Ka Nupepa Kuokoa, Volume LXIII, Number 16, 17 April 1924 — Elua Lunanana Hoopae Limahana i Kapaeia Ikeia ka Hookomoia Ana Mai o na Pake ma ke Ano Kolohe—Paa Elua Mau Pake i ka Hopuia no ka Hoihoiia i Kina [ARTICLE]

Elua Lunanana Hoopae Limahana i Kapaeia

Ikeia ka Hookomoia Ana Mai o na Pake ma ke Ano Kolohe —Paa Elua Mau Pake i ka Hopuia no ka Hoihoiia i Kina

Mahope iho o ka noii ana mc ke akahele loa, 110 kekahi manawa ae nei i hala, i ke kulana o na hana i lawela-weia maloko o ka oihana hoopae limahana ina Honolulu nei, i hoikeia ae ai ka lohe i ke akoa, no ke kapaeia ana aku he elua mau lunanana mai ka laua hana aku, malalo o na kumu hoopii hoohalahala i waihoia aku imua o na luna oihana federala, me ka paaia ana hoi he elua mau Pake malalo o ka palapala hopu, no ko laua hoihoi hou ia aku no Kina. O na lunanana o. ka oihana hoopae limahana ma Honolulu nei, i kapaeia mai kela oihana aku, oia o Harry B. Brown ame J. L. Milligan. 0 na kumu hoopii hoohalahaia e ku-e ana i kela mau lunanana elua, aole ia i hoikeia ae, hookahi nae mea i hoomaopopoia, ua komo pu aku laua me kekahi poe ma Kina, ma ka hoolala ana e hookomo malu mai i na Pake iloko o Amerika, me ka ukuia aku o na dala mahuahua ma ke ano ki-pe, ma kahi o ka hapalua miliona, ahiki i ka miliona dala. O na Pake i paa i ka hopuia, no ko laua hoihoi hou ia aku no Kina, oia o Wong "Wong ame Sue Lum, ua hookuuia mai nae o "Wong Wong malalo o ekolu kaukani elala bona, ma ka Poalua iho nei, o ka Lunakanawai James L. Coke kona loio. Ma ka hoakaka a Mr. I. F. "Wlxon, ke poo o k«t oihana hoopae limahana maanei i keia manawa, o ke ano o ka hookomo ana mai i na Pake no Hawaii nei, a hala loa ahu i Amerika, aole ia ma ke ano pae malu, aka malalo o ka mana o na palapala hookupa makaainana Amerika. Eia ka he puulu o keia poe hookomo mai i na Pake ma ke ano kolohe ma Honolulu nei, a he mau akena ko lakou ma Kina, a no kela ame keia Pake e hookomoia mai ana i Hawaii nei, ma kahi o ka hookahi kaukani ekolu haneri me kanalima dala e ukuia ai i keia

puulu kolohe. Me na pepa hooknpa makaainana, i hoopukaia aku no na Pake i hanauia ma Hawaii nei, a i haawiia aku i na Pake ma Kina, i hookomoia mai ai lakou ma Honolulu nei me ka maalahi loa, a mai keia kulanakauhale aku, e holo ai no Amerika me ka loaa ole o na manao hoohuoi i na luna oihana o na keena hoopae limahana ma Amerika, no kela poe Pake. Ma ka huli pono ia ana o na moolelo o ka oihana hoopae limahana maanei nei, i loaa ae ai ka ike, ma kahi o ka iwakalua-kumamalua mau Pake o Kina i hookomoia mai, malalo o ka mana o na palapala hookupa makaainana, o na Pake i hanauia maanei, a i huli hoi aku no Kina. Ma kekahi mau liana kolohe i ikeia ae ai, ua hooliloia ka palapnla no ka hanau ana o kekahi Pake maanei nei, i alahele maalahi e hookomoia mai ai na Pake he nui mai Kina mai. He niau la ae nei i hala, ua hui aku la o Mr. Wixon me ka Makaikiu Kellett, no ke kokua ana mai iaia, ma ka hopu ana i na Pakē elua, i manaoia eia no ma, keia kulanakauhales he oiaio, ma ka manawa a ka Makaikiu Apana i hookolo aku ai mahope o ko laua meheu, ua paa i'o na mau Pake nei i ka hopuia, a mamuli o ka bona ana o kekahi, i hookuuia mai ai, e noho mawaho nei, a hookahi i kaa aku malalo o ka malu o na luna oihana federala, ahiki i ka hooloheia ana o ko laua hihia. «' Mamuli nae o ka hua'iia ana ae 0 keia hana kolohe, i laMrclaweia e na luna oihana kahiko o ka na hoopae limahana maanei nei; 1 ala ae ai na manao hoohuoif aole no ka makemake ole o ka Lunanana Halsey, no kona hoihoiia aku he wahi okoa, ke kumu o kona lawe okoa ana ae i kona ola iho, he mau pule aku nei i hala, aka no ka hopohopo o loaa pono aku ke kolohe i hanaia.