamau ana me na manao pilihua, aia hoi ua heheo iho la ua o Mr. Kinikala, a haule pahu iho la ilalo, ma ka aoao o ke kino make o kana wahine.

            I kela maule ana aku o Mr. Kinikala, akahi no o Monotana a huli mai no kahi o ka puka e hamama aku ana, a i kona haahele ana iho ialoko o kela rumi, alawa ae la kona mau maka iluna, a hooho ae la i keia mau olelo:

            "Ke hooko wale nei no au, ma ke ano he meapaahana no kou inaina e kuu Akua."

MOKUNA XVI.

            Aole loa he mea i ikeia maloko o ka moolelo o ke kulanakauhale o Nu Ioka no kekahi anaina mare kupaianaha loa elike me keia.  Mai lilo ole no paha kela hopena ano e, i mea ano nui, in a he mare ia no kekahi mau mea o ke kulana haahaa, aka no keia kanaka lalawai a kaulana o Nu Ioka, ame ke kaiamahine, a ka moi o na hui kaaahi, ua lilo ia i mea ano nui loa, a ua kaap mau ia iwaena o ka pohai o ka poe hanohano.

            O na hiona ku nae i ka weliweli ame ka manaonao, ua pahola like aku ia maluna o ka poe kiekie ahiki i ka poe haahaa loa, i ka wa i hoikeia ae ai ka moolelo e pili ana i ka make ana o Mira.

            Iloko nae o kela moolelo, no ka pili o ke karaima pepehikanaka ia Rolana Kinikala, he poe kekahi i manaoio ole, o ke kane mare ponoi ka mea nana i pepehi i kana wahine, no ka mea wahi a lakou, in a o Mr. Kinikela maoli no ka mea nana kela hana karaima, he mea maalahi loa nona ka hookau ana aku i ka make maluna o Mira ma kekahi mau manawa e ae, aole e kakali ahiki i ka pau ana o ka mare i ka hookoia maluna o laua.

            Ua hoopihaia na nupepa apau o Nu Ioka me na moolelo, no kela mare, a ua loaa aku hoi ka ike i na mea apau, no na ao hakumakuma e halii ana, mamua o ka hookoia ana o ka mare, maluna o Rolana Kinikala ame Mira Ganeki.

            No na mea e pili ana, i ka loaa ana aku o ke kino make o Mira maloko o kona rumi moe, ua oili mau ae ia maloko o na nupepa i kela ame keia manawa, me ke kamailio nui ia o na mea e pili ana ia Monotana, kela kanaka kupaianaha, me ka pohihihi o n amea e pili ana i kona ola ana.

            Ua paa o Rolana Kinikala i ka hopuia, no ke karaima pepehikanaka, mamuli o ka loaa ana aku o ke kino make i manaoia no kana wahine, elike me na mea i hoakaka mua ia ae nei.

            Ma ka manawa i noho ai ke kiure koronelo e ninaninau i ke kumu o ka make ana o Mira, ua maopopo loa ka pili o ka hewa ia Rolana Kinikala, a ma ka manao o na kiure, na lakou i ninaninau i ke ano o kela make i kau aku maluna o ka wahine opio, ua manaoio loa lakou, ua lawa na oleloike hookahi ma ka aoao o Monotana, e kau aku ai na ahewa maluna o Mr. Kinikala, e pakele ole ai oia ma kekahi ano.

            No ke ake e loaa aku i na kanaka kakau nupepea o na nupepa apau o kela kulanakauhale, na meahou ano nui e pili ana no Monotana, ua momoku mai la lakou no ka ike ana iaia, aka nae aole loa oia i kamailio aku imua o kekahi o kela poe kakau nupepa i na meahuna pili i kona ola ana, kow wale no na luna oiha-na e hooko ana i ka makemake o ke kanawai, ia lakou oia e pane aku ai, no na mea e hooko ana i ka makemake o ke kanawai, ia lakou oia e pane aku ai, no na mea i makemakeia mai ai oia e hoike aku.

