Ka Nupepa Kuokoa, Volume LXIII, Number 14, 3 April 1924 — WAIHO KA LOIO KUHINA H. M. DAUGHETY I KA OIHANA. [ARTICLE]

WAIHO KA LOIO KUHINA H. M. DAUGHETY I KA OIHANA.

Mamuli o ke noi mai ka Peresidena Coolidge mai, e waiho aku oia i kona kulana oihana, ma ke ano he loio kuhina no ke aupuni, i hooko aku ai ka Loio Kuhina Harry M. Daughertj ia nōi, ma ka Poalima aku la i hala, i kulike ai me ka lono kelekalapa o ka hoounaia ana mai no Honolulu nei ma kela la, mai Wakinekona mai. Ma ka manawa i waiho aku ai ka Loio Kuhina Daugherty i kana palapala haalele oihana, i ka Peresidena Coolidge, ua apono koke ia mai ia, me ka hoohakahakaia o kela kulana oihana, no ka hoopihaia mai e kekahi mea hou ma ia wahi. O ke kumu nui nana i kono aku i ka Peresidena Coolidge, e noi mai i ka Loio Kuhina Daugherty, e waiho aku i kona kulana oihana. mamuli o kona manaoio ana, aole e lawelaweia ana na hana o lea lehulehu ma ke ano kupono, oiai e kupale ana o Daugherty, nona iho, ma na mea e pili ana i na kumu hoohalahala ku-e iaia no ka huikau pu ana iloko o na hana poholalo, e noke ia mai la i ka noii e na hoa o ka ahaolelo lahni. Ma ka hoakaka a ka Loio Kuhina Daugherty, he elua ka manawa mamua aku i hoike okoa aku ai oi*. i kona manao i ka Peresidena Coolidge, iio ka waiho ana i kona kulana oihana, aka ua ka-ua niau mai ka Peresidena iaia, a no kona noi okoaia ana aku e waiho mai i ka oihana, i ae koke aku ai oia, me ka hoolialakaia ol eiho, i ka haalele ana i na hana apau o ke keena o ka loio kuhina.