Ka Nupepa Kuokoa, Volume LXIII, Number 14, 3 April 1924 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
AOAO NO NA MANAO PEPA SOLOMON HANOHANO, LUNAHOOPONOPONO
NA MOOLELO HOONANEA, NA UHOU KALAIAINE ME NA NUHOU O KA MANAWA
NUPEPA KUOKOA, HONOLULU, T. H., POAHA APERILA 3, 1924
UA KUPALEIA KA PONO O KA LEHULEHU
Ma ka noi a ka hui kaa uwila i ka papa komisina o na hana o ka lehulehu, no ka aeia aku, e hoopii hou ae kela hui kaa, i ka uku o na ohua, mai ka elima keneka; elike me ia e kakiia nei i keia manawa, a i ka eono ame hookahi-hapaha keneka; ua kupaleia ko ka lehulehu pono, ma o ka hoole ana o ka papa komisina i kela noi, malalo o na ohua o na kaa uwila.
aole a kakou mau hoohewahewa ana, no ka emi ame ka oluolu moali o ka uku e kakiia nei no na ohua o na kaa uwila, mai ka manawa mai ka manawa mai i holo ai na kaa uwila ma na alanui o honolulu nei ahiki no i keia manawa, me ia emi no nae, o keia kekahi o na hui holomua loa i ikeia, ma kahi o kona mau loaa i kela ame keia makahiki. o ke kumu, o na kaa uwila ke alahele maalahi no ka lehulehu, e kaahele ai i na la apau.
ua hookahua ka hui kaa uwila i na kumu no ka hoopii hou ana ae i ka uku o na ohua, mamuli o na hana hou i manaoia no ka hooi ana ae i ka kulana maikai a maalahi o ka hooholo ana i na kaa uwila, ame ka hoomoe ana aku i na alahao he mau hoolilo nui hewahewa a ka hui i koi mai ai, e ili aku maluna o ka lehulehu kekahi mahele o ka auamo ana i kela mau hoolilo.
no ka pololei âme ka pololei ole o kela mau kahua koi, e ikeia ka naauao ma ka aoao o ka papa komisina, ma ka pane ana, aole he kuleana i ka hui kaa uwila e kikoo aku ai i ka lehulehu. no ka uku ana mai, i na hoolilo o na hana hou i manaoia. maluna iho o ka hui ponoi. ka anamo ana i na ko'iko'i o kela mau hana ma ka hoomahuahua ana ae i kona kumuwaiwai, a i ole ma ka aie ana aku i na dala iwaho. me ia mau dala i loaa mai, e hooliloia aku ai no na hana i manaoia aka o ke kauka'i ana aku na ka lehulehu e uku ia mau hoolilo ma ke ohi ana aku i na ukukaa i hoopiiia ae. aole ia he kumu kupono a ua pomaikai hoi kakou, i ka loaa ana o na komisina kuokoa i nana i ka pono o na aoao a elua ma keia ninau nui ko'iko'i.
E MAKALA I KA POE APUHI!
Nui wale o na makaainana o hawaii nei, i lilo i luahi no na hana apuhi a kekahi poe kolohe o ka hoea ana aku imua o lakou me na waiwai hoikeike, no ka lawe ana mai i na auoha, a ka poe e makemake ana ia mau waiwai; me ka uku mua ana i kekahi mau dala, ma ke kuike , o ke hopena nae i ikeia o ka hope loa kela o ko lakou ike ana ia mau dala ame ka poe i hoea aku ai imua o lakou.
o ka hana a keia poe, o ia no ke komo hele ana ma na kakuhale. me ka lakou mau ano waiwai like ole, e hoikeiike ana no kahi e loaa ai ia mau waiwai ma amerikka, a iloko o ia manawa hookahi. e koi ana lakou e uku mua ia mai kekahi hapa o ke kumukuai o na mea i makemakeia, aia a hoea mai na waiwai i kauohaia ai, ia manawa e ukuia aku ai ke koena o na dala i koe.
