Ka Nupepa Kuokoa, Volume LXIII, Number 15, 10 April 1924 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

KOHOIA O SHINGLE I KOMITE LAHUI E NA REPUBLIKA.

 

Mai ka aoao Ekahi mai.

 

o ka Lunahoomalu Rice e kohoia i komite no na palapala hookohu, a ma na hoakaka a Sanatoa Wise, ua kohoia na lala o kela komite, he elua no keia ame keia apana koho lunamakaainanana mai, me ekolu mau komite ma ke ano laula, ua like pu me umi kumamalima lala o ke komite palapala hookohu.

Na Harold W. Rice o Maui, i noi mai e koho pu ia na lala o ke komite rula me ke aponoia ana o kela noi a hooleia hoi ke noi a Wise, no ke kohoia o ke komite no na olelo hooholo, ma ka pane ana mai a ka lunahoomalu, he hana hiki ia ke kohoia mahope aku.

O na lala o ke komite o na palapala hookohu, i kohoia mai e ka lunahoomalu, o keia ko lakou mau inoa: George J. Richardson, John M. Ross, James Ako, William H. Greenwell, Harry B. Penhallow, Angus McPhee, Clifford Kimball, James P. WInne, J.K.Keau, William C. Achi Sr., Eric A Knudsen L. D Larsen, A.M Brown, Henry K Martin ame Ed. Towse.

Na lala hoi o ke komite rula o ia o Norman K. Lyman, A.A. Scott. L. W. Wishard Frank R. Greenwell, S.E Kalama, M. Gomes, AG Kaulukou, C. Gomes, Senatoa Akina, W.A. Hall ame K.P. Porter.

No ka haawi ana i manawa no ke komite o na palapala hookohu, ame ke komite o na rula, e lawelawe aku ai i ka laua mau hana pakahi, i hoopanee ai kela ahaelele ma ka hora umi-kumamakahi o kela kakahiaka, a noho hou mai ma ka hora elua auwina la.

Noho Hou ma ka Auwina la

Ma ka hapalua o ka hora elua o ka auwina la, i noho hou ae ai ka ahaelele mahope o ka hoopanee ana, alaila waiho mai la ke komite o na palapala hookohu ma o ka Lunahoomalu A. M Brown la, e hoike ana, no ke aponoia o na hookohu o na elele apau, aka e ku e ana i ke kohoia ana o na elele eono, o ka mahele umi kumamakolu o ka apana elima, no ko lakou kuleana e noho @oko o kela ahaelele.

He hoike kekahi a ka hapa uuku o ke komite, e ae ana i ke kohoia ana o na elele eono mai kela mahele koho mai. a e noho iloko o ka ahaelele aka ma ke koho ana nae a ka ahaelele, i aponoia ai ka hoike a ka hapanui o ke komite, ma kela ano i kapaeia ai na elele eono, o ka mahele umi kumamakolu.

Ma ka lohe ana i kela hoike komite, i hoakaka mai ai ka Lunahoomalu Rice aole he kuleana o na elele i hooleia ko lakou kuleana e noho ai maloko o ka ahaelele, e koho maluna o ka ninau no ke apono ame ke apono ole ana i ka hoike, i ku koke ae ai o G.R. Carter, kekahi elele i kohoia ma ke ano pololei ole, a hoakaka aku la, no kona hoea ana ma kekahi ahaelele lahui, a ike i ka aeia ana o na elele elike me keia, e koho.

No ka pane ana nae i kela mau hoakaka a Mr. Carter i hoike mai ai ka lunahoomalu Rice, oia pu kekahi maloko o kela ahaelele, a aole oia i ike i ka aeia ana e koho na elele i kueia ko laikou kuleana e noho ai ma kela ana.

