Ka Nupepa Kuokoa, Volume LXIII, Number 17, 24 April 1924 — Malamaia he Anaina Halpule ma Puowaina Huliamahi ko ke Kulanakauhale Nei Poe Noluna o Puowaina ma ke Kakahiaka Sabati i Hala no ke Anaina Hoomana [ARTICLE]

Malamaia he Anaina Halpule ma Puowaina

Huliamahi ko ke Kulanakauhale Nei Poe Noluna o Puowaina ma ke Kakahiaka Sabati i Hala no ke Anaina Hoomana

Elike me ka maa ma na makahiki aku nei i hala, pela i akoakoa aku ai he mau haneri o ko ke kulanakauha'le nei poe, noluna o Puowaina, ma ke kakahiaka o ke Sabati nei, no ka malama ana i anaina haipule, no ka hoomanao ana, i ke ala hou ana o ke Keiki a ke Akua mai ka make mai. Maluna o ka piko o Puowaina, i kukuluia ai he ke'a nui, a malalo iho o kela ke'a na haneri o ka poe i akoakoa aku, mai ka poe oo ahiki i ka poe opiopio, o na lahui like oJe, a komo like iloko o na manao lokahi, ma ka hoole'a ana i ke Akua me na leo himeni o ka hoonani, no kela la ano nui, i hooliloia ai ka mana o ka make i mea ole e ke Eleiki a ke Akua. Aole he la kupono e ae no kela anaina haipule hoomanao, elik« me ke kakahiaka o kela Sabati, no ka mea ma ia la hookahi no, Aperila 20, 1820, i'kipa mai ai na misionari mua loa ma na kapakai o Hawaii nei, no ka hoike ana i ka euanelio o ke ola.

Me kela ke'a e kau keha ana iluna o ka piko o Puowaina, i momoku aku ai ka lehulehu no kela wahi, 0 ia no oe o ka puulu kanaka nui, e ukali ana ia lesu noluna o ka mauna, a malaila i hoole'a like aku ni ka lehulehu, me na leo •himeni hoonani, ame na leo pule imua o ke Akua kiekie loa, Maluna o kekahi mau pohaku, i kipapaia, na pohaku e lilo aku ai 1 kuahu no na'hana hoomana ma keia mua aku, maluna o kela wahi, i mele mai ai ka poe himeni, ame ka poe haiolelo ma ia kakahiaka, iloko 0 na haawina ilihia o ke anoano ame ke kapukapu, no kekahi anaina, 1 ike mau ole ia iloko o ka hoomana Akua ana i keia mau la e nee nei. I ka akoakoa ana. o na mea apau noluna o Puowaina, a i ka hoea ana ae hoi i ka manawa e malamaia ai kela anaina haipule kakahiaka, ia wa i paani mai ai ka Bana Hawaii i kekahi mele, i kupono no kela anaina, me ke komo pu ana o na mea

apau ma ka himeni ana. E ukali aku ana i kela himeni, i mele mai ai o Mr. Joseph M. Kamakau ame Mrs. Lizzic Alohikea, me ke ku i ka nani; alaila heluhelu mai la o C. W. Bournc o ka Puali Hoola i kekahi mau pauku o ka Baibala, a i ka Lukanela Stromme 0 ka oihana koa o Amerika ka pule wehe. Mahope o ka pau ana <• kana pule, i mele mai ai na keiki kula 1 kekahi liimeni malalo o ke alakai ana a Miss Lydia Kawainui, a hoomaka mai la ka Rev. Augustine Joncs o ka Ekaleaia Uniona o Makawao e haiolelo, i kekahi haiolelo, i pili loa no na hana o kela kakahiaka. 0 kana poolelo o ka haiolelo ana mai, "Ka Mana o ke Ola Mau," a i ka Rev. Galen R. Weaver ka pule hookuu.