Ka Nupepa Kuokoa, Volume LXIII, Number 15, 10 April 1924 — HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA. [ARTICLE]

HE MOOLELO KAMAHAO No Ko Geofere Lanakila Ana A I OLE KE KEIKI MAKUA OLE I PALUA KA HANA EPAIA.

,r CJa hooileaika loa kuu keiki ika huli ana i kana mau haawl« na aua lilo i mea hoanoe i kona noonoo; ua keha oia nona iho no kona ikaika no ka makemake loa e loaa iaia ka naauao, a e hemo koke mai hoi oia mai ke kula mai, i hiki ai iaia ke huli aku i kekahi hana nana," no ia kumu i a'o mua aku ai oia i ke keiki e akaheie kona hoolilo nui ana i kona manawa ma ka huli ana i kana mau haawina, o lilo auanei i mea hoopilikia i kona ola. I ka pau ana o ka lakou ai ana a haalele nui iho la 1 ke pakaukau aina, wehe ae la o Geofere i kana uwaki a nana iho la, a i kona ike ana i ka manawa, i aku la i ka īnakuakane: "E Mr. Hunatere, he hora okoa koe mamua o'u a hoi aku au. E hiki ana nei e loaa i wahi manawa pokole e kamailio pu ai au me oe o kaua wale no no kekahi kumuhana a'u i makemake ai e kamailio pu me oe?" "No kekahi kumuhana! No ke aha hoi e loaa ole ai? ua olu" olu mau au e hooko aku i kou makemake i na manawa apau au e noi mai ai," i akaaka mai ai ka anakaia. "Ke ik,e mua aku nei au i kou manao, no ka mea, ua hoomaopopo au aia kekahi mau manao hohonu loa iloko ou no ka hana ame ka huli ana i ka naauao, me ka nana nui ole ia ae o na mea e ae a pau. Aohe manao iki iloko o'u e hiki ana ia oe ke hoohui ae i na mea elua." "Aole ke kumuhana a'u i makemake ai a e hoike aku ana hoi ia oe he mea pili i kekahi hana, aka, he mea i oi loa aku ke koikoi mamua o ia," i pane mai ai o Geofere. "He pili ka'u,, wahi a ka makuakane iaia iho," no ka mea no e pili ana i ka like o kona helehelena me ko kela keiki o ka Hema a ua lilo paha i mea hoopoluluhi i kona noonoo, kela keiki ana o ka halawai ana ma ke ahiahi aku la i hala; me he mea la ua loaa iaia kekalii mea ano nui a ua makemake oia e kokua aku au iaia ma ka huli ana i na mea oiaio a pau ahiki i ke ahuwale ana ae o ka moolelo e pili ana iaia ame kela keiki," wahi a Mr. Hunatere e noonoo la, a hoomaka aku la oia e hele no ka rumi waiho buke a hahai aku la 110 hoi o Gcofere e noho iho maluna o kekahi noho okoa aku e ku mai ana.

"Eia no ko'u manao i noi aku nei e kamailio pu kaua, e anakala Auguseto," i hoomaka aku ai oGeofere e kamailio, mahope o kona hoomaha iki ana no kekahi manawa, i hoouluulu mai ai oia i kona mau manao apau; "ua maopopo ia oe ka nui 0 ko'u mahalo ame ka'u hoomaikai palena ole no kau mau hana maikai a pau i hana mai ai no'u, mai ka manawa o ko'u loaa mua ana ia oe ahiki mai no i keia la, he lokomaikai hoi i hiki ole ke hoohalikeia mai e kekahi poe, a no ka mea ua maopopo ia oe he wahi keiki auwana a kuewa hele wale no au, a i loaa hoi ia oe maluna o ke alanui o ke kulanakauhale o Nu loka.". "E kuu keiki," wahi a ka anakala o ka i ana aku, me ka helehelena kahaha ma kona mau maka no keia mau olelo a ke keiki, ana i manao mua ole ai e kamailio aku ana oia iaia no ia mea." Aole a'u wahi manawa iki i ku ai a noonoo iho no kou mahalo mai paha ia'u a mahalo ole paha; ua hoike mau mai oe imua o'u i kou aloha no'u me kou makemake mau e hoohauoli mai ia'u, me ka makemake mau e hoolana mau mai 1 kuu noonoo, ua lawa loa ia i kuu manao." "o,"wahi a Geofere," ua aloha aloha