Ka Hoike a ke Komite Rula

O ka hoike a ke komite rula i waiho ae ai, a i aponoia me ka lokahi, o ia no ke koho haloka ana no na moho komite lahui, na elele ma ke ano malu; aka nae. ma na mea e pili ana i na mahele i haawi aku i na a'o ana i na elele, no ka lakou moho komite lahui e koho ai e aeia aku ka lunahoomalu o kela mau puulu elele e ku ae iluna ma ka manawa e kaheaia mai ai ko lakou mau mahele, a hoike aku i ka lakou mau mahele, a hoike aku i ka nui o na elele i a'oia, a na na luna lunanana koho baloka, e kaha iho i na baloka no ka mea i kauohaia mai ai e koho aku.

Mawaho ae o kela hoike a ke komite, i waiho hou ae ai ia he hoakaka, no ka hoolilo ana aku i na lunanui no ka manawa, i mau luna nui paamau.

Na Moho Komite Lahui

Oiai aole he mau hana hou ae i kela manawa, ua hoakaka mai la ka Lunahoomalu Rice, he wa kela no ka waiho ana aku i na inoa o na moho no ke kulan komite lanui.

Na A.M. Brown i waiho ae i ka inoa o R.W. Shingle i komite lahui, a na W.C Achi, Sr., i kokua mai, me kekahi mau haiolelo hoakaka ole, no ke kulana o ka moho.

Na J. Frank Wooley hoi i waiho ae i ka inoa o CH Cooke, me kekahi mau hoakaka pokole, no ke kupono o Mr. Cooke no kela kulana, alaila hoomaka ke koho ana no na moho komite lahui.

Ma ke koho baloka ana, ua ikeia he 129 baloka no R. W. Shingle, a he 106 baloka no C.H. Cooke, a ma ke noi a Mr. Cooke, ua hooliloia ke kohoia ana o Shingle ma ke ano lokahi.

No na moho elele i ka ahaolelo lahui. i waiho ae ai o WC Achi Sr., i ka inoa o Harold W. Rice o Maui; a o kekahi mau inoa e ae i waihoia mai, o ia o WH McInerny ame CH Cooke a na Mrs. H. Atcherley i noi mai a paniia ka waiho inoa ana.

Hoopanee Hou ia ka Ahaelele

POINO KEKAHI MAU UKANA E WAIHO ANA MALUNA O KA UWAPO

Na kekahi mau kuaua koikoi o ke Sabati iho nei o ka hoohaniniia ana iho mai na luawai iho o Kulanihakoi oiai e nakolokolo ana ka leo o ka hekili a e olapa ana hoi ka uwila ma na pea eha o ka lewa, i hoohakukele iho i na wahi like ole o ka mokupuni o Oahu, nei ka hoopoino ia o kekahi mau ukane e nuu ana maluna o na uwapo mahope koke iho o ka hora 6 o ke kakahiaka Sabati iho nei.

Mahope iho o ka olapa ana a ka uwila a e naholo ana hoi ma ka lewa no Umikumamalima minuke ua hoomaka mai la ka pu ana a kekahi makani ma ke kukulu hema mai, a he mau kuaua koikoi ka i luia iho ma kekahi mau wahi o ke kulanakauhale, a iloko o ka manawa pokole ua ma o koke e la no.

O na eke palaoa ka keia, ka mauu ai a na holoholona ame kekahi mau ukana e ae e ahu ana maluna o ka Uwapo 9 a ka mokuahi Lurline o ka lawe ana mai ua pau loa i ka pulu. Ia manawa me he mea la mai na kibi eha mai ka makani lauwili e pa mai ana a na ia makani pakaawili i puhi mai i na kulu pakaua iluna o na uwapo a he mau kaukani o na eke bale, barani, ame na eke palaoa i pulupe a poino.

Aole o keia wale ka poino i ikeia, ua kulu iho la ka ka wai unaluna iho o kaupoku a ua puhiia mai ma na puka makani. No keia poino ua ohiia he mau kanaka e ke Kapena Rasmussen no ka hele ana ae a hoihoi ae i na ukana ma kahi malu, a ua hoohalaia ka la Sabati i hala iho la ma ka hoopakele ana i na ukana e muu ana iluna o ka uwapo.

