Ka Nupepa Kuokoa, Volume LXIII, Number 15, 10 April 1924 — HOAHEWAIA AE IMUA O KA AHA KAAPUNI [ARTICLE]

HOAHEWAIA AE IMUA O KA AHA KAAPUNI

Ua hoahewaia e ke kiure hookolokolo a ka aha Kaapuni a Lunakanawai James J. Banks ma ke kakahiaka Poaha aku la o ka pule i j hala o Carl Ontai, ha mea i hoopiiia ae ai no ke ku-e i ke knnawai a ke aupuni kulanakauhale i hooholo ai, e pili ana i ke kukulu ana i na hale maloko o ke kulanakauhale, mahope o ka hookolokoloia ana o Carl Ontai no ka manawa pokole, a he 10 wale no hoi minuke o ka papa kiure o ka noonoo ana a hoihoi mai la i ka olelo hooholo e hoahewa ana i ka mea i hoopiiia. 0 ka hope loio kulanakauhale H. E. Stafford ke kokua ma ka aoao o ke aupuni, a ma ka aoao hoi o ka mea i hoopiiia ka Lunakanawai mua James L. Colce. L T a hoopaneeia mai eka aha ke kau ana mai ,i ka hoopa'i maluna o Carl Ontai ahiki i ka Poaono, Apcrila 12, he manawa i haawiia niai e ka aha, pela ka mea i hoomaopopoia, i loaa ai i manawa no ka mea i hoopa'iia e wawahi ai i ka hale ana o ke kukulu ana a ke aupuni o ka hoopii ana ae «a kukuluia me ke ku-e i ke kanawai. Ma ke kanawai a ko aupuni kulanakauhale i hooholo ai ina no ke ku i ka liewa o ka mea i ku-e i ke kanawai e hoopaahaoia oia aole e oi aku mamua o hookahi makahiki aole hoi e oi aku mamua o $1000. Ma ka manawa o ka hoihoiia ana mai o ka olelo hooholo a ke kiure e hoahowa ana i ka mea i hoopiiia, ua hoolaha koke ae ka Lunakanawai James L. Coke, ka loio o Carl Ontai, he noi no ka hookolokolo hou ia o keia hihia. Ua hoakakaia ao e kekahi poe, mamuli o ke noi a ka Lunakanawai James L. Coke e hookolokolo hou ia ka hihia, o hoao ae ana oia i ke ku o ke kanawai a ko aupuni kulanakauhale i hooholo ai e pili ana i na palena pauahi ma o ka lawe ana aku i keia hihia imua o ka aha kiekie, a imua o ka aha kiekie e maopopo ai i ke ku i ke kumukanawai ke kanawai a ke aupuni kulanakauhale i hooholo ai ame ka ole. 0 ka hoopii i hoakaka maopopoia e ku-e ana ia Ontai oia kona kukulu nna i kekahi liale o ka papa iekolu maloko o kahi i kaupalenaia no ke kukulu ana i na hale o ka papa elua maloko o ka apana Helu 2, a maloko mai hoi o 200 kapuai o ka apana palena pauahi Helu 1. No ka hoomalu ana i na hana olohani a na limahana Pilipino ma na mahiko apuni o Oahu nei, i hoounaia aku ai he poe makai kuikawa ma kela amo keia wahi o na kua■oina aku nei, malalo o na hoOponopono ana a kekahi mau kapena makai. +4Maluhia ka apana o Kaneohe i kefa manawa e neo nei, elike me ka hoike i loaa mai i keia keena, a ua ike maoli ia aku ko kuio o ka lawelawe ana o na makai i ka lakou oihana.