Ka Nupepa Kuokoa, Volume LXIII, Number 19, 8 May 1924 — UWOKI KA PAANI ANA I KA POLITIKA! [ARTICLE]

UWOKI KA PAANI ANA I KA POLITIKA!

He eha mahina okoa i hala aku la o keia makahiki, i hoohoohanaia ai ka paani po!itika iloko o na hana a ka papa lunakiai o ke kulanakauhale a kalana o Honolulu nei. Aole a kakou hoohewahewa ana. no ke kaa i ka meia Demokarata ame na, hoa o ka papa lunakiai kahiko, ka paani mua ana i ka politika, ma ka hookohuia ana ame ke aponoia ana o Lou.is S. Cain i enekinia kalana, a o Lewis T. Ab?hire i lunanana kukulu hale; iloko o na minuke hope 0 ka noho mana ana o ka papa lunakiai kahiko. Ua panai pu aku na hoa Repubalika o ka papā lunakiai 1 kela paani poiitika ma na manawa i noho ae ai ka papa hou. ma ke ku-e ana aku i na hookohu i hanaia no kela mau kanaka elua, a no na mahina eha, i ku ai kela ame keia aoao iho maluna .o ka politika. ahiki wale no i ka hoopuka ana mai o ka aha kiekie i kana olelo hooholo, ma ka pule aku la i hala. e apono ana, no ke ku i ka mana, a malalo o ke kanawai, na hookohu oihana o kela mau kanaka. Ma ka mea pololei maoli, i ka hoopuka ana mai o ka aha kiekie, ua mana ka hookohuia ana o Louis S. Cain i enekinia kalana, a o Lewis T. Asbhire i lunanana kukulu hale, mala* ila iho la la pau ka paaniia ana o ka politika a e lokahi na aoao a elua ma ka hoonee ana aku i na hana o ke aupuni kulanakauhale imua, ma na alahele o ka liolomua. Ma ke koho ana nae a na hoa Repubalika o ka papa, i ka olelo. hooholo ma ka pule aku nei i hala, e hookaawale ana i hookahi dala no ka makahiki, ma ke ano o ka ukuhana ia uo kela mau kanaka pakahi; ua hoike okoa mai kela mau hoa o ka papa, i ko lakou a'e ana aku mawaho o na kaha o ka lakou mau hana i kohoia aku ai e na mana koho baloka, o ia ko lakou hoohana ana aku i ko lakou mau manao pilikino, e hiki ole ai i kekahi makaainana noonoo maikai, me ka nana ole i kona aoao kalaiaina, ke haawi aku i na mahalo ana. He keu no hoi, ua hoea mai la kakou apau i ka hoopauia ana o na pohihihi, ma ka ninau pili i ka hookohuia ana o kela mau kanaka elua; ma o ka olelo hooholo la a ka aha kiekie, heaha hou aku ke ano o keia hana, e 'hoemi loa ai i ka ukuhsna o kela mau kanaka i hookahi dala pakahi 110 ka makahiki holookoa? No ka hooko ana anei ia i kekahi manao pilikino mawaena o lakou iho no kela mau kanaka elua? Uwoki ka paani ana i ka politika! Ina aia i'o iloko o kela mau hoa o ka papa lunakiai na manao ku-e ia Louis S. Cain ame Lewis T. Abshire, no ko laua kupono ole. a no na hemahema paha i lawelaweia e laua, maloko o ko laua mau keena oihana pakahi, o ka hana pono a lakou e lawelawe ai, r ia ka waiho ana ae ia mau mea imua o ke akea, a ina e hiki ana ke hooiaioia ka pololei o kela mau kumu, alaila e hoopauia aku kela mau kanaka e pono ai, a e hoopihaia ae ko laua mau makalua, e na kanaka hou, a ka meia e hookohu mai ai: aole o ka hooholo i kekahi ukuhana a lakou no i ike ai. ua ku-e loa ia i ko lakou mau lunaikehala pakahi. Ua lawa loa ko ka lehulehu o na mana koho baloka nana ana aku iloko o keia mau mahina eha, i ka paaniia o ka pojitika ma na hana o ka papa lunakiai, a i keia manawa, ke īini nei lakou, e ike maoli aku i ka lokahi like o na lqnakiai apau me ka meia, e hooikaika ana no ka holomua o ke auI'uni kulanakauhale, a e lawelawe ana hoi i na hana apau a ka lehulehu i ake aku ai ia lakou e hooko me ka pololei.