Ka Nupepa Kuokoa, Volume LXIII, Number 14, 3 April 1924 — HOOMANAO KA AHAHUI PUUHONUA I KA LA HANAU O KUHIO [ARTICLE]

HOOMANAO KA AHAHUI PUUHONUA I KA LA HANAU O KUHIO

No ka hoomanao ana i ka la hanau o ke Keikialii Kuhio Kalanianaole, ka percsidena mua o ka Ahahui Puukonua o na Harraii, i malama ae ai na lunanui ame na ]ala 0 kela ahahui, i kekahi paina hoomanao, maloko o ka hale o ka T. j\L C. A., ma ke ahiahi o ka Poakolu o ka pule i hala, me ke konoia ana o kekahi mau haumana o na kula, ma kahi o ka elua haneri ka nni, ma kela paina, pela hoi na luna oihana o ke Teritore ame ke kulanakauhale. No ka hoonaauao ana i na keiki Hawaii opio, ka. manao nui o na haiolelo i kamailioia ae ma kela po, e ka poe haiolelo, a ua lilo ia mau haiolelo i mea ano nui i na liaumana kula, no ka waele ana ae i ko lakou mau alahele a malaelae, mahope iho o ko lakou liaalele ana aku 1 ke kula. Ua noho hoomaluia kela paina e Mr. Noa Aluli, ka peresidena o ka Ahahui Puuhonua, a nana i hoolauna pakahi ao i ka poe haiolelo. O ka hoonaauao ana i na kanaka Hawaii opio, o ke alahele wale no ia e hapaiia ae ai na Hawaii iluna, ma na anuu kiekie o ko lakou ola ana, o keia ka manao nui, ma na haiolelo apau. O ke kauka'i ana i na hana leuku o na a-ikala, aole ia o ka hana pono a na keiki opio e noonoo ai ma keia hope aku, aka o ke komo kino ana iloko o kekahi mau oihnna mikiala, no ka mea eia he mau oihana j mikiala ke ku mai nei, me ka holo- j mua iloko o ka aina, aolo ivale ma ' ka aina makua, aka ma Hawaii nei kekahi. Oiai he hoomaka wale ana no keia no na hana hoonaauao i na keiki Hawaii, ma ka aoao o ka Ahaliui Puuhonua, ua manaoia, e loaa mahiiahua mai ana na dala iloko 0 ka waihona o ka ahahui, no ka hoonee mua ana aku i kela liana, no keia mua aku.