O ka mokukuna Zampa ka keia i hoopaaia ai ma ka Uwapo 2 ua moku ke kaula i hoopaaia ai a ikaia aku la a hooku'i me ka mokuahi poino Kepani Chiso Maru e pili ana ma ka uwapo o ka IINS Co. mamuli o ke puhiia ana aku e ka makani. O ka laauihu o ia moku ka i haki a lewalewa iloko o ke kai a no kekahi mau hora kona ikaheleia ana aku maloko o ke awa ahiki i ka hoopakeleia ana e na kanaka maialo o ke Kapena Herbert Martin hookele ana.

I ka manawa e pa ana na kikiao makani me ka ikaika o ia ka manawa o ka mokuahi Kinau o ke komo ana mai Kauai mai, a me ka hooholo malie loa ia ana oia moku.

O ka hookomoia ana mai mamuli o ka hiki pono ole i ke kapena ke ike mai i ka uwapo mailuna mai o kahi ana e ku ana, ua hooku'i ke Kinau me ka Uwapo 12 a poino kekahi mau wahi o ka uwapo.

Ma kela manawa he ano kaikoo mawaho o ke awa ua like ka na ale me he mauna la ke kiekie. O na mokuahi e ku ana mawaho o ke awa e kakali ana no ka lunakukeawa ame na kauka oia ke Taiyo Maru ame ke Dochra, a no ka aleale loa ua hiki ole i na waapa mahu ke pili aku a ke holo aku iwaho, no ia kumu i aeia aku ai ia mau moku e komo mai iloko o ke awa me ka nana ole ia e na kauka.

No ka hoomakaukau ana i na baloka no na moho elele lahui ekolu, ua hoomaha ka ahaelele, a noho hou mai ma ka hapalua o ka hora ehiku o kela ahiahi eia nae aole i noho koke mai kela aha, ahiki i ka hapalua o ka hora ewalu.

O ka hopena o ke koho baloka ana no kela mau inoa ekolu, o ia no ka loaa ana ia Harold W. Rice he 146 baloka, CH Cooke 120, a o McInerny he 112 nolaila ua kohoia o Rice ame Cooke i mau elele i ka ahaelele lahui.

No ke koho ana i mau hope elele, i hoakaka mai ai ka lunahoomalu, he manawa kela e waiho aku ai i na inoa. Ua waihoia ae ka inoa o James P. Winne, alaila hoakaka mai la o Mrs. Mary Atcherley, he mea pono, e lilo ke kulana mahope elele, i na Hawaii, oiai hoi ua kohoia he mau elele haole.

Ua unuhi hou o Winne i kona, a ia wa i waiho ae ai o Harry T. Mills i ka inoa o ka Lunakanawai Kaapuni Achi o Kauai, a na Eric A. Knudsen hoi i waiho mai i ka inoa o ka Loio Kalana Beers o Hawaii, a oiai aole he mau inoa hou ae, ua kauohaia aku ke kakauolelo e hookomo i hookahi baloka, no ko kohoia ana o na hope elele.

Ma ka hora eiwa me kanaha minuke ma kela po, i hookuu loa ai na hana o ka ahaelele, me ka nui o na hopena hookahaha noonoo i ikeia ma na hana i lawelaweia e kela ahaelele.

Ke haawi aku nei o Annice Kalani i na hoomaikai palena ole, i ua hoaloha, na makamaka ame na ohana, no ka lakou mau makana pua, i hoohiwahiwa iho ai maluna o ke kino wailuna o kona makuakane i haalele mai i keia ola ana, oia o William Kalani.

Ma ka halawai a ka papa o na lunakiai o ka malama ana ae n@@ ka po o ka Poalua nei, i aponoia ae ai ka hookohu oihana a ka Meia Wilson, no ka papa o ke komisina makai, oia na keonimana AJ Wirtz, JK Ordeinstein ame ES Boyd.

KAUIA KA HOOPAʻI HOOPAAHAO NO LONG

            Mai ka elima makahiki ka haahaa, a i ka iwakalua makahiki ke kiekie, o ka hoopa'i ia i kauia mai e ka Lunakanawai James J. Banks maluna o Henry K Long ka mea i ahewaia no kona komo aihue ana maloko o kekahi mau home lehulehu mawaho ae nei o Waikiki, me ka lawe aihue ana i na lole, ame na lako hoonani o na wahine, mailoko mai o kela mau home.

