Ka Nupepa Kuokoa, Volume LXIII, Number 19, 8 May 1924 — HE KANAENAE NO KUU MEA ALOHA HE KANE I HAALELE MAI IA'U. [ARTICLE+ILLUSTRATION]

HE KANAENAE NO KUU MEA ALOHA HE KANE I HAALELE MAI IA'U.

E Mr. Solomon Hanohano, Lunahooponopono o ke Kuokoa, a i loaa ia 'u ka lokomaikai ia mai e kou hanohano:—K oluolu hoi oe, e hookau akn i keia walii puolo waimaka nui maluna o na oneki o kau elele wahaole, ke Kuokoa, ke Kilohana Pookela a ka lahui Hawaii, a nana hoi ia e hoike aku i na kini makamaka o ka aina i k&ulana ka "Ua lani Haahaa," ame na hoaloha o ka Ua o Thomas Kaaihue Keakua Hoaliku, ua hunaia aku kona

kino lepo i ka lepo, a o kona uhane ua hala aku la ma ke ala hoi ole mai, a nona hoi au e kukia mau ae nei i ka po ame ke ao me ke aloha poina ole, a no ka mea, no na kau ame na hooilo he ehiku a aneane i ka ewalu makahiki ko maua pili aloha ana mo ka hooko o oleia a na ka make i hookaawale iho la. I7a hanauia oia ma Alemai, īīana, Maui, ma ka la 7 o lanuari, 1868 mailoko mai o ka puhaka o kona luaui makuahine Mrs. Miriama Kupele, o Keakua Hoaliku kona makuakane, a i kona manawa i hanauia mai ai a piha ka makahiki ua lilo aku oia i ka hanaiia e J. K. Nakila, i kona manawa e noho ana ho lunakanawai no ka apana o Hnna, a ma ka la 1 o Aperila o ka 1924, i haalele mai la i keia ola ana, a maloko o ka pa ilina o Kawaiahao i hoomoeia aku ai kona kino lepo no na kau 1 a kau, a o ka uhane ua hoi aku i ka Moa i kuleana i kona uhane. Ua hoonaauaoia oia maloko. o na kula aupuni ma Kipahulu malalo o ko a'o ana a Jonathan K. Nakila ame James H. Hakuole, a malalo o Mrs. Fann,v -Strauch, a i ka manawa i holo mai ai no Honolulu nei ua komo aku i ke kula alii o Kahehuna no kekahi makahiki, a i kona haalele ana i ke kula ua lawelawe i kekahi mau hana liilii e ae mamua o kona komo ana aku he kiai no ka halepaahao kalana o Honolulu malea la 12 o Feberuari, 1912, a ma ia hana oia ahikL i ka ikaika loa ana 0 ka ma'i i kona kino a waiho aku 1 ka hana ma ka mahina o Malaki i hala, a no na makahiki ho 13 kona uoho ana e hana maloko o ka halepaahao. Ma ka mahina o Augate, o ka 1917, i hooWia ai maua ma ka berita maemae o ka mare e ka Rev. Samuel K. Kamaiopili, a mai ia manawa mai ko maua pili ana me ka loaa ole o kekahi mokuahana ia maua a moe walo aku Ja oia, a iloko o keia mau makahiki lehulehu o ko maua mareia ana aohe hua i loaa ia maua, aka nae, he mau moopuna | hanai lehulehu lea imua o ko maua ! alo, ma ko'u aoao, ina paha hoi no kn loaa o ka maua hua ina la hoi ua loaa ke panihakahaka ma kona wahi, aole nae. He kanaka makaala mau oia i ka hana, a he kanaka hoi i hoeaeha ole mai ia'u kana wahine a moe wale aku la 'oia. No kekahi mau makahiki kona loohia ana i kekahi ma'i, ua huliia ke ola imua o na kauka, a he oluolu no nae no ka manawa ka j mea i loaa iaia, eia nae, oiai ka ma'i ua paa loa iloko o kona kino, a i ka manawa i hookanaka makua loa mai ai ka iho ana a ka ma'i ua hiki ole i ka naauao o keia ao amo ka ikaika o na laau i haawiia aku iaia, ko hoopakele ae i kona ola, a o ka hopena, ua haalele mai la oia i keia ao, a i kona mau hoaloha, kona mau makamaka a ia'u hoi kona hoapili o na kau ame na hooilo i kaahope aku a e hoonaniia no ka Mea Kiekie a Mana Loa, no ka mea, nona lee kuleana hoola a nona ke kuleana lawe aku. E haawi aku ana au i ka'u mau hoomaikai piha i na kiai o ka halepaahao Kalana no ka lakou mau kokua ame ka lakou mau makana pua | haawi mai ai no ka hoohiwahiwa ana.. iho i ke kino wailua 0 kuu kane aloha, a pela hoi i na hoaloha ame na makamaka he nui 1 komo mai e kumakena pu me a'u

iloko o na hora o ka liliha a kuma-ke-na, me ka lakou mau makana puu lehulehu i haawi mai ai, a i ka'i ]>u aku hoi mo kc kino wailua o ka'u mea aloha no ka ilina o Kawaiah'ao. Na ke Akua iloko o kona lokomaikai piha e hoomama mai i na naau luuluu a e holoi ae i na waimaka o ka ehaeha mai ia kakou ae ka'u noi. Me ka mahalo a nui i ka Lunahooponopono no ka haawi ana mai i kowa o kekahi o na kolamu o ke Kuokoa no keia kanaenae. Owau no me ka naau luuluu, MRS. W. N. KAAIHUE, ame ka Ohana Ma ka auwina la o keia ]a e noho ae ai ke kiure kiekie teritore, no ka noonoo ana i kekahi mau hihia karaima ekolu e waihoia ae ana imua o kela kiure. Ma ka la 15 o keia mahina k& la hope loa e uku ae ai i na auhau loaa makahiki, kaa aku mahope o kela la, e kauia mai ana he umi pakeneka paku'i maluna o ka huina auhau.

THOMAS KAAIHUE K. HOAHIKI