Ka Nupepa Kuokoa, Volume LXIII, Number 17, 24 April 1924 — NALOWALE ELUA KEPANI OHUA MA HONOLULU NEI [ARTICLE]

NALOWALE ELUA KEPANI OHUA MA HONOLULU NEI

Oiai ka mokuahi Ginyo Maru ma Honolulu nei, ma ka la 10 o keia maliina, i nalowale honua ai he elua mau Kepani ohua, me ka maopopo ole, he hookahi o kela mau Kepani he ohua oia no ka papa ekahi, a o kona kokoolua, he ohua no ka papa elua. Aole i ikeia ka nalowale ana o kela mau Kepani.mai ka papainoa aku o na ohua, ma ka manawa i haalele iho ai ka mokuahi ia Honolulu nei, aka i ka hoea ana no Hilo, i kakau mai ai ke kapena o kela niokuahi, he leka i ka Lunanana A. E. Burnett, o ka oiliana hoopae limahana maanei nei, e pili ana no kela mau ohua, a lee hookolo mai nei na luna oihana federala, mahope o ko laua meheu, me ke kokua pu ana mai o ke Kanikela Kepani maanei nei. 0 keia ka manawa mua loa, i ikeia hi ka nalowale ana o na Kepani ohua ina keia ano. Ma ka manao nae o ke kapena o kela mokuahi, hookahi kumu o ka nalowale ana o ke Kepani ohua o ka papa ekahi, o ia no kona haule ana i ka moku, ma ka manawa i liaalele iho ai ka mokuahi ma kona alahele no Hilo, wahi ana, me he mea la, ma Honolulu nei no kela Kepani kahi i nanea ai me kona mau lioaloha. He mea maa.i na ohua o ka papa ekahi, ka lele ana iuka o ka aina, ma ka manawa e ku mai ai ha mokuahi no Honolulu nei, aka no na ohua oneki, aole o lakou aeia e lele iuka o ka aina, a ua lilō ka nalowale ana o ke Kepani ohua o ka papa elua, i mea hoopohihihi i ka noonoo o ke kapfcna o kela mokuahi. -