Ka Nupepa Kuokoa, Volume LXIII, Number 15, 10 April 1924 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

Mai Lawelawe i na Hana Hemahema

He mea maa i kekahi mahele nui o na kanaka Hawaii, ka hookomo ana i na dala maoli ame na bila dala maloko o na leka, a hoouna aku i ko lakou mau ohana ame na hoaloha, o keia kekahi o na hana hemahema, me ka lawe ole i na keehina palekana apau, e maopopo ai ka hoea pololei o kela mau dala i kahi i makemakeia ai.

O ke alahele palekana e hoouna ai i na dala maloko o na leka, in a ia ma ke dala maoli na bila dala aupuni, a bila dala haleleka paha, o ia no ka hoopaa ana (register) maloko o ka haleleka, kahi i hookomoia ai na leka, no ka hoouna ana aku i na wahi i manaoia, aole loa he manawa e nalowale ai kela mau dala, a lilo paha i ka aihueia, aka e loaa pono aku ana ia i ka mea i hoounaia aku ai ia mau dala, no ka mea, ma ka manawa e hoopaaia ai na leka ma ke keena hoopaa o ka haleleka, e haawiia mai ana he likiki, i ka poe na lakou na leka i hookomoia ai ke dala iloko; a i ka hoea ana aku o kela leka, i ka haleleka i noho ai o ka poe i hoounaia aku ai ua mau leka nei, e paaia ana kela mau leka, aka o na pepa hoike ke hoonnaia aku ana, e hoakaka ana, aia he ma leka maloko o ka haleleka, e kakali aku ana o ke kiia mai e ko lakou mau on a; a i ka wa e kiia mai ai, e kakau ana lakou i na likiki, we ka hoouna hou ia mai o ia mau likiki, i ka poe na lakou na leka ame na dala i hoouna aku.

Ua manao nae kekahi poe o ke kau ana i na poo, no ka lawe maoli ia aku o ka lakou mau leka, e na limahana oloko o ka haleleka, e haawi i hoounaia aku ai ia mau leka, he alahele palekana ia ame ka hikiwawe o ka hoouna ana i na dala; mamuli nae o ka hoea pololei ole aku o kekahi mau leka i hoounaia ma kela ano, imua o ka poe i ka hoounaia aku ai kela mau dala. ua hoike mai ia, aole kela he alahele no ka palekana ame ka maalahi.

Ma ka pule koke aku la no i hala, mahope o ka loaa ana aku o na hoohalahala lehulehu imua o ka lunaleka nui o Honolulu nei, no ka nalowale ana o na leka a lakou i hoouna mai ai ma keia ano ae la, i konoia ai na poo o ka haleleka maanei nei, e hoomakakiu a ol ka hopena i ikeia, ua loaa pono aku la kekahi limahana, i ka lawe ana i kekahi leka, mailoko ae o ka pua o na leka, i kauia me ka poo, no ka lawe kino maoli ia aku o na leka imua o ko lakou mau ono; nolaila ua maopopo loa, aole he palekana iki o ka hoouna ana i na dala ma keia ano; a maloko paha o na leka i kauia me na poo o elua keneka wale no; ua hiki loa i ka poe kolohe ke lawe i na leka i hoomaopopoia he dala koloko a huna, me ka lawe ana i na dala ma ke ano kolohe.

No kela loaa pono i ka lunaleka o Honolulu nei, ka hewa i lawelaweia e kekahi limahana oloko o ka haleleka, i konoia mai ai keia pepa, e hoonaauao aku ia kakou na Hawaii, mai lawelawe i na hana hemahema, aka e hana me ka naauao, ma ka lawe ana i na alahele palekana apau, e hiki ole ai ka lawelawe ia na hana epa me ke kolohe, ma ka aoao o na kanaka oloko o ka oihana leka.

