Ka Nupepa Kuokoa, Volume LXIII, Number 17, 24 April 1924 — HAINA NANE. [ARTICLE]

HAINA NANE.

Mr. Solomon Hanohano; Aloha oe:—E oluolu mai oe, no'u kekahi rumi kaawale o ke kilohaua a ka lahui no ka'u haina, no ka nane a J. K. Kahuku, o olelo ana penei: He manu kana, ekolu ona ekekeu, umiumi kona, mai kona mau ekekeu mai, a mailaila niai kona ola; aole ka ona poo, aohe ona apahnu a aolo no kona mau wawae, a owai la ka inoa o ka manu? Haina. He Moa. Wehewehe ana. Uala huamoa. O ka lau o ka uala, 0 ia no ka ekekou, a i ola no kona ekekeu i ka uwiumi, o ia ke aa o ka uala. Mai keia aa mai « loaa ipai ai ka uala, a i kapaia he uala huamoa. Ua loaa pono aku la paha ua keiki nei o ka aina lewa o Kahuh? 1 ka'u pahuna ihe; ko ike nei au i ke kapalulu o na ekekeu o ua manu la. Me ka Lunahooponopono ame na keiki kikokikohua o kou keena ko'u aloha. Kou oiaio, MAKAIKIU O KA EHUKAI 0 PUAHI, Kalaupapa, Molokai. Aole no i lihi launa mai la kau pahuna ihe i ka piko kahi momona, eia nae, makili iki mai la ka malamalama ia oe, malia i ka pahuna ihe elua, e hamama ai ka Tvaha o ka manu kupua a olua. Huli hou it mai.—'-L. H.