Aole o Mrs. Long maloko o ke keena hookolokolo, ma ka manawa i hoopukaia mai ai ka hoopa'i maluna o kana kane, ma ka Poaono aku la i hala, ua hiki ole iaia ke hoomanawanui i na manao kaumaha, no ka hopena e kau mai maluna on a.

Ua ae okoa o Mrs Long imua o ka aha, no kona komo pu ana e lawelawe i na hana i hookoia e kana kane a ua hoopaneeia mai ke kau ana o ka hoopa'i maluna on a, mamuli o kana mau keiki liilii elua.

Mamua o ke kauia ana mai o ka hoopa'i maluna o Henry K. Long na uwalo aku kona loio oia ka Lunakanawai Coke imua o ka aha, no ke kauia mai he hoopa'i mama maluna on a, me ke kuhikuhi ana aku i ke kulana opiopio o ka mea i hoopiiia, a elike me ke ano o na kanaka opio, ua hana wale aku no oia i ke karaima, i wahi e lako ai kana wahine, i na lolo maikai.

Wahi o ka hoakaka a ka Lunakanawai Bauks, iaia i hookau mai ai i ka hoopa'i maluna o Mr. Long, ua noii pono oia i ke ano o ke karaima i hanaia, ame ke kulana o Mr. Long, a ma ia noii ana, i loaa mai ai iaia ka ike, he kanaka opio o Long i hoonaauao maikai ia, aka o ka pilikia nui, o ia no ka hiki ole iaia ka pale aku i ka hoowalewale, elike me ke ano i ike mau ia iwaena o na kanaka hana karaima apau.

Ma kona hui kamailio pu ana me Mr. Long, i loaa pu aku ai iaia ka ike, ua lawelawe oia i ka hana wawahihale, i wahi e lako ai kana wahine me na mea nani; he hana hoi ana i hooko maoli aku ai mamuli o kona manao ponoi aole me ka hookikina aku, nolaila ua hiki ole iaia ke kau mai i kekahi hoopa'i maalahi maluna on a.

Hookahi kumu o ka paa ana o Henry K. Long i ka hopuia, ame kana wahine, mamuli no ia o ka ikeia ana o kekahi papale o ka aihueia ana mailoko mai o kekahi on a home mawaho ae nei o Waikiki, maluna o ke poo o Mrs. Long, e ka on a nona kela waiwai, oiai o Mr. ame Mrs. Long i lele aku ai mai ke kaa uwila aku mawaho ne nei o Kaimuki, a i ka wa i noke ia aku ai o Long i ka niele e ka Makaikiu Kellett, mahope iho o ka hopuia ana i hua'i pau mai ai oia i kana mau waiwai apau i aihue ai, ame na home i komo aihue ia.

AE OKOA O CASTLE NO KONA HEWA

Imua o ka aha a ka Lunakanawai Hoomalu Harry Steiner, ma ka Poaono aku la i hala, i ae okoa aku ai o AI Castle, no kona pili i ka hewa, elike mo na kumu hoopii elua e ku e ana iaia no ka holonui i kona kaa otomobilie ame ka hookele ana i kona kaa, malalo o ke kulana kahi'ohi'o i ka waiona.

O ka Poalua iho nei ka manawa i hoopaneeia mai ai no ka hoolohe ana i kona hihia, aka nae, ua hoolohe ana i kona hihia, aka nae, ua hoololiia kela manawa, pela i hoolohe koke ia ai ma kela Poaono.

I ka ae ana aku nae no kona pili i ka hewa, i hoakaka aku ai o Mr. Castle imua o ka aha, no kona hele ana e paani popo hina'i me kona mau hoa, ma kela Poakahi i hopuia ai oia, ahiki i ka hora ehiku o ke ahiahi, a mahope o ka lawelawe ana i kekahi mau hana ma ke taona nei, ua huli hoi aku la oia no kona home, me ka hoea ana aku he hapaha koe kani ae ka hora ewalu o ka po.

