Ka Nupepa Kuokoa, Volume LXIII, Number 14, 3 April 1924 — HOPUIA O A. L. CASTLE NO KA HOLONUI [ARTICLE]

HOPUIA O A. L. CASTLE NO KA HOLONUI

Ma ka hora eiwa o ka po o ka Poakahi iho nei, i hopuia ae ai o A. L. Castle, no ka hewa holonui, e ka Makai Mokokaikala J. P. Gomes. Ma na mea e pili ana i kela hopuia ana o Mr. Castle, ua hoakaka ae ka Makai Gomes, no ka hookele ana o Castle i kona kaa ma ke ano puahia, ma ke alanui Kalakaua, ahiki i ka hooku'i ana aku me kekahi kaa otomobile, e ku ana ma ka aoao o ke alanui, mawalio mai 0 "ka homo o Baker, e kokoke ana 1 ke alanui J6hn Ena. Ē ku ana ka Makai Gomes ma ko leihi o na alanui Kalakaua ame John Ena, me kona kamailio pu ana me A. Castro; a iloko o ko laua nanea, ua lohe aku la oia i kekahi mea kani, kohu hooku'i ana o na kaa otomobile, he oiaio, iaia i hele mai ai e nana, i loaa mai ai iaia ke kaa o Castle, ua hooku'i i'o me ko kaa otomobile e ku ana mawaho mai o ka home o Baker. Ua ikaika maoli ka kela hooku'i ana, no ka mea ua upepe ohope o ka aoao hema o ke kaa otomobile i hooku'iia aku ai, a ua haki hoi kekahi mau kukuna o ka huila mahope.