Me ewalu keneka wale no ma ke pooleka, mawaho ae o ke pookela o elua keneka e kauia mawaho o ka wahi, o na leka i hookomoia ai ke dala, na bila dala, a mau wiawai makanae e ae, ma ka hoopaa ana maloko o ka haleleka, ua lawa ia no ka hooia ana mai, e loaa pololei aku ana ia i ka poe i makemakeia ai, e hoea aku ia mau dala, a mau waiwai e ae paha.

Ka Olohani o na Limahana Pilipino

Eia na lima o na hana olohani iwaena o na limahana Pilipino o na mahiko ma Oahu nei, ke pahola mai nei iloko o keia mau la, a ma kekahi olelo ana ae hoi, he paio keia mawanea o na limahana ame na on a mahiko, o hoea aku ai i ka hookahuaia ana o na kulana uahoa ma ka aoao o na haku o na mahiko, no na limahana na lakou i hoala aku i ka hana e pau ai ka manao makee o kekahi aoao no kekahi.

Elike me ka olohani a kakou i ike ai, mamua aku nei ma ka aoao o na limahana Kepani, ame na Pilipino, o ia ka hoeueuia ana o ka olohani e kekahi puulu o kapoe i manao, he hana maalahi na lakou ka hooke ana aku i na on a o na mahimai i na manao ma ua iloko o lakou, pela no keia olohani o na limahana Pilipina i hoalaia ae nei, e hoea mai ai i ka la e mihi ai, na limahana i puni wale aku i na a'o hea ana a na alakai o keia hana hoeueu olohani.

Hookahi kahua maopopo a na limahana olohani, i konoia ai lakou e haalele i na hana o na mahiko,

O ka Poalua iho nei ka manawa i hoopaneeia mai ai no ka hoolohe ana i kona hihia, aka nae, ua hoolohe ana i kona hihia, aka nae, ua hoololiia kela manawa, pela i hoolohe koke ia ai ma kela Poaono.

I ka ae ana aku nae no kona pili i ka hewa, i hoakaka aku ai o Mr. Castle imua o ka aha, no kona hele ana e paani popo hina'i me kona mau hoa, ma kela Poakahi i hopuia ai oia, ahiki i ka hora ehiku o ke ahiahi, a mahope o ka lawelawe ana i kekahi mau hana ma ke taona nei, ua huli hoi aku la oia no kona home, me ka hoea ana aku he hapaha koe kani ae ka hora ewalu o ka po.

Oiai ma kona hom, ua inu oia he elua mau kiaha rama pa'ipa'iia, a kau aku la maluna o kona kaa otomobile, me elua mau hoaloha, no ka lawe ana ia laua i ka hulahula ma ke alanui Kalakaua.

O ke kumu o ka hooku'i ana o kona kaa otomobile me ke kaa o Hollinger e ku ana ma ka aoao o ke alanui, mamuli no ia o kona huli ana mai ihope e kamailio ai i kekahi o kona mau hoaloha; a i ka holo ana aku o kona kaa a hooku'i me ka pohaku pale aoao o ke alanui, ua hooku'i kona poo me kekahi wahi o kona kaa, a o ke kumu ia o kona kunewanewa, aole no ka inu ana i ka waiona.

Mamuli nae o ka loaa ana he ulia ma kela po, a hui pu iho me kona inu ana he elua mau kiaha rama i pa'ipa'iia, pela wale no oia i konoia mai ai e ae aku no kona pili i ka hewa, e lilo ai i haawina a'o nona ma keia hope aku.

No kela ae okoa ana aku i kona hewa, i kau mai ai ke kahu o ka aha i ka hoopa'i o iwakalua kumamalima dala me na koina no ka hewa holonui, a he umikumamalima hoi dala me na koina no ka hewa hookele i ke kaa i ka wa kahi'ohi'o, me kona hoomaluia no hookahi makahiki, aole e hookele hou i ke kaa otomobile.

HE HOOMANAO ALOHA NO KA MAUA KAIKAMAHINE.