            Me he mea la iloko o kela mau la, e kamailio nui la ana na mea pili i ka pepehikanaka i lawelaweia e Rolana Kinikala, maluna o kana wahine; ua lilo pu ka nui o ka waiwai o Montana i mea kamailioia iwaena o na kanaka waiwai a ulakolako o kela kulanakauhale; a in a paha no ka loaa aku o ka hoohuoi iloko o lakou, o ua kanaka la, ka mea nana e anai aku ia lakou a pilipu i ka paia, e naka haalulu ana ko lakou mau kuli, me ke kau o ka weli no ko lakou mau hopena poino.

            Aole o Monotana i haalele koke iho i ka hale i hanaia ai ke karaima ahiki i ka hoea ana mai o na makai no ka hopu ana ia Rolana kinikala, a lawe aku la iaia no ka hoopaa ana maloko o ka halepaahao, akahi no oia a oili aku iwaho o kela hale no ke alanui, me kona nana ole ae, i ka haka pono mai o ka nana ana a ua maka he nui maluna on a.

            Oiai ua pahola aku ka nuhou no ke karaima pepehikanaka i lawelaweia ma na wahi apau o kela kulanakauhale, ua lilo ia i kumu no ka lehulehu e hele mai ai no ka home o Mr. Ganeki, a ua hele oloko o ka holo a piha hookeke, aka ia lakou nae, i ike mai ai i kela hele ana aku o Monotana no ka puka, ua hookaawale ae la lakou i ke alahele  malaelae no keia kanaka a ke kupaianaha nui wale e hele aku ai me ka maalahi; no ka mea aia ma kona mau ano apau na hoailona, e hiku ole iho ai i kekahi mea ke alai ae mumua ona.

            Ua hele ka helehelna o Monotana a haikea, iaia i haallele iho ai i ka hale, aia hoi ke kuoo ame ka uahoa ma kona mau maka kahi i nohoalii ai, me he mea la; ua lilo ka hiona o ke karaima i hanaia, i kumu e hoalaia aku ai kekahi manao maikai ole iloko on a.

            Me he mea la, i na kanaka apau e nana mai ana iaia, ua hele ko lakou hanu a pilipu.  He poe kakaikahi wale no ka i lohe i kekahi mau mea e pili ana no Monotana, no ka nui ae o na kanaka aole lakou i maopop iki i na mea pili iaia, aka nae ma kela oiwi kino kilakila, kela kulana kapukapu ihiihi, na ia mau ano, i hoolili aku ia lakou, i poe hoopepe, me ke komohia o na maka'u nona.

            Ia Monotana i hoea aku ai no ke alanui, kau aku la oia maluna o kekahi kaa e kakali mai ana iaia, a hoi pololei aku la no ka hokele, kela hale a na malihini i haalele iho ai, no ka huli ana i mau wahi hou no lakou e noho ai, a o na kauwa lawelawe wale no ka poe i koe.

            O ka mea kupaianaha nae, ma keia hoea ana aku o Monotana no ka hokele ana i kuai ai a lilo mai i home noho nona, aole na Ilikini ekolu, o ka hele pu ana mai me ia mai ke Komohana mai.  O Wanada keia, kana kaewa, punahele loa, aole on a ikeia aku maloko o kela hokele.

            Mai ka haalele ana aku o Monotana i ka luahuna waiwai, aole he manawa ana i hele ai ma kekahi wahi, me ka nele o ka ukahi ana o kekahi o kela mau Ilikini kauwa iaia; aka nae ma keia la, aole hookahi o lakou me ia, no na kumu i maopopo ole, o keia wale no ka la i hele hookahi ai o Monotana, mai kela manawa mai ana i haalele iho ai i ka hokele, no ke anaina mare o ROlana Kinikala ame Mira Ganeki.

            I ke kaa i hoea aku ai mamua o ka puka o ka hkele, a lele aku la hoi o Montana ilalo, me ke komo ana aku ilok o ka hale, pahola ae la ka mioaka ma kona mau papalina, iaia i nana ae ai ialoko o ka holo, me ke olohelohe o kekahi mau wahi, aka ua maopopo loa iaia, e hoea aku ana na kanaka loea ma ka lakou mau hana akamai ma kekahi la ae, a hoolilo aku i kela hokele, i hale nani loa, i loaa ole aku kona lua, maloko o ke kulanakauhale o Nu Ioka.