Oiai ma kona hom, ua inu oia he elua mau kiaha rama pa'ipa'iia, a kau aku la maluna o kona kaa otomobile, me elua mau hoaloha, no ka lawe ana ia laua i ka hulahula ma ke alanui Kalakaua.

O ke kumu o ka hooku'i ana o kona kaa otomobile me ke kaa o Hollinger e ku ana ma ka aoao o ke alanui, mamuli no ia o kona huli ana mai ihope e kamailio ai i kekahi o kona mau hoaloha; a i ka holo ana aku o kona kaa a hooku'i me ka pohaku pale aoao o ke alanui, ua hooku'i kona poo me kekahi wahi o kona kaa, a o ke kumu ia o kona kunewanewa, aole no ka inu ana i ka waiona.

Mamuli nae o ka loaa ana he ulia ma kela po, a hui pu iho me kona inu ana he elua mau kiaha rama i pa'ipa'iia, pela wale no oia i konoia mai ai e ae aku no kona pili i ka hewa, e lilo ai i haawina a'o nona ma keia hope aku.

No kela ae okoa ana aku i kona hewa, i kau mai ai ke kahu o ka aha i ka hoopa'i o iwakalua kumamalima dala me na koina no ka hewa holonui, a he umikumamalima hoi dala me na koina no ka hewa hookele i ke kaa i ka wa kahi'ohi'o, me kona hoomaluia no hookahi makahiki, aole e hookele hou i ke kaa otomobile.

HE HOOMANAO ALOHA NO KA MAUA KAIKAMAHINE.

Mr. Sol. Hanohano, ke kapena puuwai hamama me ka loaa ole he mau manao kaniuhu, ma ka hooni mau ana i ka uwila makeneiki o ka malamalama oi kelakela, o kou moku lawe lau oliwa a ke aloha, ma na paemoku like ole o ke ao nei, nolaila pela i haupu ae ai komaua manaolana e nonoi aku i kou oluolu i ke kauwahi rumi kaawale o ka papa elua, no ka maua wahi ukana kaumaha, luuluu, e kau ae la maluna, a uana hoi e lawe hele aku, ma na kaiaulu aloha o ka aina hanau, i ike mai hoi na makua, na kupuna, ame kona mau hoaloha o ka hooholo like ana o na la kamalii, e noho mai la i ka Waikau o Keanae, a na lakou hoi ia e haawi iho i na leo kaniuhu o ke aloha pau ole.

Ua hanauia o Mrs. LIly Spencer ma ka Wai kaulana o Keanae i ka la 23 o Feberuari, MH 1901, mai ia Pilahi Keola Kuhiike kona mama, ame Keola Kuhiike kona papa, oia hoi ko'u kaikunane ponoi.

I ka piha ana elima mahina, ua lawe mai au ame ka'u kane i lei a i na maua, i ka ua me ka makani, i ke anu hoi me ke ko'eko'e a he lei haule ole hoi ke keiki na maua ma na wahi apau e heleia ai o na pali Koolau o ka aina hanau. Auwe, aloha ino, aloha wale!

Aole no hoi he manawa i kaawale aku ai o ka maua kaikamahine mai ko maua alo aku ahiki i ka loaa ana o kona makua he kane. Ua puli mai no kona aio o malama mai no kona aio a malama ia maua i kahi mea liilii e loaa ana; ua ai like ia ka mea nui ame kahi mea liilii me ke aloha.

Ua loaa no na hua maikai mai ka maua kaikamahine ame kana kane; he ehiku ka nui, ua mae aku eha pua, koe ekolu e popohe nei imua o mana na kupuna ame ko lakou papa; elua wahine, hookahi kane, a ma o lakou auanei e o mau ia ai ka inoa o ko lakou mama me ke aloha pau ole.

Ua loihi no ka hoomailo ana a ka ma'i maluna o ka maua kaikamahine me ka hahia no hoi o ke alanuihele o ke ola ma na ano like ole apau, e loaa mai ai ka palekana, eia nae, ua poho wale ka manaolana, a ma ka la 19 o keia mahina i pauaho ai oia i keia ola ana.

