Ka Nupepa Kuokoa, Volume LXIII, Number 17, 24 April 1924 — HAINA NANE. [ARTICLE]

HAINA NANE.

Solomon H.nioliano; oe: —E oluolu mai hoi oe i kauwahi rumi o ka Nupepa Kuokoa, no ka'u haina o ka inoa o ka manu a ke keiki hanai manu eepa, a eia iho ka inoa o u amanu nei ana la, o "Hawaii." He mauu ola no mamua; he panoo kona, (moi); he apaliu (aupuni), he mau wawne (na makaainana); a pehea ua manu nfi ana la i keia la, ua poepoe paha? Ae, aole moi, aohe aupuni, aole na makaainana. 0 lakou nei no ekolu na ekekeu o ua manu nei ana, "Hawaii." 1 keia la, he moi Amenka ka olelo ana (Peresidena). He aupuni Amerika a he mau makaainana Amerika, a he olelo Amerika. I ka wa mamua o ko manu, "Hawaii" e ola ana, eia ka puana: Moi Hawaii, Aupuni Hawaii, Makaainana Hawaii, Olelo Hawaii. Ka umiumi i puka mai noloko mai 0 na ekekeu eleolu, i loaa ai ke ola 1 ka manu ana, o ia no ka olelo Hawaii. E kamailio ana ka moi i ka olelo Hawaii. He aupuni olelo Hawaii, a he mau makaainana e olelo ana i ka olelo Hawaii, a ke nele'ka loheia a oleloia o ka olelo Hawaii, maluna o kou mau kaiaulu, he mea maopopo, ua nalohia oe e Hawaii, aka, aole pela! O keia wale no kahi mea hookahi o ko manu i ola ai o ka olelo Hawaii. E kala mai, ua nui loa paha keia, eia nae, ua hakihaki aku la paha na ekekeu o ka manu au, i ke keiki heenalu o Wawaekahi, i ka pehiia. Me ke aloha a nui i ka Lunahooponopono, na lioapaahana ou, na hoa huli nane no hoi, eliko me Ihonalimaokapalani, a nui wale aku no hoi o lakou ame na hoa heluhelu o ka Nupepa Kuokoa. Owau iho no me ka haahaa, POHAKUOPELE, S. Kona, Hawaii. Aole i hakihaki mai la na eheu o ka manu a olua, he hoomane'one'o liilii wale mai la no kau hana, hana hou ia mai a kanono!—L. H.