ua punihei wale aku ka lehulehu i kela poe mamuli o ku'io o ka lakou mau olelo, ke akamai no hoi i ke kamailio e hei ai ka noonoo o ka mea e hoolohe aku an. aia nae iloko o ia mau ano i hunaia ai ka epa ame k kolohe, no keia kumu la he mea pono e akahele loa ma keia mua aku i ka poe o keia ano.
nui wale ka poe e hookohukohu ana, he mau akena lakou no kekahi mau hale oihana ma amerika, me ka hiki ole nae ke hooiaio mai, no ko lakou hookohuia ana ma ia kulana, no kela poe i konoia ai kakou e makaala loa, ma ka haawi e ana i kekahi mahele o na dala, no na waiwai i makemakea e kauoha, ahiki i ka heoea ana mai o na mea i kauohaia, o kela wale no ke alahele o ka palekana. e lilo no na hana pulapu o ka wa aku nei i hala, i mea a'o mai i ka lehulehu, no ke ku ana ma ka aoao makaala ma keia mua aku.
he makepono na meakuai ma amerika, mamua o ke kumukuai e kauia nei maanei, aia nae a loaa na hooiaio ana, no ka loaa ponno mai o na mea i maekmaekia me ka pololei. alaila hoao e kauoha i na waiwai o Amerika, in a aole, alaila ua ahona ka uku ana aku i kekahi mea pii o ke kumukuai maanui. no ka pomaikai o ka poe kolohe.
HE HANA MAIKAI E PONO E KOKUAIA
maloko o ka halekeaka liberty, ma ka po o keia poalime ame ka po o ka poano aku. pela hoi me ka auwina la o ka poaona e haawi ae ana ia keiki hawaii, he ahamele imua o ko honolulu ni poe puni himeni, no ka hoikeike ana i kana mau kalena me kona leo nani aka o ka mea oi loa aku o ia no kona hooaa ana e haawi aku i ka hookahi hapaha o na loaa o kela mau ahamele no ka Waihona Hoonaauao Kuhio.
he keiki hawaii keia nona ka inoa o E. K. Rose a i ikeia hoi ma ka inoa kapakapa ma ka hana himeni o "prince" lei lani. ua hoohala nui oia i kona manawa oiai ma amerika, ma ka hoomahuahua ana i kona makaukau himeni, ame ka paka ana i kona leo, aka ua huli hoi mai nei nae oia no kona aina hanau no kekhahi manawa pokole, a iaia ma hawaii nei e oaa ana i ka lehulehu ka pomaikai nui o ka lohe ana i kona leo nani a e lilo pu ana hoi oia i mea kokua mai na hoonaauao kiekie ana i na hawaii opio, ma ka hoomahuahua ana aku i ko lakou ike ma amerika, in a ia no ka himeni a no kekahi mau haawina hoonaauao e ae paha.
o ka lia âme ka iini iloko o ke keikialii kuhio i moe aku nei iloko o ka maluhia, o ia no ka loaa o na hoonaauao kiekie ia i na keikikane ame na kaikamahine hawaii ma na kula nui o amerika huipuia ma o kekahi waihona hoonaauao la e kukuluia ae ana e ka ahahui puuhoua o hawaii, ka ahahui ana i noho poo ai, ahiki wale no i kona pauaho ana mai keia ola ana.
ua hala aku ke keikialii kuhio ma kela aoao o ko ke kanaka ola ana, me ka hooko ole ia o kela iini iloko ona, no na opio o kona lahui ponoi: aka nae no ka hoomanao ana i kekahi kiahoomanao nona, iloko o ka noonoo o kona lahui ponoi ke iini nei na lunanui o ka ahahui puuhonua o hawaii e loaa i'o he waihona hoonaauao i na opio Hawaii, a ua kapaia keia waihona ka waihona hoonaauao Kuhio.
no keia waihona hoonaauao, e hwaawi ae ana ka "prince" Lei Lani i ka hookahi hapaha o na loaa o kana mau ahamele kekahi keia o na hana kilakila loa a keia keiki hawaii e lilo ai i kumu alakai no na hawaii apau e ukali aku ai.