Mr. Sol. Hanohano, ke kapena puuwai hamama me ka loaa ole he mau manao kaniuhu, ma ka hooni mau ana i ka uwila makeneiki o ka malamalama oi kelakela, o kou moku lawe lau oliwa a ke aloha, ma na paemoku like ole o ke ao nei, nolaila pela i haupu ae ai komaua manaolana e nonoi aku i kou oluolu i ke kauwahi rumi kaawale o ka papa elua, no ka maua wahi ukana kaumaha, luuluu, e kau ae la maluna, a uana hoi e lawe hele aku, ma na kaiaulu aloha o ka aina hanau, i ike mai hoi na makua, na kupuna, ame kona mau hoaloha o ka hooholo like ana o na la kamalii, e noho mai la i ka Waikau o Keanae, a na lakou hoi ia e haawi iho i na leo kaniuhu o ke aloha pau ole.

Ua hanauia o Mrs. LIly Spencer ma ka Wai kaulana o Keanae i ka la 23 o Feberuari, MH 1901, mai ia Pilahi Keola Kuhiike kona mama, ame Keola Kuhiike kona papa, oia hoi ko'u kaikunane ponoi.

I ka piha ana elima mahina, ua lawe mai au ame ka'u kane i lei a i na maua, i ka ua me ka makani, i ke anu hoi me ke ko'eko'e a he lei haule ole hoi ke keiki na maua ma na wahi apau e heleia ai o na pali Koolau o ka aina hanau. Auwe, aloha ino, aloha wale!

Aole no hoi he manawa i kaawale aku ai o ka maua kaikamahine mai ko maua alo aku ahiki i ka loaa ana o kona makua he kane. Ua puli mai no kona aio o malama mai no kona aio a malama ia maua i kahi mea liilii e loaa ana; ua ai like ia ka mea nui ame kahi mea liilii me ke aloha.

Ua loaa no na hua maikai mai ka maua kaikamahine ame kana kane; he ehiku ka nui, ua mae aku eha pua, koe ekolu e popohe nei imua o mana na kupuna ame ko lakou papa; elua wahine, hookahi kane, a ma o lakou auanei e o mau ia ai ka inoa o ko lakou mama me ke aloha pau ole.

Ua loihi no ka hoomailo ana a ka ma'i maluna o ka maua kaikamahine me ka hahia no hoi o ke alanuihele o ke ola ma na ano like ole apau, e loaa mai ai ka palekana, eia nae, ua poho wale ka manaolana, a ma ka la 19 o keia mahina i pauaho ai oia i keia ola ana.

Ua piha iaia na makahiki he 23, me hookahi mahina me na la he 18 o kona hanu ana i na ea huihui o keia ola honua ana, a waiho iho la i ka ukana kaumaha, luuluu, na ke kane, na makua, ka ohana, ame na hoaloha apau o ka noho ana o Alapai Lane.

Aloha wale ia wahi i nohoia ai a kupa a kamaaina, ua pau ka hoopulu ana a ka Ua Kukalahale maluna o ka maua kaikamahine ua pau ka ike ana ka huikau o ke kaona, pau ka loha ana i ka owe ae a ke kaaahi. Aloha no!

Oiai ua huli aku la ka malau ka Iao a kaua, haalele iho la i PUna na hoaloha.

E ka Waikau o Keanae e  ua pau kou hoopulu hou ana i kou hunawai aloha maluna o LIly.

E ka Ehukai o Kawee e aole oe e ike hou ana i na hiona aloha o ko pulapula i holoholo ai a laupa;i imua o ko alo, ua hala, ua nalo no ka wa mau loa. ALoha na wahi apau o ka aina i piliia ai me ka lei haule ole a maua he keiki, a ike ia Honolulu nei, he kaona nui, a kuu aku la ka lei luhi a maua no ke ala hoi ole mai, pau ka ike ana ikona mau hiona aloha, pau ka lohe hou ana i kona leo aloha e lealea pu ana me kona mau hoa o ka ai hookamalii kino, a hoi aku la i ka opu o ka honua Pau ka ike hou ana ika nani o keia ao; Auwe no hoi ka aloha e, me ka ehaeha pu o ka naau!

