Ka Nupepa Kuokoa, Volume LXIII, Number 14, 3 April 1924 — Make he Haole Koa no ka Huli Ana o ke Kalaka Pakele ke Ola o Kona Mau Hoa Mamuli o na Ulia Laki Wale no KOKOKE I MOANALUA AE NEI KELA ULIA Haki ka a-i o ke Koa i Make no ka pa ana i kekahi Kumulaau [ARTICLE]

Make he Haole Koa no ka Huli Ana o ke Kalaka

Pakele ke Ola o Kona Mau Hoa Mamuli o na Ulia Laki Wale no

KOKOKE I MOANALUA AE NEI KELA ULIA

Haki ka a-i o ke Koa i Make no ka pa ana i kekahi Kumulaau

Oiai e huli hoi mai ana no ke j kulanakauhale nei, ma ka hora umi 0 ka po o ka Poakolu, o ka pule aku la i hala, mailalo mai o Puuloa, 1 haule ai he kaa kalaka nui o na koa, me ka piha i na koa, ma ka aoao o ke alanui, o Puuloa, ma kahi he hookahi haneii kapuai ka mamao mai ka hui ana o kela alanui, me ke alanui e holo ana no Leilehua, a o ka hopena i ikela, o la no ka halawai ana o kekahi koa me ka make, a loaa hoi he mau poino kukonukonu maluna o kekahi mau koa. I kulike ai me ka moolelo e pili ana i kela ulia, ma ka Papu Kamehameha, ma Puuloa, kahi i hoohala ai o kela poe ko&, ma kekahi anaina hoohauoli, a i ka pau ana o kela mau hana hoohauoli, na huli hoi mai ]a ke kaa kalaka no Honolulu nei, me umi-kumamaono poo koa maluna ona. Ma kahi nae he hookahi haneii kapeai, mai ka hui ana o na alanui 0 Puuloa ame Leilehua, ua oili aku la kekahi kaa otomobile, ma ke alanui o Puuloa, a i wahi e loaa ai 1 ke kaa otomobile, he wahi akea o ke alanui, e kaa ai mamua o ke kaa kalaka, ua hoopilipili loa ae la ke kiakaa o ke kaa kalaka, ma ka aoao akau, o ka manawa nae ia i haule aku ai ke kaa kalaka ma kahi he umi-kumamalua kapuai ke kiekie, a kahuli, me ka pau ana o na koa i ka helele'i mailuna aku o ke kaa. Ma kela manawa o ka haule ana aky o ke kaa kalaka, ua kaa pono ke koa i make, mawaena o ke kino o ke kaa ame kekahi kumulaau, me ka haki ana o kona a-i, a maloko aku o ka halema'i o na koa oia i make si mnhope ihn o ka hoihoi awiwiia ana aku maloko olaila. līookahi koa, i paa loa malalo o ke kaa kniaka, me lea naha ana o kona poo, a he elua mau koa hou ae mawaho, i loaa na poino kukonukonu, o ia ka haki ana o ko ka o kekahi, a haki hoi ka lima akau o kekahi, a no ka nui aku o na koa, he mau palapu liilii wale no ko lakou. O ka haole koa o ka make ana, iloko o ka mahina o Dekemaba o ka 1923 koke aku nei no kona komo ana iloko o ka oihana koa, a he 22 ka nui o kona mau makahiki.