ma ka hele ana ae e hoolohe i kana mau ahamele aole wale no i ake aku ko honolulu nei poe e lohe i kona leo nani, e ike hoi i na kalena kiekie i loaa i keia keiki opio hawaii, waihona hoonaauao no ka mea mailoko mai o kela ame keia hookahi dala, e holo ana he hapaha no keia waihona.
me kela makee nae, e hooko aku i ka iini iloko o ke keiki alii kuhio, ua hoolala na lunanui o ka ahahui puuhonua i kekahi alahele e hiki ai i na Hawaii apau ke koua mai no keia waihona hoonaauao o ia ke kuai hoolilo aku i ke kii o keikialii kuhio no ke kumukai o hookahi dala, e loaa mai kela mau kii mai, e hooliloia ana ia, no ka hoouna ana i na keiki hawaii nei no ka hoomahuahua ana ae i ka huli ana i ka caauao ma amerika.
o keia ka waihona honaauao mua loa o keia ano, i konoia ai na hawaii apau e kokua mai, in a pela iho la e loaa ai i ko kakou pose opio na hoonaauao kiekie ia ma keia mua aku, alaila e lilo i'o kakou apau i poe kokua me na manao maikai aole o ka hoopohala me na manao hoopuukahua, no ka mea eia na keiki a na lahui e, ke nee nei imua; nolaila e ku ka ahahui puuhonua, a e hawaii aku i na kakoo piha ana keia hana kilakila loa.
HOOMANAO O KA AHAHUI PUUHONUA I KA LANAU O KUHIO
no ka hoomanao ana i ka la hanau o ke keikialii kuhio kalanianaole, ka peresidena mua o ka ahahui puuhonua o na hawaii, i malama ae ai na lunanui ame na lala o kela ahahui, i kekahi paina hoomanao, maloko o ka hale o ka Y. M. C. A., ma ke ahiahi o ka poakolu o ka pule i hala, me ke konia ana o kekahi mau haumana o na kula, ma kahi o ka elua haneri ka luna oihana o ke Teritore ame ke kulanakauhale.
no ka hoonaauao ana i na keiki hawaii opio, ka manao nui o na haiolelo i kamailioia ae ma kela po, e ka poe haiolelo, a ua lilo ia mau haiolelo i mea ano nui i na haumana kula, no ka waele ana ae i ko lakou mau alahele a malaelae, mahope iho o ko lakou haalele ana aku i ke kula.
ua noho hoomaluhia kela paina e Mr. Noa aluli, ka peresidena o ka ahahui puuhonua, a nana i hoolauna pakahi ao i ka poe haiolelo.
o ka hoonaauao ana i na kanaka hawaii opio, oo ke alahele wale no ia e hapaiia ae ai na hawaii iluna, ma na anuu kiekie o ko lakou ola ana, o keia ka manao nui, ma na haiolelo apau.
o ke kauka'i ana i na hana kuku o na a-ikala, aole ia o ka hana pono a na keiki opio o noonoo ai ma keia hope aku aka o ke komo kino ana iloko o kekahi mau oihana mikiala , no ka mea eia he mauoihana mua iloko o ka aina, aole wale ma ka aina makua, aka ma hawaii nei kekahi.
oiai he hoomaka wale ana no keia no na hana hoonaauao i na keiki hawaii, ma ka aoao o ka ahahui puuhonua, ua manaoia, e loaa mahahua mai ana na dala iloko o ka waihona o ka ahahui, no ka hoonee mua ana aku i kela hana, no keia mua aku.
HE MAU HAAWINA A'O MAIKAI NO NA WAHINE
no na wahine i makemaek e lilo lakou i ipoe mahaloia, iloko o na haiolelo kalaiaina, o keia iho na hoakaka a harriet Tayler Upton, ka hope lunahoomalu o ke komite lahui Repubalika, e pono ai e malama loa ia.
1. mai hoolilo i ka halawai kalaiaina i wahi e hoikeikeia ai i na lole nani.