au ia oe, a ke mau nel ia aloha iloko o'u nou; ina no ka loaa nei o ko'u makuakane ponoi ia'u, aole o'u manao elike ana ko'u aloha iai ame kuu aloha ia oe, koe wale no paha, a lohe aku oe i kuu manao, ka mea hoi a'u i makemake ai e noi aku ia oe i keia kakahiaka, ia manawa paha e loli ae ai kou noonoo no'u, no ka mea, malia e lilo ana paha ia i mea hoanoe aku i kou lunaikehala a nana mai oe ia'u me he kanaka e loa ala." "Heaha ia mea la au i makemake ai e hoike mai ia'u?" wah! a ka anakala. "He mau pilikia koikoi loa anei ka i loaa ia oe ma ke kula i manao iho ai oe e hoike mai ia'u i hiki ai ke hoopauia aku ia pilikia nui ou?" "Aohe o'u mau pilikia maloko o ke kula, he maikai wale no ko'u noho ana, o ka'u mea e hoike aku ana ia oe, e anakaia, he oi aku ke ano nui mamua o ia mau pilikia maloko o ke kula, 0 ka manao a'u e noi aku ana ia oe a i aa ai hoi au e hoike aku ia oe mamua o kuu hoi hou ana aku i ke kula he manao a he hana hoi ia e oi aku ai ko'u aloha nou ame ko'u pili ana aku ia oe ,aka " "O, hoike mai, me ke kanalua a hopohopo ole/'wahi a ka anakala, i kon aike ana mai i ke ano hookuha-u o Geofere i ka hoike aku i kana mea huna. "Ua ike oe aole au he kanaka paakiki a i ole hookaokoa loa ia'u iho ke ike aku au he manao maikai ko kekahi, ina he mea ia e pono ai oc hoike mai 1 hiki ai ke ikeia aku ia manao, me ka nana ole heaha la kau hewa i hana ai," i koikoi mai ai ka anakala, oiai nae, kc ike mai la no oia ke hoopuupuu la o Geofere i na mea liilii loa a like ke kiekie me kekahi kuahiwi. "E hoike aku ana au; o ka hoike aku oia wale no ke alahele hanohano no'u e ukali aku ai, aka nae, ina e hana hewa aku ana au e lilo ana i mea weliweli na'u kou nana ana mai i ko'u mau maka." "E Geofere, ke ike mua aku nei no au i kou hoomaka mua i ka makau—kamailio mai a mai kali; heaha kau mea i hana ai i piha ai oe i ka makau honua aohe i eha ka ili?" wahi a ka anakala, me ka nana pono loa mai i na maka o ke kanaka opio. "Ua aloha au ia Gelade, a no ia aloha e noi aku ana au ia oe e lilo oia i wahine-mare na'u ma nei mua aku, ke " "Kai no he manao koikoi loa aku kou; ua aloha oe ia Gelade! Owai auanei ka mea hiki ke alo ae ia mea he alolia? A aloha wale ia ka hoi o Kaunuohua he puu wale no, aiwa aku hoi keia he mea uhane i haiamuia e ke onaona," a hooki iho la ka anakala i kana kamailio ana me ka hoomahuahua loa ia aku o kona kahaha, me kona hoomaopopo nui ana iho nae i ke koikoi 0 ka huaolelo aloha. "Aohe oe i hoomaopopo mai la i ko'u manao; ua aloha aku au ia Gelade elike me ke aloha o kekahi kanaka i ka wahine ana i makemake ai e mare aku, oia maoli ko'u manao e hoomaopopo mai oe," wahi a Geofere. "Ahe, a o keia iho la kau mea e hoike mai ana la?" "Ae; o keia, a ke manao nei au aole no hoi paha oe e nana mai ana ia'u ma ke ano he monihoawa, e huli aku ana a kiko me kona waiawa make i ka lima o ka mea nana oia e hanai aku?" 1 noi aku ai ke kanaka opio me he mea la ua uluhia iho oia i kekahi manao kumakena. Aole i pane iki mai o Mr. llunatere a hala kekahi mau ml-

