Ka Nupepa Kuokoa, Volume LXIII, Number 13, 27 March 1924 — E WEHEIA ANA I MAU HOME KAHAKAI. [ARTICLE]

E WEHEIA ANA I MAU HOME KAHAKAI.

Ma kahi o ke kanaono-kumama-kahi mau apana aina ma Mokuleia} Waialua, e weheia aku ana, no ke kual, i jnau home pili kahakai, no ka poe e makemake ana e loaa he mau home no lakou ma kela huli, o ka Mokupuni' o Oahu nei, olike me ia i hoikeia ao e ka Bishop Tmst Compa,ny, ka hui iaia ka mana kuai hoolilo i kela mau apana aina. Mamuli o ka nui loa o ka poo makemkae i na home kuaaina, a hui pu iho me ka mahalo nui ia o na kapakai o Mokuleia, ua manaoia, aole he hana paakiki ke kuai hoolilo ana aku i kela mau apana apau. E hoolakoia ana na kukui uwila ame na paipu wai, maluna o na apana apau. Aia keia mau apana alna apau e huli pono ana i ke kai, he mile me ka hapa mai hale hoolulu leaaahi mai o Mokuleia, a ho ekolu hoi mile mai ka hokele mai o Haleiwa ma Waialua. No ka auaukai, ka lawai*a maluna o na waapa, o kela kekahi o na kapakai maileai loa. Ma kahi o ke kanalima a i ke kanahiku kapuai ke akea o ka apana e huli ana i ke kai, elike mo ke ano o ka moe ana o kapakai, o ke kumukuai, aia ma kahi o ka 25 keneka no ke kapuai kuea, a o lea nui o ka apana hookahi, mai ka elima kaukani aku, a i ke kanakolu kaukani kapuai kuea.