2. mai kau i papale, a in a paha ua hiki ole ke alo ae, alaila mai kau i kekahi papale hulu, e kahilihili ai ma ka laulau o ka papel.
3. mai hoohalike me kekahi mea noonoo ole, elike me ka mea kau wale i ka lio me ka noho ole, aka e hoomaopopo iho, he wahine oe e waiho ana i na manao kalaiaina i ka lehulehu.
4. mai lei i na lei loloa, a mau mea kaualako e ae paha ma ka a-i, e lilo ai na manamanalima ilaila e milimili ai, i ka wa e kamaili ana, o lilo auanei ka noonoo nui o ke aniana, i ka lei, aole i na olelo e kamailioia aku ana.
5. mai hoikeike i na kapuaiwawae ame na ku'eku'ewawae in a no ua hele a aulii. oi loa aku ka pono, e huna ae mahope o na pah o na lau uliuli, o nema mai auanei na wahine mamua loa o ke anaina, i ka hu'a o ka palekok, a i ole i ke kamaa paha.
6. mai hoopololei wale aku no i ke kamailio ana i ka poe mamua o ke anaina aka e makaala pono, no ka loaa pu o ka hialaai i ka poe mahope o ke anaina.
7. mai kahea okoa aku i ke anaina me he mea la, e kahea ana oe i kekahi mea e hoi mai i ka aina awakea.
8. mai hoopaanaau mua i ka haiolelo, a i ole kakau mua paha. ke maopopo na mea oiaio, a ua maopopo loa na kumuhana e kamailio ai, aole kauka'i ana aku i na kokua ana mai, a na mea i kakauia.
9. mai hoikeike wale aku i na hemahema liilii. e hooikaika e e hoike aku i na mea apau i loaa ia oe.
10. mai kipehi wale aku i kekahi aoao kalaiaina, aka e hoikeike aku i na mea maikai apau iloko o kou aono ponoi iho.
Nuhou Kuwaho
WAKINEKONA, Mar. 31.--Ua aponoia me ka lokahi e ke komit waiwai o ka senate i keia la ka bila o na loaa makahiki e noi ana iwakalua-kumamalima keneka hoemi maluna o na auhau loaa makahiki e ukuia ana i keia makahiki.
BELFAST, Mar. 31.--He heluna lehulehu o na alahaka i hoopa-huia me ke dainamaita i keia la maloko o waenakonu o Irelani a ua panijuia na alanui e na kumulaau i hina. ua hoole na repubalike aole e kau aku ke koikoi o na ahewa ana maluna o lakou no keia mau mea i hanaia.
PEKINI, Kina, Mar. 31.--Ua hoole ke aupuni o Palani i ke apono ana i ke noi a kina no kekahi ahakuka mua e pili ana i ka oihana kuke, o keia ka mea i hoikeia ae i ke aupuni i keia la. he hana keia i laweia ae no ka mea aole o Palani i apono i ke kuikahi a wakinekona a ua hoole hoi o kina i ka uku ana i ke koipoho ma na dala gula palani.
HOOKOMOIA HE HOOPII PAPA
o na manna like ole mawaena o na hoa o ka papa o na lunakiai ame ka meia wilson, maluna o ka aelike no ka hana ana i ka hale kinaiahi o kalihi ame kaimuki, ua hoea okoa mai ia, i ka hookomoia ana aku he hoopii iloko o ka aha kaapuni ma ka poaha nei, e Henry L. Fernandes, he mea lawe aelike, e kauoha ana i ka aha e hoopuka mai i kekahi palapala papa, no ka hoomau ana aku o ka hui National Construction Company, ma o ka lunanui la i ka lawelawe ana i na hana, o na hale kinaiahi hou i manaoia.
maloko o kela hoopii imua o ka aha, o hoakaka ana ia no ka haawiia ana aku o ka aelike no ka hana ana i na hale elua, i ka hui i hoikeia ae nei maluna, me ka hooleia ana o na koho a na hui lawe aelike a ae.
