Ka Nupepa Kuokoa, Volume LXIII, Number 15, 10 April 1924 — Nuhou Kuloko [ARTICLE]

Nuhou Kuloko

Nui na hoohalahala e loheia nei iwaena o na alakai himeni, no ka pololei ole o ka himeni hookuku a na papa himeni e hele aku ana no Hilo, i ka ahahui paeaina, mamuli ! 0 ka pili pono ole o na olelo me na huamele, pela hoi ka pololei ole o ke ki o kela himeni. O Robert J. K. Nawahine o Wailiee, Maui, kekahi elele mai Maui mai, ma ka ahaelele Kepubalika, o ka noho ana ma keia kulanakauhale ma ka Poakahi iho nei, a ma ke ahiahi o ka Poalua iho nei, i huli hou aku ai oia me na elele e ae mai ka moku mai o Kama, no Maui no ka Oi. Hookahi kumu o ka haule ana o | MclnerpT, aole oia i kohoia i elele 1 ka ahaelele lahui, a kohoia o Cooke ma ia wahi, elike me na manao kuaki i ala ae iwaena o ka puulu o Shingle, o ia no ke koho ole ia ana o kela mau moho, mahope iho 0 ka haule ana o Cooke ia Shingle. TJa hoopiolokeia ka noonoo o ko ke kulannleauhale nei poe, i ka wa 1 loaa mai ai ka nuhou, ma ke kakahiaka o ka Poalua iho nei, no ka- ili ana o ka mokuahi Bee ma ka hora umi-kumamalua a oi o ka po o ka Poakahi iho nei mawnho ae o na kapakai o Mahukona, oia nae ua hoopakeleia na luina apau.

Ua hoakalea ae o Pablo Manlapit, ko alakai o*na Pilipino olohani o na mahiko, e ku aku ana na Pilipino olohani, ma ke kahua kaua, no ka paio ana i na mahiko, ahiki i ko lakou lanakila ana, a o ke kumu ka i olohani ole ai kekahi mahele nui o na limahana Pilipino, no ke kokua ana mai i ka pono o ka po6 olohani. O ke nol a Sam Lehua, ka lunanu'i o ke keena lawe opala o !<e Kulanakauhalo a Kaīana o Honolulu nei no ka hoomaha ana no na mahina ekolu, malalo o na a'o ana a Kauka Hanchett, ua aponoia mai ia e ka papa o na lunakiai, ma ka po o ka Poalua iho nei. Ma ka liapalua o ka hora ehiku o ka po o ka Poalima, Aperila 18, e noho ae ai ke komisina o na hana o ka lehulehu, maloko o ke keena o ka halo o na lunamakaainana, uo ka hoolohe ana i ke noi hoopii uku a ka hui kaa uwila, a ua makemakeia ka lehulehu e hoea ae ma ia halawai, no ka hoakaka ana i ko , lakou mau manao apono, a ku-e paha i ke noj. Ma ka mokuahi Maui, o ke ku ana mai no Honolulu nei, ma ka Poalua aku la i hala mai Kapalakiko mai, i hoihoiia mai ai o A. K. Acosta ame īsabella lona, malalo o na luna aupuni o Kapalakiko, no kona hookolokoloia aku maanei, malalo o na kumu hoopii e ku-e ana iaia no ka mare lehulehu.