Ka Nupepa Kuokoa, Volume LXIII, Number 15, 10 April 1924 — HOPUIA HE PILIPINO OLOHANI MA KAHUKU [ARTICLE]

HOPUIA HE PILIPINO OLOHANI MA KAHUKU

He Pilipino olohani no ka mahiko o Kaliuku, o keia mokupuni, nona ka inoa o Oderto Toranes," ka hiapo o na limahana i paa mua ao i ka hopuia e ka Hope Makai Julius Asch, a hoihoiia mai i ka halepaa* hao ma.Honolulu nei ma kc kakahiaka o ka Poaha o ka pule aku la :i hala no kona ninaninauia aku. I kulike mo ka hoakaka a. ke Kapena o na Makaikiu Kcllett he hana ka ka kola Pilipino o ka hoike ana ao e hiki ai ko hoohuoiia aku he manao kolohe kona ma kahi kokoke i ka hale oihana o ka Mahiko 0 Kahuku ma ka hora 6 o ia kakahiaka, a i ka manawa i huliia nku ai kona kino i loaa aku ai he pu panapana ame hookahi pahi umiumi. He Mau Makai Kuikawa Hou He umi-kumamaono mau makai kuikawa hou i hookohuia aku ma ka po o ka Poaha o ka pule aku la 1 hala ma ka hale o ka oihana makai no ka hoonoho ana aku ia lakou e kiai ma Kahuku. Ma ke kakahiaka Poalima mai ko lakou hoolakoia ana aku me na pu amo na newa a maluna o na kaa otomobile i laweia aku ai i Kahuku, kahi o ka lakou liana no ka makaala ana i na limahana Pilipino olohani a hoohaunaele. O ka huina o na makai kuikawa i hokohuia aku no ka hoomalu ana i na Pilipino limahana olohani, he 100, no ka moleupuni o Oahu, a malalo o na leuhikuhi a alakai ana n ka Hope Makai Nui Asch na makai o hooko aku ai, no ka malama ana i ka maluhia ame ka palekana o «a ola ame na waiwai o na mahiko. He elima mau Pilipino aeahaukae a auwana hele wale me ka maopopo ole o ka lakou hana e ola ai i paa ae i ka Makai Kellett i ka hopu a i hoihoiia aku no Manila maluna o ka mokuahi Peresidena Cleveland ma ka Poakahi iho nei no lakou keia mau inoa: iaaae Puehlo, he Pilipino i paa mau i ka halepaahao no ka aeahaukae; Tamas Esfodcro, Bernado Belino, amo Poman Taganan, o na inoa hope he poe litrta hei loa i ka aihue ana i na waiwai maloko o Da paekke, a he poe hoi i hiki ole ke hoilee ae imua o ka Maleaikiu Kellett no ka lak'ou hana o loaa ai ke ola. 0 ka Pilipino hope oia o Endero Bcrnada, he kanaka i paa mau i ka halepaahao no ka aihue, ka hope o na kanaka elima e kipakuia aku ana e hoi i ko lakou aupuni he poe i makemake ole ia e noho mai ma Honolulu nei.