            Ua paa maoli kona manao e lilo ko Nu Ioka holookoa, i poe hoomana mai iaia; a e hookau pu ia aku hoi ka weli ame ka maka'u maluna o lakou, me he mea la he elele i'o oia i hoounaia mai ke Akua mai.

            Aia ma cela âme keia aoao o ka puka o kona hokele, e ku laina mai ana na kauwa lawelawe, aole nae oia i nana aku i kekahi o lakou, aka komo loa aku la no oia iloko, me ka hele pololei ana aku no ka eliveta; hakalia no a kau oia iluna o ka papa opiopio o Maukele, o ka lilo aku la no ia, aia ka paa ana i ka papahele ekolu.

            Hele pololei aku la ua o Monotana no ka puka o kona rumi moe, o kana mea i ike aku ai, e ku mai ana kekahi kiai ma ka puka, he kanaka ana i ike ole ai mumua; ua hooohoia kela kanaka e kiai, mahope iho o kona haalele ana i ka hokele, no ka home o Uilama Ganeki.

            I ua o Monotana nae i komo aku ai iloko o kona rumi, haawi mai la oia i ka hoailona, i ka mea e ku kiai ana, e ukali aku mahope on a.  He kanaka kino loihi keia, o ke kulana ikaika, eia nae aole i lilo kona ano pilikua, i kumu e hopo iho ai o Monotana nona.

            Ia komo ana aku o na kanaka elua nolo o ka rumi, a ia ka noho ana iho hoi o Monotana maluna o kekahi noho, huli mai la oia i ke kanaka kiai, a pane mai la:

            "O Pilipo anei kou inoa?"

            "Ae, o ko'u inoa ia."

            "Owai kou inoa hope?"

            "O Tela ko'u inoa hope, a o ko'u inoa piha o Pilipo Tela."

            "Aole o Pilipo Tela kou inoa, aka o Pilipo Kodona."

            No kela inoa Monotana o ka hoopuka ana mai, kuemi hope mai la ke kiai me ka hoopuka na ae i kekahi huaolelo hailiili, kunahihi ae la hoi kona helehelena.  Aole oia  pane koke aku, aka ke nana pono loa aku la oia maluna o Monotana, me ka hoomaopopo ana aku, ua emi iho ko Monotana kino i kona, e eha ai no kela kanaka iaia, in a nei no ko laua hakaka, alaila hoopuka hou ae la oia i na huaolelo kuamuamu me ka pane ana aku, me ka leo hookikina:

            "O Pilipo Tela ko;u inoa pololeo, o ke kanaka e hoole mai ana i ka pololei o keia inoa, e malama oia, o eha!"

            Minoaka wale mai la no o Monotana, me ka lilo nae o kela minoaka, i kumu e hooiia aku ai ka piena o kana kauwa hou, alaila pane mai la me kela ano kuoo mao o ke kanaka i piha me ka mana:

            "Ke olelo aku nei au ia oe, o Pilipo Kodona kou inoa.  He elua ae neu la i hala, he wahine mare kau o Mine Kodona kona inoa," aole nae i pau pono mai na olelo a Monotana i makemake ai e kamailio, ua kahamaha e ia aku la, ma ka holo ana aku o Pilipo imua me na lima i makaukau e uumi aku i ke kania-i o kona haku.

            Ke noho hoola'i wale mai la no o Monotana, me ka haka pono ana o kona mau maka i kela kauwa, me ka makaala no na mea e hanaia aku ana maluna on a, a mamua o ka pa ana aku o Monotana i na lima o Pilipo, aia hoi, me he anapa ana la na ka uwila, unuhi ae la o Monotana i kekahi pu panapana, a kau pololei mai la imua o ka lae o pilipo, a mahope aku o kela pu panapana, i poha mai ai ka leo o ua o Monotana i ka pane ana mai:

            "Auhea oe, e akahele ma kau mea i manao ai e hana mai maluna o'u, no ka mea eia au ua makaukau nou, i na wa apau," me kapahola hou ana ae o ka minoaka ma kona mau papalina.