Ua kau aku hoi ka manaolana o ko maua mau ila hapauea o keia ola ana maluna o ka lei aloha a maua, ame kana dear aloha, a na laua hoi e huna iho i keia mau iwi, eia ka ua kokoke loa mai ka anela o  k a Haku aloha maloko o ka home aloha o kana mau keiki, a pio koke iho la ke kukui no ka wa pokole, haha poele iho la ka papai o Honolulu.

Auwe no hoi ka mea ehaeha o ka naau e! Aka, aole e hiki ke alo ae i na olelo oiaio o ka Haku ma ka Palaala Hemolele,  o ia hoi he wa ko na mea apau, o ka lua he mahu ke ola o ke kanaka i pu a ae a nalo aku; o ke kolu, e hoi no ka lepo, a o ka uhane e hoi.

HOPU HOUIA O SARRAO NO KE KUAI WAIONA

Ma ka noho ana o ka aha hookolokolo federala e hoolohe i ka hihia o Jose G. Serrao no kekahi mau la lehulehu i hala a waihoia aku ka hihia imua o ka papa kiure no ka noonoo ana i ka olelo hooholo, ua hookuuia o Serrao e ke kiure, he olelo hooholo hoi a ke  kiure i ku e loa i ka manao o ka hope loio Amerika, no ia kumu, ua hoopuka hou ia ae he palapala hopu e hoopii ana ia Serrao ame kana keiki no ke ku e i na kanawai hookapu waiona a hookomoia ae he hoopii no laua i ka aha federala ma ke kakahiaka Poaha aku la hala e ka Hope Loio Amerika Fred Patterson.

O na palapala hopu i hoopukaia ae e ka aha no ka hopu ana ia Serrao ame kana keikikane e hoopii ae ana ia laua no ke kuai ana i ka waina ma ka la 17 o Maraki, 1924, a e hooiaio ana i ke kuai ana o laua i ka waina ma na manawa like ole mamua o na kuai ana i hoakakaia maloko o na palapala hopu mua i hoopukaia ae ai no ka hopu ana ia Jose G. Serrao.

Ua hanaia na palapala hopu i hiki ke hoihoi koke ia mai a e hoolohe kokeia ai ka hihia o na mea i hoopiia maloko o ka aha federala i ko laua manawa e loaa aku ai. He $250 ka bela i kauia mai maluna pakahi o laua. Aia ke keiki o Serrao ma Hilo, a eia hoi ka makuakane i Honolulu nei. Na AM Brown, ko laua loio, i hoolako ae i ke aupuni me na bela pakahi o laua.

Ua hoounaia aku he kauoha ma ke kelekalapa uweaole i Hilo no Serrao opio, a ua manaoia e hoea mai ana oia i Honolulu nei ma ka Poakahi iho nei. Ma keia hihia hope o Serrao i owili pu ia ae la me ke keiki, e hoopii ana ia ia laua no ke kuai ana i ka waina ia Solomon Anakalea ka Akena hookapu waiona ma Hilo ma ka la 17 o Maraki, 1924.

aku no ia me ka mea Nana i hana.

O na lala o ke komite o na palapala hookohu, i kohoia mai e ka lunahoomalu, o keia ko lakou mau inoa: George J. Richardson, John M. Ross, James Ako, William H. Greenwell, Harry B. Penhallow, Angus McPhee, Clifford Kimball, James P. WInne, J.K.Keau, William C. Achi Sr., Eric A Knudsen L. D Larsen, A.M Brown, Henry K Martin ame Ed. Towse.

Na lala hoi o ke komite rula o ia o Norman K. Lyman, A.A. Scott. L. W. Wishard Frank R. Greenwell, S.E Kalama, M. Gomes, AG Kaulukou, C. Gomes, Senatoa Akina, W.A. Hall ame K.P. Porter.

No ka haawi ana i manawa no ke komite o na palapala hookohu, ame ke komite o na rula, e lawelawe aku ai i ka laua mau hana pakahi, i hoopanee ai kela ahaelele ma ka hora umi-kumamakahi o kela kakahiaka, a noho hou mai ma ka hora elua auwina la.