mahope mai o ka aieia ana o ke koho a kela hui, ua hoomaka ka lawelawe ana i na hana kukuli i na hale kinaiahi elua, a iloko o ia manawa hookahi, i hanaia ai he mau hoololiloli ana, me ka apono ana mai o ka papa o na lunakiai i kela mau hoololi.
mamuli o keia hoololiia ana o na mea mua i makemakeia ai a i hookomia ae ai na koho like ole, ma ka manaoia o ka mea hoohalahala ua ku-e keia hana i ka kanawai, a ua ku-e pu ia aku hoi ka pono, o na hui lawe aelike e ae, na hui aelike i hookomo aku i ka lakou mau koho, maluna o na hoakaka ame na kuhikuhi, i hoolalaia no ka hana ana i kela mau hale.
PAA HE KIU WAIONA I KA HOPUIA
mamuli o ka loaa ana aku he ekolu mau glanai okolehao maluna o kkona kau otomoobile, i na makai o honolulu nei, i paa ae ai o K. Kawabata, he kiu no ke keena hookoi ke kanawai hookapu waiona maanei nei, i ka hopuia, ma ka po o ka poaono aku la i hala, no kona ku-e i kanawai.
ma ka aoao o kawabata, ua hoakaka ae oia i ke kumu o ka loaa ana o kela mau galani okolehao ekolu maluna o kona kaa, he mau ike ia, ana o ka lawe ana mai, mai kekahi wahi mai, no ke ku-eia o ke kanawai hookapu waiona, aole nae he manaoioia aku o kana mau hoakaka, ua paaia ka waiona ame kona kaa otomobile e na makai.
he mau mahine ae nei ka noho hana ana o kela kepani, maloko o ke keena o ka luna hooko i ke kanawai hookapu waiona John H. Wise, me ke ano he kiu a ke noii pono ia mai nei na mea e pili ana i ka hana hakihaki kanawai, i hopuia ai kela kepani, in a no kona pili i'o i ka hewa, a i ole, ma ke ano paha o kana oihana , i kaa aku ai na galani okolehao ekolu malalo o kona malu.
ua hookuuia mai nae kela kepani kiu, malalo o ka bila o elima haneri dala, a ma ka poakahi o keia pule ae e hooloheia ai kona hihia, iloko o ka aha apana.
AOLE NO I APONOIA KE KOMISINA MAKAI
o na hookohu oihana o na lala o ke komisina makai, i waihoia mai o ka meia wilson, no ke apono ana aku a ka papa lunakiai, ma ka halawai i malamaia a ka papa, ma ka auwina la o ka poalima nei, ua hoopaneeia aku la a no kekahi halawai hou aku, ma ke koho ana a na hoa Repubalika o ka papa.
o na lala o ke komisina makai, i waihoia mai ko lakou mau inoa imua o ka papa lunakiai, oia o Ambrose J. Wirtz, Jacob K. Ordenstein ame Lang Akana, he mau inoa hou loa keia mai na inoa mua mai, i waihoia ae e ka meai, no na hoa o ke komisina makai, a i ku-e mau ia aku ai ke apono ana e na hoa Repubbalike o ka papa mamu aku nei.
ma ka manawa i waiho mai ai ka meia i kela mau inoa ae la maluna, no ka papa komisina makai, ua noi koke mai la ka lunakini Hollinger, e waihoia ka noonoo ana maluna o ko lakou mau hookohu a no kekahi manawa okoa aku; ia manawai hookahi i waiho mai ai ka lunakiai McClellan he paku'i i ke noi, no ke aponoia o ka hookohu.