nuke. Ia manawa i ike iho ai oia me ka maopopo loa i ke kumu c ko ke kanaka opio nananakea ana me ka loaa iho la o ka maha ] ->a i kona uhane, no ka mea aole no i nele kona ike ua loaa kekahi manao hoopilikia ia Geofere c lilo ai i mea hookuemi hope i kona holomua ma na hana apau ma ia mua aku. Eia ka he a2oha T%-ale no no ke kanaka opio 1 kana kaikamahine, he manao no nae keia ana i hoolala ai no kekahi manawa e hoohui I keia mau keiki, kana mau mea aloha, oiai aohe no he mea keakea iki 110 ko laua hoohuiia, no ka mea aohe koko o kekahi iloko o kekahi, aohe no hoi ona koko iloko o kekahi o keia mau keiki hanaialiuhu ana, koe wale no kona malama ana ia laua aeunuL Lamalama ae na maka o ka anakala ! ka manawa 1 loaa ai iaīa keia hoomaopopo ana a nana pono mai la i ke keiki e noho aku mamua ona me na maka e kulou ana ilalo, me ka helehelena hoi e hoike aku ana 'ua eha loko i ka manao ua ike pu *ho la no hoi oia aole i nele ka hakoko ana o na manao like ole iloko o ke kanaka opio i hiki ole ke hoomamaia ae a i hoi mai iaīa e hoike ae i ka mea huna iloko o kona naau, he manao m2ikai a hanohana a ka opio i noonoo ai a hooholo e hoike mai laia. "Ua hoike aku nae paha oe i ke!a manao ou ia Gelade?" wahi a ka anakala. "Aole, he hana kupono na'u ka hele ana mai e hoike aku ia oe a mahope aku iaia, no k amea, ina no kou apono mai i ko u manao, alaila ikaika hoi paha ko'u hele ana aku imua ona me na manao maikai, aka, ina no kou hoole mai, ka, malaila iho la tjo atj pau no ka mea, ua pa iho la i ka nele. Aole au i poina he keiki pae hewa au i nele i kekahi inoa, a e ole oe hoopakeleia ae ai au mai ke ola ae i aneane loa e lilo me he mea la he pua i aneane e mae. "Eia hou, aole no hoi au i poina i kela mea oiaio loa, i ka manawa e pau ai ko'u huli ana i ka naauao, aohe a'u mea eaee makana aku ai iaia ka mea a'u i aloha ai koe wale no kuu puu•wai, kuu uhane, kuu mau lima i nele, ame kekahi inoa e loaa ana ia'u ma ka hookama wale ana no." Ua piha i'no la o Mr. Hunatere i ke aloha I nei mau olelo a ke keiki i hoike ia aku me ka hunahuna ole iho ame ka hanohano pu. "Ke haawi aku ne? au \ ko*u mahalo nui ia oe e Geofere no ka maikai o kou noonoo, ke akea o kou mau manao ame kou hoike ana mai la i na mea oiaio wale no a pau. He mea oiaio nae o na lima i nele i ka loaa aole ia he mea e hilahila iho ai ?na he mau lima ia i makemake nui i ka hana me ka hoopono, me ke kakooia mai o ka manao ikaika no ka hana me ka uhane maemae, a oia mau mea a elua ua ike au aia iloko ou. "Xo ka inoa hoi au i olelo mai nei, he mea ia i kaawale loa mai na hoahewaia mai, a no ka mea 0 ke keiki a'll i malama ai a i maopopo ole hoi kona mau makua, he keiki oia e haaheo trui ai au, no ka mea, ua maopopo ia'u aole oia e hana ana i kekahi mau hana e hoohilahilaia ai kona inoa, oia oe." "O, me ka mahalo a nui ia oe, e anakala Auguseto, aka nae, 0 ka puuwai. na lima. ka inoa ame ke ola pu aole e lilo ana ia mau mea i mea nui ia'u ina e hoole ia mai ana ia'u me ka loaa ole mai o ka mea a'u i aloha ai, e lilo ana ke ao holookoa 1 mea ole ia'u ke nele ka lilo mai o Gelade ia'u." '*E lilo ana i mea pouliuli loa no kakou a pau ke nele o Gclade no ka mea, oia ka hoku malamalama o ka hale a o ka mea wale no hoi nana e hoohauoli mai i na noonoo e laukanaka ai ka home, oia ka malamalama o ko kakou home aoka mea hoi e haaheo ai o ko maua naau no na makahiki lehulehu i hala hope ahiki i keia la. "Xolaila no ke kamailio ana aku ia oe, e Geofere, i ka mea oiaio, ke manao nei au aohe mea hoohauoli e ae i ko'u noonoo mamua o ka hoomare ana ia olua, ina nae he like ke aloha o