Ka Nupepa Kuokoa, Volume LXIII, Number 16, 17 April 1924 — NA HOOMAIKAI A KA LAHUIKANAKA O IAPANA [ARTICLE]

NA HOOMAIKAI A KA LAHUIKANAKA O IAPANA

Malunn mai o ka mokuahi Taivo Maru mai lapana mai o ke ku ana mai ma kc kakahiaka o ke Sabati eei a e holo loa aku ana no Kapalakiko. ka Bev. K. Tsunashima, kekahi o na alakai Kristiano o lapaha a o ke kahunapule hoi o ka halepnle Bancho o lokohama, ma kana haakai misiona kuikawa ma ke ano he «lele a he wahaolelo hoi no ka lahui Kepani, no ka hoike ana aku i ka mahalo a ia lahui i ka lahuikanaka Atnerika no na kokua i haa•wiia akn me ka naau aloha a makee ole. iloko o ka manawa i halawai ai ka lahuikanaka ma Inpana me na popilikia a ke ahi, ame ke olai 0 ka mahiaa o Sepatemaba o ka makahiki i hala. I kulike me ia ana o ka hoike ana ae e kipa ana ka oia i na kulanakauhale ano nui apau o Amerika ka mua maloko o na kulanakauhale ma ke kapakai o ka Pakipika alaila nee akn no na mokuaina waeua o Amerika, ma ka hapa komohana a hala loa aku i na kulanakauhale ma kela aoao hikina loa e pili ana 1 ka Moana Atelanika, a maloko o na halepule, na kula nui a ma na kula aupuni a mau hal: aupuni e ae e haawi aku ai oia i kekahi mau haiolelo ana i manao ai. He inalihi»i kiekie oia na ke Kahunapule W. Palmer o ka halepule o Keukeano ma ke kakahiaka o ke Sabati nei, a iaia ka haiolelo o ke anaina haipule ma ia kakahiaka. O keia malalo nei kona mau marao ame kana mau olelo o ka hoike ana ae i kekahi o na kanaka o ka Advertiser ma ia kakahiaka. "Ina i loaa ia'u he manawa nui i lūki ai ke haalele aku i ka mokuahi Taiyo Maru a kali aku no kekahi mokuahi okoa no elua pule a emi mai palia, ina la ua hiki ia'u ko hoaln iki iho i ka noho ana maanei no ka haawi ana aku ia oukou a pau i na hoomaikai no ke aloha kaio ame na kokua i haawiia ae ia makou ma ka manawa o ka poino nui a ke ol*i ame ke ahi nana i luku i kekphi hapa o na kulanakauhale na waiwai ame na ola. "Aka, oiai au e hele awiwi ana i nei manawa i ko oukou aina makuahine, nolaila, ke lawe nei au i keia manawa maikai kupono loa ma 0 ka oukou pepa la, no ka lioike aku ana i ko mak6u mahalo kiekie !oa mailoko lilo ae o ko makou mau puuwai. "He wahaolelo au ma ka aoao o ka Misiona o na mahalo o ka Lahui lapana i hoounaia mai nei a e holo aku ana au ma kela ma keia wahi o Amerika no ka haawi ana aku i na kanaka Amerika ma Ainerika apuni, | a he manaoio ko'u e heliAelu ana no oukou i na manao e hoike aku ana i na kanaka apau ma Amerika, a o na mea apau a'u e hoike aku ana e pono e manaoia iho ua kamailio pu aku au i na kanaka spau ma Hawaii nei. "Ke hoomanao nei kakou i ka manawa i pahola ae ai ka nui hou e pili ana i kela pilikia koikoi ma lapana ma ke ao holookoa, he mea waiwai ole ka olelo ana ae, o ka lahuikanaka Ameiika pu kekahi ma-T-.iena o lakou i hoopilihuaia, me lie mea la he poino koikoi loa pu ia i loaa maloko o ko oukou aupuni ponoi. Ua kanikau pu oukou me makou. Alaila, ua ninini mai la oukeu apau, ka poe ilihune amo ka poe waiwai, ka opio nme ka poe 1 00, i ka oukou mau waiwai a haawi ae la me ka *ianao menemene 0 ke aloha kuio no ka poe i hoopoinoia. I?a pane koke aku oukou me ka hikiwawe loa me ka haawi ana me na naau makee a alunu ole 1 ka leo noi a ka rcresidcna Coolidge no ke kokua ana ia lapana. Ua hoouna ae oukou me ka hikiwa* we loa i ka oukou mau kokua mamua o ka k*kahi poe e ae; o ka oukou mau waiwai ma na lako ai a ma na mea e ae ka oi aku o ka nui o na mea i loaa ae ia makou. "Il©ko o kela manawa i poino ai 0 lapana i ke olai ame ke ahi, ua kikoo ae la ko oukou mau lima maluoa o ka Pakipika, a lawo aku 1 ke anu, hanai ae la i ka poe i pololi, a hoaahu ae la i ka poe i ma'i- O ka olelo ana ae no ko makou mahalo he liilii loa ia. Pehea J3 e hiki pono ai ia makou ke haawi mai i na hoakaka ana ma na huaolelo. a maloko o ka makou mau hana no ka maikai a oukou i hanaae ai. Mau "Ua maopopo ia oe, oiai ke aloha menemene e paa ana i kekahi wahi ano nui iloko o na uhane o ko kakou mau lahui kanaka, e kupinai mai ana ia a e panai hou mai ana i ka leo elike me ka psne ana a ka puuwai i ka puuwai. Ke ulu mau nei iloko o ko makou mau naau na manao aloha pumehana no oukou a aole lpa 6 poina iki ia ana ko oukou lokomaikai, a e lawe pu ana makou ia manao mahalo no na kokua i haawiia ae me makou elike ka. loihi me ka mau o na hoomanao Kna iloko o makou. "E ae mai ia'u e haawi hou aku 1 ka'u hoomaikai ma ka inoa o ke ano he hoakaaaka iloko o ka poe i hoopoinoia a ma ka aoao hoi o ka

poe i hoopoinoia, a ma ka aoao o ka lahui Kepani no ka oukou mau hana ae ai no lakou," wahi a ka Rev. Tsunashima ma ka hoopau ana o kana kamailio ana. ROME, Apr. 6—Ua hoakakaia maloko o kekahi lono kelekalapa o ka loaa ana ae i ka akena o na Stefani i keia la mai Tirama mai, ke Kapitala o Albania, elua mau kanaka lawelawe oihana kalepa Amerika i pepehiia a make malaila ma ka po i hala, ma kahi kokoke i ke Scutari. Ua lawe koke ke aupuni Albanian i kekahi mau keehinahana no ka hopu ame ke kau ana aku i ka hoopa'i m*. luna o ka ])oe pepehikanaka, wahi a ka lono kelekalapa,