maka ninauia ana o ka hoololi, ua haule, ma o ke koho ana o na hoa demokarate o ka papa ma ka aoao o ka hoololi, a koho hoi na hoa Repubalike, ma ka aoao e ku-e ana i kela hoololi, nolaila ua hooholoia ke noi mua oa ka lunakiai hollinger, e hoopanee ka noonoo ana i ka hookohu o na lala o ka papa komisina
na hana e ae
o ka pila haawina no na mahine eono e nee aku nei, no ke kulanakauhale a kalana o honolulu nei, na apono ka meia i na itamu apau o ka bila haawina, a koe ka itamu, no na hoolilo o ka hale auau o ka lehulehu ma waikii. ua hookahua ka itamu, no na hoolilo o ka hale auau o ka lehulahu ma waikiki. ua hookahua ka mia i kona hoole ana i kela itamu, malalo o ke kumu, ua lawa no ka waihona mua, no ka hoohana ana aku i kela hale auau me ka pilikia ole no keia nee ana aku.
he mau leka ka ka meia i waiho ae ai imua o ka papa lunakiai, o ka mua e apono ana oia, i ke noi mai ke makai nuitrask aku, no ka hookohuia aku i kakiana makai nana kaa , no ka uku mahine o hookahi haneri me kanahiku-kumamalima dala, a oka lua, e apono ana oia i ke noi a kauka hanchett, o hookohu i kokua nona. ua waihoia kela mau palapala a elua, i na komite, i kulean i na hana o kela ano.
mai ia W. A. Wall ae he leka imua o ka papa e hoakaka ana no kona hookohu ana kau ia A. C. Zablan i kokua akauolelo noloko o ke keena o ka oihana wai, ma kahi o J. P. Awana i hoopauia no ka uku mahine o hookahi haneri me kanalima dala.
no ka hoohalahala a H. H. Plemer o waialua, ka hope makai nui mua o keia apana no ka hoike mua ole ia ana aku o ka lohe iaia, ua hoopauia oia mai ka oihana aku, i heluhelu ae ai ka hope loio kalana kelley i ka manao kanawai e pane ana no kela hoohalahala, me ke ano, ua ku i ka mana ka hoopauia ana o Mr. Plemer pela hoi ka hookohua ana o D. K. Aiau o Waialua, i hope makai nui.
He manao kanawai hou no kekahi i heluheluia ae e ka hope loio kalana kelley e hoakaka ana i ke kuleana ole e ukuia o Thomas C. Blackwell i kona uku mahina ma ke ano he wiliki no kekahi o na hale paumawai no ke kumu ua hoopauia oia mai ka hana aku.
no ka hookohu oihana i hanaia aku e F. C. Benevedes, ka lunanui o na paka ame na kahua paani, o ia ke koho ana i paul iauhoe i mea kiai paka no kalihi-kai, ma kahi o Noa kaheahu i make, ua apono aku ka papa lunakiai i kela hookohu i hanaia.
Na Leki i kii ole i ia mai ahiki i Mr. 29, 1924
Au, Miss Helen, Aipa, Miss Estther, Agala, Henry P. Apilki, Mrs. Kekahuna (2) apun, mrs. c. a. halalii. G. W. Kaalakea, Miss Maryann. kaeo, Samuel K. Kaua, lemi (2_ kahaulelio, Geo. Kahalemanu, James K. kahoe, kealoha, Kakea, Miss Esther, Kalaaukahi Mrs. Liwana Kalauli, Miss Mary. e ninau mai ma na leta i hoolahaia ke kii mai.
D. H. MacADAM, Lunaleta
Nuhou Kuloko
Ma ke sabati, aperila 13, e malama ana ke kula sabati o ka apana o kaneohe ame waimanalo huiia i ka hoike hapaha o ia apana ma ka halepule o kaneohe.
mahope o ka hoohala ana i kekahi mau la ma ka aina hoopulapula kalanianaole ma molokai, i huli hoi mai ai o Ruolph M. Duncan, a ka Poakahi iho nei.
Oiai ka manawa kau pua iloko o ka mahina o Mei ke hookokoke mau mai nei ke kauohaia aku nei ka poe apau i kuleana i ka ilina o Kamoiliili e hele mai e hoomaemae i ka lakou mau pa.
eia na hana ma na alanui o kaimuki ke nee nei imua ma ka kulana kanaka makua, mea ole ka paakiki o ka pohaku, i na meahana e hoohanaia mai nei, e ka ike same ke akamai o ke kanaka.
e noho mai ana ka halawai a ka ahahui mokupuni o na ekalesia Kalawine ma waikane, koolau ae nei ma ke la apopo, a ma ka sabati aku e malamaia ai la hoike kula Sabati malaila.
