Ka Nupepa Kuokoa, Volume LXIII, Number 16, 17 April 1924 — KU-E KA MAKUA I KE KEIKI NO KA HOOMALUANA I KA WAIWAI [ARTICLE]

KU-E KA MAKUA I KE KEIKI NO KA HOOMALUANA I KA WAIWAI

īmua ae o hn aha kaapuni ma ka Poakahi iho nei i Traiho ae al ka ma"kuahine i kann hoohalahala i ke keiki, ma ka manawa a Yong Shee, ka wahine kane-make a Chow ,Tou Man, i make, i noi ae ai c hoopauia ko Chow Kong, ke keiki noho ana ma ke ano ho hooko kauolia no ka waiwai o kana kane, nona ka waiwaiio i hiki aku i ka $26,000. Ma ka hoopii a ka makuahine oia kekahi hooleo kauoha i hoamanaia a o ke keikikane kekahi hooko leauoha, elike me ia i hoakakaia maloko 0 ka palapala hooilina. Ma ka hoakaka a ka makuahine ua kailiku ke keiki i ka mana hoomalu, me ka nana ole aku i ka mana i liaawiia iaia ma ke ano oja kekahi hooko kauoha; ua ohi ke keiki 1 na daJa o na loaa o ka aina a ua hoolilo aku ma ke ano uhauha no kona mau pono pilikahi iho, a ua hookaa aku hoi i kekahi mau koi i waihoia mai imua ona ma ke ano he mau koi kupono ole e ukuia aku. Aohe he mau mea hoomanao i malamaia maloko o kekahi mau buke no ia mau mea i hooliloia, wahi a ka makuahine, a e noi ana oia e papa a hookapu loa ia ko Chow Soong Kong ohi hou ana i kekahi mau dala mai na loaa mai o na aina, a e waiho pu ae ke keiki i kekahi mau hoike ma ke kakau no na mea i hooliloia aku eia a i loaa mai hoi iaia iloko o ka manawa i hala, a i ka pau ana o ia mau mea i ka hanaia alaila hoopau loa aku iaia. Ua hoakaka pu ae ka makuahine he hemahema loa oia i ka lawelawe ana i kekahi oihana, no ia kumu i noi pu ae ai oia e hoopauia kona noho hooko kauoha ana no ka waiwai a na ka aha e koho ae i hooko kauoha kupono ma ko laua Tvahi. —