Ka Nupepa Kuokoa, Volume LXIII, Number 13, 27 March 1924 — E HOOUNAIA AKU ANA NO WAKINEKONA [ARTICLE]

E HOOUNAIA AKU ANA NO WAKINEKONA

0 na kini opiuma i hopuia ai ma Hawaii nei a i kauia ka waiwaiio ua oi aku maluna o ke $60.000, a o ia no hoi ka heluna nui loa o na kini opiuma i paa ae i na luna aupuni fcderala maloko o. ke Teritore o Hawaii, ua pau i ka hoomakaukauia e ka buro o na loaa kuloko a e hoounaia aku ana i Wakinekona e Herman H. Woutere, ke poo o ke keena hopuhopu opiuma ma Hawaii nei. He elima kaukani auneki ka nui o na opiuma e hoounaia aku ana. O ke kumukuai ma ke kuai liilii aku no ka auneki ma Hawaii nei he $12, wahi a Wouters o ka hoike ana ae, aka nae ma ke ano o ke kuai liilii ana a kekahi poe hoopukapuka opiuma e oi aku ana maluna o ka $100,000 ka waiwaiio o keia elima kaukani auneki. Iloko o na waiwai ku-e kanawai e hoounaia aku ana aole o ka opiuma wale no, he eoeeaine, he morphit ne ka heroin ame ke eoeline kekahi, 0 ka opiuma no nae ka oi aku o ka nui. O na ipupaka puhi opiuma ame na lako e ae, na mea hiki ke pau 1 ka a-ia e ke ahi, ke puhiia ana ma keia pule ae, a o na mea hiki ole ke a-ia e laweia aku ana a kahi hohonu loa o ka moana a kiniaia aku. O ka heluna o ka poe haihai kanawai i hopuia a mai ia lakou mai hoi na kini opiutna, na ipupaka ame na mea e ae i hopuia ai iloko o ka mahina o Okatoba i hala he JōO 0 ka heluna nui loa o na kini opiuma i loaa ae i ka mokuluu o ka oihana kaua moana a i haawiia ae ai 1 na luna aupuni federala he 100. — +++