Ma ke sabati i hala iho la, ka hopena o ka hoike hapa mua o ka 1924, a e hoomaka hou ana na hoike hapaha o na kula sabati o ka mokupuni o oahu, no ka lua o ka hapaha ma kaneohe.
halawai ka ke kalapu demokarata o na wahine o ka mahele 20 apana5, e malama ae ana maloko o ka halekula o kailani, ma ka hora clua o ka auwina la sabati, aperila 13, a ua makaemake no lala o ke kalapu e hoea ae ma ia halawai.
Ma keia poakahi ae, ka la 7 o keia mahina e noho mai ai ka ahaelele na repubalika, maluna o kauponko o ka hokele iana, no ke koho ana i na elele ame na hope e hoounaia aku ai i ka ahaelele lahui, pela hoi ke koho ana i ka komite lahui.
i kulike ai me na leka i loaa mai i na hoaloa maanei nei , e huli hoi mai ana o mrs. elizabeth kahanu woods no honolulu nei, me ka ukaliia mai e kana kane, ma ka mokuahi matsonia mai kapalakiko mai kahi a laua i hoohala ai i kekahi mau mahina malaila.
eia ke ahahui kamehameha ame ka ahahui puuhonua o hawaii ke kokua mai ne no ka holomua o na ahamuale e haawiia ae ana e "prince one" lei lani maloko o ka keia poalima iho ame ka poaono pela pu hoi me ka ahamele o ka auwina k.a poaono, ma ke kuai ana i na tikiki no keia mau ahamele.
nui ka make o na puaa maloko o na pa puaa a na kepani o keia kulanakauhale ame na apana kuaaina aku nei iloko o keia mau la elike me na hoike a na lunanana o ka papa ola he oano ma'i nae kela i manaoia ua kaokoa ae mai ke ano mai o na ma'i e laha mai la ma kaleponi iwaena o na holoholona malaila o ia ka ma'i o ka waha ame ka wawae.
Maloko o ka halekeaka liberty. ma ka po o keia poalima ame ka poaono e wehe ae ana o "Prince lei lani he mau ahamele me ka hol o kekahi mahele o na loan o kela mau ahamele, no ka waihona hoonaauao Kuhio, a e wehe pu ana no hoi he ahamele ma kela halekeaka, ma ka awina la o ka poaono.
NA MARE
Wm. L. Reeves ia Bessie K. Miner, Mr. 3
Allan R. Love! ia anita D. kele, Mar. 23
Moses Liwai ia Rdna Keuma
NA HANAU
Moses Liwai ia Edna (Keuma) ho keikikane, Mar. 23
Na john H. Tappen ame Jennie Hayashi, ho keikikane, Mr. 26
Na Fred K. Wiiliam ame Mary lui, he keikikane, Mr. 27. Na stanley martin came malie kapauahi, he keikikane, mar. 29
Ma gep/ Davis âme Emily Kaili, he keikikane, Mar. 30.
Na lui aura kanui âme Anna L. Pohaku he keikikane, Mar, 30.
NA MAKE
David Kahalewai, ma ke alanui Liliha, Mar. 26
Sarah L. Ai ma ke Squarttersville, Kaako, mar. 26
Eva ano, ma ke alanui Hardestery, Mar. 27
Loke H. Kaneihalau, ma ke alanui Moi, Mar. 28
Henry Cain, ma ke alanui Allan, Mar. 29
Davis, me ke alanui kukui kokoke i alanui muliwai, Mr. 30.