            I kela ike ana aku a Pilipo, i ka owaka ana ae o ka pu panapana, ku honua iho la oia, me ka mau no nae o ka paholo o kona mau lima imua, aohe no he wa a paa aku ke kania- i o Monotana, ua hele hoi kona mau maka hulilu, elike me ke ano mau o no holoholona ahiu i piha me ka inaina no ka lakou mai pio.

            Ke nana la no ola maluna o Monotana, a ke ike aku la oia, aole ka maka'u ame ka hopoopo iloko o kela kanaka a ua o Pilipo i manao ai, he mea paani wale no imua o kona alo, alaila akahi no a komo- mai ka manao hopohopo iloko on a no kona poino, no ka mea ke kau pono mai la ka waha o ka ilio bulu ma kona lae, no ke omo ana i kono koko, ke manao oia e hoopoiho aku i ka mea i lilo he haku nona.

(Aole i pau)

HE MOOLELO KAMAHAO

No Ko

Geofere Lanakila Ana

A I Ole

KE KEIKI MAKUA OLE I PALUA KA HANA EPAIA.

 

            Aole @ maopopo a i kamaaina hoi iaia i ko Everete mau aoao apau e hiki ai iaia ke hoakaka aku i ko Geofere mau makua, ame ke ano o ko Geofere kaa ana mai malalo o ka Mr. Hunatere malama a hoonaauao ana, a oki loa aku hoi kona maopopo i kona moolelo mai kona hanauia na mai, nolaila aole o Gelade i kali no Geofere

            O kekahi ia o na ahiahi piha hauoli loa o na mea apau, o ka oi aku o Everete Mepelasona, no ka loaa ana he manawa nui nona e hui a e kamailio pu ai me Gelade, a i ka manawa e makaukau ana o Gelade e hoi me ka ohana Lorina, o Everet Mepelasona pu kekahi i ukali aku ia Gelade ahiki i ke kau ana iluna o ke kaa, a nana hoi i paa ke kuka hoopumehana o Gelade ahiki i ke kau ana aku iluna o ke kaa.

            "O keia ka mua loa o ka loaa ana ia'u o kekahi ahiahi hoohauoli nui mai ia'u, he kakaikahi loa ka loaa o ka manawa elike iho la me keia, a ke manaolana nei no au e Miss Hunatere, e loaa hou aku ana no kekahi manawa maikai no kaua @ hui hoi ai mamua o kuu haalele ana iho i keia kulanakauhale," wahi a Everete ia Gelade ma ka manawa ana o ka haawi ana aku i ke kuka hoopumehana ia Gelade a ku iki iho la ma ka aoao o ke kaalio no kekahi manawa.

            "Mamua o kou haalele ana iho i keia kulanakauhale e pono oe e hele mua ae e ike ia makou, e Mr. Mepelasona; mai hoi malu oe, no ka mea he mau la kakaikahi wale no ko laua nei e noho iho ai maanei a hoi hou aku i ke kula," i pane mai ai o Mrs. Lorina, i kona manawa i lohe mai ai i ka Everete kamailio, a oiai ua loaa mai kekahi lono oiaio mai kekahi alahel@ mai e hiki ia ke hilinai he lala o Mepelasona opio no ka Hui F. F. V's ua lia loa oia ia manawa e kanu aku i kekahi manao iloko o ke kanaka opio i mea nona e lilo ai ia Ade Lorina, kana kaikamahine.

            MOKUNA XI.- No Magare

            No ka Mrs. Lorina kono e hoea aku oia i ko lakou hale ua hooko aku la o Mepelasona ia kono, no ka mea, o ka mea nui iloko o ka umauma o ke kanaka opio aoi no ka mikiala mau aku ilaila, i loaa ai i manawa nona e hui ai me Galade, "ka eha a ka manao."