Noho Hou ma ka Auwina la

Ma ka hapalua o ka hora elua o ka auwina la, i noho hou ae ai ka ahaelele mahope o ka hoopanee ana, alaila waiho mai la ke komite o na palapala hookohu ma o ka Lunahoomalu A. M Brown la, e hoike ana, no ke aponoia o na hookohu o na elele apau, aka e ku e ana i ke kohoia ana o na elele eono, o ka mahele umi kumamakolu o ka apana elima, no ko lakou kuleana e noho @oko o kela ahaelele.

He hoike kekahi a ka hapa uuku o ke komite, e ae ana i ke kohoia ana o na elele eono mai kela mahele koho mai. a e noho iloko o ka ahaelele aka ma ke koho ana nae a ka ahaelele, i aponoia ai ka hoike a ka hapanui o ke komite, ma kela ano i kapaeia ai na elele eono, o ka mahele umi kumamakolu.

Ma ka lohe ana i kela hoike komite, i hoakaka mai ai ka Lunahoomalu Rice aole he kuleana o na elele i hooleia ko lakou kuleana e noho ai maloko o ka ahaelele, e koho maluna o ka ninau no ke apono ame ke apono ole ana i ka hoike, i ku koke ae ai o G.R. Carter, kekahi elele i kohoia ma ke ano pololei ole, a hoakaka aku la, no kona hoea ana ma kekahi ahaelele lahui, a ike i ka aeia ana o na elele elike me keia, e koho.

No ka pane ana nae i kela mau hoakaka a Mr. Carter i hoike mai ai ka lunahoomalu Rice, oia pu kekahi maloko o kela ahaelele, a aole oia i ike i ka aeia ana e koho na elele i kueia ko laikou kuleana e noho ai ma kela ana.

Ka Hoike a ke Komite Rula

O ka hoike a ke komite rula i waiho ae ai, a i aponoia me ka lokahi, o ia no ke koho haloka ana no na moho komite lahui, na elele ma ke ano malu; aka nae. ma na mea e pili ana i na mahele i haawi aku i na a'o ana i na elele, no ka lakou moho komite lahui e koho ai e aeia aku ka lunahoomalu o kela mau puulu elele e ku ae iluna ma ka manawa e kaheaia mai ai ko lakou mau mahele, a hoike aku i ka lakou mau mahele, a hoike aku i ka nui o na elele i a'oia, a na na luna lunanana koho baloka, e kaha iho i na baloka no ka mea i kauohaia mai ai e koho aku.

Mawaho ae o kela hoike a ke komite, i waiho hou ae ai ia he hoakaka, no ka hoolilo ana aku i na lunanui no ka manawa, i mau luna nui paamau.

HE HOALOHALOHA NO KUU WAHINE HELELOA.

E ka Lunahooponopono o ka Nupepea Kuokoa; ALoha oe:--E oluolu hoi ae i ke kauwahi kaawale o ka hiwahiwa a ka lahui, no ka'u wahi puolo waimaka e nou aku la imua ou, a nau hoi ia e hoani aku imua o ke akea, i ike mai ai na kini ohana o kuu wahine heleloa e noho ana apuni keia paeaiana.

O kuu wahine holomahuka, a'u e hoikeike ae nei, he kaikamahine hanau no ia no ke kai Malino a Ehu, a i hanauia ma Holualoa, N. Kona, Hawaii, mai ka puhaka mai o Kahowai (w) ame Kailipelehiwa (k) i Iulai 1869, oia hoi o Mrs. Annie Chas. Kamoa Kealoha, a i ka la 15 aku nei o Maraki i pauaho mai ai oia ia'u ua kokoke e piha ke 55 makahiki o kona ola ana a hala aku la.

He kupaianaha no ke ano o keia haawina i kau iho maluna on a, aole ma'i, me ia maikai wale no i ka halawai hui o ka Hui Manawalea o ke ao holookoa, a pau, hiki aku au ilaila e noho nui ana no, ua piha i ka hui wahine o na wahi like ole.