L. H. Kahilahila ma ke alanui Nuuanu, Mr. 20.
Kalanikoo Kekoa, ma ke alanui Cooke, Mar. 30
J. K. Wailehua, ma ke alaunui Kaimuki, Mar. 31
KA WA UA AME KA RUMATIKA
He ma'i uahea ka rumatika ala wale no ka maha a loihi ka lapaau ana
o ka wa ua a f ole kaa noho ana paha ma na wahi kawaii ka mean hoopilikia loa wai ka poe i loaa i ka pumatike. he nawaliwal keia i kauia ma na papa ekolu-pehu. olona ame hu'i. o ka pehu nae ka mea ike mau ia ka kupilikii ma oli o ka mea ma'i a lolo paha no ke kooena o ke ola ana. aia ka walewa rumatika iloko o ke koko pehea e kaawale aku ai. e hoomaemae pono ia ke koko ame na meapaahana me ka hana nui no nae. e loaa ana no na hopena kamahao e loaa ana no na hopena kamahao e loaa ana no na hopena kamahao maikai ka hoomau ana aku i ka hoohana ana i ka B. B. C. no kekahi manawa loihi. i mau at ka hoipena maikai i loaa mai.
kuaiia ka B. B. C. no $1.00. Wait a huaale paha.
e loaa no ka laau hamo B. B. C. he kokua nui mawaho e hoohanaia no na ano eha apau. ma na halekuai laau ame na Mahiko. Benso, smith &. Co., Honolulu.
EHA HE KEIKI I KE KAA OTOMOBILE
Ma na alanui Beritania ame pilikoi, ma ke kakahiaka o ka nei , i loaa ai kekahi mau eha konukonu loa i kekahi keiki buke o David Pang ka inoa a nona na makahiki he ehiku wale no.
I kulike ai me ka moolelo ana i kela ulia, e hele an ke opio no ka a'e ana aku ma kekahi aoao o ke alanui, me kona koa pono, ana mamua o ke alahele o kekua otomobile e holo mai ana, e hoo~ ia ana e Joe E. Mengs, o ka ho ku'i aku la no ia a hina ilalo ma ka pii ole nae o na huila o ho koa otomobile maluna on a.
ua hoihoi awiwi ia ae oto~~ lapaauia aku maloko o ka mamuli o na poino ulia a mailaila aku. a hoihoi loa ia ai no ka Ila'ema'i Kauikeolani.
ALPINE MILKE
aneane loa e hapa karima maemae. ninau i kou kanaka kuai meaai no ka--
HE MAU APANA AINA KUAI
e hoomaka me ka ~~~ aina. Alahope kokua ~~~ e kukulu i kou hale noho.
$1275--ot 50x150. Maunalei.
10th. $25 down. $15 per month
$1675--Lot 50x200, 10th ~~~
side improvement~~
down. $20 per month.
$1500--Lot 8217 sq. ft fronting ~~~
streets. 7th ave~~~~
down $20 month
$2200--Lot 50x200, 9th avenue~~~
muki Ave. $50 down~~
mouth
$2800--Lot 50x200, cleared ~~~
build. $100 down. $75 per month.
easiest terms in town. prices the lowest consistent with market values.
ask C. W. Carpenter with
Paulo kalauka
(P. E. R. STRAUCH)
Alanui Moi, Helu 74, Mawaena o na alanui papu ame Betels.
"Iluna no ka Ua Waele e ke Pulu"
O na olelo maluna ae nei, o ia kekahi o na "olelo noeau" loa a na hawaii o ke au kahiko, a e malamaia nei e kekahi hapa uuku on a Hawaii hou o keia la.
o ka mano nui o kela mau olelo, "e hoomakaukau a e malama i kau mau wahi hunahuna liilii no na la pilikia e hoea mai ana."
he olelo noeau naauao loa kela, a e pono e lawe i kana mau alakai ana.
E HOOMAKA I KA HOAHU LIILII ANA I KAU MAU KENIKENI LIILII ME MAKOU I KEIA LA
o ia wale no ka hoaloha oiaio nana e kupale ia oe i kou wa o ka pilikia.
CHINESE-AMERICAN BANK
kiwi o na alangui moi âme nuuanu
Pahu Leka 2000
Honolulu, T. H.
Kelepona 6110