Ua piha iaia na makahiki he 23, me hookahi mahina me na la he 18 o kona hanu ana i na ea huihui o keia ola honua ana, a waiho iho la i ka ukana kaumaha, luuluu, na ke kane, na makua, ka ohana, ame na hoaloha apau o ka noho ana o Alapai Lane.

Aloha wale ia wahi i nohoia ai a kupa a kamaaina, ua pau ka hoopulu ana a ka Ua Kukalahale maluna o ka maua kaikamahine ua pau ka ike ana ka huikau o ke kaona, pau ka loha ana i ka owe ae a ke kaaahi. Aloha no!

Oiai ua huli aku la ka malau ka Iao a kaua, haalele iho la i PUna na hoaloha.

E ka Waikau o Keanae e  ua pau kou hoopulu hou ana i kou hunawai aloha maluna o LIly.

E ka Ehukai o Kawee e aole oe e ike hou ana i na hiona aloha o ko pulapula i holoholo ai a laupa;i imua o ko alo, ua hala, ua nalo no ka wa mau loa. ALoha na wahi apau o ka aina i piliia ai me ka lei haule ole a maua he keiki, a ike ia Honolulu nei, he kaona nui, a kuu aku la ka lei luhi a maua no ke ala hoi ole mai, pau ka ike ana ikona mau hiona aloha, pau ka lohe hou ana i kona leo aloha e lealea pu ana me kona mau hoa o ka ai hookamalii kino, a hoi aku la i ka opu o ka honua Pau ka ike hou ana ika nani o keia ao; Auwe no hoi ka aloha e, me ka ehaeha pu o ka naau!

Ua kau aku hoi ka manaolana o ko maua mau ila hapauea o keia ola ana maluna o ka lei aloha a maua, ame kana dear aloha, a na laua hoi e huna iho i keia mau iwi, eia ka ua kokoke loa mai ka anela o  k a Haku aloha maloko o ka home aloha o kana mau keiki, a pio koke iho la ke kukui no ka wa pokole, haha poele iho la ka papai o Honolulu.

Auwe no hoi ka mea ehaeha o ka naau e! Aka, aole e hiki ke alo ae i na olelo oiaio o ka Haku ma ka Palaala Hemolele,  o ia hoi he wa ko na mea apau, o ka lua he mahu ke ola o ke kanaka i pu a ae a nalo aku; o ke kolu, e hoi no ka lepo, a o ka uhane e hoi.

HOPU HOUIA O SARRAO NO KE KUAI WAIONA

Ma ka noho ana o ka aha hookolokolo federala e hoolohe i ka hihia o Jose G. Serrao no kekahi mau la lehulehu i hala a waihoia aku ka hihia imua o ka papa kiure no ka noonoo ana i ka olelo hooholo, ua hookuuia o Serrao e ke kiure, he olelo hooholo hoi a ke  kiure i ku e loa i ka manao o ka hope loio Amerika, no ia kumu, ua hoopuka hou ia ae he palapala hopu e hoopii ana ia Serrao ame kana keiki no ke ku e i na kanawai hookapu waiona a hookomoia ae he hoopii no laua i ka aha federala ma ke kakahiaka Poaha aku la hala e ka Hope Loio Amerika Fred Patterson.

O na palapala hopu i hoopukaia ae e ka aha no ka hopu ana ia Serrao ame kana keikikane e hoopii ae ana ia laua no ke kuai ana i ka waina ma ka la 17 o Maraki, 1924, a e hooiaio ana i ke kuai ana o laua i ka waina ma na manawa like ole mamua o na kuai ana i hoakakaia maloko o na palapala hopu mua i hoopukaia ae ai no ka hopu ana ia Jose G. Serrao.

Ua hanaia na palapala hopu i hiki ke hoihoi koke ia mai a e hoolohe kokeia ai ka hihia o na mea i hoopiia maloko o ka aha federala i ko laua manawa e loaa aku ai. He $250 ka bela i kauia mai maluna pakahi o laua. Aia ke keiki o Serrao ma Hilo, a eia hoi ka makuakane i Honolulu nei. Na AM Brown, ko laua loio, i hoolako ae i ke aupuni me na bela pakahi o laua.

