Ka Nupepa Kuokoa, Volume LXIII, Number 14, 3 April 1924 — HE HANA MAIKAI E PONO E KOKUAIA [ARTICLE]

HE HANA MAIKAI E PONO E KOKUAIA

Maloko o ka Halekeaka Liberty, ma ka po o keia Poalima p.nie ka po o ka Poaono aku, pela hoi me ka auwina la o ka Poaono. e haawi ae ana ia keiki Hawaii, he ahamele imua o ko Honolulu nei poe puni himeni, no ka hoikeike ana i kana mau kalena me kona leo nani, aka o ka mea oi loa aku, o ia no kona hoopaa ana e haawi aku i ka hookahi hapaha o na ]oaa o kela mau ahamele, no ka Waihona Hoonaauao Kuhio. He keiki Hawaii keia nona ka inoa o E. K. Rose, a i ikeia j boi ma ka inoa kapakapa, ma ka hana himeni, o "Prince" I.ei Lani. Ua hoohala nui oia i kona manawa oiai ma Ame-1 rika, ma ka hoomahuahua ana i kona makaukau himeni, ame; ka paka ana i kona leo, aka ua huli hoi mai nei nae oia no kona aina hanau no kekahi manawa pokole, a iaia ma Ila- 1 waii nei, e loaa ana i ka lehulehu ka pomaikai nui o ka lohe jtr»a 1 kona leo nani, a e lilo pu ana hoi oia i mea kokua mai, tjo kekahi waihona ana i manaoio ai, mailaila mai e loaa ai na hoonaauao kiekie ana i na Hawaii opio, ma ka hoomahuahua ana aku i ko lakou ike ma Amcrika, ina ia no ka himeni a 110 kekahi mau haawina hoonaauao e ae paha. O ka lia ame ka iini iloko o ke Keikialii Kuhio i moe aku nei iloko o ka maluhia, o ia 110 ka loaa o na hoonaauao kiekie ia i na keikikane ame na kaikamahine Hawaii ma na kula nui o Amerika Huipuia, ma o kekah? waihona hoonaauao Ia e kukuluia ae ana e ka Ahahui Puuhonua o Hawaii, ka ahahui ana i noho poo ai, ahiki wale no i kona pauaho ana mai i keia ola ana. Ua hala aku ke Keikialii Kuhio ma kela aoao o ko ke kanaka ola ana. me ka hooko olei ia o kela iini iloko ona, no na opio o kona lahui ponoi: aka nae no ka hoomanao ana i kekahi kiahoomanao nona, iloko o ka noonoo o kona lahui ponoi. ke iini nei na lunanui o ka Ahahui Puuhonua o Hawaii, e loaa i'o he waihona hoonaauao i na opio Hawaii, a ua kapaia keia waihona, ka Waihona Hoonaauao Kuhio. Xo keia waihona hoonaauao, e haawi ae ana ka "Prince" Lei Lani i ka hookahi hapaha o na loaa o kana mau ahamele kekahi keia o na hana kilakila loa a keia keiki Hawaii e lilo ai i kumu alakai no na Hawaii apau e ukali aku ai. Ma ka hele ana ae e hoolohe i kana mau ahamele, aole wale no i ake aku ko Honolulu nei poe e lohe i kona leo nani, a c ike lioi i na kalena kiekie i loaa i keia keiki opio Hawaii, aka e kokua aku ana lakou, ma ka hoopu'ipu'i ana ae i keia waihona hoonaauao, no ka mea mailoko mai o kela ame keia hookahi dala, e holo ana he hapaha 110 keia waihona. Me kela makee nae, e hooko aku i ka iini iloko o ke Keiki «lii Kuhio. ua hoolala na lunanui o «ka Ahahui Puuhonua i kekahi alahele e hiki ai i na Hawaii apau ke kokua mai no

keia waihona hoonaauao,o ia ke kuai hoolilo aku i ke kii o ke Keikialii Kuhio. no ke kumukuai o hookahi dala, e loaa mai kela mau kii mai. e hooliloia ana ia, no ka hoouna ana i na keiki Hawaii no ka hoomahuahua ana ae i ka huli ana i ka r.aauao ma Amerika. O keia ka waihona hoonaauao mua loa o keia ano, i konoia ai na Hawaii apau e mai; ina pela iho la e loaa ai i ko kakou poe opio, na hoonaauao kiekie ia ma keia mua aku, alaila e lilo i o kakou apau i poe kokua me na manao maikai, aole o ka hoopohala me na manao hoopuukahua; no ka mea ua haia na la a kakou i nanamaka wale aku ai; aka i keia la, eia na keiki a na lahui e, ke nee nei imua; nolaila e ku ka lahui holookoa e pono ai mahope o keia hana ho'eueu a ka Ahahui Puuhonua, a e haawi aku i na kakoo piha ana, no keia hana kilakila loa.