Ka Nupepa Kuokoa, Volume LXIII, Number 19, 8 May 1924 — Nuhou Kuloko [ARTICLE]

Nuhou Kuloko

Ma ka hapalua o ka hora ekahi o ka auwina la o keia Poaono, Mei 10, 1924, e haawi ae ana o Mr. ame Mrs. Alcx. K. Kahalepuna lie paina luau piha makahiki no ka laua kaikamahine Mary Keonaona, ma ka Helu 2310, Alamii Puna, Pauoa. Ua mākemakeia ka poe apau i kuleana i ka Pa Ilina o Puuomao, ma Moanalua e hoea ae ma ka halawai e malamaia ana ma ka hora elua o ka auwina la o keia Sabati iho, Mei 31, 1924, maloko o ka halekula aupuni o Moanalua, no ka noonoo ana i kekahi mau kumuhana ano nui. He nane hou mai la no ka ke keiki o Kahuku i hoouna mai ai i keia keena, he manu nui nepuuepu momona, aia nae a puehu mua ka hulu 0 na eheu o kahi manu, koloho ana, alaila hookuuia aku keia manu hou, no ke kapili aiia mai a na loea huli nane i ko kepau ulu pili a ka mauu. Ua hoohapaia mai na nioolelo ma keia puka ana o ke Kuokoa, i loaa ai he mau -wahi kaawale no na palapala nme na manao i kakauia mai e na makainaka, e kakali mai nei me ka piha nauki. No ka hopohopo o na Kopani opiopio o Kapalakiko no kp hiki ia lakou ke lawe mai i na wahine' mai lapana mai ma keia mua aku, ke lilo mai i kanawai lea bila, e papa ana i ka l\ookomo ana mai i na Kepani i Amerika, he heluna nui o lakou i holo okoa aku nei i lapana e mare ai i mau wahine na lakou, no ka hoi ana aku a noho ma Kapalakiko. Imua o lea Lunakanawai Federala Ra\vlins ma ka Poaono aku la i hala, 1 hoole ae ai o Agnes Lapaela, ke kokua lunaleka o Naalehu, Kau, Hawaii, no kona pili i ka hewa, o ia ka lawe i na elala o ka haleleka, i waihoia aku malalo o kona malu. I kulike ai me na hoike i loa'a mai i keia kulanakauhale, aole he wahi hoailona iki o ka olohani o na liinahana Pilipino ma na mahiko apau o Kauai. Aole he mau kulana ano nui i ifeia ma na mahiko i olohani ai na limahana Pilipino o Oahu nei, koe wale no ka lawelaweia ana o na hana o kela mau maliiko me ka holopono, e na Hiuahana e noho mai nei. Hoioii: : i na tikiki luan a ka Ekalfsua Huiia o Kalihi-Moanalua e kuaiia mai nei mamuli o ke ohohia 0 na hoaloha e haawi i ke kokua ia ekalesia i mea e paa koke ai ka hale o ke Akua ma ia apana. Eia ka Ahahui Kaumualii o Kauai ke liuliu a hooniffkaukau mai nei i na mea e pono ai ko lakou mau hoahanau ame na malihini e hoea aku ana i o lakou la i keia niahina ae, a wahi a Ilamuku Amerika Oscar P. Cox, ua njakaukau na mea apau, a he hookahi wale no huaelelo i ka waha o na mea apau, o ia no lea la 1 hoolalaia no ka holo makaikai aku o ko Maui ame ko Oahu nei mau Ahahui o ka Pohai o Kamehameha. He huakai makaikai i ka Mokupuni o Molokai, ka ka hui mokuahi holo pili aina i hoolala ai, no ka poe apau e makemake ana e ike i na aina hoopuiapula a na Hawaii e noho mai la. E haalele iho ana ka mokuahi i ka uwapo, ma.ka hora umi o ka po o ka Poaono, ka la 24 o keia mahina, a ku hou mai ma ka po o ka la Sabati.