Ka Nupepa Kuokoa, Volume LXIII, Number 17, 24 April 1924 — LOAA HE MOKUAHI LAWE OHUA HOU [ARTICLE]

LOAA HE MOKUAHI LAWE OHUA HOU

No ke pani ana aku ma kahi o ka mokuahi Bee, i holoai'a i lea hohonu o ka moana, he mau pule ae nei i hala, mamuli o ka hooku'i ana me na puko'a ma na kapakai 0 Maui, ua hoolimalima ae nei ka hui Hawaiian Meat Company, i ka mokuahi Dickson, o ka hui kelekalapa, no ka halihali ana i na ukana ame na ohua, no na awa o Mahukona, Kawaihae, Kailua ame Napoopoo, ahiki i ka manawa e loaa ai he mokuahi ponoi no kela hui. Ma ko kakahiaka o ka Poalima aku nei i hala, -i holopono ai na kukakuka ame na hooponopono ana, mawaena o na lunanui o ka hui kuai pipi, ame na lunanui o ka hui kelekalapa, no ke kaa aku o kela mokuahi, malalo o ka hoohana ana a ka hui kuai pipi, ahiki i ka loaa ana • ka mokuahi hou no kela hui. Ma ka hoakaka a Mr. 6. J. Waller, Sr., ka lunanui o ka hui kuai pipi, aole he manao ma ka aoao o ka hui e kuai mai i ke Diclcenson, a lilo maoli i mokuahi ponoi no ka hui, hookahi wale no- kumu nui i makemakeia ai kela moku, o ia no kona kulana maikai, no ka halihali ohua ana, pela hoi ka n.ui o kona mau lua ukana, no na ukana e | hoahuia ai. 1 Ma ka Poaono iho nei i wehe ae ai ka hui kuai pipi i keena kuai j tikiki ma ka uwapo Helu 6, malalo 0 ka hoohana ana a James L„ Friel, 1 noho hana mua me ka hui mokuI ahi holo pili aina. No kana kelepa mua loa malalo 0 ka hui kuai pipi, i haalele iho ai kela mokuahi ia Honolulu nei, ma ka hora elima o ka Poakahi aku la i hala, a ku hou mai ma Honolulu nei, ma ka hora elima o ke kakahiaka o keia Poalima. He hookahi no manawa e holo ai keia mokuahi o ka pule, ma ke ahiahi o na Poakahi apau, me ke kipa ana ma na awa o Mahukona, Kawaihae, Kailua ame Napoopoo, a ku hou mai no Honolulu nei, ma ke kakahiaka o na Poalima apau. Oiai keia mokualii malalo o ka hoolimalima i ka hui kuai pipi, aia no na akena o ka hui, ke nana mai la i mokuahi oi ae o ke kupono, ma Amerika, me ka manao o na ona o kela hui, e loaa ana no kekafti mokuahi, i hiki ke hoohanaia no ka halihali ana i na ohua, pela pu hoi me na ukana. No na ohua o na awa o Hawaii, a keia mokuahi e kipa aku ai, e hooi loa ia ae ana ko lakou maalahi 1 keia manawa, aole hoi he kauka'i ana, a na mokuahi maamau i ke kipa ana aku ma kela mau awa, aka e loaa mau ana ia. lakou na mokuahi i kela ame keia pule.