Olelo aku nei au nana e hele ka makeke, hoole mai nei kela me ka olelo mai e hele ana oia i $1.00 limu a ua haawi aku nei au i ko'u ae e hele, aia a hoi aku au.

Huhu aku nei no hoi au aole oia e hele, a no ka mea ua maa au, aole oia e hele hookahi aia wale no a loaa kona kokoolua alaila hiki, aole nae i hooloheia mai, noho no makou ai meaono me ka wailemi ahiki i ka wa koho baloka o ko'u hele no hoi ia, a i ka hora 5 a oi hoea ana kekahi keiki i ike i kona pilikia ana, a ha'i mai ana o mama ua make.

Ninau koke aku nei au: "I kahakai?" ae mai ana a i iho la no hoi au iloko o'u no ka paakiki no hoi kekahi.

I kela manawa a'u i lohe mai ai i kela lono kaumaha noonoo iho la au i ka'u mea e hana ai, ha'iia mai la aia i ka halewai, hiki au ilaila ha'iia mai ana, aia i ke keena o ka papa ola, kakali i ka hope makai a hoea mai, loaa mai ana ke ki a hele ana ahiki, a ike huki ia mai la mailoko mai o ka pahu hau, nana aku la no hoi me ka naau mokumokuahua, aole ike ae i ke aloha ia wa, ia hoi ana ahiki i ka hale akahi no a ike mai i ke aloha o ka wahine, ka hoa ohumuhumu o kahi loaa liilii e loaa ae ana, a aloha ae la no hoi ka moopuna ka lei a i a maua me kuu wahine.

Ia'u e nanea ana e noonoo ana kani ana ke kelepona a Mrs. William Rose, ninau kela; pehea oe? hai no hoi au maikai no hoi ma kekahi mea a maikai ole no hoi ma kekahi mea.

Ninau hou kela ia'u, e hiki ana no ia oe ke auamo i keia ko'iko'i apau, hoole no hoi au, a o ka huaolelo hope i haawiia mai, in a pela waiho malie na makou e hooponopono ae ma ke kelepona, a hui aku kakou i ka halepule i ka la apopo, mai kaumaha oe, hoomanawanui.

I kahi la ae hui au me Mrs. Kamaile Fieldgover, pane mai kela mai kaumaha oe ua kuka makou a ua pono e pii au e hui me Ed. L. Clissold a ahiahi hiki aku au a hui me Ed. L. Clissold pane mai oia ia'u, e hele au i ke keena o ka papa ola, ke pau ka hana ana a ke kauka kelepona koke aku iaia, i ka apa ana mai hoi a ke kauka o ka hele ia a ka hapalua o ka hora 2 o ka auwina la hemo mai ana, a kahi o Mr. Borthwick a ilaila ka ohana ame na hoahanau o ka Ekalesia o Iesu Kristo o ka poe Hoano o na la Hope nei, ame na makamaka i noho aloha pu me ia o Waikiki, kahi a maua i noho ai.

Poalua ae, i lawe loa ia aku ai kona kino o hoomoe i Laie, ka aina houluulu o ka ekalesia ana i manaoio ai.

O keia Annie Kamoa Kealoha kekahi wahine makaala i ka ke Akua hana, a mamuli no o ia mau hana ana, i alohaia ai e na hoahanau ame ke Akua, pela iho la i hiki mai ai na hoopomaikai ana ma on a la, a kaawale au me ka'u wahi hapumi ole no kona mau hemahema, a'u e poina ole ai a ka pahuhopu o keia kino.

He wahine hoolohe i na kauoha apau o kauohaia ana iaia e hana, a ua noho maikai ia e maua iloko o keia mau makahiki he 17 a oi a hala wale aku la no.