Ua hoounaia aku he kauoha ma ke kelekalapa uweaole i Hilo no Serrao opio, a ua manaoia e hoea mai ana oia i Honolulu nei ma ka Poakahi iho nei. Ma keia hihia hope o Serrao i owili pu ia ae la me ke keiki, e hoopii ana ia ia laua no ke kuai ana i ka waina ia Solomon Anakalea ka Akena hookapu waiona ma Hilo ma ka la 17 o Maraki, 1924.

aku no ia me ka mea Nana i hana.

E hoomaikaiia ka inoa o ke Akua ma ua lani kiekie loa, he malu ma ka honua, he aloha i kanaka.

E David e, hala aku la ka mea aoha, naue pu aku la no me ka anoi, aka, o ka mea i hala, ua hala ia, oiai, he au ko ka manawa, no ka mea aia no ka la iluna kahi i kau ai. Aloha no!

Ke haawi aku nei makou na makua, ke kane i hooneleia i kana mea aloha he wahine, na keiki, na pokii ame ka ohana apau loa, i na leo hoomaikai i kaupalena ole ia, i ka poe apau loa, aohe mea koe no ka lakou mau boke pua like ole i haawi makana mai ai, me ko lakou puuwai hamama i piha me ke aloha ju io.

Ke hoomaikai pu nei makou i ka poe apau i ku kiai like mai me makou i na hora o kela po; mahalo pu no hoi i ka poe lealea hookani pila, ka mea nana i hoomama ae i kekahi ao poluluhi o ke kaumaha i na makua ame ke kane, pela pu hoi me ka ohana, oiai ka makou mea aloha e moe malie ana i ka moo oni ole.

Ma ka hora ekolu a oi i hoomakaukau ae ai kona huakai hoolewa me na leo hoomaikai i ka Makua Mana loa, mai na makua misiona mai me ke kupuni ana o na mea apau mawaho o kona hale pahu; i ka pau ana o na hana hoomaikai i ke Akua, ua lulumi mai la na mea apau e haawi ana i na waimaka o ke aloha pauolo no ka manawa hope.

Uhi iho la ka paa a ka Haole, pau ka ike ana i kona mau hiona aloha, a hoomaka aku la ka nee ana o ka huakai no Puuokamalii, malaila i haawi no Puuokamalii, malaila i haawi hou ia ae ai ka hoomaikai ana a ka makua misiona, i ka pau ana, a uhi iho la ka lepo maluna o ka lepo, a uhi iho la hoi ka nani o na boke pua like ole, a he nanai maoli a ka maka e ike aku ai, a malaila i huli hoi aku ai na mea apau no na home.

No laila e na makamaka na hoaloha ame na hoalauna apau, ke haawi hou aku nei makou i na hoomaikai piha no ka lua o ka manawa maluna o oukou apau loa, aohe mea koe, elike me ka maikai a oukou i hana mai ai me ke aloha oiaio.

Oiai e nohoalii ana ke kaumaha ame ka luuluu iloko o ia mau hora aka ua pahola mai oukou i na mea maikai apau; nolaila e oluolu oukou e lawe aku i keia mau leo hoomaikai maluna iho o oukou apau; e lilo kakou apau i poe noho me ke aloha i kekahi me kekahi, ka mea i oi aku mamua o na mea apau; a na ke aloha no o ke Akua, o hoopomaikai mai ia kakou apau.

O ka makou leo nonoi keia ma ka inoa o ka Makua, he Keiki, ka Uhane Hemolele, ka mea nana e hoomama mai i ko makou naau kaumaha, luuluu, Amene.

Me oe e Mr. Lunahooponopono ke aloha poina ole, ame na keiki laiwale o kou papapa'i ke aloha hope.

O makou no me ke aloha pau ole.

D. Spencer

Makea,

Mrs. Makea

Keola Kuhiike,

Mrs. P Kuhiike

Alapai Lane, Honolulu, Oahu.