kekahi o olua 1 kekahi me ka hookikina ole ia aku." Nana ae la o Geofere iluna me ka helehelena haikea a i ae la: "O, e anakala Auguseto, o kou manaoio maoli no anei keiia?" **Ae, o ko'u manaoio maoli keia*, no ka mea ina aole pela aole au e hoike aku pela ia oe. O kou hoike ana mai i kou manao, oiai nae ua hohikilele mai ia manao ou ia'u ma kekahi ano i kinohi, elike me ia e loaa aku ai i kekahi makuakane, e noiia mai ana e haawi aku i kana keiki kamakahi wale no, he mea i noonoo a 1 hoolala mua ole ia, oiai nae, aole no au i makapo iloko o na manawa i hala aku nei no ia manao ou mamuli ko'u ike aku i ko olua pipili mau, a ua hooiaioia mai ia koho wale ana ma o kau hoike la o keia la, ina no ka hiki e lilo mai ko Gelade noonoo ia oe a ae laelae mai oia e lilo i wahine nau, e haawi aku ana au iaia nau me ka'u hoomaikai oiaio pu maluna o olua a elua." "Mai kou manawa i kaa mai ai malalo o ka'u hoomalu a malama ana ahiki i keia la ua lilo oe he mea aloha loa na'u me he keiki ponoi la mailoko aku o'u. No na manawa lehulehu ko'u kukulu mau ana i na manaolana no kou hopena o nei mua aku, a i keia manawa iho la aohe mea hoohauoli e ae i ko'll noonoo mamua o kou pili loa ana mai ia'u ma ke ano o oe kekahi o ko'u ohana ponoi, a ma ia ano e hoopaa loa ia ai na kaula kaakolu paa loa 0 ke aloha mawaena o kakou, oiai'nae ua hoohui mua ia no kakou. "Aka," i hoomaka mai ai o Geofere e kamailio a hooki koke Iho la me ka pii ae la o ka ula ma kona mau papalina, me ke okakala ae la o kona oho, oiai nae aia iloko 0 kona naau ka hauoli no na olelo hoolana loa mai la a kona anakala. "Hoike mai i kou manao a mai huna iho," wahi a ka anahla o ke kauoha ana ae, aole paha o oe hookahi wale no ke hakoko hookahi me kou mau manao, hoopuka ae iwaho i loheia aku, ua hiki ia oe ke hoakaka mai nou iho elike me kau i ike ai he pono. oia hoi elike me ka pili o ia mea ia'u, ina no kekahi mea okoa aku, me oe wale iho no ia," i pane ae ai ka anakala me ka akaaka ana iho. "Eia ko'u manao, he makemake au ia oe e noonoo pono oe Ina mea a pau e pili ana i keia kumuhana ma kona mau aoao apau, hookahi wale no paha au aoao e noonoo la a koe kekahi, Mai hoopoina iho oe i kekahi mea, o ia hoi, aole oe i maopopo i ko'u mau makua. Malia paha he keiki au na kekahi mau makua i halawai me na popilikia o keia ola ana a ua hookuu ia mai au e hele laula i mea e hunaia ai ko laua hilahila. "Ina nei no ka ikeia 'ae o ia mea oiaio ma nei mua aku a minamina iho oe no kou haawi ana mai i ka mea a kuu naau i makemake a i aloha ai, e lilo ana ia i mea hoopilikia aku ia oe a ia'u pu." "E kuu Geofereme ka leo koikoi a kuoo o ia pane asa mai, "he oiaio, ke hoike aku nei au ia oe, e lilo io ana ia i mea hookaumaha loa mai i kuu noonoo, o ka oi aku kou mamua o'u. Eia nae, ke manao paa nei au aole loa oe e kapa iki aku ana 1 kekahi kanaka okoa he makuakane nou ina e ike ana au a maopopo hoi l kona moolelo he hana hilahila loa ka kou makuahine i hana ai, aole loa ia mea e lilo ana i mea e hookaawaleia mai ai kuu aloha mai ia oe mai, a eia hou, ina o ka moolelo oiaio ana ia aole loa oe e ike iki ana ia mea iloko o na la 2 pau o kou ola ana. "O ka-inoa-a'u e hookau aJcu ana maluna ou ua lawa-loa ia e