            Ua pomaikai oia mamuli o ka loaa ana aku o na kaikamahine a elua maloko o ka home o ka ohana Lorina ma kana ahiahi o ka hiki ana aku, ua hookipaia aku oia me ke ohaoha, me ka hoopiha mai ia o kona manawa ike hoaloha me ka hauoli, no ka mea, no Ade Lorina he kaikamahine piha laiwale mau oia, e noke mau ana ka poe e hoea aku ana i ko lakou hale i ka akaaka, e oaa ole ai ia mea he molowa in a oia pu kekahi iloko o ke amaina.

            No Gelade iho ua malama mau no oia i kona kulana, ma kana mau olelo a ma kona hiohiona nani o ka poe apau e nana aku ana iaia aole e nele ana ka umeia aku o ko lakou noonoo iaia a ke hui pu keia mau kaikamahine, he hana paakiki ka huli ana i ke ap a puni, a loaa kekahi mau kaikamahine hoohaoli a hoonane i kekahi anaina, elike me keia.

            Akaaka ae la o Ade Lorina i kona manawa i ike mai ai i ka helehelena hoihoi ole ma ko Everet Mepelasona mau maka, no kona hoi koke aku me ka pau ole o kona makemake i ka noho pu a kamailio me na lede opio, a lohe pu mai la no hoi i ka pane ana ae o ke kanaka opio.  "Aole au i manao ua lohi loa au; he keu no hoi ka hikiwawe o ka nee ana o ka manawa," wahi a Ade Lorina.

            "Eia hoi paha ua ma'uae loa aku nei au mao o na palena kupono a pau.  Ianei iho la au i noho ai no ka hora a oi, a o ko'u manawa mua loa no hoi keia o ke kipa ana mai ianei e ike ia oukou, eia ka ua pau ka hora a oi."

            "Heaha ka rula mamau i ka poe o ka Hema la no ke kipa mua ana, e hai mai ana oe?"

            "He iwakalua mike, a he hapalua hora ke kiekie loa."

            "Pela io ka, he keu aku no a ka pokole o ka manawa aohe paha e pau na manao ano nui i ke kamailioia.  Ke hauoli nei au, in a pela iho la, aole o'u noho ma kekahi o na mokuaina o ka Hema.  He keu aku, aole paha e pau ke kamailio ana a kekahi ma ka mea e pili ana i ka wela iloko o ia manawa."

            "Aole like o ko'u manna me kou, e Miss Lorina; aohe hoi he hookahi huaolelo i kamailio iki ia e oe no kekahi mea o ia ano i keia kakahiaka," i pane aku ai ke kanaka opio, iaia e noonoo ana no ka ui o ko ka lede opio helehelena hoohenehene ma kona mau maka.

            "Me ka mahalo ia olua no ke kono ana ae ia'u a'u hoi i hel@ mai nei e hooko.

            "He apono no anei kou manao i na mea i kamailioia iho nei mawaena o i nei ame a u i na minuke i hala iho la, e Miss Hunatere?" wahi a ke kanaka opio iaia i huli ae ai e kamailio ia Gelade.

            "Aohe a'u kamailio no ia mea, o ka'u wale no e hoike aku he hora hauoli loa ka i hoohala like ia e kakou, e Mr. Mepelasona, a ke hauoli pu nei au i ka halawai hou aku me oe i kekahi manawa ma nei mua aku, oiai nae, ke kanalua nei no au i ka loaa hou he manawa, no ka mea, he manawa pokole wale no ko maua e noho iho ai a hoi hou aku i ke kula maloko o kekahi mau la kakaikahi, me Miss Lorina nei," wahi a Gelade.

            Pupuku ae la ko Mepelasona mau maka ia manawa no keia lohe ana aku i nei mau olelo a Gelade e hoi hou aku ana laua i ke kula a i mai la:

            "He olelo oiaio ia au i hoike mai la, eia nae, aohe hoi i kokoke aku i ka manawa e komo hou ai o ke kula, he loihi aku no na la i koe."

            "Aohe io no i kokoke aku, aka nae, ua olelo aku au ia Ade."