Ka Nupepa Kuokoa, Volume LXIII, Number 13, 27 March 1924 — Ka Mana o ka Hoohuihui. [ARTICLE]

Ka Mana o ka Hoohuihui.

He mea hauoli, no ka manao ka ike ana i kekahi poe Hawaii opio o keia kulanakauhale, i hoohuihui ae ia lakou, ma ke ano e lawelawe like i ka lakou mau oihana, me ka wehe ana i krrna oihana, ma kekahi o na rumi, o ka Hale Lineoln, e ku nei, ma ka aoao ma Waikiki iho o ka Hokele lana. O no hana i lawelawe mau ia e keia mau opio lehulehu, o no ka oihana loio, ka huli ana i na aina pohihihi, ke kuai ana aku ame ka hoolilo ana i na waiwaipaa, ka hana ana i na palapala pili kanawai apau, ame kekahi mau ano hana e ae i kamaaina, i ka ikeia maloko o na keena loio, pela ka ohi ana i nn aine, a pela wale aku. Ma keia hoohuihui ana i hookahi keena oihana, e hoolako mau ia ana keia poe opio Hawaii me na hana i kela atne keia nr.anawa, me ka malele ole aku o na hana iwaho, i na loio, a i na hui kuai aina paha, a mau hui hoaie elala. O ka mea huli i na aina pohihihihi maloko o na buke aupuni, e hiki ana i kona mau hoa. nia na oihana okoa, ke waiho mai iaia, 1 ka lakou mau aina pohihihi, no ka huli ana, i na moolelo pololri o ia mau aina, a ina palia he mau aina kuai, alaila o ka poe e lawelawe ana ma ia mahele hana, e lilo ana lakou i poe kokua nui mai ma ka waiho ana aku i keia mau aina, i ka poe makemake, a ina hoi he mau hoopii kanawai, alaila o na īoio iwaena o kela puulu, ka poe na lakou e lawelawe imua o na aha hookolokolo, e kauka'i ole aku ai i na hui loio like ole o ke kulanakauhale nei. No ka .lilo o ka hoohuihui ana, i kumu holomua no ka lakou lawelawe oihana ana, pela kakou e ike nei, aole e ku hookahi ana kekahi loio haole a lawelawe oihana oia hookahi wale iho no, aka ma kahi o ka elua, a pii aku mau loio e hoohuihui ana ia lakou, a ma kekahi olelo ana ae hoi, na kekahi ka hana, ua hoolawa like ia kona mau hoa, pela hoi, ina na kekahi hoa o kela hui loio ka hana, e lawa like ana ia hana na lakou apau. K ukali ana keia hopena, ma keia hoohuihui ana o na ano hana like ole, a maloko o hookahi keena oihana e lawelawe ai. Ma ka hoohuihui ana na haole, na Pake ame na Kepani, ia lakou iho, ma ka lakou mau lawelawe oihana ana, o na ano like ole, ua ike kakou i ko lakou holomua loa; pela aku auanei keia mau opio Ilawaii, ke lawelaweia na hana apau me ke kui'o. ka pololei ame ka hoopono, a elike me na kulu pakaua, ī hoohuihuiia a lilo i moana wai nui, pela auanei e lilo ai ka lakou mau oihana, i oihana nui ma keia mua aku.