huna loa ai ia oe mai na hapala wale ia mai a pau, a e kokua aku ai hoi ia oe ma kekahi kulana hanohano a kiekie ma keia ao; o kou ano maoli iho ka mea pono e noonooia nou, ina he maikai kou inoa ua lawa ia e hapai ae ai ia oe i ke kulana kiekie, a ke haawi aku nei au ia Gelade nau ina no kona makemake aae oluolu mai. Na na Lani e hoopomaikai mai īa oe, e Geofere. O hele e hana ika mea e lilo mai ai o Gelade nau \" O mai la oia i kona lima i ka hooki ana iho o kana kamailio ana a hopu aku Ia no hoi o Geofere a paa iho la me ka hauoli nui iloko ona, a i aku la: "E Anakala Auguseto he keorymana oiaio maoli no oe me ka puuwai nui; ua hookau mai la oe i kekahi hanohano nui maluna iho o'u i keia manawa me kekahi makana kiekie a hanohano loa i hiki ole ke kuaiia, a ke hoike aku nei au ia.oe me ka oiaio loa owau kekahi o na kanaka opio hauoli loa maloko o keia kulanakauhale." ! "O, me ka mahalo! ma keia la aku, ke manao nei au aole oe e hele hou mai ana imua o'u me kekahi mau manao huna hou a hoike mai ia'u/' i pane aku ai ka anakala ma ke ano hoopaani, oiai nae ma kona mau maka ke nana aku ia manawa ua holowai ae la me na waimaka o ka hauoli. "Ke hoike hou aku nei au ia oe ua anuanu maoli ke koko iloko o ko'u mau aakoko i ka manawa a'u i nana aku ai i kōu mau maka, a noonoo iho la, malia paha, ua hoihoija ma ioe i ka home nei no kekahi hana hewa, eia nae, mai oi aku paha ko'u ike nou ina au i noonoo hohonu iho ua oi aku kou makemake ame ka hooikaika pu e huli i kau mau haawina mamua o ka hana ana i kekahi hana kolohe. "He mea oiaio, e anakala, e hooikaika ana au e pau ko'u makahiki i koe iloko o ke kula me ka loaa ole o kekahi mea hoohihia mai i ko'u noonoo a i ko'u kino pu. "0, ke hauoli aku la au ia mau olelo au, no ka mea he makemake au e lilo oe i kanaka opio naauao, koe wale no keia, mai hooikaika loa oe i ka huli ana i kau mau haawina, o lilo auanei ia i mea hoonawaliwali mai i kou ola kino. He oi aku ko'u makemake ia oe e hoohala aku i hookahi makahiki i koe mamua o kou hooikaika ana e hemo koke mai oe iloko o na niakahiki ekolu me ka pau pono ole o kou mau makahiki eha iloko o ke kula."

"O, mai kaumalia oe no leo'u loaa i ka ma'i a no kekahi kumu e ae paha, no ka mea e ike mai oe ia'u i nei manawa ua like .ka nui o ko'u kino me ko kekahi pilikua, a me keia manao a ola hou i loaa iho la ia'u mamuli o keia ae oluolu loa ana mai la ou, e hoomahuahua loa ia aku ana ko'u ikaika me ka hiki ia'u ke hana i kekahi hana ahiki i ka holopono ana, me ka nana ole i ka'u mea e hana aku ai. "O ko'u makemake nui i nei manawa oia no ko'u puka koke mai ke kula mai iloko o elua makahiki 1 koe, a mahope aku o ia manawa e nana aku ai i kekahi hana na'u e hana aku ai, a no ka mea, ua loaa iho la ka mea nana e hookikina nui mai ia'u e huli ikaika aku i ka waiwai, ua maopopo ia oe ia mea." "Ae, o ka'u mea no ia i makemake ai e a'o aku ia oe e koho i nei manawa i kau hana e lawelawe aku ai ma nei mua aku ke hemo maikai mai oe mai ke kula mai; he mea maikai no kekahi kanaka i hoonaauaoia e loaa kekahi oihana a i ole kekahi hana akamai paha, e laa ka oihana kauka a i ole loio, me ka nana ole pehea la ka nui o ke dala e loaa mai ana ia oe. "E pono rio ia'u e hoike aku ia oe e Geofere, i nei manawa, a ke manao nei au aole no ia he mea e hoopoino aku ai ia oe ke ike iho oe ia mea, oia keia, ua hookaawale mua au i kekahi waihona dala nau no ka hookomo ana aku a kokua ana