Ka Nupepa Kuokoa, Volume LXIII, Number 15, 10 April 1924 — Mai Lawelawe i na Hana Hemahema. [ARTICLE]

Mai Lawelawe i na Hana Hemahema.

He mea maa i kekahi mahele nui o na kanaka Hawaii, ka hookomo ana i na elala maoii ame na bila dala maloko o na leka, a hoouna aku i ko lakou mau ohana ame na hoaloha, o keia kekahi o na hana hemahema, me ka lawe ole i na keehina palekana apau, e maopopo ai ka hoea pololei o kela mau <3ala i kahi i makemakeia ai. O ke alahele palekana e hoouna ai i na dala maloko o na leka, ina ia ma ke daia maoli na bila dala aupuni, a bila dala haleleka paha, o ia no ka hoopaa ana (register) maloko o ka haleleka, kahi i hookomoia ai na leka, no ka hoouna ana aku i na wahi i manaoia, aole loa he manawa e nalowale ai kela mau dala, a lilo paha i ka aihueia, aka e loaa pono aku ana ia s ka mea i hoounaia aku ai ia mau dala, no ka mea, ma ka manawa e hoopaaia ai na leka ma ke keena hoopaa o ka halekka, e haawiia, mai ana he likiki, i ka poe na lakou na leka 5 hookomoia ai ke dala iloko; a i ka hoea ana aku o kela leka, "1 ka haleleka i noho ai o ka poe i hoounaia aku ai ua mau leka nei, e paaia ana kela mau leka, aka o na pepa hoike ke hoonnaia aku ana, e hoakaka ana, aia he mau leka maloko o ka haieleka, e kakali aku ana o ke kiiia mai e ko lakou mau ona; a i ka wa e kiiia mai ai, e kakau ana lakou i na likiki, ka hoouna hou ia mai o ia mau likiki, i ka poe na lakou na leka ame na dala i hoouna aku. Ua manao nae kekahi poe o ke kau ana i na poo, no ka lawe maoli ia aku o ka lakou mau leka, e na limahana oloko 0 ka haleleka, a haawi i ka poe i hoounaia aku ai ia mau leka, he alahele palekana ia ame ka hikiwawe o ka hoouna ana i j na dala; mamuli nae o ka hoea pololei ole aku o kekahi mau leka i hoounaia ma kela ano, imua o ka poe i hoounaia aku ai kela mau dala. ua hoike mai ia, aole kela he alahele no ka palekana ame ka maalahi. Ma ka pule koke aku la no i hala, mahope o ka loaa ana aku o na hoohalahala lehulehu imua o ka lunaleka nui o Honolulu nei, no ka nalowale ana o na leka a lakou i hoouna mai ai ma keia ano ae la, i konoia ai na poo o ka haleleka maanei nei, e hoomakakiu a o ka hopena i ikeia, ua loaa pono a»:u la kekahi limahana, i ka lawe ana i kekahi leka, mailoko ae o ka pu-a o na leka, i kauia me ke poo, no ka lawe kino maoli ia aku o na leka imua o ko lakou mau ono; nolaila ua maopopo loa, aole he palekana iki o ka hoouna ana i na dala ma keia ano; a maloko paha o na leka i kauia me na poo o elua keneka wale no; ua hiki loa i ka poe kolohe ke lawe i na leka i hoomaopopoia he dala koloko a huna, me ka lawe ana i na dala ma ke ano kolohe. Xo kela loaa pono i ka lunaleka o Honolulu nei, ka hewa i lawelaweia e kekahi limahana oloko o ka haleleka, 1 konoia mai ai keia pepa, e hoonaauao aku ia kakou na Hawaii, mai lawelawe i na hana hemahema, aka e hana me ka naauao, ma ka lawe ana i na alahele palekana apau, e hiki ole «.i ke law-elawe ia na hana epa me ke kolohe, ma ka aoao o na leanaka oloko o ka oihana leka. Me ewalu wale no ma ke pooleka, mawaho ae o ke pooleka o elua keneka e kauia mawaho o ka wa-hi, o na leka i hookomoia ai ke dala, na bila dala, a mau wiawai makamae e ae, ma ka hoopaa ana maloko o ka haleleka, ua lawa ia no ka hooia ana mai, e loaa pololei aku ana ia i ka poe i makemakeia ai, e hoea aku ia mau dala, a mau waiwai e ae paha.