Ka Nupepa Kuokoa, Volume LXIII, Number 12, 20 March 1924 — POHO KA MANAOLANA NO KA OHI I NA POMAIKAI [ARTICLE]

POHO KA MANAOLANA NO KA OHI I NA POMAIKAI

0 ka manaolana o kekahi Kepani o Kalaheo, Kauai, e ohi oia ma kahi o ka elua kaukani dala o ka mahina, mamuli o ka hana puhi waiona, ua poho walo ia, no kona paa ana i ka hopuia o na makai o Koloa, ma ka Poaloma, ka la 7 iho nei, o keia mahina, i kulike ai me na meahou i loaa mai i Honol'ulu nei. Ma ke ano ulia wale no i ikeia ai ka hana puhi waiona a kela Kepani nona ka inoa o Masa Kiyoto i na makai, no ka mea he hana okoa ka ka makai o ka hele ana ma kela kakahiaka Poalima, no ka liuli ana no i na koiki hole ole i ke kula. Ia Kaikilawa Hoopii ma kekahi liale, ike aku la oia i ka pu-a o ka uwahi maloko o ka hale o kola Kepani, ia wa i komo mai ai ka manao hoohuoi iloko ona, he puhi waiona ka hana a ka mea nona kela hale malalo o ia hoohuoi, i hoi hou aku ai oia no Koloa, no ka hoohiki ana i kekahi palapala huli, alaila hele pu mai la me kekahi mau makai elua mawaho ae ona. j He oiaio ika hoea ana mai ona | makai no ka hale o keia Kepani ma Kalaheo, ua loaa pono aku la ia lakou kokahi ipuliao keleawe rama, he hookahi haneri me kanaha galani wisake, pela pu me na mea i lioawaawaia. Ua paa kela Kepani i ka hopuia a laweia aku no Koloa, me ko kauia ana o kona bona, ma kahi o ka eono haneri dala, a no ka hiki ole nae iaia ke waiho ao i bona no kela huina dala, ua hoopaaia oia maloko o ka halepaahao, ahiki i kona hookolokoloia ana ma kekahi Ia mai, a hoopa'iia, he ekolu haneri me kanalima dala. Aole i huna iho kela Kepani i ka manao nui o kona lawelawe ana i ka hana puhi waiona, a wahi ana, ua makemako oia e loaa aku he elua kaukani dala i ka mahina mai kela hana mai. Aia ka hale o kela Kepani, ma kahi ho elua haneri i-a ka mamao mai ke nlanui aupuni nku, a no kona manao paha aole e hokai w-ale ia aku ana kana hana e na kanaka o ke aupuni, aole oia i huna i kahi 0 kana ipuhao puhi waiona e waiho ai, a pela hoi me na pahu barela e hoawaawaia al na mea e puhi ai 1 ka waiona. He kokoolua ka ko kela Kepani, o ka holo ana no Kauai mai Honolulu aku nei, o Ward ka inoa o kela kokoolua, a o ka laua hana o ka liolo ana ilaila, no ke kuai opiuma. Mahopo iho o ke kauia ana mai o ka hoopa'i maluna o kela Kepani, ua lilo i hana nui a paakiki ma kona aoao ka huli ana i na dala e uleu ai i kona hoopaM, eia nae ua loaa ka huina i makemakeia, a ua hookuuia aku oia, mahope o ka uku ana ae i ka huina o ekolu haneri mo kanalima dala. No kela hana puhi walona, ua manaoia, aole o kela Kepani hookahi wale no ka i komo ma kela hana, aka ho poe hou ae no kekahi, ma kahi o kn umi. a umikumamalua paha, na lakou i kokua mai iaia me ke dala e holomua ai ka hana puhi waiona. 1