Kani ka aka a ka poe kakoo ia RW Shingle no ke kulana komite lahui, no ka holopono o na hoolala ana no ka lanakila o ka lakou moho, a haule hoi ka moho a ka puulu e kakoo ana ia CH Cooke.

HOOLAHA A KE KOMISINA PALENA AINA E PILI ANA I KE NOI E HOOMAOPOPOIA NA PALENA O KELA MAHELE O KE AHUPUAA O OPANA I KAPAIA "OPANA-UKA"

 

Ma keia ke hoolahaia nei i ka on a a mau on a paha o ka aina i kapaia ke Ahupuaa o Opana ma ka Apana o Hamahualoa, Mokupuni a Kalaua o Maui, Teritore o Hawaii, ame na on a o na aina apau e pili ana, ua waihoia mai he palapala noi e ka Maui Agricultural Company LImited, imua o ka mea nona ka inoa malalo iho nei, ke Komisina Palena Aina no ka Apana Aha Hookolokolo Kaapuni Elua o ke Teritore, no ka hoomaopopo ana me ka hoakaka ana i na palena o kela mahele o Opana i kapaia o Opana uka a e hooloheia ana ua palapala noi la imua o ka mea nona ka inoa malalo iho, ke Komisina Palena Aina, ma ka Hale Hookolokolo o ka Aha Kaapuni, Apana Elua, o ia Teritore, ma Wailuku, mokupuni  i oleloia, Kalana o Maui, ma ka Poalua, ka la 6 o Mei, 1924, i ka hora 10 am, a ma ia manawa, a ma ia wahi. ua kauohaia na kanaka apau i kuleana i keia kumuhana, e hoea mai, a e waiho mai i ka lakou mau kumu e kuleana ai me na hoike e pili ana i na palena oleloia.

Ma kahi i hoakakaia maluna, e aeia na mea apau i kuleana, e nana i ua palapala noi la, me ke kii o ka aina, me na hoakaka ana, ma na hora hana o ka la, mamua o ka la e noho ai ke komisina, e hoolohe i keia mea.

Kakauia ma Wailuku, Maui, T. H., Aperila 8, 1924.

Daniel H. Case

Komisina Palena Aina no ka Aha Kaapuni, Apana Elua, Teritore o Hawaii.

6603--Apr. 10, 17, 24; Mei 1 1924.

HOolaha a ke komisina palena aina e pili ana i ke noi e hoomaopopoia na palena o ke ahupuaa o halehaku.

Ma keia ke hoolahaia nei i ka on a a mau on a paha o ka aina i kapaia ke Ahupuaa o Halehaku, ma ka Apaua o Hamakualoa, Mokunui a Kalana o Maui, Teritore o Hawaii, ame na on a o na aina apau e pili ana, a i ole, e waiho ana iloko o ia Ahupuaa, ua waihoia mai he palapala noi e ka Hawaiian Commercial and Sugar Company me Maui Agricultural Co. LTD,  imua o ka mea nona ka inoa malalo iho nei, ke Komisina Palena Aina no ka Apana Aha HOokolokolo Kaapuni Elua, o ke Teritore, no ka hoomaopopo ana me ka hoakaka ana i na palena o ua Ahupuaa la o Halehaku, ame na kuleana me ka apana aina e ae, e waiho ana iloko o ia Ahupuaa, a e hooloheia ana ua palapala noi la imua o ka mea nona ka inoa malalo iho ke Komisina Palena Aina ma ka hale.

I ka Poe e Nana Mai Mai Ana i Keia: Ke hoikeia aku nei ka lohe imua o ka lehulehu, ua hookoha aku au ia Antone Rodigues o Kamalo, Molokai i hope no'u ma ke kanawai me ka mana piha e nana a e hooponopono i ko'u kuleana akahi hapalua i mahele ole ia o ke Ahupuaa o Ohi'a Komohana, ma Molokai, a o ia no ka aina i hoomaopopoia ma ka Mahele Kuleana Helu 30 i hookoia no S. Helehewa.

BN Kahalepuna,

Honolulu, Aperila 7, 1924.

6603--Apr. 10, 17, 24; Mei 1.