Ka Nupepa Kuokoa, Volume LXIII, Number 15, 10 April 1924 — AE OKOA O CASTLE NO KONA HEWA [ARTICLE]

AE OKOA O CASTLE NO KONA HEWA

Imua o ka aha a ka Lunakanawai Hoomalu Harry Steiner, ma lta Poaono aku la i hala, i ae okoa aku ai o A. Castle, no kona pili i ka hewa, elike mo na kumu hoopii elua e ku-e ana iaia no ka holonui i kona kan otomobile, ame ka hookele aua i kona kaa, malalo o ke kulana kahi'ohi'o i ka waiona. O ka Poalua iho nei ka manawa i hoopaneeia mai ai no ka hoolohe ana i kona hihia, aka nae, ua hoololiia kela manawa, pela i hoololie koke ia ai ma kela Poaono.

I ka ae flna aku nae no kona pili i ka hewa, i hoakaka aku ai o Mr. Castle imua o ka aha, no kona hele ana e paani popo hina'i me kona mau hoa, ma kela Poakahi i hopuia ni oia, ahiki i ka hora ehiku o ke ahiahi, a mahope o ka lawelawe ana i kekahi mau hana ma ke taona nei, ua huli hoi aku la oia no kona home, me ka hoea ana aku he hapaha koe kani ae ka hora ewalu o len po. Oiai ma kona home, ua inu oia lie elua mau kiaha rama pa'ipa'iia, a kau aku la maluna o kona kaa otomobile, me elua mau hoaloha, no ka lawe ana ia laua i ka hulahula ma ke alanui Kalakaua. O ke kumu o ka hooku'i ana o kona kaa otomobile me ko kaa o Hollinger e ku ana ma ka aoao o ke alanui, mamuli no ia o kona huli ana mai ihopo e kamailio ai i leekahi o kona mau hoaloha; a i ka holo ana aku o kona kaa a hooku'i me ka pohaku pale aoao o ke alanui, ua hooku'i kona poo me kekahi wahi 0 kona kaa, a o ke kumu ia o kona kunewanewa, aole no ka inu ana i ka waiona. Mamuli o ka loaa ana he \ilia ma kela po, a hui pu iho me kona iuu ana he elua mau kiaha rama 1 pa'ipa'iia, pela wale no oia i konoia mai ai e ae aku no kona pili i ka he-wa, e-lilo ai i haaTrina a'o nona ma keia hopo aku. " Xo kela ae okoa ana aku i kona hewa, i kau mai ai ke kahu o ka aha i ka hoopa'i o in-akalua-kuma-malima dala me na koina no ka hewa holonui, a he umi-kumamalima lvoi dala me na koina no ka hewa hookele i ke kaa i ka wa kahi'ohi'o, me kona hoomaluia no hookahi makahiki, aole e hookele hou i ke kaa otomobile.