aku hoi ia oe i kekahi oihana mahope, a no ia hana e hoopiha' loa ia r.iai ana au me ka hauoli ma ka haawi ana aku i ka'u kokua ia oe. "Ua lawa loa ke dala ia'u nau e hoohana aku ai, a ina aole ! ko'u maa a makemake nei i nei mea he hana, me ka makemake nui no ia mea iloko o ko'u naau, ua paa kuu manao e waiho aku i ka hana i ke koena aku o kuu mau la, a e noho me ka hoomaha a hooluolu i ke kino ame ka noonoo i k ekoena aku 0 kuu mau la." "O, e Anakala Auguseto, ma ko'u manao, he 01 aku ka pono e waiho oe i ka hana a e hooluolu ia oe iho mai nei la aku, e loaa ana ia oe he mau makahiki e kaahele ai ma o a ma o me ka makaikai ana i na aupuni e aku, ma ke ano lie mea hoohauoli mai i kou noonoo i ke koena aku o kou mau la, o kou ike aku i na mea nani a ke Akua i hana ai ma kela a ma keia aupuni he mau mea kokua nui mai ia i ka hooloihi ana aku i kou mau la e ola ai," i pane aku ai o Geofere. "E loaa ana ia hauoli ia'u ina maluna wale no o ka aina" au e hele ai. No'u iho he pilikia wale au ke holo maluna o ka moku no ia kumu au i makemake ole ai i ke kaahele ia aupuni aku a ia aupuni aku, a malia, ma kou ame ko Gelade manawa e hemo maikai mai ai mai ke kula mai, e loaa ana i manawa 110 kakou a pau e hele makaikai like aku i kekahi mau wahi. "Ina e hoi aku ana oe ma ke kaaahi o ka hora 9 alaila e pono hoi ha oe e hoomakaukau, a oiai ua kaawale oe mai na hoohihia mai a pau, ua hiki ia oe ke hoi aku i ke kula me ka naau hauoli ame ka lunaikehala mama, aohe mea hou nana e hoopilikia i kou noonoo," i pane mai ai ka anakala, me kahi minoaka iki ma kona mau papalina. Minoaka iki iho la o Geofere me ka naholo ana ae 0 ka ula ma kona lae, a i aku la: "Manao au, e Aanakala Auguseto, ua hiki ia'u ke hoohala hou iho i hookahi la maanei, ina aole oe e ku-e mai ana, alaila e holo ana au i Nu loka, a hoi pu mai me Gelade i ka home nei. Ua olelo mai i keia la oia e hoi mai ai, a ina pela e aho owau ke holo e kii iaia a hoi pu mai maua, no ka mea, ua lohe mahui iki au i kana mea o ka olelo ana ae ma keia la oia e hoi mai ai." Nee ae la ka anakala i ka akaaka no keia hoololi ana o Geofere i kona manao, a i mai la: "Kupanaha no ka, e hoi aku ana hoi oe i ke kula, eia ka he holo aku la i Nu loka, oia nae paha, aole ou makemake e haule kekahi manawa maikai i loaa ia oe me ka hana ole aku i kekahi mea e lilo mai ai ka noonoo o Miss Hunatere ia oe, ea? Ma ke ano he rula paa ia e pono au e hoike aku ia oe i keia he 01 aku ka maikai aole e hoohuikau i ke aloha me ka hooikaika ana e lanakila oe ma kau mau haawina maloko o ke kula, wahi a ka poe Helene ame ka poe hana akeakamai. "I ka'u nana aku ua like ko olua hooikaika me Gelade ma ka huli ana i ka olua mau haawina kula, aka, ina aole e lilo ana i mea keakea i ko olua holomua, ua pono io paha e loaa like ia olua kekahi manawa hoohauoli ia olua iho ma o ka launa ana o kekahi me kekahi. "Ina pela o holō oe a e hahai pu ka laki 0 kau huaka? ia oe. Aka nae, mai kalele loa oe i kou laki maluna o na manao ahiu, no ka mea, i kekahi manawa he halawai no me ka pakalaki, aka o ke Akua pu me oe." "Manao anei oe he manao no kahi o Gelade no'u?" wahi a Geofere. "O holo a huli aku !a irsea nou iho, aole au e hoike ae ana ma ke ano e kumakaia ia Gelade ma o ko'u huai ana ae i kana mau mea huna," wahi a Mr. Hunatere. 1 ,(Aole i pau.)