Ke haawi nei au i ko'u hoomaikai nui palena ole i ka Ekalesia o Iesu Kristo o ka Poe Hoano o na la Hope nei, i ka Hui Manawalea o Waikiki, ke Kula Sabati o Waikiki, ame ka Hui Opio o Waikiki, i ka lakou mau kokua ana i ke kino ame ka pua no kuu wahine heleloa, pela hoi na hoahanau o Kalihi me ka lakou mau makana pua wahine i hele mai a ike hope iho iaia, na kaikuaana, na kaikaina, na moopuna ame ke kaikamahine ame na hoaloha no apau, ame kuu mau alakai haole apau i hele mai.

Ke hoomaikai pu ae nei no hoi au i kuu makai kiekie John C. Lane, ame kana Ewa no kana makana ame ka manao hoomama i kuu puuwai kaumaha.

"Ua hoike aku nae paha oe i keia manao ou ia Gelade?" wahi a ka anakala.

"Aole, he hana kupono na'u ka hele ana mai e hoike aku ia oe a mahope aku iaia, no kamea, in a no kou apono mai i ko'u manao, alaila ikaika hoi paha ko'u hele ana aku imua on a me na manao maikai, aka, in a no kou hoole mai, ka, malaila iho la no au pau no ka mea, ua pa iho la i ka nele. Aole au i poina he keiki pae hewa au i nele i kekahi inoa, a e ole oe hoopakeleia ae ai au mai ke ola ae i aneane loa e lilo me he mea la he pua i aneane e mae.

"Eia hou, aole no hoi au i poina i kela mea oiaio loa, i ka manawa e pau ai kou huli ana i ka naauao, aole a'u mea e ae e makana aku ai iaia ka mea a'u i aloha ai koe wale no kuu puuwai, kuu uhane, kuu mau lima i nele, ame kekahi inoa e loaa ana ia'u ma ka hookama wale ana no."

Ua piha iho la o Mr. Hunatere i ke aloha i nei mau olelo a ke keiki i hoike ia aku me ka hunahuna ole iho ame ka hanohano pu.

"Ke haawi aku nei au i ko'u mahalo nui ia oe e Geofere no ka maikai o kou noonoo, ke akea o kou mau manao ame kou hoike ana mai la i na mea oiaio wale no a pau. He mea oiaio nae o na lima i nele i ka loaa aole ia he mea e hilahila iho ai in a he mau lima ai i makamake  nui i ka hana me ka hoopono, me ke kakooia mai o ka manao ikaika no ka hana me ka uhane maemae, a oia mau mea a elua ua ike au aia iloko ou.

"No ka inoa hoi au i olelo mai nei, he mea i kaawale loa mai na hoahewaia mai, a no ka mea o ke keiki a'u i malama ai a i maopopo ole hoi kona mau makua, he keiki oia e haaheo nui ai au, no ka mea, ua maopopo ia'u aole oia e hana ana i kekahi mau hana e hoohilahilaia ai kona inoa oia oe."

"O, me ka mahalo a nui ia oe, e anakala Auguseto, aka nae, o ka puuwai. na lima, ka inoa a me ke ola pu aole e lilo ana ia mau mea i mea nui ia'u in a e hoole ia mai ana ia'u me ka loaa ole mai o ka mea a'u i aloha ai, e lilo ana ke ao holookoa i mea ole ia'u ke nele ka lilo mai o Gelade ia'u."

"E lilo ana i mea pouliuli loa no kakou a pau ke nele o Gelade no ka mea, oia ka hoku malamalama o ka hale a o ka mea wale no hoi nana e hoohauoli mai i na noonoo e laukanaka ai ka home, oia ka malamalama o ko kakou home a o ka mea hoi e haaheo ai o ko maua naau no na makahiki lehulehu i hala hope ahiki i keia la.

"Nolaila no ke kamailio ana aku ia oe, e Geofere, i ka mea oiaio, ke manao nei au aohe mea hoohauoli e ae i ko'u noonoo mamua o ka hoomare ana ia olua, in a nae he like ke aloha o kekahi o olua i kekahi me ka hookikina ole ia aku."

Nana ae la o Geofere iluna me ka helehelena haikea a i ae la:

"O, e anakala Auguseto, o kou manaoio maoli no anei kena?"