Ka Nupepa Kuokoa, Volume LXIII, Number 14, 3 April 1924 — Nuhou Kuwaho [ARTICLE]

Nuhou Kuwaho

WAKINEKONA, Mar. 31.—Ua aponoia me ka lokahi o ke komite waiwai o ke senate i keia la ka bila o na loaa makahiki e noi ana i iwakalua-kumamalima keneka hoemi maluna o na auhau loaa makahiki e ukuia ana i keia makahiki. BELFAST, Mar. 31.—He heluna lehulehu o na alahaka i hoopa-huia me ke dainamaita i keia la maloko 0 waenakonu o Irelani a ua panikuia na alanui e na kumulaau i hina. Ua hoole na Repubalika aole e kau aku ke koikoi o na ahewa ana maluna o lakou no keia mau mea i hanaia, PEKINĪ, Kina, Mar. 31.—Ua hoole ke aupuni o Palani i ke apono ana i ke noi a Kina 110 kekahi ahakuka mua e pili ana i ka oihana kuke, o keia ka mea i hoikeia ae 1 ke aupuni i keia la. He hana keia i laweia ao no ka mea aole o Palani i apono i ke kuikahi a Wakinekona a ua hoole hoi o Kina i ka uku ana i ke koipoho ma na dala gula Palani.